Read Ȧŋlemrȧnɛ Ȧfu 1 AŋThɛsȧlonika 2 Bible Online

1 AŋThɛsȧlonika 2 - Ȧŋlemrȧnɛ Ȧfu bible

1 AŋThɛsȧlonika 2

¹kotȧy-e, naŋ awɔnt, nə tȧrȧ kəpa kȧder kȧsu do rɔnu kə yi hɛ kətiŋ;

²kɛrɛ kədarəŋ ka ma a po sɔmpar dɛ yi a sambos su ro Filipay-e, nə tȧrȧ kəpa halisa sə bȧk kəbuth ka ɔKuru kȧsu tə kətɔri nu ȧkɛra kəfinɔ ka Kuru kətɔŋ ka kəpɛnsa kəbana.

³kotȧy-e ȧŋmȧŋ a su aŋ wur hɛ rə kəyɛthȧ, thalɔm məpulkɛ, ta a pa ras məsɔth;

⁴kɛrɛ mɔ mə Kuru ɔ nənk su abɔthi lanɛ tə kətɔri ȧkɛra kəfinɔ kɔŋ, yaŋ mə sə fɔf; pə yi hɛ tə kəbɔnɛs wuni kəpet, kɛrɛ tə kəbɔnɛs Kuru ɔwe mɛm ɛmerȧ ɛ su.

⁵Naŋ nə tȧrȧ kəpa sə la hɛ ba təsəŋ təbɔthi, thalɔm ɛfɔr ɛmara; Kuru ɔ yi aŋseri a su.

⁶Saŋ sə thɛns hɛ ayiki ka afəm a kəpet, ta a pa ras kəwur do rɔnu ama afəm alɔm, hali mɔ asom ŋa Kraystȧŋ, sə ba naŋ mamari mati.

⁷Kɛrɛ sə yi athɔfəl bɛm kətɔŋ ka nu, mɔ ukomra mɔ kəlianɛ aŋwuth ŋɔŋ.

⁸Tiyȧŋ, pəkasifɛ sə bɔthər nu haŋ-e, pə bɔnɛ su finɔ tə kəsɔŋ nu, pə yi hɛ gbo ȧkɛra kəfinɔ ka Kuru-e, kɛrɛ hali ɛmerȧ ɛ su sɔ, ma pə yi ti nə po səkɛ aŋwuth a su abɔthər.

⁹Kala nu ɛmerȧ awɔnt, ka mapanth ma su məbana dɛ yi mȧyɔs ma su. Sə la piara pali, sə la sɔkɔ gbɛs kȧmȧ sə te səkɛ kothe do rɔnu, ma sə bɔ tɔri nu ȧkɛra kəfinɔ ka Kuru.

¹⁰Naŋ nə yi məseri, dɛ yi Kuru sɔ, to sə la kɔth rə məsəm, yi rə məlompi, dɛ yi rə kəte ba məthɛkɛ kətɔŋ ka naŋ aŋa lanɛ.

¹¹Ma pə yi nə tȧrȧ to sə la yɔ nu, mɔ ukas ɔwe thɔnthɔ aŋwuth ŋɔŋ tə kəmaŋ nu, yi kəbaksər nu, dɛ yi kəsɔŋ məseri.

¹²Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

¹³Ta ȧtȧy ȧte sɔ sə mɔmɔ Kuru lɔkɔ ɔ lɔkɔ, pəkasifɛ ma nə malanɛ ȧrim ra ȧkɛra ka Kuru ȧke sə tɔri nu-e, nə malanɛ hɛ ri mɔ ȧrim ra wuni kəpet-e, kɛrɛ mɔ mə rə yi yathi ȧrim ra Kuru tə tɛntɛnɛ, ara mə yɔ məpanth ka ɛmerȧ ɛ nu aŋa po lanɛ.

¹⁴kotȧy-e awɔnt, nə tansanɛ ɛchɔch ya Kuru aŋa yi ka Krayst Yisɔs ro Yuda; pəkasifɛ nə po sɔmpanɛ ka mȧta ma aŋfəm a nu, mɔlɔ min mɔ ŋaŋ aŋa po sɔmpanɛ ka aŋYuda;

¹⁵aŋa po dif ɔMarki Yisɔs yi Aŋnȧbi sɔ, kaŋ kȧl bȧl su. Aŋ bɔnɛs hɛ Kuru, dɛ yi aŋ ŋamnɛ afəm a kəpet.

¹⁶Aŋ yema bɛnt su kəfɔfanɛ təbona təlɔm kȧmȧ aŋ gbəli kisi. Yaŋ aŋ lasər maləs maŋ; kɛrɛ rabaŋ ra Kuru rə fumpər ŋa selbentheŋ.

¹⁷Kɛrɛ saŋ, awɔnt, ma sə po bɔlȧnɛ nu ka madɛr, ta alɔkɔ agbut, (pə yi hɛ ka ȧmerȧ), sə bȧsər thɔŋ mɛm ɔthasər tə kəre nəŋka nu rəfɔr rə məfela məbana.

¹⁸kotȧy-e sə yema naŋ der do rɔnu, yao, minɛ Pɔl, i fela tə kəkal yɔ ti sɔ; kɛrɛ Sethani ɔ bɛnt su.

¹⁹kotȧy-e ko yi kagbak kȧsu ȧmerȧ thalɔm mȧbɔnɛ-e, thalɔm ko yi ȧŋniyɔ ŋa kagbək kȧsu ɛyonka-e? Naŋ thahɔ-i, rodi ka ɔMarki Yisɔs Krayst ka kȧder kɔŋ-i?

²⁰Ȧtesoma-e naŋ nə yi aŋyiki yi mabɔnɛ ma su.