Read Ȧŋlemrȧnɛ Ȧfu 1 AŋThɛsȧlonika 3 Bible Online

1 AŋThɛsȧlonika 3 - Ȧŋlemrȧnɛ Ȧfu bible

1 AŋThɛsȧlonika 3

¹Tiyȧŋ, ma sə te sɔ gbəli muyu-e, sə nəŋ ŋi ɔfinɔ bepi minɛ son i tiyȧ ro Athɛns;

²kȧmȧ i som Timɔthi, ɔwɔnt su yi usom ka Kuru ka mapanth ma ȧkɛra kəfinɔ ka Kraystȧŋ; tə kəbaksər nu, yi tə kəbɛfəth nu salata kȧlanɛ ka nu.

³Kama wuni o wuni ɔ te bora borȧnɛ asabu ŋa ɛmɛm ɛye; pəkasifɛ naŋ gbeŋ nə tȧrȧ kəpa a thith su ta mȧtȧy mati.

⁴Ɔwa tə tɛntɛnɛ ma sə yi dɛ yi naŋ sə yeŋka tɔri nu kəpa sə tə bəp ɛsɔmpanɛ. Ɔwa, ya mə pə yɔnɛ, mɔ mə nə tȧrȧ thɔŋ.

⁵Te ba ti sɔ-e, ma i te sɔ gbəli muyu-e, i som kȧmȧ i gbəli tȧrȧ ta kȧlanɛ ka nu, ta thani rə roŋ o roŋ ɔgbɔns ɔ gbɔns nu haŋ pə yi mapanth ma su mə tiyȧ fu.

⁶Kɛrɛ ka-ake ma Timɔthi ɔ po kȧl der do rɔsu-e, ɔ kȧrȧ su akanɛ afinɔ salata kȧlanɛ dɛ yi mabɔthər ma nu, dɛ yi kəpa nə nanɛ su finɔ lɔkɔ o lɔkɔ, rə kəfela tə kənəŋk su, mɔ mə saŋ sə fela tə kənəŋk nu.

⁷Ta ȧŋsabu ŋati awɔnt, ka amɔnɛ dɛ yi ȧŋsɔmpanɛŋ a su bɛ-e, sə po sɔthɔ kəbɛfəth kətȧŋȧnɛ ka kȧlanɛ ka nu.

⁸kotȧy-e ka-ake sə ba ŋesəm bepi naŋ nə təmȧ kəŋkəŋ ka ɔMarki.

⁹Pəkasifɛ, ko mɔmɔ sə gbəli sɔŋ Kuru sɔ ta ȧtȧ nu salata mabɔnɛ bɛ ama yɔ su sə yanthənɛ ta ȧtȧ nu rodi ka ɔKuru ka su-e?

¹⁰Ma pə yi-e i ramnɛ sɔbɛ gbɛs pali-əŋ kȧmȧ sə gbəli nənk aser ta nu, kȧmȧ sə gbəli gbenthis ara nə te ba ka kȧlanɛ ka nu.

¹¹Ɔwa, kaŋka Kuru ɔKas kȧsu kɔn kɔnɔnɛ, yi ɔMarki kȧsu Yisɔs Kraystȧŋ, ɔ kɔthanɛ su do rɔnu.

¹²Kaŋka ɔMarki ɔ yɔ mabɔthər ma nu mə bȧrnɛ dɛ yi mə thɛrmɛ ɔkin ka ulɔm, kəkɔ ka afəm bɛ, hali mɔ mə saŋ sə bɔthər nu.

¹³Kama ɔ bȧksər ɛmerȧ ɛ nu kəte ba məthɛkɛ ka rȧsəm rodi ka Kuru ɔKas kȧsu, ka kȧder ka ɔMarki kȧsu Yisɔs Krayst dɛ yi aŋfəm ŋɔŋ asəm bɛ.