Read Ȧŋlemrȧnɛ Ȧfu 2 AŋThɛsȧlonika 1 Bible Online

2 AŋThɛsȧlonika 1 - Ȧŋlemrȧnɛ Ȧfu bible

2 AŋThɛsȧlonika 1

¹Pɔl, Silfenɔs dɛ yi Timɔthi, ka aŋchɔch ro Thɛsalonika aŋa yi ka Kuru ɔKas kȧsu ɔMarki Yisɔs Kraystȧŋ.

²Ta aboŋa aŋ yi dɛ yi nu, yi məthɔfəl kəwur ka Kuru ɔKas kȧsu yi ɔMarki Yisɔs Kraystȧŋ.

³Sə yi tə kəmɔmɔ Kuru lɔkɔ o lɔkɔ ta ȧtȧ nu awɔnt, pəkasifɛ kȧlanɛ ka nu kə bȧrnɛ gbo ɔthasər, ɔwa mabɔthər ama nə ba ɔkin ta ulɔm bɛ mə yi məbana;

⁴haŋ saŋ gbeŋ sə kori kori nu kətɔŋ ka ɛchɔch bɛ asabu ŋa kamuyu yi kȧlanɛ ka nu ka ɛsɔmpanɛ yi ɛthɔrɔnɛ bɛ ɛyɛ nə muyusnɛ.

⁵Amisali ŋaŋ tə kətɔri mathoŋkas məlompi ma Kuru, kȧmȧ nə gbəli yi abeki salata rȧbȧy ra Kuru, ta ara nə sɔmpanɛ sɔ.

⁶Kȧbi Kuru ɔ nənk ti ɔlompi tə kəsɔŋ asɔmpanɛ ka ŋaŋ aŋa sɔmpar nu-e.

⁷Ɔwa sɔ-e, naŋ aŋa ba thɔŋ asɔmpanɛ-e, ɔ sɔŋ nu kəfothanɛ dɛ yi saŋ, ma ɔMarki Yisɔs ɔ ŋaibinɛ kəwur ro riyana yi aŋmȧleka ŋa aŋfɔsɔ ŋɔŋ,

⁸rə nȧnt nəmara, tə kəsɔŋ kəkalɔ ka ŋaŋ aŋa pɛnsa Kuru, dɛ yi aŋa te wop ȧkɛra kəfinɔ ka ɔMarki kȧsu Yisɔs Kraystȧŋ.

⁹Ɔwa aŋ tə sɔthɔ kəthalər, hali kədinɛ kəwur ka kȧbəprȧnɛ ka Kuru, dɛ yi ka aŋyiki ŋa aŋfɔsɔ ŋɔŋ.

¹⁰Ka ȧŋlɔkɔ ma ɔ der tə kəsɔthɔ ayiki ka aŋsəm ŋɔŋ, yi kȧmȧ ŋa bɛ aŋa lanɛ aŋ kabanɛ ta atɔŋ-e, ka ȧŋrey ŋati, (pəkasifɛ nə po malanɛ maseri ma su do rɔnu).

¹¹Tiyȧŋ saŋ sɔ sə ramnɛ ta ȧtȧ nu katkat, kȧmȧ ɔKuru kȧsu ɔ gbəli nənk nu kəyi abeki ta katela ka nu, ɔwa kȧmȧ ɔ kȧl gbenthis rə afɔsɔ məfela o məfela məfinɔ, dɛ yi məpanth o məpanth ma kəlanɛ,

¹²kȧmȧ ȧŋes ŋa ɔMarki kȧsu Yisɔs Krayst aŋ sɔthɔ yiki do rɔnu, yi naŋ sɔ do rɔŋɔŋ, kətȧŋȧnɛ ka ȧŋboŋa ŋa ɔKuru kȧsu yi ɔMarki Yisɔs Kraystȧŋ.