Read Ȧŋlemrȧnɛ Ȧfu 2 Timɔthi 1 Bible Online

2 Timɔthi 1 - Ȧŋlemrȧnɛ Ȧfu bible

2 Timɔthi 1

¹Pɔl usom ka Yisɔs Krayst asabu ŋa mȧselɔ ma Kuru salata aŋlahiri ŋa aŋesəm aŋa yi ka Krayst Yisɔs.

²Ka Timɔthi, ɔwan kȧmi ubɔthər; aboŋa yi ȧney, yi məthɔfəl ɛ yi ro rɔmu kəwur ka Kuru ɔKas yi Yisɔs Krayst ɔMarki.

³I mɔmɔ Kuru ɔwe mɛ bȧtho rɛ ȧmerȧ agbəraŋ, mɔ aŋbemba a mi aŋ po yɔ, ɔwa gbɛs pali-əŋ i nanɛ mu ka taramnɛ ta mi.

⁴I fela tə kənəŋk mu, ma i nanɛ ȧmȧntər a mu, kȧmȧ mabɔnɛ ma mi mə la.

⁵Ma i nanɛ ka kȧlanɛ təteŋ ȧke yi ro rɔmu-e, ȧke mɔtha yi ka ɔkȧrȧbom ka mu Lois, yi ȧke ɔya kȧmu Yunis ɔ ba, ka i lanɛ kəpa munɔ mə ba ki sɔ.

⁶Te ba ti i ti yɔ mu mə kȧl nanɛ tə kəgboŋkthis ȧŋboya ŋa Kuru aŋa mə ba-e, aŋa mə sɔthɔ ma i reŋ mu mȧta ma mi.

⁷Ȧtesoma-e Kuru ɔ sɔŋ hɛ su ȧŋmerȧ ŋa rənes, kɛrɛ ȧŋmerȧ ŋa afɔsɔ, yi ŋa məbɔthər, yi ŋa ȧmerȧ ayenki.

⁸Tiyȧŋ te ba məlap tə kəsɔŋ məseri ta ɔMarki kȧsu, thalɔm ta ȧtȧ mi, ɔkɛndɛbira kɔŋ; kɛrɛ yi uyeranɛ ka asɔmpanɛ salata ȧkɛra kəfinɔ ka Kuru mɔlɔ ma Kuru ɔ sɔŋ mu afɔsɔ,

⁹ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

¹⁰kɛrɛ ka-ake kə poŋ ŋaibɛ ka katɔrinɛ ka ɔKisis kȧsu Yisɔs Kraystȧŋ, ɔwe po tham rȧfi, kɔ wurɔ gbafəth aŋesəm yi kȧte fi kətaŋ ka ȧkɛra kəfinɔ ka Kuru.

¹¹Ka a səki mi ugbay kawandi salata ȧkɛra kəfinɔ ka Kuru, yi usom, yi ukarmɔkɔ ka tȧbona təlɔm.

¹²Ɔwa ta ȧte sɔ i sɔmpanɛ mȧtȧy ame; kɛrɛ i lap hɛ, pəkasifɛ i tȧrȧ ɔwe i po lanɛ, ɔwa i lanɛ kəpa tɛntɛnɛ ɔ gbəli bɛnɛ ara i po maŋkər kɔ haŋ ka ȧŋrey ŋati.

¹³Wop ɔbaksər ȧŋmɔl ŋa sim təteŋ ȧtȧ mə poŋ təl kəwur ro rɔmi ka kəlanɛ yi mabɔthər ama yi ka Krayst Yisɔs.

¹⁴Bɛnɛ arəka rəfinɔ ara a maŋkər mu ka ɔYina məsəm, ɔwe yirȧ ka ɛmerȧ ɛ su.

¹⁵Ɔwa mə tȧrȧ kəpa ŋa bɛ aŋa yi ro Asia aŋ bȧr mi thɔŋ kəmuth. Ɔwa Fikɛliyɔs yi Hɛmɔyɛnis ŋa yi kətɔŋ ka ŋaŋ.

¹⁶Kaŋka ɔMarki ɔ sɔŋ ȧney ka kabɔr ka Onisifɔrɔs, pəkasifɛ ɔ bȧkəs mi mədɛr katkat, kɔ lap hɛ ta akɔrɛntha kȧmi,

¹⁷kɛrɛ ma ɔ yi ro Rom, ɔ bora tə kəthɛns haŋ ɔ nənk mi.

¹⁸Kaŋka ɔ sɔthɔ ȧney ka ɔMarki ka ȧŋrey ŋati. Ɔwa munɔ mə tȧrȧ finɔ kamar ȧke ɔ yɔna mi ro Ɛfisɔs.