Read Ȧŋlemrȧnɛ Ȧfu Faylimɔn 1 Bible Online

Faylimɔn 1 - Ȧŋlemrȧnɛ Ȧfu bible

Faylimɔn 1

¹Pɔl ukɛndɛbira salata Yisɔs Kraystȧŋ, yi Timɔthi ɔwɔnt su, ka Faylimɔn, ɔkos su ubɔthər ka mapanth,

²dɛ yi ka Afiya, ɔwɔnt bɛra, yi Arkipɔs, ɔkos su ka katim dɛ yi ka aŋfəm ŋa Kuru aŋa gbanɛ ka ȧŋseth a mu;

³ta aboŋa aŋ yi do rɔmu, yi məthɔfəl, kəwur ka Kuru ɔKas yi ɔMarki Yisɔs Krayst.

⁴I bont ȧŋes a mu lɔkɔ o lɔkɔ ka taramnɛ ta mi, rə kəsɔŋ Kuru mɔmɔ.

⁵Pəkasifɛ i təl ta mȧbɔthər yi kȧlanɛ ȧke mə ba ta ɔMarki Yisɔs dɛ yi ka aŋfəm ŋɔŋ bɛ.

⁶Kaŋka kayeranɛ ka aŋlanɛ a mu kə gbəli yɔ kȧmȧ alɔm aŋ tȧrȧ ta tȧy o tȧy ta su təfinɔ ȧtȧ yi rokor ka Yisɔs Kraystȧŋ.

⁷kotȧy-e sə ba məbɔnɛ məbana dɛ yi kəbɛfəth asabu ŋa mabɔthər ma mu, pəkasifɛ mə po bȧkəs tabuth ta aŋfəm ŋa Yisɔs, ɔwɔnt mi.

⁸Tiyȧŋ, hali ma i ba naŋ kəbak kəbuth ka Krayst kəyamari mu tə kəyɔ ȧtȧ yi təlompi-e,

⁹kɛrɛ salata mȧbɔthər-e, i tha yema nɛmthɛnɛ mu, hali minɛ Pɔlȧŋ, ɔthem ubaki, yi ukɛndɛbira ta Yisɔs Krayst sɔ;

¹⁰i nɛmthɛnɛ mu ta ɔwan kȧmi Onisimɔs ɔwe i po kom ka atɔrɛntha ta mi,

¹¹ɔwe te la munaŋfas mu-e, kɛrɛ ka-ake ɔ munaŋfas mu yi minɛŋ.

¹²I kala kɔ do rɔmu, hali pə yi mɔ i somra kabuth kȧmi gbeŋ.

¹³I fela naŋ tə kəbɛnɛ kɔ anɔ kȧmȧ ɔ yɔna mi salata mu ma i yi rə tərəŋka-e salata ȧkɛra kəfinɔ ka Kuru;

¹⁴kɛrɛ i yema hɛ yɔ koko thambe i tȧrȧ ȧŋmerȧ a mu, kȧmȧ kamar ka mu kə te yi pəkasifɛ məyɔ mə yi hɛ, kɛrɛ mə selɔ tə kəyɔ ti.

¹⁵kotȧy-e sɔthlɔm ɔ wur ro rɔmu ta alɔkɔ agbut, kȧmȧ mə gbəli kȧl malanɛ kɔ ta thȧbana;

¹⁶pə yi hɛ mɔ utar sɔ-e, kɛrɛ pəthasi utar, mɔ uwɔnt ubɔthər ta ȧtȧ mi gbeŋ, kɛrɛ pə tha gbethi ta ȧtȧ mu, uwɔnt wɔŋ ka rawuni kəpet dɛ yi ka ɔMarki.

¹⁷Tiyȧŋ bepi mə nənk mi mɔ uyeranɛ ka mu, malanɛ kɔ mɔ to maŋ malanɛ mi.

¹⁸Bepi ɔ po yɔ mu tələs-e, thalɔm ɔ ba rəbey do rɔmu-e, bot amɔlɔ mati ka ȧŋes a mi.

¹⁹Minɛ Pɔl i gbal ti yi kȧta kȧmi gbeŋ, ɔwa minɛ i ti ram ti. (I pa hɛ ta munɔ mɔ mə ba rəbei do rɔmi dɛ yi hali aŋesəm a mu gbeŋ).

²⁰Yao, ɔwɔnt yɔna mi kamar ake kȧmȧ i ba məbɔnɛ ka ɔMarki; bȧkəs kabuth kȧmi ka Kraystȧŋ.

²¹I gbalər mu pəkasifɛ i pələnɛ mu kəpa munɔ mə tə yɔ pəthasi ȧtȧ i pa.

²²Ɔwa bɛnɛnɛ mi ɔyia, pəkasifɛ salata taramnɛ ta mu i gbak ȧmerȧ tə kəder sɔ do rɔmu.

²³Ɛpafras ɔkos mi ka ȧŋseth ȧtərənkȧ salata Yisɔs Krayst, ɔ kori mu.

²⁴Ya hɔ sɔ Markɔs, Aristarkɔs, Dimas dɛ yi Lukəs, aŋkos mi ka mapanth.

²⁵Kaŋka ȧŋboŋa ŋa ɔMarki Yisɔs Krayst aŋ yi ka ȧŋmerȧ a mu. Amina.