Read Ȧŋlemrȧnɛ Ȧfu 2 Pitar 2 Bible Online

2 Pitar 2 - Ȧŋlemrȧnɛ Ȧfu bible

2 Pitar 2

¹Kɛrɛ mɔ mə anȧbi ayem aŋ la yi kətɔŋ ka aŋfəm, ya mə pə re yi sɔ-e, akarmɔkɔ ayem aŋ tə der kətɔŋ ka nu, ɔwa rə məsɔth aŋ tə tɔri nu kəthəksȧ kəyaŋfa, haŋ kəpɛnsanɛ ɔMarki ɔwe bani ŋa; ɔwa lɛmp aŋ tə karanɛ kəkasara.

²Agbathi aŋ tə tansanɛ mȧtȧy maŋ mənɔkɔ; ɔwa salata ŋaŋ a say say aroŋ da tȧteŋ.

³Ɔwa kətȧŋȧnɛ ka radir ra ŋaŋ aŋ tə pəŋis nu yi təyem salata akala: kɛrɛ kȧbi ka thəpaŋ kathoŋkas ka ŋaŋ kə linsa hɛ, mba, ȧŋranka ŋaŋ aŋ dirȧ dirȧ hɛ.

⁴kotȧy-e bepi Kuru ɔ ter hɛ aŋmȧleka maŋ po yɔ ahakɛ-e, kɛrɛ ɔ fitha ŋa ro yahanama, tə kətand ŋa ka tɔrɛntha ka asum, kȧmȧ a bɛnɛ ŋa haŋ ka ȧŋlɔkɔ ŋa karɔk ɛpa.

⁵kɔ ter hɛ ȧdȧru thəpaŋ, kɛrɛ ɔ kisis Nowa, ɔkawandi ka məlompi, yi afəm alɔm tȧmthədɛrəŋ ma ɔ kȧrȧ mȧnt məgbonthoni rokɔm ka ante lanɛ.

⁶Bepi pə re yɔnɛ ma ɔ səki tapet ta ro Sɔdɔm yi ro Kɔmɔra ros-e, ɔ dim ŋa kȧmȧ aŋ gbəli yi amɔl ta alɔm aŋa mə pənɛ Kuru sɔ mɔ ŋaŋ.

⁷Ɔwa bepi Lot ɔlompi, ma mɔ sɔmpanɛ salata mȧyɔs ma aŋfəm aləs-e, ɔ tafi kɔ;

⁸(kotȧy-e maləs maŋ mə sɔmpa ȧŋmerȧ ŋa ɔwuni lompi ɔwɔŋ, ma ɔ yirȧ kətɔŋ ka ŋaŋ, kɔ nənk maləs maŋ ȧrey o rey).

⁹Bepi ȧte bɛ tə yi-e, ɔMarki ɔ tȧrȧ tə kərɔkri aŋfəm alompi ka agbɔnsanɛ, ɔwa ɔ tȧrȧ tə kəbɛnɛ aŋfəm aləs ta ȧŋrey ŋa karɔk ɛpa tə kəthalər ŋa.

¹⁰Kɛrɛ pə tha gbethi thaŋka ŋaŋ aŋa kɔth ka mafela ma mȧdɛr yi mȧnɔkɔ mati, ɔwa aŋ farki təbȧy. Ŋa mə yi abȧki rəfɔr-e, aŋ nesa hɛ tə kəfofiya aŋyiki ŋa rȧbȧy ra Kuru.

¹¹Kɛrɛ hali aŋmȧleka aŋa ba afɔsɔ yi mətəma pəthasi ŋa, aŋ mintha hɛ nal ŋa maŋ gbanthir ŋa rodi ka ɔMarki.

¹²Kɛrɛ aŋfəm aŋe, mɔ tasɛm ro kanth, aŋa a bɛmpa tə kəgbip yi tə kədif, aŋ fɔf ɔləs ta ȧtȧ aŋ te tȧrȧ. Tə tɛntɛnɛ aŋ tə kasara ka mȧnɔkɔ ma ŋaŋ;

¹³ɔwa aŋ ba kəsɔthɔ ȧŋrȧm ŋa maləs maŋ, mɔ mə pə yi aŋ ba məbɔnɛ tə kəsap ɛhakɛ hali rəyaŋ. Ŋa yi ɛpora yi məgbipər kətɔŋ ka nu, aŋa mə wolanɛ matɔns maŋ, hali ma mə aŋ di dɛ yi naŋ ka ɛseth ɛ nu.

¹⁴Ɛfɔr yaŋ gbeŋ ɛ la kərəp, ɛyɛ te gbəli tey kəyɔ ɔləs, kaŋ pəŋis ŋaŋ aŋa ba ɛmerȧ ɛlȧfthɛ lȧfthɛ; a rusəm ɛmerȧ yaŋ ta salata ɛmilɛ. Ŋa awuth ŋa ȧranka ŋaŋ.

¹⁵Aŋ poŋ ternɛ aroŋ dəlompi, kaŋ po thayoŋ tə kətȧŋȧnɛ aroŋ da Belam ɔwan ka Bosor, ɔwe bɔthər naŋ ȧŋrȧm ŋa tələs;

¹⁶kɛrɛ a ŋal kɔ salata makənə mɔŋ, asofali akəbobo ɔ fɔf rə rim ra wuni kəpet tə kəbɛnt mabotəs məpəŋk ma ɔnȧbi.

¹⁷Aŋfəm aŋe ŋa yi tələmp təwosi gbet, ȧkuru kȧbi ȧke akənkəl kə falira; ta aŋfəm aŋe a bɛnɛ ȧŋsum abana thȧnkȧŋ thəbana.

¹⁸kotȧy-e ka kafɔf kəkolonɛ ka ŋaŋ aŋ gbɔns ka mafela ma madɛr, yi ka maləs maŋ tə kəsapəranɛ ŋaŋ aŋa yema po wur ka aŋfɔsɔ ŋa afəm ayɛthȧ.

¹⁹Hali maŋ po lahiri ŋa rəwaŋkom-e, ŋaŋ gbeŋ aŋ yi atar ŋa mənɔkɔ; kotȧy-e ɔwuni ɔ yi utar ka ȧtȧ po tham kɔ.

²⁰Ȧtesoma-e kədarəŋ ka maŋ po wur ka mȧkɔsɔ ma ȧdȧru ta salata kȧtȧrȧ ka ɔMarki ɔKisis Yisɔs Kraystȧŋ, bepi aŋ kȧl sɔ rəfthanɛ ri-e, mȧtəmȧ maŋ mələpsɔ mə tə yi mələs pəthasi mȧtɔtɔkɔ.

²¹kotȧy-e pə tə yi naŋ fisa bepi aŋ la hɛ tȧrȧ aroŋ da məlompi pəthas ma mə aŋ po tȧrȧ ri-e, a kȧl kala kamuth ka aŋyamari asəm aŋa a po sɔŋ ŋa.

²²Kɛrɛ pə yɔnɛ ŋa mɔ mə aŋlomɔ atəteŋ aŋ pa, Antən ɔ kȧl ka maŋant mɔŋ; yi kasɔp ɔwe a po bukɔ-e, ɔ kȧl bəlmanɛ ka ɛpath.