Read Ȧŋlemrȧnɛ Ȧfu Kȧŋȧibinɛ 13 Bible Online

Kȧŋȧibinɛ 13 - Ȧŋlemrȧnɛ Ȧfu bible

Kȧŋȧibinɛ 13

¹Ka i təmȧ ka kasənt ka ro bȧŋ dayɛr, ka i nənk usɛm utuy tȧy, ɔ wur ka kȧbȧŋ, ɔ ba təbomp tȧmthədɛrəŋ yi ɛlɛn tɔfɔt, ka ɛniyɔ tɔfɔt ɛ yi ka ɛlɛn yɔŋ, ɔwa ka tabomp tɔŋ a gbal mes ma kəfofiya Kuru.

²Ɔsɛm ɔwe i nənk ɔ yi mɔ usip, ka tatək tɔŋ tə yi mɔ tatək ta kəthɔlu, ɔwa kȧsəŋ kɔŋ kə yi mɔ kȧsəŋ ka ȧsɔyila; ka ȧŋninkinanka ɔ sɔŋ kɔ aŋfɔsɔ ŋɔŋ gbeŋ, yi kawaŋ kɔŋ, dɛ yi kagbəka kɔŋ kəbana.

³Ka i nənk pə yi mɔ-e rəbomp din kəba kəbur ro a bun dif kɔ, kɛrɛ kasam kati kə la po yeŋk; ka ȧdȧru sɛŋk rə tȧŋ kɔ rə kəkabanɛ.

⁴Ɔwa aŋ bȧtho ȧŋninkinanka pəkasifɛ ɔ sɔŋ aŋfɔsɔ ŋɔŋ ka ɔsɛm; kaŋ bȧtho ɔsɛm sɔ, kaŋ pa, Kanɛ yi mɔ ɔsɛm utuy tȧy ɔwe-e? Ɔwa kanɛ gbəli tim kɔ-e?

⁵Ka a sɔŋ kɔ kəsəŋ tə kəfɔf sim təbana yi sim tələs kəŋamnɛ Kurɔŋ; ka a kȧl sɔŋ afɔsɔ tə kəyɔ ȧtȧ ɔ yema ta yof təgba tərəŋ yɛrəŋ.

⁶Ɔwa ɔ kanthi kȧsəŋ kɔŋ kəŋamnɛ Kuru Məsaba, tə kəfarki ȧŋes ŋɔŋ, dɛ yi ɔyirȧ wɔŋ ɔsəm, dɛ yi ŋaŋ sɔ aŋa yirȧ ro riyana.

⁷Ka a sɔŋ kɔ afɔsɔ tə kətim aŋfəm ŋa Yisɔs-e, yi tə kətham ŋa; ka a sɔŋ kɔ kəgbəka rokɔm ka afəm bɛ, yi tənt bɛ, dɛ yi təbona bɛ.

⁸Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

⁹Ɔwe ba ɛləns ta ɔ təl.

¹⁰Ɔwe yema wɔŋȧ wuni rə kɛndɛbira-e, kɔnɔ ɔ tə wɔŋ rə kɛndɛbira. Ɔwe yema dif rə aŋgbathɔ-e, a tə dif kɔ rɛ aŋgbathɔ. Ȧŋlɔkɔ ŋi aŋe ta aŋfəm ŋa Yisɔs tə kətɔri kamuyu yi kȧlanɛ ka ŋaŋ.

¹¹Ka i nənk usɛm ulɔm ɔ wur ka ȧŋthɔf; ɔ ba ɛlɛn yɛrəŋ mɔ kəlɔmɛ kəfɛth, kɔ fɔf mɔ aniŋkinaŋka.

¹²Ɔwa ɔ kianɛ aŋfɔsɔ bɛ ŋa ɔsɛm utɔtɔkɔ ka kȧbəprȧnɛ kɔŋ-e, kɔ yɔ kȧmȧ ȧdȧru yi afəm bɛ aŋ bȧtho ɔsɛm utɔtɔkɔ ɔwe ba kasam ȧke po yeŋk.

¹³Ɔwa ɔ yɔ mȧtȧy məkabanɛ sɔ, hali kəyɔ kȧmȧ nȧnt nə thor kəwur ka kȧriyana ka ȧŋthɔf roder kəri ka aŋfəm.

¹⁴kɔ pəŋis aŋfəm ka ȧdȧru kətȧŋȧnɛ ka mȧtȧy məkabanɛ ama ɔ ba afɔsɔ tə kəyɔ ka kȧbəprȧnɛ ka ɔsɛm; kɔ kanɛ aŋfəm ka ȧdȧru tə kəbɛmpa arɔŋ ka mȧbȧlȧnɛ ma ɔsɛm utuy tȧy ɔwe a la yɔ ɔbaŋ rɛ aŋgbathɔ, kɛrɛ ɔ yi ukəli halisa.

¹⁵Ka a sɔŋ kɔ afɔsɔ tə kəsɔŋ aŋesəm ka mȧbȧlȧnɛ ma ɔsɛm kȧmȧ mȧbȧlȧnɛ ma ɔsɛm mə gbəli fɔf, ka a kȧl yɔ kȧmȧ a dif ŋaŋ aŋa kasi tə kəbatho mȧbȧlȧnɛ mati.

¹⁶kɔ yɔ kȧmȧ afəm bɛ, aŋlɔl dɛ yi ȧŋbana-e, aŋyola dɛ yi ȧŋmɔnɛ, aŋwuth a kom yi antar, a ba kəbot alomar ka tȧmthədɛrəŋ maŋ mədiyɔ, thalɔm ka mȧbuŋ maŋ;

¹⁷kȧmȧ wuni o wuni ɔ te gbəli way thalɔm thila thambe kɔn ɔwe ba aŋlomar, thalɔm ȧŋes ŋa ɔsɛm, thalɔm aŋyirka ŋa ȧŋes ŋɔŋ.

¹⁸Thambe sə ba nu kətemp. Ta kɔn ɔwe ba kətara tay-e, ɔ yirka aŋyirka ŋa ɔsɛm; kotȧy-e aŋ təmȧ ta ȧŋes ŋa wan duni. Ɔwa aŋyirka ŋati aŋ yi tɛmɛ tamthərukin təgba təsas tamthərukin.