Read Tibetan — པོད་སྐད་Tibetan Old Testament 2011 བཀོད་པ 9 Bible Online

བཀོད་པ 9 - Tibetan — པོད་སྐད་Tibetan Old Testament 2011 bible

བཀོད་པ 9

¹དཀོན་མཆོག་གིས་ནོ་ཨ་དང་ཁོའི་བུ་རྣམས་ལ་བྱིན་རླབས་གནང་ཞིང་གསུངས་པ། ཁྱོད་ཀྱི་ཕྲུ་གུ་མང་པོ་སྐྱེས་ནས་ས་གཞི་ཚང་མར་ཁྱོད་ཀྱི་རིགས་བརྒྱུད་གནས་པར་ཤོག།

²སེམས་ཅན་དང་། བྱ་བྱིའུ་དང་ཉ་ཐམས་ཅད་ཁྱོད་ཚོ་ལ་འཇིག་ཡོང་། དེ་རྣམས་ཁྱོད་ཚོའི་དབང་འོག་ཏུ་བཞག་ཡོད།

³ངས་ཁྱོད་ཚོ་ལ་སྔོ་ཚོད་སྟེར་བ་ཡང་ཟ་ཞིག འདི་ཚོ་ཚངམ་ངས་ཁྱོད་ཚོའི་ཁ་ཟས་ཀྱི་ཆེད་དུ་སྟེར་གྱི་ཡོད།

⁴ཁྱོད་ཚོས་ཟ་མི་ཆོག་པ་གཅིག་ནི་ཁྲག་ཡོད་པའི་ཤ་ཡིན། མ་ཟ་ཞིག་ཅེས་ངས་བཀག་བསྡོམ་བྱེད་ཀྱིས་ཡོད། གང་ལ་ཟེར་ན། ཁྲག་གི་ནང་སྲོག་ཡོད་དོ།

⁵གལ་སྲིད་མི་སུ་ཞིག་གིས་མིའི་སྲོག་ལེན་ན། ཁོ་ལ་ཆད་པ་ཕོག་པར་འགྱུར། དུད་འགྲོས་མི་བསད་ན། ངས་དེ་ལ་འཆི་བའི་ཉེས་ཆད་གཏོང་རྒྱུ་ཡིན།

⁶མི་ནི་དཀོན་མཆོག་གི་དབྱིབས་ནང་ལྟར་བཟོས་ཡོད་པའི་རྐྱེན། སུ་ཞིག་གིས་མི་བསད་པ་ཡིན་ན་ཁོ་ལ་མི་གཞན་གྱིས་བསད་ཡོང་།

⁷ཁྱོད་ཚོར་བུ་ཕྲུག་མང་པོ་སྐྱེས་ཤིང་བརྒྱུད་དང་ལྡན་པར་འགྱུར་ནས་འཛམ་གླིང་ཡོངས་སུ་འཕེལ་ནས་གནས་པར་འགྱུར་གསུངས་སོ།

⁸དཀོན་མཆོག་གིས་ནོ་ཨ་དང་ཁོང་གི་བུ་རྣམས་ལ་གསུངས་པ།

⁹ངས་ཁྱོད་དང་ཁྱོད་ཀྱི་རྗེས་ལ་ཡོང་བའི་བུ་བརྒྱུད་དང་། གསོན་པོའི་སེམས་ཅན་མཉམ་དུ་དང་། བྱ་བྱིའུ་དང་དུད་འགྲོ་དང་གྲུའི་ནང་ནས་ཁྱོད་དང་མཉམ་དུ་ཐོན་པ་ཚང་མ་དང་མཉམ་དུ་དམ་བཅའ་འདི་འཇོག་རྒྱུ་ཡིན།

¹¹ཚིག་འདི་བཞིན་ཁྱོད་ཚོ་མཉམ་དུ་ཞལ་ཆེ་འཇོག་རྒྱུ་ཡིན། ད་ཕྱིན་ཆད་སྲོག་ཡོད་པ་ཐམས་ཅད་ཆུ་ལོག་གིས་མེད་པར་མི་འགྱུར་ཞིང་། ཕྱིན་ཆད་ནམ་ཡང་ས་ལ་ཆུ་ལོག་གིས་མེད་པར་མི་འགྱུར་བའི་ངས་དམ་བཅའ་འཇོག་རྒྱུ་ཡིན།

¹²ཁྱོད་ཚོ་དང་གསོན་པོའི་སེམས་ཅན་ཐམས་ཅད་དང་མཉམ་དུ་དུས་རྒྱུན་གྱི་ཆེད་དུ་བཞག་པའི་དམ་བཅའི་རྟགས་ནི་འདི་ལྟར་ཡིན།

¹³གནམ་གྱི་སྤྲིན་ནང་ངས་འཇའ་ཞིག་འཇོག་རྒྱུ་ཡིན། དེ་ནི་ངས་ས་གཞི་དང་དམ་བཅའ་བྱས་པའི་རྟགས་ཡིན་ནོ།

¹⁴ངས་ནམ་མཁར་སྤྲིན་པ་འཁོར་བཅུག་དུས་དེའི་ནང་འཇའ་མཐོང་སྐབས།

¹⁵ཁྱོད་ཚོ་དང་སེམས་ཅན་ཐམས་ཅད་ཆུ་ལོག་ནས་མེད་པར་མི་བྱུང་བའི་དམ་བཅའ་བྱས་པ་དེ་ངས་དྲན་གྱི་ཡིན།

¹⁶སྤྲིན་པའི་ནང་ཡོད་པའི་འཇའ་ལ་བལྟས་ཏེ་ང་དཀོན་མཆོག་དང་། ས་གཞི་ལ་ཡོད་པའི་སྲོག་དང་ལྡན་པ་ཚང་མ་དང་མཉམ་དུ་ངས་རྒྱུན་ཆད་མེད་པར་བྱས་པའི་དམ་བཅའ་དེ་དྲན་པར་བྱའོ།

¹⁷སྲོག་དང་ལྡན་པའི་མི་དང་སེམས་ཅན་ཐམས་ཅད་དང་མཉམ་དུ་ངས་དམ་བཅའ་བཞག་པའི་རྟགས་ནི་དེ་ཡིན་ནོ༎

¹⁸གྲུའི་ནང་ནས་ཐོན་པའི་ནོ་ཨའི་བུ་གསུམ་ནི་ཤེམ་དང་། ཧམ་དང་ཡ་ཕེད་བཅས་ཡིན་ནོ། ཧམ་ནི་ཀ་ནན་གྱི་ཕ་ཡིན་ནོ།

¹⁹ནོ་ཨའི་བུ་གསུམ་གྱི་རིགས་བརྒྱུད་ནི་ས་གཞིའི་མི་རིགས་ཡོངས་ཀྱི་ཕ་མེས་སུ་འགྱུར་རོ།

²⁰ནོ་ཨ་ནི་ཞིང་པ་ཞིག་ཡིན་པས་རྒུན་ཚལ་བཏབ་མཁན་ཐོག་མ་དེ་ཡིན་ནོ།

²¹ཉིན་ཞིག་ཁོང་གིས་རྒུན་ཆང་འཐུང་ཞིང་ར་བཟི་ཏེ། གུར་གྱི་ནང་གཅེར་བུ་ཉལ་ནས་བསྡད་ཡོད་པ་དང་།

²²ཀ་ནན་གྱི་ཕ་ཧམ་གྱིས་རང་གིཕ་གཅེར་བུ་ཡོད་པ་མཐོང་བ་དང་། ཕྱི་རུ་ཡོང་ནས་རང་གི་སྤུན་གཉིས་ལ་བཤད་དོ།

²³དེ་ནས་ཤེམ་དང་ཡ་ཕེད་གཉིས་ཀྱིས་གོས་ཤིག་དཔུང་པར་འཁུར་ནས་རྒྱབ་ལོག་སྟེ་གུར་ནང་ཕྱིན་ནས་ཕ་ལ་གཡོག་པ་དང་། གདོང་མ་བསྟན་པའི་རྐྱེན་གྱིས་ཕ་གཅེར་བུ་ཡོད་པ་ཁོང་ཚོས་མ་མཐོང་ངོ་།

²⁴ནོ་ཨ་ར་བཟི་ནས་གཉིད་གསང་བ་དང་བུ་ཆུང་བས་གང་བྱས་པ་དེ་ཁོས་ཤེས་ནས།

²⁵ནོ་ཨས་སྨྲས་པ། ཀ་ནན་ཐོག་ཏུ་དམོད་པ་ཕོག་པར་ཤོག། ཁོ་ནི་སྤུན་རྒན་པ་ཚོའི་བྲན་གཡོག་འགྱུར་བར་ཤོག།

²⁶ཤེམ་གྱི་དཀོན་མཆོག་གཙོ་བོ་དཀོན་མཆོག་ལ་བསྟོད་ཅིག། ཀ་ནན་ཤེམ་གྱི་བྲན་གཡོག་ཏུ་གྱུར་ཅིག།

²⁷དཀོན་མཆོག་གིས་ཡ་ཕེད་ལ་འཕེལ་བཅུག་སྟེ། ཁོའི་བརྒྱུད་ནི་ཤེམ་གྱི་བརྒྱུད་དང་གནས་པར་འགྱུར་ཅིག། ཀ་ནན་ཡ་ཕེད་ཀྱི་བྲན་གཡོག་ཏུ་འགྱུར་ཡོང་།

²⁸ས་གཞི་ལ་ཆུ་ལོག་ཡོང་ཚར་བའི་རྗེས་སུ་ནོ་ཨ་ད་དུང་ལོ་ ༣༥༠ གསོན་ནོ།

²⁹ནོ་ཨ་ལོ་ ༩༥༠ ལོན་ནས་གྲོངས་སོ༎