Read Tibetan — པོད་སྐད་Tibetan Old Testament 2011 རྒྱལ་རབས་དང་པོ། 11 Bible Online

རྒྱལ་རབས་དང་པོ། 11 - Tibetan — པོད་སྐད་Tibetan Old Testament 2011 bible

རྒྱལ་རབས་དང་པོ། 11

¹སོ་ལོ་མོན་གྱི་ཕྱི་རྒྱལ་བའི་བུད་མེད་མང་པོ་ལ་དགའ་པོ་གནང་བཞིན་ཡོད་པ་དང་། ཨི་ཇིབ་ཀྱིི་རྒྱལ་པོའི་བུ་མོ་ཡོད་བཞིན་པའི་ཐོག་ཏུ་ད་དུང་ཁོང་གིས་ཧི་ཏི་པའི་བུད་མེད་དང་མོ་ཨབ་དང་ཨམ་མོན་དང་ཨེ་དྷོམ་དང་སི་དོན་བཅས་ཀྱི་བུད་མེད་ཚོ་དང་མཉམ་དུ་ཆང་ས་སྐྱོན་ཡོད་པ་ཡིན་ནོ།

²མི་རིགས་དེ་ཚོའི་བུད་མེད་ཚོས་ཨིསི་རཱཨེལ་པ་ཚོ་ལ་ལྷ་གཞན་གྱི་ཕྱོགས་སུ་བློ་ཁ་བསྒྱུར་བཅུག་ཡོང་། དེ་རྐྱེན་གྱི་དེ་ཚོ་དང་ཆང་ས་བརྒྱབ་མི་རུང་ཞེས་གཙོ་བོ་དཀོན་མཆོག་གིས་ཨིསི་རཱཨེལ་པ་ཚོ་ལ་བཀའ་གནང་ཡོད་ཡང་སོ་ལོ་མོན་གྱིས་དེ་ཚོ་མཉམ་དུ་ཆང་ས་སྐྱོན་པ་ཡིན་ནོ།

³སོ་ལོ་མོན་གྱིས་རྒྱལ་པོའི་བུ་མོའི་གྲངས་ ༧༠༠ མཉམ་དུ་ཆང་ས་སྐྱོན་པ་དང་ཁོང་ལ་ཟུར་གྲོགས་མ་ ༣༠༠ ཐམ་པ་ཡོད་པ་དང། དེ་ཚོས་ཁོང་ལ་དཀོན་མཆོག་ནས་བློ་ཁ་བསྒྱུར་བཅུག་ཡོད་དོ།

⁴ཁོང་དགུང་ལོ་བགྲེས་པོར་སླེབས་པའི་བར་དུ་དེ་ཚོས་ཁོང་ལ་ཕྱི་རྒྱལ་བའི་ལྷ་ལ་མཆོད་ཕྱིར་སྣེ་འཁྲིད་བྱེད་དོ། ཁོང་རང་གི་ཡབ་དཱ་བིད་བཞིན་གཙོ་བོ་དཀོན་མཆོག་རང་གི་དཀོན་མཆོག་ལ་དམ་ཚིག་བརྟན་པོ་མ་བྱས་སོ

⁵ཁོང་གིས་སི་དོན་གྱི་ལྷ་མོ་ཨསེ་ཊར་ཨམ་མོན་གྱི་ཞེན་ལོག་ཅན་གྱི་ལྷ་མོ་ལེག་ལ་མཆོད་པ་ཕུལ་གྱི་ཡོད་པ་དང་།

⁶ཁོང་གི་གཙོ་བོ་དཀོན་མཆོག་གི་སྤྱན་སྔར་སྡིག་པ་གྱིས་པ་དང་ཁོང་གི་ཡབ་དཱ་བིད་བཞིན་བདེན་པར་གནས་མེད་པས།

⁷ཁོང་གིས་ཡེ་རུ་ཤ་ལེམ་་གྱི་ཤར་ཕྱོགས་ཀྱི་རི་བོའི་སྟེང་ལ་ཞེན་ལོག་ཅན་གྱི་མོ་ཨབ་ཀྱི་ལྷ་ཀེ་མོཤ་དང་ཨམ་མོན་གྱི་ཞེན་ལོག་ཅན་གྱི་ལྷ་མོ་ལེག་གིི་ཆེད་དུ་མཆོད་འབུལ་བྱེད་ཡུལ་རེར་བཞེངས་ཡོད་པ་དང་།

⁸དེ་བཞིན་ཁོང་གི་ཕྱི་རྒྱལ་བའི་སྐུ་ཟླ་ཚོས་ཁོ་རང་ཚོའི་ལྷ་རྣམས་ལ་སྤོས་བདུག་པ་དང་དམར་མཆོད་འབུལ་བའི་གནས་ཤིག་ཡང་བཞེངས་ཡོད་དོ།

⁹གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གིས་སོ་ལོ་མོན་ལ་ཐེངས་གཉིས་ཞལ་གཟིགས་བྱུང་ནས་ཕྱི་རྒྱལ་བའི་ལྷ་རྣམས་ལ་མཆོད་པ་མ་འབུལ་ཞེས་བཀའ་ཕེབས་ན་ཡང་སོ་ལོ་མོན་གྱིས་གཙོ་བོ་དཀོན་མཆོག་གི་བཀའ་ལ་མ་ཉན་པར་ཁོང་ལ་དད་པ་ལོག་གོ དེ་འདྲ་སོང་ཙང་གཙོ་བོ་དཀོན་མཆོག་གིས་སོ་ལོ་མོན་ལ་ཐུགས་ཁྲོས་ནས་བཀའ་གནང་བ།

¹⁰

¹¹ཁྱོད་ཀྱིས་ཆེད་མངགས་ང་ལ་ཕུལ་བའི་དམ་བཅའ་དང་འགལ་བར་བྱས་ནས་ངའི་བཀའ་རྣམས་ལ་མ་ཉན་པས། ངས་རྒྱལ་སྲིད་ཁྱོད་ཀྱི་ལག་ནས་ལེན་ནས་ཁྱོད་ཀྱི་ལས་བྱེད་པ་ཚོའི་ནང་ནས་ཅིག་ལ་སྤྲོད་རྒྱུར་དམ་བཅའ་བྱེད་རྒྱུ་ཡིན་ནོ།

¹²འོན་ཀྱང་ཁྱོད་ཀྱི་ཕ་དཱ་བིད་ཀྱི་ངོར་བལྟས་ནས་དེ་ལྟར་ཁྱོད་ཀྱི་མི་ཚེའི་རིང་མ་བྱས་ན་ཡང་ཁྱོད་ཀྱི་བུས་རྒྱལ་སྲིད་སྐྱོངས་བའི་སྐབས་སུ་བྱེད་རྒྱུ་ཡིན་ནོ།

¹³ངས་ཁོའི་ལག་ནས་རྒྱལ་ཁབ་ཆ་ཚང་མི་ལེན་པར་ངའི་བྲན་པོ་དཱ་བིད་དང་ངས་རང་གི་བཞེངས་པའི་གྲོང་ཁྱེར་ཡེ་རུ་ཤ་ལེམ་གྱི་ཕྱིར་ཁོའི་ལག་ཏུ་སྡེ་རིགས་ཞིག་འཇོག་རྒྱུ་ཡིན་ནོ༎

¹⁴དེ་ལྟར་གཙོ་བོ་དཀོན་མཆོག་གིས་ཨེ་དྷོམ་གྱི་རྒྱལ་པོའི་ཁྱིམ་ཚང་ནས་ཡིན་པ་ཧ་དྷད་བྱ་བ་ཞིག་ལ་སོ་ལོ་མོན་གྱི་ཕྱིར་དགྲ་རུ་ལངས་བཅུག་གོ

¹⁵དེའི་དུས་ཡུན་རིང་པོའི་སྔོན་ལ་དཱ་བིད་ཀྱིས་ཨེ་དྷོམ་དབང་འཛིན་གནང་སྐབས་ཁོང་གི་དམག་སྤྱི་ཡོ་ཨབ་ཀྱི་རོ་རྣམས་སྦས་པའི་ཕྱིར་ཕྱིན་ནོ། ཁོ་དང་ཁོའི་མི་རྣམས་ཨེ་དྷོམ་དུ་ཟླ་བ་དྲུག་བསྡད་པ་དང་། དེའི་རིང་ཨེ་དྷོམ་པ་སྐྱེ་པ་ཕོ་ཚང་མ་བསད་དོ།

¹⁶

¹⁷འོན་ཀྱང་ཧ་དྷད་དང་ཁོའི་ཕའི་ཨེ་དྷོམ་པའི་གཡོག་པོ་འགའ་ཤས་ཨི་ཇིབ་དུ་བྲོས་ནས་ཐར་ཞིང་། དེའི་སྐབས་ཧ་དྷད་ཕྲུ་གུ་ན་ཆུང་ཞིག་ཡིན་པ་དང་།

¹⁸དེ་ཚོ་མིད་ཡན་ནས་ཐོན་ཏེ་པ་རན་དུ་ཕྱིན་པ་དང་དེར་གཞན་མི་འགའ་ཤས་ཡང་ཁོ་ཚོ་མཉམ་དུ་བསྡད་དོ། དེ་ཚོ་ཨི་ཇིབ་དུ་སླེབས་པ་དང་། རྒྱལ་པོའི་དྲུང་དུ་བཅར་བས། ཧ་དྷད་ལ་ས་ཆ་ཕྲན་བུ་དང་ཁང་པ་ཞིག་དང་ཟ་འཐུང་སོགས་གནང་ངོ།

¹⁹ཧ་དྷད་རྒྱལ་པོ་དང་གྲོགས་པོར་འགྱུར་བས་རྒྱལ་པོས་རང་གི་བཙུན་མོའི་ནུ་མོ་རྒྱལ་མོ་ཊཱ་པི་ནིསེའི་ཧ་དྷད་དང་ཆང་ས་བརྒྱབ་བོ།

²⁰མོ་ལ་བུ་གྷེ་ནུ་བྷད་སྐྱེས་པས་རྒྱལ་མོའི་ཕོ་བྲང་ནང་འཚར་ལོངས་བྱས་པ་དང་ཁོ་ནི་རྒྱལ་པོའི་བུ་ཚོ་དང་མཉམ་དུ་གནས་སོ།

²¹ཧ་དྷད་ཨི་ཇིབ་དུ་གནས་སྐབས་དཱ་བིད་འདས་པ་དང་དམག་དཔོན་ཡོ་ཨབ་ཡང་འདས་ཟིན་འདུག་ཅེས་ཐོས་པ་དང་། ཧ་དྷད་ཀྱིས་གྱལ་པོ་ལ་ང་རང་གི་ཡུལ་དུ་འགྲ་ཆོག་པའི་བཀའ་འཁྲོལ་གནང་རོགས་ཞུས་སོ།

²²རྒྱལ་པོས་གང་གི་དོན་དུ་འགྲོ་གི་ཡིན་ནམ། ངའི་ཡུལ་དུ་ཁྱོད་ལ་དཀའ་ངལ་བྱུང་བའི་རྐྱེན་གྱིས་ཁྱོད་རང་གི་ཡུལ་དུ་ལོག་འདོད་པ་ཡིན་ནམ་ཞེས་བཀའ་འདྲི་གནང་ངོ་། ཧ་དྷད་ཀྱིས་ལན་དུ་རྒྱལ་པོ་ལ། ང་ལ་དཀའ་ངལ་གང་ཡང་མ་བྱུང་ནའང་ང་ལ་རང་ཡུལ་དུ་འགྲོ་རུ་བཅུག་རོགས་གནང་ཞུས་ནས་ཁོ་རང་གི་ཡུལ་དུ་ལོག་སོང་ངོ། ཨི་དྷོམ་གྱི་རྒྱལ་པོ་བཞིན་ཧ་དྷད་ཡང་ངན་པ་དང་ཨིསི་རཱཨེལ་གྱི་དགྲ་བོ་ངོ་མ་ཡིན་ནོ།

²³དཀོན་མཆོག་གིས་ཨེལ་ཡ་དྷའི་བུ་རེ་ཛོན་ཡང་སོ་ལོ་མོན་གྱི་དགྲ་རུ་བསླང་གནང་ནས། རེ་ཛོན་ནས་རང་གི་སྦྱིན་བདག་ཛོ་བཱའི་རྒྱལ་པོ་ཧ་དྷད་ཨེ་ཟེར་ནས་བྲོས་སོ།

²⁴ཁོ་ངོ་ལོག་མཁན་དང་ཁྲིམས་འགལ་གྱི་རྒྱུ་ཞིག་གི་འགོ་འཛིན་དུ་འགྱུར་བས། (དེ་ཚོ་དཱ་བིད་ཀྱིས་ཧ་དྷད་ཨེ་ཟེར་ལ་ཕམ་པར་བྱས་ཏེ། ཁོའི་སི་རི་ཡ་པའི་མཐུན་གྲོགས་སུ་འགྱུར་བའི་རྗེས་སུ་བྱུང་ཞིང་།) རེ་ཛོན་དང་ཁོའི་མི་རྣམས་དྷ་མསེ་ཀསེ་ཏུ་ཕྱིན་ནས་གནས་དོད་བྱས་པ་དང་དེར་ཁོའི་དཔུང་དམག་ཚོས་ཁོ་ལ་སི་རི་ཡའི་རྒྱལ་པོར་བསྐོས་སོ།

²⁵སོ་ལོ་མོན་གྱིས་སྐུ་དུས་རིང་ཁོ་ཨིསི་རཱཨེལ་པ་ཚོའི་དགྲ་བོར་འགྱུར་བ་ཡིན་ནོ༎

²⁶རྒྱལ་པོ་སོ་ལོ་མོན་ལ་ངོ་ལོག་བྱེད་མཁན་དེ་ཨེཕ་ར་ཡིམ་གྱི་ཛེ་རེ་དཱ་ནས་ཡིན་པ་ནེ་བྷད་ཀྱི་བུ་ཡེ་རོ་བྷམ་བྱ་བ་ཁོང་གི་ལས་བྱེད་པ་ཞིག་ཡིན་པ་དང་། ཁོའི་མ་ནིི་ཛེ་རུ་ཨ་ཟེར་བའི་ཡུག་མོ་ཞིག་ཡིན་ནོ།

²⁷ངོ་ལོག་གི་ལོ་རྒྱུས་འདི་ལྟར་ཡིན་ནོ། སོ་ལོ་མོན་གྱིས་ཡེ་རུ་ཤ་ལེམ་གྱི་ཤར་ཕྱོགས་ཀྱི་ས་ཆ་བཀང་བ་ནས་གྲོང་ཁྱེར་གྱི་ལྕགས་རི་ཉམས་གསོ་གནང་བཞིན་ཡོད་དོ།

²⁸ཡེ་རོ་བྷམ་ནི་མི་སྟོབས་ཅན་ན་གཞོན་ཞིག་ཡིན་པ་དང་། སོ་ལོ་མོན་གྱིས་ཁོས་ལས་ཀ་ཧུར་ཐག་བྱས་པ་གཟིགས་ནས། མ་ནསེ་སཱེ་དང་ཨེཕ་ར་ཡིམ་གྱི་སྡེ་རིགས་ཀྱི་ངལ་རྩོལ་པའི་འགོ་འཛིན་དུ་བསྐོས་སོ།

²⁹ཉིན་ཞིག་ཡེ་རོ་བྷམ་ཡེ་རུ་ཤ་ལེམ་ནས་ཕྱིར་འགྲོ་བའི་སྐབས་སུ་ཤི་ལཱོ་ནས་ཡིན་པ་ལུང་སྟོན་པ་ཨ་ཧི་ཡཱ་དང་ཡུལ་གྱི་རྒྱ་ལམ་དུ་མཇལ་ལོ།

³⁰ཨ་ཧི་ཡཱས་རང་གི་གྱོན་པའི་ན་བཟའ་གསར་པ་དེ་ཕུད་ནས་དེ་དུམ་བུ་བཅུ་གཉིས་ལ་ཧྲལ་ནས།

³¹ཡེ་རོ་བྷམ་ལ་སྨྲས་པ། དུམ་བུ་བཅུ་ཁྱོད་རང་འཁྱེར་ཞིག། གང་ལ་ཟེར་ན། གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གིས་གསུངས་ཡོད་དོ། ཁྱོད་ལ་ངས་སོ་ལོ་མོན་ནས་རྒྱལ་སྲིད་འཕྲོག་ནས་ཁྱོད་ལ་སྡེ་རིགས་བཅུ་སྤྲོད་ཀྱི་ཡིན།

³²ངས་ཨིསི་རཱཨེལ་ས་ཁུལ་ཡོངས་རྫོགས་ནས་འདམས་པའི་གྲོང་ཁྱེར་ཡེ་རུ་ཤ་ལེམ་གྱི་ཆེད་དང་ངའི་བྲན་པོ་དཱ་བིད་ཀྱི་ཆེད་དུ་སོ་ལོ་མོན་ལ་སྡེ་རིགས་གཅིག་འཇོགས་དགོས་སོ།

³³སོ་ལོ་མོན་གྱིས་ང་སྤངས་ནས་ཕྱི་རྒྱལ་བའི་ལྷ་སི་དོན་གྱི་ལྷ་མོ་ཨསེ་ཊར་དང་མོ་ཨབ་ཀྱི་ལྷ་ཀེ་མོཤ་དང་ཨམ་མོན་གྱི་ལྷ་མོ་ལེག་ལ་མཆོད་པའི་རྐྱེན་གྱིས་ངས་དེ་ལྟར་བྱེད་རྒྱུ་ཡིན། སོ་ལོ་མོན་གྱིས་ངའི་བཀའ་ལ་མ་ཉན་པར་ནོར་འཁྲུལ་བྱས་པ་དང་ཁོས་རང་གི་ཕ་དཱ་བིད་བཞིན་ངའི་བཀའ་ཁྲིམས་ཉན་མེད་དོ།

³⁴འོན་ཀྱང་ངས་སོ་ལོ་མོན་གྱི་ལག་ནས་རྒྱལ་སྲིད་ཆ་ཚང་མ་བླངས་པར་ཁོའི་མི་ཚེའི་རིང་དབང་བསྒྱུར་བྱེད་བཅུག་རྒྱུ་ཡིན། དེ་ལྟར་ངས་འདམས་པའི་བྲན་པོ་དཱ་བིད་ངའི་བཀའ་ཁྲིམས་སྲུང་བརྩི་བྱེད་མཁན་དེའི་ངོར་བལྟས་ནས་དེ་ལྟར་བྱ་རྒྱུ་ཡིན་ནོ།

³⁵ངས་སོ་ལོ་མོན་གྱི་བུའི་ལག་ནས་རྒྱལ་ཁབ་བླངས་ནས་སྡེ་རིགས་བཅུ་ཁྱོད་ལ་སྤྲོད་རྒྱུ་ཡིན་ནོ།

³⁶ང་ལ་མཆོད་ཕྱིར་ངས་འདམས་པའི་ཡེ་རུ་ཤ་ལེམ་གྱི་གྲོང་ཁྱེར་དུ་ངའི་བྲན་པོ་དཱ་བིད་ཀྱི་བརྒྱུད་པ་ཞིག་རྒྱུན་དུ་ཡོད་བའི་ཕྱིར་ངས་སོ་ལོ་མོན་གྱི་བུ་ལ་སྡེ་རིགས་ཞིག་སྤྲོད་རྒྱུ་ཡིན་ནོ།

³⁷ཡེ་རོ་བྷམ། ངས་ཁྱོད་ལ་རང་གི་འདོད་པ་ཡོད་པའི་ས་གནས་ཚང་མར་རྒྱལ་སྲིད་སྐྱོངས་བའི་ཆེད་དུ་ཁྱོད་ལ་ཨིསི་རཱཨེལ་གྱི་རྒྱལ་པོར་བསྐོས་རྒྱུ་ཡིན་ནོ།

³⁸ཁྱོད་ཀྱིས་ངའི་བྲན་པོ་དཱ་བིད་ཀྱིས་བྱས་པ་ལྟར་ངའི་བཀའ་ལ་ཉན་པ་དང་། ངའི་བཀའ་ཁྲིམས་རྣམས་སྲུང་ནས་ངའི་ལམ་ལ་འགྲུལ་བ་ཡིན་ན། ང་ཁྱོད་དང་མཉམ་དུ་དུས་རྒྱུན་དུ་གནས་རྒྱུ་མ་ཟད། ངས་ཁྱོད་ལ་ཨིསི་རཱཨེལ་གྱི་རྒྱལ་པོར་བསྐོ་རྒྱུ་ཡིན། ངས་དཱ་བིད་ལ་བྱས་པ་ལྟར་ཁྱོད་ཀྱི་བརྒྱུད་པ་ཞིག་ལ་ཁྱོད་ཀྱི་ཤུལ་འཛིན་དུ་རྒྱལ་པོར་་འཇོག་པར་བྱའོ།

³⁹སོ་ལོ་མོན་གྱི་སྡིག་པའི་རྐྱེན་གྱིས་ངས་དཱ་བིད་ཀྱི་བརྒྱུད་པར་ཆད་པ་གཏོང་རྒྱུ་ཡིན། འོན་ཀྱང་དུས་རྒྱུན་གྱི་ཕྱིར་དུ་མ་ཡིན་ནོ།

⁴⁰དེ་འདྲ་སོང་ཙང་སོ་ལོ་མོན་གྱིས་ཡེ་རོ་བྷོམ་གསོད་ཐབས་བྱས་སོ། འོན་ཀྱང་ཁོ་ཨི་ཇིབ་ཀྱི་རྒྱལ་པོ་ཤི་ཤག་གྱི་སར་བྲོས་ཕྱིན་པ་དང་སོ་ལོ་མོན་གྱི་སྐུ་ཚེ་རིང་དེར་གནས་སོ༎

⁴¹སོ་ལོ་མོན་གྱི་སྐུ་ཚེའི་རིང་གནང་བའི་ཁོང་གི་མཛད་འཕྲིན་དང་ཤེས་རབ་ཀྱི་སྐོར་ཚང་མ་སོ་ལོ་མོན་གྱི་རྒྱལ་རབས་ནང་བཀོད་ཡོད་དོ།

⁴²ཁོང་གིས་ཡེ་རུ་ཤ་ལེམ་དུ་ཨིསི་རཱཨེལ་ཡོངས་ཀྱི་ཐོག་རྒྱལ་པོ་ལོ་བཞི་བཅུའི་རིང་གནང་ཡོད་དོ།

⁴³ཁོང་གྲོངས་ནས་དཱ་བིད་ཀྱི་གྲོང་ཁྱེར་ནང་སྦས་པ་དང་ཁོང་གི་སྲས་རེ་ཧོ་བྷམ་ཁོང་གི་ཚབ་ཏུ་རྒྱལ་པོར་འགྱུར་རོ༎