Read Tibetan — པོད་སྐད་Tibetan Old Testament 2011 རྒྱལ་རབས་དང་པོ། 14 Bible Online

རྒྱལ་རབས་དང་པོ། 14 - Tibetan — པོད་སྐད་Tibetan Old Testament 2011 bible

རྒྱལ་རབས་དང་པོ། 14

¹སྐབས་དེར་ཡེ་རོ་བྷམ་གྱི་བུ་ཨ་བྷི་ཡཱ་ན་བ་དང་།

²ཡེ་རོ་བྷམ་གྱིས་རང་གི་ཆུང་མར། ཁྱོད་རང་སུས་ཀྱང་ངོ་མ་ཤེས་པའི་ཆེད་དུ་ཆས་བསྒྱུར་ནས་ཤི་ལཱོ་རུ་ང་ཨིསི་རཱཨེལ་གྱི་རྒྱལ་པོར་འགྱུར་གྱི་རེད་གསུངས་མཁན་ལུང་སྟོན་པ་ཨ་ཧི་ཡཱ་ཞུ་བ་དེའི་བཞུགས་སར་རྒྱུགས་ཤིག

³ཁོང་གི་ཆེད་དུ་བག་ལེབ་དུམ་བུ་བཅུ་དང་བག་ལེབ་སྲབ་པོ་ཕྲན་བུ་དང་སྦྲང་རྩི་བུམ་པ་གང་འཁྱེར་ནས་ཕུལ་ཞིག དེ་ནས་ཁོང་ལ་ང་ཚོའི་བུ་དེ་ག་འདྲ་བྱུང་ཡོང་ངམ་ཞུས་ཤིག་དང་ཁོང་གི་བཀའ་ལན་གནང་ཡོང་ཞེས་སྨྲས་སོ།

⁴དེ་འདྲ་སོང་ཙང་མོ་ཤི་ལཱོ་རུ་ཨ་ཧི་ཡའི་ཁང་པར་ཕྱིན་ནོ། ཨ་ཧི་ཡཱ་ལོ་རྒས་པའི་རྐྱེན་གྱིས་མིག་ལོང་བར་འགྱུར་ཡོད་པ་ཡིན་ནོ།

⁵གཙོ་བོ་དཀོན་མཆོག་གིས་ཁོང་ལ་ཡེ་རོ་བྷམ་གྱི་ཆུང་མ་རང་གི་བུ་ན་བཞིན་ཡོད་པའི་སྐོར་འདྲི་བར་ཡོང་གི་ཡོད་པས། གཙོ་བོ་དཀོན་མཆོག་གིས་ཨ་ཧི་ཡཱ་ལ་ཇི་ལྟར་ལན་འདེབས་དགོས་པ་བཀའ་གནང་ཡོད་དོ། ཡེ་རོ་བྷམ་གྱི་ཆུང་མ་འབྱོར་སྐབས་མོས་གཞན་ཞིག་ཡིན་ཚུལ་བྱས་སོ།

⁶འོན་ཀྱང་ཨ་ཧི་ཡཱས་མོ་སྒོའི་ནང་ཡོང་བ་ཐོས་སྐབས་ཁོང་གིས་ནང་ལ་ཕེབས་ཤིག ངས་ཁྱོད་ཡེ་རོ་བྷམ་གྱི་ཆུང་མ་ཡིན་པ་ཤེས་ཀྱི་ཡོད། ཁྱོད་ཀྱི་རང་ཉིད་ལ་གཞན་ཞིག་ཡིན་ཚུལ་བྱེད་པ་དེ་ཅི་ཡིན་ནམ། ངས་ཁྱོད་ཀྱི་དོན་དུ་གཏམ་ངན་པ་ཞིག་ཞུ་རྒྱུ་ཡོད།

⁷ཁྱེད་རང་ཕྱིར་ལོག་ནས་ཡེ་རོ་བྷམ་ལ་ཨིསི་རཱཨེལ་གྱི་དཀོན་མཆོག་གཙོ་བོ་དཀོན་མཆོག་གི་ཁོང་ལ་བཀའ་གནང་བ་ལྟར། ངས་ཁྱོད་རང་མི་མང་གི་ཁྲོད་ནས་འདམས་ཏེ་ཨིསི་རཱཨེལ་གྱི་རྒྱལ་པོར་བསྐོས་པ་མ་ཟད།

⁸ངས་དཱ་བིད་ཀྱི་བརྒྱུད་པ་ནས་རྒྱལ་ཁབ་བལངས་ནས་ཁྱོད་ལ་སྤྲད་པ་ཡིན་ཀྱང་། ཁྱོད་ཀྱིས་ང་ལ་བློས་ཆ་ཚང་བཀལ་བ་དང་། ངའི་བཀའ་ལ་ཉན་པ་དང་ངའི་རྗེས་སུ་འབྲངས་པའི་བྲན་པོ་དཱ་བིད་ལྟར་ཁྱོད་ཀྱིས་བྱས་མེད་དོ།

⁹ཁྱོད་ཀྱི་སྔོན་དུ་རྒྱལ་སྲིད་སྐྱོངས་མཁན་ཚང་མ་ལས་ལྷག་པའི་སྡིག་ཆེན་པོ་ཁྱོད་ཀྱི་གྱིས་ཡོད། ཁྱོད་ཀྱིས་ང་སྤངས་ནས་མཆོད་འབུལ་བྱེད་པའི་ཆེད་དུ་གསེར་དངུལ་ཟངས་ལྕགས་ལས་སྐུ་འདྲ་རྣམས་བཟོས་ནས་ང་ལ་ཁོང་ཁྲོ་སླངས་ཡོད་དོ།

¹⁰དེའི་རྐྱེན་གྱིས་ངས་ཁྱོད་ཀྱི་རྒྱལ་བརྒྱུད་ལ་བྱུས་ཉེས་གཏོང་རྒྱུ་མ་ཟད། ཁྱེད་ཀྱི་རིགས་བརྒྱུད་ནས་སྐྱེས་པ་རྒན་གཞོན་ཕོ་ཚང་མ་བསད་ནས། ངས་ཁྱོད་ཀྱི་ཁྱིམ་ཚང་ཡང་ཤུལ་མེད་བཟོས་ནས་ལྕི་བ་ལྟར་འཕྱགས་རྒྱུ་ཡིན་ནོ།

¹¹གྲོང་ཁྱེར་གྱི་ནང་དུ་ཁྱོད་ཀྱི་ནང་མི་འཆི་བ་ཡིན་ན་དེ་ཚོ་ཁྱིས་ཟ་བ་དང་ཐང་དུ་འཆི་བ་ཚོ་བྱ་རྒོད་ཀྱིས་ཟ་བར་འགྱུར། ང་གཙོ་བོ་དཀོན་མཆོག་གིས་སྨྲས་པ་ཡིན་ཞེས་སྨྲོས་ཤིག

¹²ཨ་ཧི་ཡཱས། ཡེ་རོ་བྷམ་གྱིས་ཆུང་མར་མུ་མཐུད་ནས་སྨྲས་པ། ད་ཁྱོད་ཁྱིམ་དུ་ལོག་ཅིག། ཁྱོད་གྲོང་ཁྱེར་ནང་དུ་འཛུལ་མ་ཐག་ཏུ་ཁྱོད་ཀྱི་བུ་འཆི་བར་འགྱུར་རོ།

¹³ཨིསི་རཱཨེལ་གྱི་མི་མང་ཚང་མས་མྱ་ངན་བྱེད་པ་དང་། ཡེ་རོ་བྷམ་གྱི་ཁྱིམ་ཚང་ནས་ཁོ་གཅིག་པུ་ལས་བཟང་པོ་བྱེད་མཁན་ཡིན་པས་ཡག་པོ་བྱས་ནས་དུར་དུ་བཞག་གོ གང་ལ་ཟེར་ན། ཁོ་གཅིག་པོ་ལ་ཨིསི་རཱཨེལ་གྱི་གཙོ་བོ་དཀོན་མཆོག་ཐུགས་མཉེས་པོ་ཡོད་པ་ཡིན་ནོ།

¹⁴གཙོ་བོ་དཀོན་མཆོག་གིས་ཨིསི་རཱཨེལ་པ་ཚོར་རྒྱལ་པོ་ཞིག་བསྐོས་པ་གནང་རྒྱུ་དང་། དེས་ཡེ་རོ་བྷམ་གྱི་རྒྱལ་བརྒྱུད་སྟོངས་པར་བྱེད་དོ།

¹⁵གཙོ་བོ་དཀོན་མཆོག་གིས་ཨིསི་རཱཨེལ་པ་ཚོར་ཆད་པ་གཏོང་གནང་བ་དང་། དེ་ཚོ་རྒྱུགས་ཆུའི་ནང་འདམས་རྩ་གཡོ་བ་ལྟར་གཡོ་བར་འགྱུར། ཁོང་གིས་ཨིསི་རཱཨེལ་གྱི་མི་མང་རྣམས་ཀྱི་ཕ་མེས་ཚོར་གནང་བའི་ཡུལ་བཟང་པོ་ནས་འདོན་གནང་བ་དང་། ཁོང་གིས་དེ་ཚོ་གཙང་པོ་ཡུབ་རད་རྒལ་ནས་ཁ་འཐོར་དུ་གཏོང་བར་གནང་ངོ་། གང་ལ་ཟེར་ན། དེ་ཚོས་ལྷ་མོ་ཨ་ཤེ་རཱའི་འདྲ་སྐུ་བཟོས་ནས་ཁོང་ལ་ཁོང་ཁྲོ་སླངས་པ་ཡིན་ནོ།

¹⁶ཡེ་རོ་བྷམ་གྱིས་སྡིག་པ་གྱིས་པ་མ་ཟད་ཨིསི་རཱཨེལ་གྱི་མི་མང་རྣམས་ལའང་སྡིག་ལས་བྱེད་བཅུག་པའི་རྐྱེན་གྱིས། གཙོ་བོ་དཀོན་མཆོག་གིས་ཨིསི་རཱཨེལ་པ་རྣམས་ལ་སྤོང་བར་འགྱུར།

¹⁷ཡེ་རོ་བྷམ་གྱི་ཆུང་མ་ཏིར་ཛཱ་རུ་ཕྱིར་ལོག་ནས། མོ་ཁྱིམ་དུ་འཛུལ་བ་དང་བུ་ཤི་བོ།

¹⁸གཙོ་བོ་དཀོན་མཆོག་གིས་ཁོང་གི་ཞབས་ཕྱི་ལུང་སྟོན་པ་ཨ་ཧི་ཡ་བརྒྱུད་བཀའ་གནང་བ་ལྟར། ཨིསི་རཱཨེལ་གྱི་མི་མང་རྣམས་ནས་ཁོའི་དོན་དུ་མྱ་ངན་བྱས་ནས་ཁོ་དུར་དུ་བཞག་གོ།

¹⁹རྒྱལ་པོ་ཡེ་རོ་བྷམ་གྱི་མཛད་པ་དང་ཁོང་གིས་དམག་འཐབ་པ་དང་། རྒྱལ་སྲིད་སྐྱོངས་གནང་བའི་ལོ་རྒྱུས་རྣམས་ཨིསི་རཱཨེལ་གྱི་རྒྱལ་པོ་རྣམས་ཀྱི་རྒྱལ་རབས་ནང་བསྐོས་ཡོད་དོ།

²⁰ཡེ་རོ་བྷོམ་གྱིས་ལོ་ངོ་ཉི་ཤུ་རྩ་གཉིས་རིང་རྒྱལ་སྲིད་བསྐྱངས་ནས། ཁོང་གྲོངས་པ་དང་དུར་དུ་བཞག་ནས། ཁོང་གི་སྲས་ན་དབ་ཀྱིས་ཁོང་གིས་ཤུལ་འཛིན་དུ་རྒྱལ་པོ་གནང་བ་ཡིན་ནོ༎

²¹སོ་ལོ་མོན་གྱི་བུ་རེ་ཧོ་བྷམ་གྱི་ཡ་ཧུ་དཱ་རུ་རྒྱལ་སྲིད་སྐྱངས་སྐབས་ཁོང་ལོ་བཞི་བཅུ་ཞེ་གཅིག་ལོན་ཡོད་དོ། ཨིསི་རཱཨེལ་གྱི་ས་ཁུལ་ཡོངས་ནས་གཙོ་བོ་དཀོན་མཆོག་གིས་འདམས་གནང་བའི་རང་ཉིད་ལ་མཆོད་འབུལ་བྱེད་ཡུལ་གྱི་གྲོང་ཁྱེར་ཡེ་རུ་ཤ་ལེམ་དུ་ཁོང་གི་ལོ་ཅུ་བདུན་རིང་རྒྱལ་སྲེད་སྐྱངས་གནང་ངོ་། རེ་ཧོ་བྷམ་གྱི་ཡུམ་ནི་ཨམ་མོན་ནས་ཡིན་པ་མིང་ལ་ན་མཱ་ཟེར་རོ།

²²ཡ་ཧུ་དཱའི་མི་མང་ཚོས་གཙོ་བོ་དཀོན་མཆོག་གི་སྤྱན་སྔར་སྡིག་པ་བྱེད་པ་དང། རང་གི་ཕ་མེས་ཀྱི་ཉེས་སྡིག་ལས་ཚབ་ཆེ་བ་བྱས་ཡོད་པའི་རྐྱེན་གྱིས་གཙོ་བོ་དཀོན་མཆོག་གི་ཐུགས་དགོངས་དཀྲུགས་པ་ཡིན་ནོ།

²³གང་ལ་ཟེར་ན། དེ་ཚོས་འཛུན་གྱི་ལྷ་རྟེན་རྣམས་ཀྱི་ཆེད་དུ་མཆོད་ཡུལ་རྣམས་བཟོས་པ་དང་། རི་མཐོ་པོ་དང་སིལ་གྲིབ་ཅན་གྱི་ཤིང་སྡོང་གི་འོག་ཏུ་རྡོའི་ཀ་བ་རྣམས་དང་ཨ་ཤེ་རཱེའི་ལྷ་རྟེན་སོགས་བསླླངས་སོ།

²⁴ལས་ངན་ཚབ་ཆེ་ཞིག་ནི། ཕྱི་བའི་མཆོད་ཡུལ་དུ་སྐྱེས་པ་དང་བུད་མེད་སྨད་འཚོང་མ་ཞབས་སུ་བྱེད་མཁན་ཡང་ཡོད་དོ། ཨིསི་རཱཨེལ་གྱི་མི་མང་ཚོ་མདུན་སྐྱོད་བྱེད་ནས་ཡུལ་དེ་ནང་འཛུལ་སྐབས་གཙོ་བོ་དཀོན་མཆོག་གིས་དད་གནང་བའི་མི་རྣམས་ཀྱི་བྱེད་པའི་ངོ་ཚ་བའི་ལས་ངན་ཚང་མ་ཡ་ཧུ་དཱ་པའི་མི་མང་ཚོས་ཀྱང་བྱས་སོ།

²⁵རེ་ཧོ་བྷམ་གྱིས་ལོ་ལྔ་འཁོར་དུས་ཨི་ཇིབ་ཀྱི་རྒྱལ་པོ་ཤི་ཤག་གིས་ཡེ་རུ་ཤ་ལེམ་དུ་དམག་དྲངས་སོ།

²⁶ཁོང་གིས་མཆོད་ཁང་དང་ཕོ་བྲང་ནང་ཡོད་པའི་གཏེར་མཛོད་ཐམས་ཅད་དང་སོ་ལོ་མོན་གྱིས་བཟོས་པའི་གསེར་གྱི་ཕུབ་རྣམས་འཁྱེར་རོ།

²⁷དེ་ཚོའི་ཚབ་ལ་རྒྱལ་པོ་རེ་ཧོ་བྷམ་གྱིས་ལིའིི་ཕུབ་རྣམས་བཟོས་ནས་ཕོ་བྲང་གི་རྒྱལ་སྒོ་སྲུང་མཁན་འགོ་འཛིན་རྣམས་ལ་རྩིས་སྤྲོད་གནང་ངོ་།

²⁸རྒྱལ་པོ་མཆོད་ཁང་ནང་དུ་ཕེབས་རིན་བཞིན་སྐུ་སྲུང་པ་ཚོས་ཕུབ་དེ་ཚོ་འཁྱེར་ཡོང་བ་དང་སྐུ་སྲུང་པའི་ཁང་མིག་ཏུ་འཇོག་གི་ཡོད་དོ།

²⁹རྒྱལ་པོ་རེ་ཧོ་བྷམ་གྱི་མཛད་པ་རྣམས་ཡ་ཧུ་དཱའི་རྒྱལ་པོ་རྣམས་ཀྱི་རྒྱལ་རབས་ནང་བྲིས་ཡོད་དོ།

³⁰དུས་སྐབས་དེའི་རིང་རེ་ཧོ་བྷམ་དང་ཡེ་རོ་བྷམ་གཉིས་ཀྱི་དབར་ཡང་ཡང་དམག་འཁྲུགས་རྒྱབ་བཞིན་ཡོད་དོ།

³¹རེ་ཧོ་བྷམ་གྲོངས་པ་དང་དཱ་བིད་ཀྱི་གྲོང་ཁྱེར་དུ་རྒྱལ་པོའི་དུར་ཁང་ནང་དུ་སྦས་ནས་ཁོང་གི་རྗེས་སུ་བུ་ཨ་བྷི་ཡཱ་རྒྱལ་པོར་འགྱུར་རོ༎