Read Tibetan — པོད་སྐད་Tibetan Old Testament 2011 རྒྱལ་རབས་དང་པོ། 7 Bible Online

རྒྱལ་རབས་དང་པོ། 7 - Tibetan — པོད་སྐད་Tibetan Old Testament 2011 bible

རྒྱལ་རབས་དང་པོ། 7

¹སོ་ལོ་མོན་གྱི་རང་གི་ཆེད་དུ་ཕོ་བྲང་ཞིག་བཞེངས་རྒྱུར་ལོ་ངོ་བཅུ་གསུམ་འགོར་བ་ཡིན་ནོ།

²ལེ་བྷ་ནོན་གྱི་ཤིང་ནགས་ཀྱི་ཕོ་བྲང་ཞེས་པ་དེའི་རིང་ཐུང་མི་ཀྲར་ ༤༤ དང་ཞེང་ཁ་མི་ཀྲར་ ༢༢ དང་མཐོ་ཚད་མི་ཀྲར་ ༡༣.༥ ཡོད། དེ་ལ་འགྱམ་ཤིང་གི་ཀ་བའི་སྟེང་ལ་གྲལ་གསུམ་ཡོད། གྲལ་རེར་ཀ་བ་བཅོ་ལྔ་རེ་ཡོད་པ་དང་དེ་ཚོའི་སྟེང་དུ་འགྱམ་ཤིང་གི་མདུང་མ་བཞག་ཡོད། ཐོག་འགྱམ་ཤིང་ཡིན་པ་དང་གཉེར་ཚང་གི་བར་རྒྱ་ཁྱོན་ཡོད་པ་དང་། དེ་ཚོར་ཀ་བས་སྟེགས་ཡོད་དོ།

⁴ཕྱོགས་གཉིས་ཀྱི་རྩིག་པ་རེ་རེར་སྒེ་ཁུང་གྲལ་གསུམ་རེ་ཡོད་དོ།

⁵སྒོ་ལམ་དང་སྒེ་ཁུང་ལ་ཟུར་བཞི་ཡོད་པའི་སྒྲོམ་ཡོད་པ་དང་། མདུན་གྱི་རྩིག་པར་ཁ་ལྟས་པའི་རྩིག་པ་རེ་རེར་སྒེ་ཁུང་གྲལ་གསུམ་རེ་ཡོད་དོ།

⁶ཀ་བ་དང་ལྡན་པའི་ཚོམས་ཆེན་གྱི་རིང་ཐུང་མི་ཀྲར་གཉིས་ཤུ་རྩ་གཉིས་དང་། ཞེང་ཁ་མི་ཀྲར་ ༡༣.༥ ཡོད། ཀ་བས་སྟེགས་པའི་ཀ་ཕིབས་ཞིག་གཡོག་ཡོད་དོ།

⁷སོ་ལོ་མོན་གྱིས་ཁྲིམས་གཅོད་གནང་ཡུལ་གྱི་བཞུགས་ཁྲི་ཡོད་པའི་ཚོགས་ཀྱང་དེའི་སྤང་གཅལ་ནས་ཐོག་བར་དུ་ཤིང་འགྱམ་ཤིང་གི་བཟོས་ཡོད་པ་ཡིན་ནོ།

⁸ཁྲིམས་གཅོད་གཏོང་བའི་ཚོམས་ཆེན་གྱི་རྒྱབ་ཕྱོགས་སུ་ཡོད་པའི་སོ་ལོ་མོན་སྐུ་ཉིད་ཀྱི་གཟིམ་ཆུང་ཁག་རྣམས་གཞན་དག་དང་འདྲ་བ་ཡོད་པ་དང་། ཁོང་རང་གི་སྐུ་ཟླ་ཨི་ཇིབ་ཀྱི་རྒྱལ་པོའི་བུ་མོ་ལ་ཡང་གཟིམ་ཆུང་ཁོང་དང་འདྲ་མཉམ་བཟོས་གནང་ཡོད་དོ།

⁹ཁང་པ་གཞན་དག་ཚོ་དང་ཁྲིམས་ཁང་ཆེན་པོ་བཅས་རྨང་གཞི་ནས་ཐོག་གི་ཟུར་བར་དུ་རྡོ་སྤུས་ལེགས་ཀྱིས་བཟོས་ཡོད་ཅིང་། རྡོ་རྣམས་རྡོ་བཏོན་སར་ཚད་དང་ལྡན་པ་བཏུབ་ནས་ཡོད་པ་དང་ཕྱི་ནང་གི་ཟུར་རྣམས་སོག་ལེས་བཤགས་ནས་སྙོམ་པོ་བཟོས་ཡོད་དོ།

¹⁰རྨང་གཞིའི་རྡོ་ཆེན་པོ་རྣམས་རྡོ་བཏོན་སར་བཟོས་ཤིང་ཡོད་པ་དང་། འགའ་ཤས་རིང་ཐུང་མི་ཀྲར་ ༣.༥། གཞན་དག་རིང་ཐུང་མི་ཀྲར་བཞི་ཡོད་དོ།

¹¹སྟེང་གི་རྡོའི་ཚད་ནི་རྡོ་གཞན་དང་འདྲ་བ་དེ་རྣམས་འགྱམ་ཤིང་གི་མདུང་མ་དང་འདྲ་བ་བཤགས་ཡོད་དོ།

¹²ཕོ་བྲང་དང་མཆོད་ཁང་ནང་གི་ཚོམས་ཆེན་རེ་དང་མཆོད་ཁང་གི་འཛུལ་སྒོའི་ཁང་མིག་བཅས་པར་རྡོ་བཤགས་པའི་རྩིག་པའི་གྲལ་རིམ་གསུམ་རེ་དང་། འགྱམ་ཤིང་གི་མདུང་མའི་གྲལ་རིམ་གཅིག་ཡོད་དོ༎

¹³རྒྱལ་པོ་སོ་ལོ་མོན་གྱིས་ཧུ་རམ་ཞེས་པའི་མི་ལག་ཤེས་མཁས་པ་ཊ་ཡར་གྱི་གྲོང་དུ་སྡོད་མཁན་ལིའི་ལས་ཀར་མཁས་པོ་ཡོད་པ་དེ་འབོད་ཕྱིར་མི་བཏང་ངོ་།

¹⁴ཁོའི་ཕ་ཊ་ཡར་རུ་སྡོད་མཁན་འདས་ཟིན་ཡོད་པ་དེ་ཡང་ལིའི་ལག་ཤེས་མཁས་པོ་ཡིན་པ་དང་། ཁོའི་ཨ་མ་དེ་ནབ་ཏ་ལིའི་སྡེ་རིགས་ཡིན་ཅིང་། ཧུ་རམ་ནི་ཤེས་རབ་དང་ཉམས་མྱོང་ཅན་གྱི་ལག་ཤེས་མཁས་པ་ཞིག་ཡིན། ཁོ་ལ་རྒྱལ་པོ་སོ་ལོ་མོན་གྱིས་ལིའི་ལས་ཀ་ཚང་མའི་འགན་འཁྱེར་དགོས་པའི་བཀའ་གནང་ངོ༎

¹⁵ཧུ་རམ་གྱིས་ལིའི་ཀ་བ་གཉིས་བཟོས་པ་དང་། རེ་རེར་རིང་ཐུང་མི་ཀྲར་བརྒྱད་དང་འཁོར་ཡུག་ཏུ་མི་ཀྲར་ ༥.༣ ཡོད་ པ་གཉིས་ལུག་རྒྱབ་ནས་དེ་ཚོ་མཆོད་ཁང་གི་འཛུལ་སྒོ་དེར་སླངས་པ་རེད།

¹⁶ཁོས་ཀ་བའི་དེ་སྟེང་དུ་འཇོག་བྱེད་ལིའི་ཀ་གཞུ་གཉིས་ཡང་བཟོས་པ་དང་། རེ་རེའི་ཐོ་ཚད་མི་ཀྲར་ ༢.༢ ཡོད་དོ།

¹⁷ཀ་བ་རེ་རེའི་སྟེང་དུ་ལྕགས་སྒྲོག་གི་ཐག་པའི་དབྱིབས་ཅན་དང་།

¹⁸ལིའི་སེ་འབྲུའི་གྲལ་གཉིས་ཀྱི་རྒྱན་ཡོད་དོ།

¹⁹ཀ་གཞུའི་དབྱིབས་པད་མ་འདྲ་པོ་ཐོ་ཚད་མི་ཀྲར་ ༡.༨ ཡོད་པ་དང་།

²⁰ལྕགས་སྒྲོག་གི་བཟོ་དབྱིབས་ཅན་གྱི་སྟེང་ཟླུམ་པོར་ཡོད་སར་བཞག་གོ ཀ་གཞུ་རེ་རེའི་མཐའ་འཁོར་དུ་གྲལ་གཉིས་རེར་སེ་འབྲུ་གྲངས་ ༢༠༠ ཡོད་དོ།

²¹ཧུ་རམ་གྱིས་ལིའི་ཀ་བ་དེ་གཉིས་མཆོད་ཁང་གི་འཛུལ་སྒོའི་མདུན་དུ་བཙུགས་སོ། དེ་ནས་གཅིག་ནི་ལྷོ་ཕྱོགས་སུ་ཡོད་པའི་ཀ་བ་དེའི་མིང་ལ་ཡ་ཀིན་དང་བྱང་ཕྱོགས་ཀྱི་ཀ་བའི་མིང་ལ་བྷོ་ཨཛ་བཏགས་སོ།

²²པད་མའི་དབྱིབས་ཅན་གྱི་ལིའི་ཀ་གཞུ་དེ་ཀ་བའི་སྟེང་དུ་བཞག་གོ དེ་ལྟར་ཀ་བ་བཟོ་རྒྱུའི་ལས་ཀ་ཆ་ཚང་སྒྲུབ་པ་ཡིན་ནོ།

²³ཧུ་རམ་གྱིས་ལིའི་ཆུ་མཛོད་སྒོར་སྒོར་གཏིང་རིང་ཐུང་མི་ཀྲར་ ༢.༢ དང་། དཀྱིལ་ནས་ཐད་ཁར་མི་ཀྲར་ ༤.༤ དང་། འཁོར་ཡུག་ཏུ་མི་ཀྲར་ ༡༣.༢ ཡོད་པ་ཞིག་བཟོས་སོ།

²⁴ཆུ་མཛོད་ཀྱི་ཕྱི་ལོགས་སུ་མཐའ་འཁོར་ལ་ལིའི་ཁ་སྒྲིལ་ཀུ་བའི་འབྲས་བུའི་གྲལ་གཉིས་ཡོད་པ་དེ་ཚོ་ཆུ་མཛོས་དེ་དང་མཉམ་དུ་བླུགས་རྒྱབ་ཡོད་དོ།

²⁵ཆུ་མཛོད་དེ་རག་གི་གླང་བཅུ་གཉིས་ཀྱི་སྒལ་པའི་སྟེང་དུ་བཞག་ཡོད་པ་དང་། དེ་ཚོ་ཕྱོགས་རེར་གླང་གསུམ་གསུམ་གྱི་ཁ་ལྟས་ཡོད་དོ།

²⁶ཆུ་མཛོད་ཀྱི་ཟུར་གྱི་སྲབ་ཐུབ་མི་ལི་མི་ཀྲར་བདུན་བཅུ་དོ་ལྔ་ཡོད། དེའི་ཁ་སྒྲིལ་ནི་ཕོར་པའི་ཁ་སྒྲིལ་ལྟ་བུར་ཕྱི་ལོག་ནས་པད་མའི་འདབ་མ་བཞིན་ཀྱོག་ནས་ཡོད། ཆུ་མཛོད་དེའི་ནང་ལི་ཀྲར་ ༤༠,༠༠༠ ཙམ་ཤོང་ངོ༎

²⁷ཧུ་རམ་གྱིས་ལིའི་ཤིང་རྟ་འཁོར་ལོ་བཅུ་བཟོས་པདེ་ཚོ་རེ་རེར་རིང་ཐུང་མི་ཀྲར་ ༡.༨། ཞེང་ཁ་མི་ཀྲར་ ༡.༨། མཐོ་ཚད་མི་ཀྲར་ ༡.༣ ཡོད་དོ།

²⁸དེ་ཚོ་སྤང་ལེབ་ཀྱི་སྒྲོམ་གྲུ་བཞི་ཡོད་པའི་ནང་སྒྲིགས་ཡོད་པ་དང་།

²⁹སེང་གེ་རྣམས་དང་གླང་རྣམས་དང་ཀེ་རུབ་རྣམས་ཀྱི་དབྱིབས་སོགས་སྤང་ལེབ་ཀྱི་སྟེང་དུ་བཀོད་ཡོད་དོ། སྒྲོམ་དང་སེང་གེ་དང་གླང་གི་སྟེང་འོག་གཉིས་ལ་རི་མོ་སྒོར་སྒོར་ཡོད་དོ།

³⁰ཤིང་རྟ་འཁོར་ལོ་རེར་ལིའི་འཁོར་ལོ་བཞི་དང་སྲོག་ཤིང་ཡོད་ཟུར་བཞི་ལ་ཁྲུས་གཞོང་གི་ཆེད་ལིའི་སྐྱོར་ཡོད། སྐྱོར་དེ་ཚོ་རི་མོས་རྒྱན་ཡོད་དོ།

³¹ཁྲུས་གཞོང་གི་སྟེང་དུ་སྒྲོམ་སྒོར་སྒོར་ཞིག་ཡོད། དེ་ཤིང་རྟ་འཁོར་ལོའི་སྟེང་ནས་སན་ཀྲི་མི་ཀྲར་ཞེ་རྔ་ཐོན་ཡོད་པ་དང་། འོག་ཏུ་སན་ཀྲི་མི་ཀྲར་ཅོ་བརྒྱད་ཡོད། དེའི་མཐའ་འཁོར་དུ་སྤྲོས་རྒྱབ་ཡོད་དོ།

³²འཁོར་ལོའི་མཐོ་ཚད་སན་ཀྲི་མི་ཀྲར་རེ་དྲུག་དང་དེ་ནི་སྤང་ལེབ་ཀྱི་འོག་ཏུ་ཡོད་པ་དང་། དེ་ཚོའི་འཁོར་ལོའི་དེ་ཚོའི་སྲོག་ཤིང་ནི་ཤིང་རྟ་འཁོར་ལོ་དང་དུམ་བུ་གཅིག་ལས་བཟོས་པ་ཡིན་ནོ།

³³འཁོར་ལོ་དེ་ཚོ་ཤིང་རྟ་འཁོར་ལོའི་འཁོར་ལོ་ལྟར་ཡོད་ཅིང་། དེ་ཚོའི་འཁོར་ལོའི་སྲོག་ཤིང་དང་མཐའ་འཁོར་དང་འཁོར་ལོའི་རྩིབས་དང་འཁོར་ལོའི་སྟེབ་བཅས་པ་ཚང་མ་ལིའི་ལས་བཟོས་པ་ཡིན་ནོ།

³⁴ཤིང་རྟ་འཁོར་ལོའི་འོག་གི་ཟུར་ལ་སྐྱོར་བཞི་རེ་ཡོད་པ་རྣམས་ཤིང་རྟ་འཁོར་ལོ་དང་དུམ་བུ་གཅིག་པ་ཡིན་ནོ།

³⁵ཤིང་རྟ་འཁོར་ལོ་རེ་རེའི་སྟེང་མཐའ་འཁོར་ལ་སྐེ་རག་སན་ཀྲི་མི་ཀྲར་ ༢༢ ཀྱི་བསྐོར་ཡོད། དེའི་སྐྱོར་དང་སྤང་ལེབ་རྣམས་ཤིང་རྟ་འཁོར་ལོ་དང་དུམ་བུ་གཅིག་ལས་བཟོས་པ་ཡིན་ནོ།

³⁶དེའི་སྐྱོར་དང་སྤང་ལེ་རྣམས་ལ་ས་སྟོང་ཡོད་ས་ཚང་མར་ཀེ་རུབ་ཡོད་པ་དང་། སེང་གེ་དང་ཁ་ཟུར་ཤིང་གི་རི་མོས་བརྒྱན་ཡོད་དོ།

³⁷དེ་ལྟར་ཤིང་རྟ་འཁོར་ལོ་རྣམས་དང་དེ་ཚོ་ཚང་མའི་ཆད་དང་དབྱིབས་གཅིག་པར་བཟོས་ཡོད་པ་ཡིན་ནོ།

³⁸ཧུ་རམ་གྱིས་ཤིང་རྟ་འཁོར་ལོ་རེ་རེའི་ཆེད་འཁྲུད་གཞོང་བཅུ་བཟོས་ཡོད་པ་དང་། འཁྲུད་གཞོང་རེ་རེའི་དཀྱིལ་ནས་མཐའ་བར་རིང་ཚད་མི་ཀྲར་ ༡.༨ ཡོད་དོ། དེ་ཚོའི་ནང་དུ་ལི་ཀྲར་ ༨༠༠ ཙམ་ཤོང་ངོ་།

³⁹ཁོང་གིས་ཤིང་རྟ་འཁོར་ལོ་ལྔ་ནི་མཆོད་ཁང་གི་ལྷོ་ཕྱོགས་དང་ལྔ་ནི་བྱང་ཕྱོགས་སུ་བཞག་པ་དང་ཆུ་མཛོད་དེ་ལྷོ་ཤར་གྱི་ཟུར་དུ་བཞག་ཡོད་དོ༎

⁴⁰ཧུ་རམ་གྱིས་སྣོད་དང་མེ་ཁྱིམ་དང་ཕོར་པ་སོགས་བཟོས་ཡོད་དོ། ཁོས་སོ་ལོ་མོན་གྱི་ལས་ཀའི་ཆེད་དུ་གཙོ་བོ་དཀོན་མཆོག་གི་མཆོད་ཁང་ཆ་ཚང་སྒྲུབ་པ་ཡིན་ནོ། ཁོས་གང་བཟོས་པ་རྣམས་འདི་ལྟར་ཡིན། ཀ་བ་གཉིས་དང། ཀ་བ་རྣམས་ཀྱི་སྟེང་དུ་ཕོར་པའི་དབྱིབས་ཅན་གྱི་ཀ་གཞུ་གཉིས་དང་། ཀ་གཞུ་རེ་རེའི་སྟེང་དུ་ཕན་ཚུན་ལྕགས་སྒྲོག་གི་འབྲེལ་ཡོད་པའི་དབྱིབས་ཅན་དང་། ལིའི་སེ་འབྲུ་གྲངས་ ༤༠༠ ཐམ་པ་གྲལ་རེར་བརྒྱ་རེ་བྱས་པ་གྲལ་གཉིས་དང་དབྱིབས་ཅན་ཀ་གཞུའི་སྟེང་དུ་ཡོད་དོ། ཤིང་རྟ་འཁོར་ལོ་བཅུ་ཐམ་པ་དང། འཁྲུད་གཞོང་བཅུ་དང་། ཆུ་མཛོད། ཆུ་མཛོད་སྐྱོར་ཆེད་གླང་བཅུ་གཉིས་དང་། སྣོད་རྣམས་དང་མེ་ཁྱིམ་རྣམས་དང་ཕོར་པ་རྣམས་དང་། ཧུ་རམ་གྱི་རྒྱལ་པོ་སོ་ལོ་མོན་གྱི་ཆེད་དུ་བཟོས་པའི་མཆོད་ཁང་གི་དངོས་ཆས་དེ་ཚོ་མདོག་སྟོན་པའི་ལིའི་བཟོད་པ་ཡིན་ནོ།

⁴¹

⁴²

⁴³

⁴⁴

⁴⁵

⁴⁶རྒྱལ་པོས་དེ་ཚོ་ཚང་མ་ཡོར་དན་ལུང་གཤོང་གི་སུ་ཀོད་དང་ཛ་རེ་ཐན་དབར་གྱི་བླུགས་རྒྱབ་སར་བཟོས་པ་ཡིན་ནོ།

⁴⁷རྒྱལ་པོ་སོ་ལོ་མོན་གྱིས་ལིའི་དངོས་རིགས་དེ་ཚོ་ཡང་ལྗིད་འདེགས་མེད་དོ། གང་ལགས་ཟེར་ན། དེ་ཚོ་ཧ་ཅང་ཕོན་ཆེ་ཡོད་སྟབས་ཡང་ལྗིད་ཐག་མི་ཆོད་དོ།

⁴⁸སོ་ལོ་མོན་གྱིས་མཆོད་ཁང་གི་ཆེད་དུ་མཆོད་ཁྲི་དང་དཀོན་མཆོག་ལ་བཞེས་བག་ཕུལ་ཡུལ་གསོལ་ལྕོག་དང་བཅས་པ་རྣམས་གསེར་ལས་བཟོས་པ་ཡིན་ནོ།

⁴⁹ཤིན་ཏུ་དམ་པའི་གནས་ཀྱི་མདུན་དུ་སླངས་པའི་མར་མེའི་སྟེགས་བུ་རྣམས་ལྷོ་ཕྱོགས་ལ་ལྔ་དང་བྱང་ཕྱོགས་ལ་ལྔ་ཡོད་པ་ཡིན་ནོ། མེ་ཏོག་རྣམས་དང་ཞུ་མར་རྣམས་དང་སྐམ་པ་རྣམས་དང་།

⁵⁰ཕོར་ཆུང་རྣམས་དང་། སྡོང་རས་བཏུབ་པའི་ཇེ་ཙེ་རྣམས་དང་། ཕོར་པ་རྣམས་དང་། སྤོས་ཕོར་རྣམས་དང་། མེ་འཁྱེར་སའི་མེ་ཁྱིམ་རྣམས་དང་། ཤིན་ཏུ་དམ་པའི་གནས་ཀྱི་སྒོའི་འཁོར་མིག་རྣམས་དང་མཆོད་ཁང་གི་སྒོ་ཕྱི་མ་བཅས་པ་དེ་ཚོ་ཚང་མ་གསེར་ལས་བཟོས་པ་ཡིན་ནོ།

⁵¹རྒྱལ་པོ་སོ་ལོ་མོ་གྱིས་མཆོད་ཁང་གི་ལས་དོན་ཚང་མ་སྒྲུབ་པ་དང་། ཁོང་གིས་རང་གི་ཡབ་དཱ་བིད་ཀྱིས་གཙོ་བོ་དཀོན་མཆོག་ལ་སྔོ་བའི་དངུལ་དང་གསེར་དང་གཞན་དངོས་པོ་རྣམས་མཆོད་ཁང་གི་གཉེར་མཛོད་དུ་བཞག་གོ