Read Tibetan — པོད་སྐད་Tibetan Old Testament 2011 རྒྱལ་རབས་གཉིས་པ། 13 Bible Online

རྒྱལ་རབས་གཉིས་པ། 13 - Tibetan — པོད་སྐད་Tibetan Old Testament 2011 bible

རྒྱལ་རབས་གཉིས་པ། 13

¹ཨ་ཧ་ཛ་ཡཱའི་བུ་ཡོ་ཨཱཤེེ་ཀྱིས་ཡ་ཧུ་དཱའི་རྒྱལ་སྲིད་བཟུང་ནས་ལོ་ཉི་ཤུ་རྩ་གསུམ་སོང་བའི་སྐབས་སུ་ཡེ་ཧུའི་བུ་ཡེ་ཧོ་ཨ་ཧཛ་ཨིསི་རཱཨེལ་གྱི་རྒྱལ་པོར་འགྱུར་བ་དང་ཁོང་གིས་ས་མར་ཡ་རུ་ལོ་བཅུ་བདུན་རིང་རྒྱལ་སྲིད་སྐྱངས་སོ།

²སྔོན་གྱི་རྒྱལ་པོ་ཡེ་རོ་བྷམ་ལྟར་ཁོང་གིས་གཙོ་བོ་དཀོན་མཆོག་གི་སྤྱན་སྔར་སྡིག་པ་གྱིས་པ་དང་ཨིསི་རཱཨེལ་པ་ཚོ་ལ་སྡིག་པར་སྣེ་འཁྲིད་བྱས་པ་མ་ཟད། ཁོང་གིས་ལམ་ངན་པ་རྣམས་ནམ་ཡང་སྤངས་མེད་དོ།

³དེ་འདྲ་སོང་ཙང་གཙོ་བོ་དཀོན་མཆོག་ཨིསི་རཱཨེལ་པའི་ཐོག་ཏུ་ཐུགས་ཁྲོ་བ་དང་། ཁོང་གིས། སི་རི་ཡའི་རྒྱལ་པོ་ཧ་ཛ་ཨེལ་དང་ཁོང་གི་བུ་བྷེན་ཧ་དྷད་ཀྱིས་ཨིསི་རཱཨེལ་པ་ཚོ་ལ་ཡང་ཡང་ཕམ་བཅུག་པ་གནང་ཡོད།

⁴དེ་ནས་རྒྱལ་པོ་ཡེ་ཧོ་ཨ་ཧཛ་ཀྱིས་གཙོ་བོ་དཀོན་མཆོག་ལ་གསོལ་བ་བཏབ་པ་དང་། སི་རི་ཡའི་རྒྱལ་པོས་ཨིསི་རཱཨེལ་པ་ཚོར་མནར་གཅོད་གཏོང་བཞིན་ཡོད་པ་དེ་གཟིགས་ནས་གཙོ་བོ་དཀོན་མཆོག་གིས་ཁོང་གི་གསོལ་འདེབས་གསན་གནང་ངོ་།

⁵གཙོ་བོ་དཀོན་མཆོག་གིས་ཨིསི་རཱཨེལ་པ་ཚོར་འགོ་འཁྲིད་ཞིག་བཏང་གནང་བ་དང་། དེས་ཁོ་ཚོར་སི་རི་ཡའི་འོག་ནས་སྐྱབས་པ་དང་ཁོ་ཚོ་སྔར་བཞིན་ཞི་བདེའི་ངང་གནས་སོ།

⁶འོན་ཀྱང་རྒྱལ་པོ་ཡེ་རོ་བྷམ་གྱིས་ཨིསི་རཱཨེལ་པ་ཚོར་སྣེ་འཁྲིད་བྱས་པའི་སྡིག་པ་རྣམས་མ་སྤངས་པར་སྡིག་པ་གྱིས་བཞིན་གནས་པ་དང་ལྷ་མོ་ཨ་ཤེ་རཱའི་འདྲ་སྐུ་དེ་ས་མར་ཡ་རུ་གནས་སོ།

⁷ཡེ་ཧོ་ཨ་ཧཛ་ལ་རྟ་པ་ལྔ་བཅུ་དང་ཤིང་རྟ་འཁོར་ལོ་བཅུ་དང་རྐང་དམག་༡༠,༠༠༠ མ་གཏོགས་དམག་དཔུང་ལྷག་མེད་དོ། གང་ལགས་ཟེར་ན། སི་རི་ཡའི་རྒྱལ་པོས་ལྷག་མ་རྣམས་རྐང་རྡུལ་ལྟར་རྡོག་རྫིས་བཏང་ནས་མེད་པར་བཟོད་ཡོད་དོ།

⁸ཡེ་ཧོ་ཨ་ཧཛས་ཁོང་གི་མཐུ་སྟོབས་ཆེན་པོའི་མཛད་པ་རྣམས་ཨིསི་རཱཨེལ་གྱི་རྒྱལ་པོ་རྣམས་ཀྱི་རྒྱལ་རབས་ནང་བཀོད་ཡོད།

⁹ཁོང་གྲོངས་པ་དང་ས་མར་ཡ་རུ་སྦས་ནས་ཁོང་གི་སྲས་ཡེ་ཧོ་ཨཤེ་ཁོང་གི་ཤུལ་འཛིན་དུ་རྒྱལ་པོར་འགྱུར་རོ༎

¹⁰ཡ་ཧུ་དཱའི་རྒྱལ་པོ་ཡོོ་ཨཱཤེས་རྒྱལ་སྲིད་སྐྱོངས་བའི་ལོ་ངོ་སུམ་ཅུ་སོ་བདུན་སྐབས་སུ། ཡེ་ཧོ་ཨ་ཧཛའི་བུ་ཡེ་ཧོ་ཨཤེ་ཨིསི་རཱཨེལ་གྱི་རྒྱལ་པོར་འགྱུར་ནས་ཁོང་གིས་ལོ་བཅུ་དྲུག་རིང་ས་མར་ཡ་རུ་རྒྱལ་སྲིད་སྐྱངས་སོ།

¹¹ཁོང་གིས་ཀྱང་གཙོ་བོ་དཀོན་མཆོག་གི་སྤྱན་སྔར་སྡིག་པ་གྱིས་པ་དང་། རྒྱལ་པོ་ཡེ་རོ་བྷམ་གྱིས་ཨིསི་རཱཨེལ་ལ་སྡིག་པར་སྣེ་འཁྲིད་གནང་བའི་དཔེའི་ངན་པའི་རྗེས་སུ་འབྲངས་སོ།

¹²ཡེ་ཧོ་ཨཤེའི་མཛད་པ་རྣམས་དང་ཁོང་གི་ཡ་ཧུ་དཱ་པའི་རྒྱལ་པོ་ཨ་མ་ཛ་ཡཱ་མཉམ་དུ་མཐུ་སྟོབས་ཆེན་པོའི་དམག་འཐབ་པའི་སྐོར་སོགས་ཨིསི་རཱཨེལ་གྱི་རྒྱལ་པོ་རྣམས་ཀྱི་རྒྱལ་རབས་ནང་བཀོད་ཡོད་དོ།

¹³ཡེ་ཧོ་ཨཤེ་གྲོངས་ནས་ས་མར་ཡ་རུ་རྒྱལ་པོའི་སྤུར་ཁང་དུ་སྦས་པ་དང་ཁོང་གི་སྲས་ཡེ་རོ་བྷམ་ཁོང་གི་ཤུལ་འཛིན་དུ་རྒྱལ་པོར་འགྱུར་རོ༎

¹⁴ལུང་སྟོན་པ་ཨེ་ལི་ཤ་སྙུང་ཞི་དྲག་པོ་ཞིག་གིས་སྨྱུང་ནས། ཁོང་གྲོངས་གྲབ་ཡོད་སྟབས་ཨིསི་རཱཨེལ་གྱི་རྒྱལ་པོ་ཡེ་ཧོ་ཨཤེ་ཁོང་མཇལ་བར་ཕབེས་པས། ཁོང་བཤུམ་བཞིན་ངའི་ཡབ། ངའི་ཡབ་ཁྱེད་ནི་ཨིསི་རཱཨེལ་གྱི་ཀུན་དབང་ཅན་གྱི་སྲུང་སྐྱོབ་མཁན་ཡིན་ཞེས་གསུང་སྐད་ཤོར་རོ།

¹⁵ཨེ་ལི་ཤས། ཁོང་ལ་མདའ་གཞུ་དང་མདའ་ཁ་ཤས་ལེན་ཞིག་ཅེས་བཀའ་གནང་བས། ཡེ་ཧོ་ཨཤེས་དེ་ཚོ་བླངས་སོ།

¹⁶དེ་ནས་ཨེ་ལི་ཤས། ཁོང་ལ་མདའ་རྒྱབ་རྒྱུར་གྲ་སྒྲིགས་བྱུས་ཤིག་གསུངས་པས། རྒྱལ་པོས་དེ་ལྟར་གནང་བ་དང་ཨེ་ལི་ཤས་རང་གི་ཕྱག་རྒྱལ་པོའི་ཕྱག་གི་སྟེང་དུ་བཞག་གནང་ངོ་།

¹⁷དེ་ནས་ལུང་སྟོན་པས་སློབ་སྟོན་གནང་བ་ལྟར་རྒྱལ་པོས་སི་རི་ཡའི་ཕྱོགས་སུ་སྒེ་ཁུང་ཕྱེ་ནས་བལྟས་པས། ཨེ་ལི་ཤས་མདའ་རྒྱོབ་ཅིག་ཅེས་བཀའ་གནངངོ་། རྒྱལ་པོས་མདའ་རྒྱབ་ཟིན་མ་ཐག་ཏུ་ལུང་སྟོན་པས་ཁྱོད་ནི་གཙོ་བོ་དཀོན་མཆོག་གི་མདའ་ཡིན་པས་དེས་ཁོང་ལ་སི་རི་ཡའི་ཐོག་ཏུ་རྒྱལ་ཁ་ཐོབ་ཡོང་། ཁྱོད་ཀྱིས་སི་རི་ཡ་པ་ཚོ་ནས་རྒྱལ་ཁ་མ་ཐོབ་བར་དུ་ཨ་ཕེག་ཏུ་ཁོ་ཆོ་མཉམ་དུ་འཐབ་འཛིངས་བྱེད་ཡོང་ཞེས་གསུངས་སོ།

¹⁸དེ་ནས་ཨེ་ལི་ཤས་རྒྱལ་པོ་ལ་མདའ་གཞན་དག་བླངས་ནས་ས་ལ་རྒྱོབ་ཅིག་གསུངས་པས། རྒྱལ་པོས་ས་ལ་ཐེངས་གསུམ་མདའ་རྒྱབ་ནས་འཚམས་བཞག་གོ

¹⁹དེར་བརྟེན་ཨེ་ལི་ཤ་ཐུགས་ཁྲོས་ནས་ཁོང་གིས་རྒྱལ་པོ་ལ་ཁྱེད་ཀྱིས་མདའ་ཐེངས་ལྔ་དྲུག་རྒྱབ་པ་ཡིན་ན་ཁྱེད་ཀྱིས་སི་རི་ཡ་ནས་རྒྱལ་ཁ་ཆ་ཚང་ཐོབ་རྒྱུ་ཡིན། འོན་ཀྱང་ད་ལྟ་ཁྱོད་ཀྱི་དེ་ཚོ་ནས་ཐེངས་གསུམ་གཅིག་པུ་རྒྱལ་ཁ་ཐོབ་ཡོང་ཞེས་གསུངས་སོ།

²⁰དེ་ནས་ཨེ་ལི་ཤ་གྲོངས་ནས་སྦས་སོ། ལོ་ལྟར་མོ་ཨབ་པ་རྣམས་ནས་ཨིསི་རཱཨེལ་གྱི་ཡུལ་དུ་བཙན་འཛུལ་བྱེད་བཞིན་ཡོད་དོ།

²¹ཐེངས་གཅིག་རོ་ཞིག་འཁྱེར་བའི་སྐབས་སུ་དེ་ཚོས་མོ་ཨབ་པ་རྣམས་མཐོང་བ་དང་མི་མང་ནས་རོ་དེ་ཨེ་ལི་ཤའི་སྤུར་ཁང་དུ་དབྱུགས་ནས་བྲོས་སོ། རོ་དེ་ཨེ་ལི་ཤའི་རུས་པ་དང་འཕྲད་མ་ཐག་ཏུ་རོ་དེ་གསོན་པོར་ཡར་ལངས་སོ༎

²²ཡེ་ཧོ་ཨ་ཧཛའི་སྐུ་དུས་རིང་སི་རི་ཡའི་རྒྱལ་པོ་ཧ་ཛ་ཨེལ་གྱིས་ཨིསི་རཱཨེལ་པ་ཚོར་མནར་གཅོད་བཏང་ངོ་།

²³འོན་ཀྱང་གཙོ་བོ་དཀོན་མཆོག་གི་དེ་ཚོ་ལ་བྱམས་བརྩེ་དང་སྙིང་རྗེ་ལྡན་པར་འགྱུར་ཡོད། གང་ལགས་ཟེར་ན། ཁོང་མཉམ་དུ་ཨབ་ར་ཧམ་དང་ཨི་སཱག་དང་ཡ་ཀོབ་བཅས་ཀྱི་དབར་ཞལ་ཆད་གནང་ཡོད་པའི་རྐྱེན་གྱིས་ཁོང་གི་དེ་ཆོར་མེད་པར་མ་བཟོས་པར་དེ་ཚོར་སྐྱབས་གནང་ཡོད། ཁོང་གིས་རང་གི་མི་མང་རྣམས་ལ་རྩ་བ་ནས་བརྗེད་གནང་མེད་དོ།

²⁴སི་རི་ཡའི་རྒྱལ་པོ་ཧ་ཛ་ཨེལ་གྲོངས་ནས་ཁོང་གི་བུ་བྷེན་ཧ་དྷད་ཁོང་གི་ཤུལ་འཛིན་དུ་རྒྱལ་པོར་འགྱུར་རོ།

²⁵དེ་ནས་ཨིསི་རཱཨེལ་གྱི་རྒྱལ་པོ་ཡེ་ཧོ་ཨཤེའི་བྷེན་ཧ་དྷད་ལ་ཐེང་གསུམ་ཕམ་པར་བྱས་པ་དང་། བྷེན་ཧ་དྷད་ཀྱིས་ཡེ་ཧོ་ཨཤེའི་ཡབ་ཡེ་ཧོ་ཨ་ཧཛའི་སྐུ་དུས་སུ་འཕྲོག་པའི་གྲོང་ཁྱེར་རྣམས་ཚུར་བླངས་སོ༎