Read Tibetan — པོད་སྐད་Tibetan Old Testament 2011 སྔོན་རབས་དང་པོ། 22 Bible Online

སྔོན་རབས་དང་པོ། 22 - Tibetan — པོད་སྐད་Tibetan Old Testament 2011 bible

སྔོན་རབས་དང་པོ། 22

¹དེ་འདྲ་སོང་ཙང་དཱ་བིད་ཀྱིས་འདིར་གཙོ་བོ་དཀོན་མཆོག་གི་མཆོད་ཁང་ཞིག་བྱུང་བར་འགྱུར། འདིར་ཨིསི་རཱཨེལ་གྱི་མི་མང་ཚོས་སྦྱིན་སྲེག་གི་མཆོད་པ་འབུལ་བའི་མཆོད་ཁྲི་ཡོད་ཅེས་གསུངས་སོ༎

²རྒྱལ་པོ་དཱ་བིད་ཀྱིས་ཨིསི་རཱཨེལ་གྱི་ཡུལ་དུ་སྡོད་པའི་ཕྱི་རྒྱལ་བ་རྣམས་འཛོམས་དགོས་པའི་བཀའ་གནང་བ་དང་། ཁོང་གིས་དེ་ཚོར་ལས་བྱེད་དུ་བཅུག་གོ། ཁོང་གིས་འགའ་ཤས་ལ་མཆོད་ཁང་བཞེངས་ཕྱིར་རྡོ་རྣམས་གྲ་སྒྲིགས་བྱས་སོ།

³ཁོང་གིས་ཤིང་གི་རྒྱལ་སྒོ་རྣམས་ཀྱི་གཟེར་དང་འཁོར་མིག་བཟོ་བའི་ལྕགས་ཁྱོན་ཆེ་དང་སུས་ཀྱང་ལྗིད་ཚད་བྱེད་མི་ཐུབ་པའི་ལི་ཁྱོན་ཆེ་གནང་ངོ་།

⁴ཁོང་ལ་ཊ་ཡར་དང་སི་དོན་གྱི་མི་མང་ཚོས་འགྱམ་ཤིང་གི་མདུང་མ་ཁྱོན་ཆེ་འཁྱེར་ཡོང་བའི་གོ་སྒྲིགས་གནང་ངོ་།

⁵དཱ་བིད་ཀྱི་ཐུགས་ལ་ཁོང་གི་སྲས་སོ་ལོ་མོན་གྱིས་བཞེངས་རྒྱུའི་མཆོད་ཁང་དེ་ངོ་མཚར་ཅན་དང་འཛམ་གླིང་ནང་སྙ་གྲགས་ཅན་ཞིག་དགོས་སོ། འོན་ཀྱང་ཁོང་ནི་ལོ་ཆུང་བ་དང་ཉམས་མྱོང་མེད་པ་ཞིག་ཡིན་པ་སོང་ཙང་ངས་དེའི་དོན་དུ་གྲ་སྒྲིགས་བྱེད་དགོས་སོ། དེ་འདྲ་སོང་ཙང་མ་གྲོང་པའི་སྔོན་དུ་རྒྱུ་ཆ་ཁྱོན་ཆེ་གྲ་སྒྲོགས་མཛད་དོ།

⁶ཁོང་གིས་རང་གི་སྲས་སོ་ལོ་མོན་ལ་སྐད་བཏང་ནས། ཨིསི་རཱཨེལ་གྱི་དཀོན་མཆོག་གཙོ་བོ་དཀོན་མཆོག་གིས་ཆེད་དུ་མཆོད་ཁང་ཞིག་བཞེངས་དགོས་པའི་བཀའ་གནང་ངོ་།

⁷དཱ་བིད་ཀྱིས་ཁོ་ལ། ངའི་བུ། ངའི་དཀོན་མཆོག་གཙོ་བོ་དཀོན་མཆོག་གི་མཚན་མཐོང་ཆེད་ངས་མཆོད་ཁང་ཞིག་བཞེངས་འདོད་ཡོད་དོ།

⁸འོན་ཀྱང་གཙོ་བོ་དཀོན་མཆོག་གིས་ང་ལ། ངས་མི་མང་ཧ་ཅང་མང་པོ་བསད་པ་དང་། དམག་འཐབ་ཤིན་ཏུ་མང་པོ་བྱས་ཡོད་ཅེས་ང་ལ་གསུངས་བྱུང་བས། དེ་འདྲ་སོང་ཙང་ངས་ཁྲག་ལས་མང་ཙམ་གྱིས་ཡོད་སྟབས། ཁོང་གི་ང་ལ་མཆོད་ཁང་བཞེངས་བཅུག་གནང་འདོད་མེད་དོ།

⁹བྱས་ན་ཡང་ཁོང་གིས་ང་ལ་ཞལ་བཞེས་ཤིག་གནང་བྱུང་། ཁོང་གིས་ཁྱོད་ལ་ཞི་བདེའི་ངང་རྒྱལ་སྲིད་སྐྱོངས་མཁན་བུ་ཞིག་བྱུང་ཡོང་། གང་ལ་ཟེར་ན། ངས་ཁོ་ལ་ཁོའི་དགྲ་བོ་ལས་ཞི་བདེ་སྤྲོད་རྒྱུད་ཡིན། ཁོའི་མིང་ལ་སོ་ལོ་མོན་ཞེས་གྲགས་སོ། གང་ལ་ཟེར་ན། ཁོའི་རྒྱལ་སྲིད་སྐྱོངས་སྐབས་ངས་ཨིསི་རཱཨེལ་ལ་ཞི་བདེ་དང་བདེ་འཇགས་སྤྲོད་རྒྱུ་ཡིན་ནོ།

¹⁰ཁོས་ངའི་ཆེད་དུ་མཆོད་ཁང་ཞིག་བཞེངས་ཡོང་། ཁོ་ནི་ངའི་བུ་རུ་འགྱུར་རྒྱུ་དང་ང་ནི་ཁོའི་ཕ་རུ་འགྱུར་རྒྱུ་ཡིན་ནོ། ཁོའི་རྒྱལ་རྒྱུད་ཀྱིས་དུས་རྟག་ཏུ་ཨིསི་རཱཨེལ་གྱི་རྒྱལ་སྲིད་སྐྱོངས་བར་བྱ་ཞེས་བཀའ་གནང་ངོ་།

¹¹དཱ་བིད་ཀྱིས་མུ་མཐུད་ནས། ད་ངའི་བུ་ཁྱོད་ཀྱི་དཀོན་མཆོག་གཙོ་བོ་དཀོན་མཆོག་ཁྱོད་དང་མཉམ་དུ་བཞུགས་པ་དང་། ཁྱོད་ཀྱིས་ཁོང་ལ་ལམ་ལྷོང་ནང་མཆོད་ཁང་བཞེངས་ཐུབ་པའི་ཞལ་བཞེས་གནང་བ་དེ་སྒྲུབ་པར་ཤོག

¹²ཁྱོད་ཀྱོས་ཨིསི་རཱཨེལ་པ་རྣམས་ལ་ཁོང་གི་བཀའ་ཁྲིམས་བཞིན་འཛིན་སྐྱོངས་བྱེད་ཐུབ་པའི་ཤེས་རབ་དང་ནང་དོན་རྟོགས་པའི་ནུས་པ་གནང་བར་ཤོག

¹³གཙོ་བོ་དཀོན་མཆོག་གིས་ཨིསི་རཱཨེལ་གྱི་ཆེད་དུ་མོ་ཤེ་ལ་གནང་བའི་བཀའ་ཁྲིམས་རྣམས་ཁྱོད་ཀྱི་སྲུང་བ་ཡིན་ན་ཁྱོད་ཀྱི་དོན་རྣམས་སྒྲུབ་པར་འགྱུར་རོ། སེམས་ཐག་ཆོད་པོ་དང་བློ་སྟོབས་ཆེན་པོ་སྐྱེད་ཅིག གང་གིས་ཀྱང་ཁྱོད་འཇིགས་སུ་མ་བཅུག་ཅིག

¹⁴མཆོད་ཁང་བཞེངས་པར་བེད་སྤྱོད་བྱེད་པའི་ཆེད་དུ་ངས་དཀའ་ལས་རྒྱབ་ནས་གསེར་མི་ཀྲི་རིག་ཀྲོན་ ༣༤༠༠ ལྷག་དང་། དངུལ་མི་ཀྲི་རིག་ཀྲོན་ ༣༤༠༠ ལྷག་བསགས་ཡོད། དེ་མིན་ལི་དང་ལྕགས་ཀྱི་མཁོ་སྒྲུབ་དཔག་མེད་ཡོད། ང་ལ་ཤིང་དང་རྡོ་ཡང་གྲ་སྒྲིགས་ཡོད། འོན་ཀྱང་ཁ་སྣོན་ཡང་ཐབས་ཤེས་བྱེད་དགོས་སོ།

¹⁵ཁྱོད་ལ་ལས་མི་མང་པོ་ཡོད་པ་དང་། རྡོ་གཅོག་མཁན་གྱི་ལས་མི་དང་རྡོ་བཟོ་བ་དང་ཤིང་བཟོ་བ་དང་ལས་རིགས་འདྲ་མིན་ལས་མཁན་ལག་ཤེས་པ་ཧ་ཅང་ཁྱོན་ཆེ་དང་།

¹⁶གསེར་དངུལ་དང་ལི་དང་ལྕགས་བཅས་པའི་ལག་ཤེས་པ་ཡང་ཡོད། ད་ལས་ཀ་འགོ་འཚུགས་ཤིག་དང་གཙོ་བོ་དཀོན་མཆོག་ཁྱོད་དང་འགྲོགས་པར་ཤོག་ཅེས་བཀའ་གནང་ངོ་།

¹⁷དཱ་བིད་ཀྱིས་ཨིསི་རཱཨེལ་གྱི་འགོ་འཛིན་རྣམས་ལ་སོ་ལོ་མོན་ལ་རོགས་བྱེད་དགོས་པའི་བཀའ་གནང་ངོ་།

¹⁸ཁོང་གིས། ཁྱོད་ཚོའིི་དཀོན་མཆོག་གཙོ་བོ་དཀོན་མཆོག་ཁྱོད་དང་མཉམ་དུ་ཡོད་པ་མ་ཟད། ཕྱོགས་ཐམས་ཅད་ནས་ཁྱོད་ལ་ཞི་བདེ་གནང་ཡོད་དོ། ཁོང་གིས་སྔར་ཡུལ་འདིར་གནས་པའི་མི་རྣམས་ལ་ང་ལ་དབང་བསྒྱུར་བྱེད་འཇུག་གནང་བ་དང་། ད་ཆ་དེ་ཚོ་ཚང་མ་ཁྱོད་དང་གཙོ་བོ་དཀོན་མཆོག་གི་འབངས་ཡིན་ནོ།

¹⁹ད་ཁྱོད་ཚོའི་དཀོན་མཆོག་གཙོ་བོ་དཀོན་མཆོག་ལ་སྙིང་གི་གཏིང་ནས་ཞབས་ཞུ་ཞུས་ཤིག ཁྱོད་ཚོས་གཙོ་བོ་དཀོན་མཆོག་གི་དམ་བཅའི་སྒྲོམ་དང་གཞན་མཆོད་འབུལ་སྐབས་བེད་སྤྱོད་བྱེད་པའི་ཡོ་བྱད་དམ་པའི་ཅ་དངོས་རྣམས་ནང་དུ་འཇོག་ཐུབ་པའི་ཕྱིར་མཆོད་ཁང་བཞེངས་འགོ་འཚུགས་ཤིག་ཅེས་བཀའ་གནང་ངོ་༎