Read Tibetan — པོད་སྐད་Tibetan Old Testament 2011 ཨེཛ་ར 1 Bible Online

ཨེཛ་ར 1 - Tibetan — པོད་སྐད་Tibetan Old Testament 2011 bible

ཨེཛ་ར 1

¹སེའི་རསེ་པར་སི་ཡའི་རྒྱལ་པོ་ཆེན་པོ་ཡིན་པའི་ལོ་དང་པོར། གཙོ་བོ་དཀོན་མཆོག་གིས་ལུང་སྟོན་པ་ཡེར་མི་ཡཱ་བརྒྱུད་ནས་ཇི་སྟར་བཀའ་གནང་བ་རྣམས་བདེན་པར་འགྱུར་བར་མཛད་དོ། ཁོང་གིས་སེའི་རསེ་ལ་གཤམ་གསལ་བཀའ་རྣམས་སྤེལ་བར་བསྐུལ་ཞིང་ཡིག་ཐོག་བསྐོས་ནས་ཁོང་གི་རྒྱལ་ཁམས་ཡོངས་སུ་སྐད་ཤུགས་ཆེན་པོས་ཀློག་ཕྱིར་གཏོང་བར་མཛད་དོ།

²པར་སི་ཡའི་རྒྱལ་པོ་ཆེན་པོ་སའི་རསེ་ལ་བཀའ་གནང་བ་འདི་ལྟར་ཡིན། གཙོ་བོ་དཀོན་མཆོག་མཐོ་རིས་ཀྱི་དཀོན་མཆོག་གིས་འཛམ་གླིང་ཡོངས་ཀྱི་ཐོག་ཏུ་ང་ལ་རྒྱལ་པོར་བཀོད་གནང་བ་དང། ཁོང་གིས་ང་ལ་ཡ་ཧུ་དཱའི་ཡེ་རུ་ཤ་ལེམ་དུ་ཁོང་གི་ཆེད་དུ་མཆོད་ཁང་ཞིག་བཞེངས་དགོས་པའི་ལས་འགན་གནང་བྱུང་ངོ།

³ཁོང་གི་མི་མང་ཡིན་པ་ཁྱོད་ཚོ་དང་མཉམ་དུ་དཀོན་མཆོག་བཞུགས་པར་ཤོག ཁྱོད་ཚོ་ཡེ་རུ་ཤ་ལེམ་དུ་འགྲོ་དགོས་པ་དང། ཡེ་རུ་ཤ་ལེམ་གྲོང་ཁྱེར་དུ་བཞུགས་ཡོད་པའི་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གི་མཆོད་ཁང་དེ་སྐྱར་བཞེངས་དགོས་སོ།

⁴བཙན་བྱོལ་དུ་ཡོད་པའི་ཁོང་གི་སྐྱེ་བོ་ཚོར་ཕྱིར་ལོག་བྱེད་པའི་རོགས་དགོས་པ་ཡིན་ན། དེ་ཚོའི་ཁྱིམ་མཚེས་ཚོས་དེ་ལྟར་རོགས་བྱེད་དགོས། དེ་ཚོས་གསེར་དངུལ་དགོས་མཁོ་དང་སེམས་ཅན་སོགས་ཡེརུཤ་ལེམ་གྱི་དཀོན་མཆོག་གི་མཆོད་ཁང་དུ་མཁོ་བའི་འབུལ་བ་བཅས་དེ་ཚོས་མཁོ་སྒྲུབ་བྱ་དགོས།

⁵དེ་ནས་ཡ་ཧུ་དཱ་དང་བྷེན་ཡ་མིན་གྱི་སྡེ་རིགས་ཀྱི་རིགས་རུས་རྣམས་ཀྱི་འགོ་འཛིན་ཚོ་དང་བླ་མ་དང་ལེ་ཝི་པ་རྣམས་དང་གཞན་དཀོན་མཆོག་གིས་སུ་སུ་ལ་སེམས་འགུལ་གནང་བ་ཚང་མ་ཡེ་རུ་ཤ་ལེམ་དུ་གཙོ་བོ་དཀོན་མཆོག་གི་མཆོད་ཁང་བཞེངས་ཕྱིར་འགྲོ་བར་གྲ་སྒྲིགས་བྱས་སོ།

⁶དེ་ཚོའི་ཁྱིམ་མཚེས་ཚང་མས་དེ་ཚོ་ལ་དངུལ་གྱི་སྣོད་ཆས་དང་གསེར་དང་དགོས་མཁོ་ཁག་དང་ཁྱིམ་གྱི་ཟོག་སེམས་ཅན་དང་གཞན་རིན་ཐང་ཅན་གྱི་དངོས་རིགས་དང་མཆོད་ཁང་གི་འབུལ་བ་ཁག་བཅས་ཕུལ་ནས་རོགས་གྱིས་སོ།

⁷རྒྱལ་པོ་ནེེ་བུ་ཀད་ནེ་ཛར་གྱིས་ཡེ་རུ་ཤ་ལེམ་གྱི་མཆོད་ཁང་ནང་ནས་འཁྱེར་ནས་རང་གི་སྐུ་འདྲའི་མཆོད་ཁང་དུ་བཞག་པའི་ཕོར་པ་དང་དཀར་ཡོལ་རྣམས་སེའི་རསེ་ཀྱིས་ཕྱིར་ལོག་སྤྲད་དོ།

⁸ཁོང་གིས་དེ་ཚོ་རྒྱལ་ཁབ་ཀྱི་བང་མཛོད་ཀྱི་འགོ་བྱེད་མིད་རེ་དད་ལ་རྩིས་སྤྲད་པ་དང་། ཁོས་ཡ་ཧུ་དཱ་པའི་སྤྱི་ཁྱབ་པ་ཤེཤེ་བྷ་ཛར་གྱི་ཆེད་དུ་དེའི་སྐོར་གྱི་དངོས་ཐོ་ཞིག་བཟོས་པ་ནི།

⁹གཤམ་གསལ་ལྟར་ཡིན། བུལ་བའི་ཆེད་གསེར་གྱི་ཕོར་པ་གྲངས་ — ༣༠ འབུལ་བའི་ཆེད་དུ་དངུལ་གྱི་ཕོར་པ་ — ༡,༠༠༠ གཞན་ཕོར་པ་ — ༢༩ གསེར་གྱི་ཕོར་པ་ཆུང་བ་ — ༣༠ དངུལ་གྱི་ཕོར་པ་ཆུང་བ་ — ༤༡༠ གཞན་སྣོད་ཆས་ — ༡,༠༠༠

¹¹ཤེཤེ་བྷ་ཛར་དང་གཞན་ཚོ་བྷེ་བྷི་ལོན་ནས་ཡེ་རུ་ཤ་ལེམ་དུ་བཙན་བྱོལ་དུ་འགྲོ་སྐབས་ཁོང་མཉམ་དུ་འཁྱེར་ཡོང་བའི་གསེར་དངུལ་གྱི་ཕོར་པ་དང་གཞན་དངོས་པོ་བཅས་གྲངས་ ༥,༤༠༠ ཡོད༎