Read Tibetan — པོད་སྐད་Tibetan Old Testament 2011 ཨེཛ་ར 10 Bible Online

ཨེཛ་ར 10 - Tibetan — པོད་སྐད་Tibetan Old Testament 2011 bible

ཨེཛ་ར 10

¹ཨེཛ་རས་མཆོད་ཁང་གི་མདུན་དུ་ཕྱག་འཚལ་ཞིང་ཐུགས་སྨོན་གནང་བ་དང་བཤུམས་ཤིང་སྡིག་པ་དེ་ཚོ་ལ་འགྱོད་བཤགས་ཕུལ་གནང་སྐབས་སྐྱེས་པ་དང་བུད་མེད་ཕྲུ་གུ་བཅས་ཀྱི་ཨིསི་རཱཨེལ་པའི་ཚོ་ཆེན་པོ་ཞིག་ཁོང་གི་མཐའ་འཁོར་དུ་དྲག་པོར་ངུ་བཞིན་འདུས་སོ།

²དེ་ནས་ཨེ་ལམ་གྱི་རིགས་རུས་ཀྱི་ཡེ་ཧི་ཨེལ་གྱི་བུ་ཤེ་ཀན་ཡཱས་ཨེཛ་ར་ལ་སྨྲས་པ། ང་ཚོས་ཕྱི་རྒྱལ་གྱི་བུད་མེད་མཉམ་དུ་ཆང་ས་བརྒྱབ་ནས་དཀོན་མཆོག་དང་དམ་ཚིག་འགལ་ཡོད་ན་ཡང་། ད་དུང་ཨིསི་རཱཨེལ་པ་ཚོར་རེ་བ་ཡོད།

³ང་ཚོས་བུད་མེད་འདི་ཚོ་དང་འདི་ཚོའི་བུ་ཕྲུག་ཚོ་ཕྱིར་ལོག་གཏོང་རྒྱུའི་དམ་བཅའ་བརྟན་པོ་ཞིག་དཀོན་མཆོག་ལ་ཕུལ་དགོས། ང་ཚོས་ཁྱེད་དང་དཀོན་མཆོག་གི་བཀའ་ལ་དང་ལེན་ཞུ་མཁན་ཚོས་ཇི་ལྟར་སློབ་སྟོན་གནང་བ་ལྟར་ཞུ་རྒྱུ་ཡིན། ང་ཚོས་དཀོན་མཆོག་གི་བཀའ་ཁྲིམས་ནང་གང་ཡོད་པ་ཞུ་རྒྱུ་ཡིན་ནོ།

⁴ལས་ཀ་འདི་རྣམས་ཁྱེད་ཀྱི་ལས་འགན་ཡིན། ང་ཚོ་ཁྱེད་ཀྱི་རྗེས་སུ་ཡོད་པས་ཇི་ལྟར་བྱེད་དགོས་པ་རྣམས་ཁྱེད་ཀྱི་གནོང་ཞིག་ཅེས་ཞུས་སོ།

⁵དེར་བརྟེན་ཨེཛ་རས་ཤེ་ཀན་ཡཱས་ཀྱིས་ཇི་ལྟར་གྲོས་སྟོན་གྱིས་པ་ལྟར་བླ་མ་ཚོའི་དབུ་འཛིན་ཚོ་དང། ལེ་ཝི་པ་ཚོ་དང། གཞན་མི་མང་བཅས་པས་ཇི་ལྟར་བྱ་རྒྱུ་ཡིན་པའི་དམ་བཅའ་ཕུལ་ལོ།

⁶དེ་ནས་ཁོང་མཆོད་ཁང་གི་མདུན་དུ་ཨེལ་ཡ་ཤིབ་ཀྱི་བུ་ཡོ་ཧོ་ཧ་ནན་གྱི་གཟིམ་ཤག་ཏུ་ཕེབས་ནས། བཙན་བྱོལ་པ་ཚོའི་དམ་ཚིག་མི་གཙང་བའི་ཆེད་མྱ་ངན་གནང་བཞིན་མཚན་དེ་ལ་དེར་བཞུགས་ནས། ཁོང་གིས་བཟའ་འཐུང་གང་ཡང་གནང་མེད་དོ།

⁷ཡེ་རུ་ཤ་ལེམ་དང་ཡ་ཧུ་དཱ་ཡོངས་སུ་བཙན་བྱོལ་ནས་ཕྱིར་ལོག་ཡོང་མཁན་རྣམས་ཡེ་རུ་ཤ་ལེམ་དུ་འཛོམས་དགོས་པའི་འཕྲིན་ཞིག་བཏང་ངོ་།

⁸མི་མང་གི་འགོ་འཁྲིད་ཚོའི་བཀའ་ལྟར་ཉིན་གསུམ་གྱི་ནང་དུ་མ་ཡོང་མཁན་ཚོའི་རྒྱུ་ནོར་ཚང་མ་གཞུང་བཞེས་གཏོང་རྒྱུ་མ་ཟད། ང་ཚོའི་མི་སྡེའི་འཐུས་མིའི་ཐོབ་ཐང་རྣམས་ཤོར་རྒྱུ་ཡིན་ནོ།

⁹ཉིན་གསུམ་གྱི་ནང་ཟླ་བ་དགུ་པའི་ཚེས་ཉི་ཤུ་ཉིན་ཡ་ཧུ་དཱ་དང་བྷེན་ཡ་མིན་དུ་གནས་སྡོད་བྱ་མཁན་སྐྱེས་པ་ཚང་མ་ཡེ་རུ་ཤ་ལེམ་དུ་ཡོང་ནས་མཆོད་ཁང་གི་ཁྱམས་རར་འཛོམས་སོ། གང་ལགས་ཟེར་ན། སྐབས་དེར་ཆར་པ་ཤུགས་ཆེན་པོ་འབབ་བཞིན་ཡོད་པ་དང་དེར་འཛོམས་དགོས་དོན་གལ་ཆེ་ཡིན་པའི་རྐྱེན་གྱིས་ཚང་མ་འདར་བཞིན་དེར་འཛོམས་སོ།

¹⁰བླ་མ་ཨེཛ་ར་ཡར་བཞེངས་ནས་དེ་ཚོ་ལ་བཀའ་སློབ་གནང་ནས། ཁོང་གིས་གསུངས་པ། ཁྱོད་ཚོ་དམ་ཚིག་མི་ལྡན་པ་གྱིས་པ་དང་ཕྱི་རྒྱལ་གྱི་བུད་མེད་མཉམ་དུ་ཆང་ས་བརྒྱབ་ནས་ཨིསི་རཱཨེལ་སྟེང་ཉེས་པ་འཕེལ་ཡོད་དོ།

¹¹དེ་བས་ན་ད་ཆ་ཁྱོད་ཚོས་གཙོ་བོ་དཀོན་མཆོག་ཁྱོད་ཚོའི་ཕ་མེས་ཀྱི་དཀོན་མཆོག་གི་མདུན་དུ་འགྱོད་བཤགས་ཕུལ་ནས་ཁོང་ཐུགས་མཉེས་པ་ལྟར་བྱོས་ཤིག ང་ཚོའི་ཡུལ་དུ་གནས་སྡོད་བྱ་མཁན་ཕྱི་རྒྱལ་བ་ཚོ་ནས་ལོག་སུ་བསྡོད་ཅིག ཁྱོད་ཚོའི་ཕྱི་རྒྱལ་བའི་ཆུང་མ་རྣམས་སྤོངས་ཤིག་ཅེས་སོ།

¹²ལན་དུ་མི་མང་ནས། ཁྱེད་ཀྱིས་ཇི་ལྟར་བཀའ་གནང་བ་ལྟར་ང་ཚོས་ཞུ་རྒྱུ་ཡིན་ཞེས་སྐད་ཤུགས་ཆེན་པོས་ཞུས་སོ།

¹³ཡང་དེ་ཚོས་ཞུས་པ། མི་ཚོགས་ཧ་ཅང་ཆེན་པོ་ཡོད་པ་དང་ཆར་པ་ཡང་ཤུགས་ཆེན་པོ་འབབ་བཞིན་ཡོད་པས། ང་ཚོ་འདིར་ཕྱི་རོལ་དུ་ལངས་མི་ཐུབ། ལས་ཀ་འདི་བཞིན་ང་ཚོས་ཉིན་གཅིག་ལ་བྱེད་ཐུབ་པའི་ལས་ཀ་མིན་ནོ། གང་ལགས་ཟེར་ན་། ང་ཚོ་སྡིག་པ་དང་འདིར་འབྲེལ་བ་མང་པོ་ཡོད་དོ།

¹⁴ང་ཚོའི་ལས་བྱེད་པ་ཚོ་ཡེ་རུ་ཤ་ལེམ་དུ་བཞུགས་བཅུག་གནས་དོན་གནས་འདིའི་སྐོར་འགན་ལེན་དུ་འཇུག། དེ་ནས་དུས་ཚོད་བཀག་ནས་ཕྱི་རྒྱལ་བ་ཆུང་མ་ཡོད་མཁན་ཡོངས་དང། འགོ་འཁྲིད་དང། གྲོང་ཁྱེར་གྱི་ཁྲིམས་དཔོན་ཚོ་བཅས་ཡོང་དུ་འཇུག། དེ་ལྟར་བྱེད་པའི་སྒོ་ནས་དོན་གནས་འདིའི་ཐོག་དཀོན་མཆོག་ཐུགས་ཁྲོ་བ་དེ་སེལ་ཐུབ་པ་ཡོད་ཅེས་སྨྲས་སོ།

¹⁵འཆར་གཞི་དེར་ཨ་ས་ཧེལ་གྱི་བུ་ཡོ་ན་ཐན་དང་ཏིག་ཝཱའི་བུ་ཡ་ཛི་ཨ་དང་མེ་ཤུལ་ལམ་དང་ལེ་ཝི་པ་ཤབ་བེ་ཐཡེ་རྒྱབ་སྐྱོར་ཡོང་མཁན་མ་གཏོགས་སུས་ཀྱང་ངོ་རྒོལ་བྱས་མེད་དོ།

¹⁶བཙན་བྱོལ་ལས་ཕྱིར་ལོག་ཡོང་མཁན་ཚོས་འཆར་གཞི་དེར་ཁས་ལེན་གྱིས་པའི་རྐྱེན་བླ་མ་ཨཛ་རས་རིགས་རུས་ཚོའི་འགོ་འཛིན་ཚོ་ལས་མི་བསྐོ་གཞག་གནང་བ་དང་དེ་ཚོའི་མིང་དེབ་བཀོད་མཛད་དོ། ཟླ་བ་བཅུ་པའི་ཚེས་གཅིག་ནས་དེ་ཚོའི་ཞིབ་གཤེར་འགོ་ཚུགས་སོ།

¹⁷ཟླ་བ་གསུམ་གྱི་ནང་དེ་ཚོའི་ཕྱི་རྒྱལ་བ་ཆུང་མ་ཡོད་མཁན་ཚང་མའི་གནས་སྟངས་ཞིབ་གཤེར་གྱིས་སོ༎

¹⁸སྐྱེས་པ་ཕྱི་རྒྱལ་བ་ཆུང་མ་ཡོད་མཁན་གྱི་མིང་ཐོ་འདི་ལྟར་ཡིན༎ ཡོ་ཤུ་ཨའི་རིགས་རུས་དང་ཁོང་གི་སྤུན་ཚོ་དང་ཡེ་ཧོ་ཛ་དག་གི་བུ་ཚོ་ནས་མ་སི་ཨ་དང་ཨེ་ལི་ཨེ་ཛེར་དང་ཡ་རིབ་དང་གྷེ་དལ་ཡཱ་བཅས་ཡིན་ནོ།

¹⁹དེ་ཚོས་རང་གི་ཆུང་མ་དང་ཁ་བྲལ་རྒྱུའི་དམ་བཅའ་ཕུལ་བ་དང་དེ་ཚོའི་སྡིག་སེལ་ཆེད་ལུག་ཐུག་ཞིག་མཆོད་པར་ཕུལ་ལོ།

²⁰ཨིམ་མེར་གྱི་རིགས་རུས་ནས་ཧ་ན་ནི་དང་ཛེ་བ་དི་ཡཱ།

²¹ཧ་རིམ་གྱི་རིགས་རུས་ནས་མ་སི་ཨ་དང་ཨེ་ལི་ཡཱ་དང་ཤེ་མ་ཡཱ་དང་ཡེ་ཧི་ཨེལ་དང་ཨུ་ཛི་ཡཱ།

²²པ་ཤུར་གྱི་རིགས་རུས་ནས་ཨེ་ལི་ཨོ་ནེ་དང་མ་སི་ཨ་དང་ཨིཤ་མ་ཨེལ་དང་ནེ་ཐ་ནེེལ་དང་ཡོ་ཛ་བྷད་དང་ཨེ་ལ་སཱ༎

²³ཡོ་ཛ་བྷད་དང་ཤིམ་ཨི་དང་ཀེ་ལ་ཡཱ་དང་(ཀི་ལི་ཏ་ཡང་ཟེར)པེ་ཐ་ཡཱ་དང་ཡ་ཧུ་དཱ་དང་ཨེ་ལི་ཨེ་ཛེར།

²⁴ཨེལ་ཡ་ཤིབ། ཤལ་ལུམ་དང་ཏེ་ལེམ་དང་ཨུ་རི།

²⁵པ་རོཤི་ཀྱི་རིགས་རུས་ནས་ར་མ་ཡཱ་དང་ཡི་ཛི་ཡཱ་དང་མལ་ཀི་ཡཱ་དང་མི་ཡ་མིན་དང་ཨེ་ལི་ཛར་དང་མལ་ཀི་ཡ་དང་བྷེ་ན་ཡཱ།

²⁶ཨེ་ལམ་གྱི་རིགས་རུས་ནས་མ་ཏན་ཡཱ་དང་ཛ་ཀར་ཡཱ་དང་ཡེ་ཧི་ཨེལ་དང་ཨབ་དི་དང་ཡེ་རེ་མོད་དང་ཨེ་ལི་ཡཱ།

²⁷ཛཏ་ཏུའི་རིགས་རུས་ནས་ཨེ་ལི་ཨོ་ནེ་དང་ཨེལ་ཡ་ཤིབ་དང་མ་ཏན་ཡཱ་དང་ཡེ་རེ་མོད་དང་ཛ་བྷད་དང་ཨ་ཛི་ཛ།

²⁸བྷེ་བྷཨིའི་རིགས་རུས་ནས་ཡེ་ཧོ་ཧ་ནན་དང་ཧ་ནན་ཡཱ་དང་ཛབ་བཡེ་དང་ཨད་ལའི།

²⁹བྷ་ནིའི་རིགས་རུས་ནས་མེ་ཤུལ་ལམ་དང་མལ་ལུག་དང་ཨ་ད་ཡཱ་དང་ཡ་ཤུབ་དང་ཤིལ་དང་ཡེ་རེ་མོད་དང།

³⁰པ་ཧད་མོ་ཨབ་ཀྱི་རིགས་རུས་ནས་ཨད་ན་དང་ཀེ་ལལ་དང་བྷེ་ན་ཡཱ་དང་མ་སི་ཨ་དང་མ་ཏན་ཡཱ་དང་བྷེ་ཛ་ལེལ་དང་བྷིན་ནུཨི་དང་མ་ནསེ་སཱེ།

³¹ཧ་རིམ་གྱི་རིགས་རུས་ནས་ཨེ་ལི་ཨེ་ཛེར་དང་ཨི་ཤི་ཡཱ་དང་མལ་ཀི་ཡཱ་དང་ཤེ་མ་ཡཱ་དང་ཤིམ་ཨོན་དང་བྷེན་ཡ་མིན་དང་མལ་ལུག་དང་ཤེ་མར་ཡཱ།

³³ཧ་ཤུམ་གྱི་རིགས་རུས་ནས་མ་ཏེ་ནེ་དང་མ་ཏ་ཏཱ་དང་ཛ་བྷད་དང་ཨེ་ལི་ཕེ་ལེཏ་དང་ཡེ་རེ་མའི་དང་མ་ནསེ་སཱེ་དང་ཤིམ་ཨི།

³⁴བྷ་ནིའི་རིགས་རུས་ནས་མ་དའི་དང་ཨམ་རམ་དང་ཨུ་ཨེལ་དང་བྷེ་ན་ཡཱ་དང་བེ་དེ་ཡ་དང་ཀེ་ལུ་ཧི་དང་ཝ་ནི་ཡཱ་དང་མེ་རེ་མོད་དང་ཨེལ་ཡ་ཤིབ་དང་མ་ཏན་ཡཱ་དང་མ་ཏེ་ནེ་དང་ཡ་སུ།

³⁸བྷིན་ནུཨིའི་རིགས་རུས་ནས་ཤིམ་ཨི་དང་ཤེ་ལེམ་ཡཱ་དང་ན་ཐན་དང་ཨ་ད་ཡཱ་དང་མག་ན་དེ་བེ་དང་ཤ་ཤཡེ་དང་ཤ་རཡེ་དང་ཨ་ཛ་རེལ་དང་ཤེ་ལེམ་ཡཱ་དང་ཤེ་མར་ཡཱ་དང་ཤལ་ལུམ་དང་ཨ་མར་ཡཱ་དང་ཡོ་སེབ།

⁴³ནེ་བྷོའི་རིགས་རུས་ནས་ཡི་ཨེལ་དང་མ་ཏི་ཐི་ཡཱ་དང་ཛ་བྷད་དང་ཛེ་བི་ན་དང་ཡ་དའི་དང་ཡོ་ཨེལ་དང་བྷེ་ན་ཡཱ།

⁴⁴སྐྱེས་པ་འདི་ཚོ་ཚང་མར་ཕྱི་རྒྱལ་བའི་ཆུང་མ་ཡོད། དེ་ཚོས་དེ་ཚོ་དང་ཁ་བྲལ་ནས་དེ་ཚོའི་བུ་ཕྲུག་དང་བཅས་པ་ཕྱིར་ལོག་བཏང་ངོ༎