Read Tibetan — པོད་སྐད་Tibetan Old Testament 2011 ཨེཛ་ར 3 Bible Online

ཨེཛ་ར 3 - Tibetan — པོད་སྐད་Tibetan Old Testament 2011 bible

ཨེཛ་ར 3

¹ཟླ་བ་བདུན་པའི་བར་ཨིསི་རཱཨེལ་གྱི་མི་མང་རྣམས་རང་རང་གི་གྲོང་ཁྱེར་ཚོའི་ནང་གཞིས་ཆགས་ནས་གནས་ཡོད་པ་དང་། དེ་ནས་དེ་ཚོ་ཚང་མ་ཡེ་རུ་ཤ་ལེམ་དུ་འདུ་འཛོམས་བྱས་པ་རེད།

²ཡེ་ཧོ་ཛ་དག་གི་བུ་ཡོ་ཤུ་ཨ་དང་ཁོང་གི་མཆེད་གྲོགས་བླ་མ་ཚོ་དང་ཤལ་ཏི་ཨེལ་གྱི་བུ་ཛེ་རུ་བྷ་བྷེལ་དང་ཁོང་གི་སྤུན་ཚོ་དང་མཉམ་འབྲེལ་གྱིས་དཀོན་མཆོག་གི་སྐྱེ་བོ་མོ་ཤེའི་བཀའ་ཁྲིམས་ནང་བཀོད་པའི་སློབ་སྟོན་ལྟར་སྦྱིན་སྲེག་གི་མཆོད་པ་འབུལ་བའི་ཆེད་ཨིསི་རཱཨེལ་གྱི་དཀོན་མཆོག་གི་མཆོད་ཁྲི་སྐྱར་བཞེངས་གནང་ངོ།

³བཙན་བྱོལ་ནས་ཕྱིར་ལོག་ཡོང་མཁན་ཚོ་ཡུལ་དེར་གནས་སྡོད་བྱ་མཁན་གྱི་ཡུལ་མི་ཚོར་འཇིགས་ཀྱི་ཡོད་ན་ཡང་དེ་ཚོས་སྔར་ཡོད་ས་ཁུལ་དེ་རང་དུ་མཆོད་ཁྲི་སྐྱར་བཞེངས་བྱས་ཤིང། དེ་ནས་དེ་ཚོས་སླར་ཡང་དུས་རྟགས་ཏུ་སྔ་དགོངས་གཉིས་ཀར་སྦྱིན་སྲེག་གི་མཆོད་པ་འབུལ་འགོ་ཚུགས་སོ།

⁴དེ་ཚོས་ལམ་སྲོལ་ལྟར་སྲུང་སྐྱོབས་ཀྱི་དུས་ཆེན་སྲུང་བརྩི་ཞུས་ཤིང། ཉིན་དེར་དགོས་པའི་མཆོད་པ་ཉིན་ལྟར་ཕུལ་བ་དང།

⁵དེའི་ཐོག་དེ་ཚོས་རྒྱུན་དུ་འབུལ་དགོས་པའི་སྦྱིན་སྲེག་གི་མཆོད་པ་ཆ་ཚང་སྲེག་དགོས་པ་དང། ཟླ་གསར་གྱི་དུས་ཆེན་གྱི་འབུལ་བ་དང་རྒྱུན་དུ་འདུ་འཛོམས་སྐབས་གཙོ་བོ་དཀོན་མཆོག་ལ་མཆོད་འབུལ་བྱེད་སྐབས་འབུལ་རྒྱུ་དང་གཞན་རང་མོས་ཐོག་གཙོ་བོ་དཀོན་མཆོག་ལ་འབུལ་རྒྱུའི་འབུལ་བ་རྣམས་ཆ་ཚང་ཕུལ་ལོ།

⁶མི་མང་གིས་མཆོད་ཁང་སྐྱར་བཞེངས་བྱ་འགོ་ཚུགས་མེད་ན་ཡང་དེ་ཚོས་ཟླ་བ་བདུན་པའི་ཚེས་དང་པོར་གཙོ་བོ་དཀོན་མཆོག་ལ་དམར་མཆོད་སྲེག་འགོ་ཚུགས་སོ༎

⁷མི་མང་ཚོས་རྡོ་བཟོ་དང་ཤིང་བཟོ་བ་ཚོར་དངུལ་སྤྲད་པ་དང་ལེ་བ་ནོན་ནས་འགྱམ་ཤིང་རྣམས་ཡོ་པ་རུ་མཚོ་ཐོག་ཏུ་འཁྱེར་ཡོང་བའི་ལན་དུ་ཁ་ཟས་དང་ཆང་དང་ཁ་སྐྱུ་པོའི་སྣུམ་བཅས་ཊ་ཡར་གྱི་དང་སི་དོན་གྱི་གྲོང་ཁྱེར་དུ་བཏང་ངོ། དེ་ཚོ་པར་སི་ཡའི་རྒྱལ་པོ་ཆེན་པོ་སའི་རསེ་ཀྱིས་བཀའ་འཁྲོལ་ལྟར་གྱིས་སོ།

⁸དེར་བརྟེན་དེ་ཚོ་ཡེ་རུ་ཤ་ལེམ་གྱི་མཆོད་ཁང་གི་ས་ཁུལ་དུ་ཕྱིར་ལོག་སླེབས་པའི་ལོ་རེའི་ཟླ་བ་གཉིས་པར་དེ་ཚོས་ལས་འགོ་ཚུགས་ཤིང། ཛེ་རུ་བྷ་བྷེལ་དང་ཡོ་ཤུ་ཨ་དང་དེ་ཚོའི་ཡུལ་མི་ཚོ་དང་བླ་མ་དང་ལེ་ཝི་པ་དང་དེ་མིན་ཡེ་རུཤ་ལེམ་དུ་བརྩན་བྱོལ་དུ་འབྱོར་བ་ཚང་མས་ཀ་མཉམ་བཞུགས་བྱས་སོ། ལེ་ཝི་པ་ལོ་ན་ཉི་ཤུ་ལོན་པ་ནས་ལོ་ན་མཐོ་བ་ཚང་མ་མཆོད་ཁང་བཞེངས་རྒྱུའི་ལས་འགུལ་གྱི་འགོ་འཛིན་དུ་བསྐོ་གཞག་བྱས་སོ།

⁹ལེ་ཝི་པ་ཡེ་ཤུ་ཨ་དང་ཁོང་གི་སྲས་དང་སྤུན་རྣམས་དང་ཀད་མི་ཨེལ་དང་ཁོང་གི་སྲས་རྣམས་(ཧོ་ད་ཝི་ཨའི་རིགས་རུས་ནས་ཡིན་པ་)ཚོ་དང་མཉམ་དུ་མཆོད་ཁང་བཞེངས་རྒྱུའི་འགོ་འཛིན་གྱི་ལས་འཁུར་ནང་བཞུགས་སོ། (དེ་ཚོ་ལ་ཧེ་ན་དཱད་ཀྱི་རིགས་རུས་ནས་ཡིན་པ་ལེ་ཝི་པ་ཚོས་རོགས་རམ་བྱས་སོ།)

¹⁰མི་དེ་ཚོས་རྨང་གཞི་བཏིང་འགོ་ཚུགས་སྐབས་སུ་བླ་མ་ཚོས་ན་བཟའ་གྱོན་བཞིན་རང་གི་ལག་ཏུ་དུང་འཁྱེར་ནས། རང་གནས་སུ་བཞུགས་པ་དང། ཨ་སཕེ་ཀྱི་རིགས་རུས་ཀྱི་ལེ་ཝི་པ་ཚོས་རོལ་མོ་དང་མཉམ་དུ་དེར་ལངས་ནས། དེ་ཚོས་རྒྱལ་པོ་དཱ་བིད་ཀྱི་དུས་སྐབས་ནས་ལམ་སྟོན་ལྟར། གཙོ་བོ་དཀོན་མཆོག་ལ་བསྟོད་དོ།

¹¹དེ་ཚོས་གཙོ་བོ་དཀོན་མཆོག་ལ་བསྟོད་པའི་མགུར་མ་ལེན་པ་དང། མགུར་མའི་ཚིག་བཅད་འདི་ཡང་ཡང་ལེན་ནོ། གཙོ་བོ་དཀོན་མཆོག་ནི་བཟང་པོ་ཡིན་པ་དང། ཁོང་གིས་ཨིསི་རཱཨེལ་ལ་བྱམས་པ་མཐའ་མེད་པ་མཛད་པ་ཡིན། ཚང་མས་སྐད་ཤུགས་ཆེན་པོས་གཙོ་བོ་དཀོན་མཆོག་ལ་བསྟོད་པ་ཕུལ་ལོ། གང་ལགས་ཟེར་ན། མཆོད་ཁང་གི་རྨང་གཞིའི་ལས་འགོ་ཚུགས་ཡོད་དོ།

¹²བླ་མ་འགྲེས་སོང་མང་པོ་དང་ལེ་ཝི་པ་དང་རིགས་རུས་ཀྱི་འགོ་འཛིན་རྣམས་དང་བཅས་པ་སྔར་གྱི་མཆོད་ཁང་མཐོང་མྱོང་བ་མང་པོས་མཆོད་ཁང་གི་རྨང་གཞི་འདིང་བ་གཟིགས་སྐབས་སྐད་རྒྱབ་པ་དང་ངུས་སོ། འོན་ཀྱང་གཞན་དེར་ཡོད་པ་ཚོས་དགའ་སྤྲོས་སྐད་འབོད་བྱས་སོ།

¹³མི་སུ་ཀྱང་དགའ་སྤྲོའི་སྐད་འབོད་དང་ངུ་བ་གཉིས་ཀྱི་བར་དབྱེ་བརྗེད་མ་ཐུབ་བོ། གང་ལ་ཟེར་ན། དེཚོའི་སྐུ་ཅོའི་སྒྲ་དེ་ཤུགས་ཆེན་པོ་ཡོད་སྟབས་ཐག་རིང་པོར་ཐོས་བཞིན་ཡོད་དོ༎