Read Tibetan — པོད་སྐད་Tibetan Old Testament 2011 ཨེཛ་ར 4 Bible Online

ཨེཛ་ར 4 - Tibetan — པོད་སྐད་Tibetan Old Testament 2011 bible

ཨེཛ་ར 4

¹ཡ་ཧུ་དཱ་དང་བྷེན་ཡ་མིན་གྱི་མི་མང་ཚོའི་དགྲ་བོ་ཚོས་བཙན་བྱོལ་ནས་ཕྱིར་ལོག་ནས་ཡོང་མཁན་ཚོས་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གྱི་མཆོད་ཁང་སྐྱར་བཞེངས་བྱེད་བཞིན་ཡོད་པ་ཐོས་སོ།

²དེར་བརྟེན་དེ་ཚོས་ཛེ་རུ་བྷ་བྷེལ་དང་རིགས་རུས་ཚོའི་འགོ་འཛིན་ཚོ་དང་འཕྲད་པར་ཡོང་ནས། ང་ཚོ་ཡང་ཁྱོད་ཚོ་དང་མཉམ་དུ་མཆོད་ཁང་བཞེངས་དུ་འཇུག་རོགས་གནང། ཁྱོད་ཚོས་མཆོད་པའི་དཀོན་མཆོག་དེ་རང་ལ་ང་ཚོས་ཀྱང་མཆོད་ཅིང། ང་ཚོས་ཁོང་ལ་ཨ་སུར་གྱི་རྒྱལ་པོ་ཆེན་པོ་ཨེ་སར་ཧད་དྷོན་གྱིས་ང་ཚོ་འདིར་གནས་སྡོད་བྱེད་པར་གོཏང་གནང་བ་ནས་བཟུང་མཆོད་པ་འབུལ་བཞིན་ཡོད་ཅེས་སྨྲས་སོ།

³ཛེ་རུ་བྷ་བྷེལ་དང་ཡོ་ཤུ་ཨ་དང་རིགས་རུས་རྣམས་ཀྱི་འགོ་འཛིན་ཚོས་དེ་ཚོ་ལ། ང་ཚོའི་དཀོན་མཆོག་གཙོ་བོ་དཀོན་མཆོག་གྱི་མཆོད་ཁང་བཞེངས་རྒྱུར་ཁྱོད་ཚོས་རོགས་བྱེད་མི་དགོས། པར་སི་ཡའི་རྒྱལ་པོ་ཆེན་པོ་སའི་རསེ་ཀྱིས་ཇི་ལྟར་བཀའ་གནང་བ་ལྟར་ང་ཚོ་རང་ཉིད་ཀྱིས་དེ་བཞེངས་རྒྱུ་ཡིན་ཞེས་སྨྲས་སོ།

⁴དེ་ནས་ཡུལ་དེར་གནས་སྡོད་བྱེད་པའི་ཡུལ་མི་ཚོས་ཡ་ཧུ་དཱ་པ་ཚོར་སེམས་ཤུགས་ཉམ་ཆད་འཇིགས་སྣང་བསྐུལ་ཐབས་བྱས་པ་ཟད། དེ་ཚོས་མཆོད་ཁང་བཞེངས་རྒྱུར་བཀག་འགོག་བྱས་སོ།

⁵དེ་ཚོས་པར་ཤི་ཡའི་གཞུང་གི་ལས་བྱེད་པ་ཚོར་རྒྱབ་འགལ་བྱ་རྒྱུར་ལྐོག་རྔན་སྤྲད་ཅིང། སའི་རསེ་དང་དྷ་རི་ཡསེ་ཀྱི་རྒྱལ་དུས་རིང་དེ་ཚོས་དེ་ལྟར་མུ་མཐུད་བྱས་སོ༎

⁶རྒྱལ་པོ་ཆེན་པོ་ཨ་ཧ་སུ་རསེ་གྱི་རྒྱལ་དུས་ཀྱི་མགོ་ཚུགས་སྐབས་ཡ་ཧུ་དཱ་དང་ཡེ་རུ་ཤ་ལེམ་དུ་གནས་སྡོད་བྱེད་པའི་མི་མང་གི་དགྲ་བོ་ཚོས་དེ་ཚོའི་ཐོག་ཏུ་སྐྱོན་བརྗོད་ཀྱི་ཡི་གེ་བྲིས་ནས་འཁྱེར་ཡོང་ངོ།

⁷སླར་ཡང་པར་སི་ཡའི་རྒྱལ་པོ་ཆེན་པོ་ཨར་ཐག་ཤས་ཐའི་རྒྱལ་དུས་སུ་ཀྱང་བྷིཤ་ལམ་དང་མིད་རེ་དད་དང་ཏ་བྷིལ་བཅས་དང་དེ་ཚོའི་འབྲེལ་ཡོད་བཅས་པས་རྒྱལ་པོ་ཆེན་པོར་ཞུ་ཡིག་ཞིག་བྲིས་སོ། ཞུ་ཡིག་དེ་ནི་ཨ་རམ་པའི་སྐད་དུ་བྲིས་ཡོད་པ་དང་ཡི་གེ་ཀློག་སྐབས་སྐད་བསྒྱུར་བྱེད་དགོས་སོ།

⁸སྤྱིད་ཁྱབ་པ་རེ་ཧུམ་དང་མངའ་སྡེའི་དྲུང་ཡིག་ཤིམ་ཤེ་ནས་ཨར་ཐག་ཤས་ཐ་ལ་ཡེ་རུ་ཤ་ལེམ་གྱི་སྐོར་ལ་གཤམ་གསལ་ལྟར་བྲིས་ཡོད་དོ།

⁹སྤྱིད་ཁྱབ་པ་རེ་ཧུམ་དང་མངའ་སྡེའི་དྲུང་ཡིག་ཤིམ་ཤེ་དང་དེ་ཚོའི་འབྲེལ་ཡོད་ཚོ་དང་ཁྲིམས་དཔོན་ཚོ་དང་ལས་བྱེད་པ་ཚོ་དང་པར་ཤི་ཡའི་མི་ཚོ་དང་བྷེ་བྷི་ལོན་པ་དང་ཨེ་ལམ་ཡུལ་གྱི་སུ་ས་བཅས་ནས་ཡིན་པའི་སྐྱེ་བོ་ཚོ་དང།

¹⁰མཉམ་དུ་སྙན་གྲགས་དང་སྟོབས་ཤུགས་ཅན་ཨ་ཤུར་བ་ནི་པལ་གྱི་རང་རང་གི་ཁྱིམ་ནས་རྒྱང་འབུད་གྱིས་ནས་ས་མར་ཡའི་གྲོང་ཁྱེར་དང་ནུབ་ཡུབ་རད་གཙང་པོའི་མངའ་སྡེའི་ཁུལ་གྱི་ས་གནས་གཞན་དུ་གཞིས་ཆགས་པའི་མི་གཞན་ཚོ་ནས།

¹¹གནས་བྲིས་ཀྱི་འདྲ་བཤུས་འདི་ལྟར་ཡིན། རྒྱལ་པོ་ཆེན་པོ་ཨར་ཐག་ཤས་ཐ་ལ་ཁོང་གི་ཞབས་ཕྱི་རྣམས་ནུབ་ཡུབ་རད་གཙང་པོའི་མི་ཚོ་ནས་འབུལ་རྒྱུ།

¹²ང་ཚོའི་མི་དབང་ཁྱེད་ཀྱིས་མངའ་ཁུལ་གཞན་ཁག་ནས་ཡོང་མཁན་ཡ་ཧུ་དཱ་པ་ཚོ་ཡེ་རུ་ཤ་ལེམ་དུ་གཞིས་ཆགས་པ་དང་གྲོང་ཁྱེར་ངན་པ་དང་ངོ་ལོག་ཅན་དེ་སྐྱར་བཞེངས་བྱེད་བཞིན་པ་མཁྱེན་པར་མཛོད། དེ་ཚོའི་རྩིག་པ་ཁག་སྐྱར་བཞེངས་བྱེད་འགོ་ཚུགས་པ་མ་ཟད། དེ་དག་མགྱོགས་པོར་ཚར་བར་བྱེད་དོ།

¹³མི་དབང་ཆེན་པོ། གལ་ཏེ་གྲོང་ཁྱེར་འདི་བཞིན་སྐྱར་བཞེངས་བྱེད་པ་དང་དེའི་རྩིག་པ་རྣམས་ཚར་བ་ཡིན་ན། མི་མང་ཚོས་ཁྲལ་དང་རྒྱལ་ཁག་ཀྱི་དཔྱ་ཁྲལ་འབུལ་རྒྱུ་མཚམས་འཇོགས་བྱེད་པར་འགྱུར།

¹⁴གང་ལགས་ཟེར་ན། ང་ཚོས་ཁྱེད་ལ་གྲོས་མོལ་ཞུ་རྒྱུར། ད་ཆ་མི་དབང་ཁྱེད་ཀྱི་ང་ཚོར་བཀའ་དྲིན་ཆེ་བས། ང་ཚོས་ཁྱེད་ལ་དེ་ལྟར་བྱུང་བ་མཐོང་བར་མི་འདོད་དོ།

¹⁵ཁྱེད་ཀྱིས་ཕ་མེས་ཚོས་འཇོག་གནང་བའི་སྔོན་གྱི་ལོ་རྒྱུས་རྣམས་ལ་འཚོལ་ཞིབ་བྱེད་རྒྱུའི་བཀའ་གནང་བར་མཛོད། གལ་སྲིད་ཁྱེད་ཀྱིས་དེ་ལྟར་མཛད་པ་ཡིན་ན་གྲོང་ཁྱེར་འདི་བཞིན་རྟག་ཏུ་ངོ་ལོག་ཅན་དང་སྔ་མོའི་དུས་ནས་རྒྱལ་པོ་ཚོ་དང་མངའ་སྡེའི་སྲིད་སྐྱོང་པ་ཚོར་དཀའ་ངལ་སྤྲོད་བཞིན་ཡོད་པ་རྙེད་པར་འགྱུར། གྲོང་ཁྱེར་འདིས་མི་མང་ཚོ་ལ་སྲིད་སྐྱོང་བྱ་རྒྱུར་རྟག་ཏུ་དཀའ་ངལ་ཡོད་པས་རྐྱེན་གྱིས་གྲོང་ཁྱེར་འདི་མེད་པར་བཟོས་སོ།

¹⁶དེ་འདྲ་སོང་ཙང་གྲོང་ཁྱེར་འདི་བཞིན་སྐྱར་བཞེངས་བྱས་པ་དང་འདིའི་རྩིག་པ་རྣམས་ཆ་ཚང་ཚར་བ་ཡིན་ན། མི་དབང་ཁྱེད་ཀྱིས་ནུབ་ཡུབ་རད་གཙང་པོའི་མངའ་སྡེར་ཡུན་རིང་དབང་བསྒྱུར་གནང་བར་དཀའ་ངལ་ཆགས་པའི་ངས་བཏན་ཡོད་ཅེས་སོ།

¹⁷རྒྱལ་པོ་ཆེན་པོས་ཡིག་ལན་གཏོང་བ་འདི་སྐད་དུ། སྤྱིད་ཁྱབ་པ་རེ་ཧུམ་དང་དྲུང་ཡིག་ཤིམ་ཤེ་དང་ས་མར་ཡ་དུ་དང་ནུབ་ཡུབ་རད་གཙང་པོའི་གཞན་ས་ཁུལ་དུ་གནས་སྡོད་བྱ་མཁན་དེ་ཚོའི་འབྲེལ་ཡོད་ཚོར་སྤྲོད་རྒྱུའི་འཚམས་འདྲི་ཡོད།

¹⁸ཁྱོད་ཚོས་བཏང་བའི་ཡི་གེ་འདི་བཞིན་སྐད་བསྒྱུར་གྱིས་ནས་ང་ལ་ཀློག་བྱུང།

¹⁹ངས་རྩད་ཞིབ་བྱ་རྒྱུའི་བཀའ་བཏང་བ་ལྟར་སྔ་དུས་ནས་ཡེ་རུ་ཤ་ལེམ་གྱི་རྒྱལ་པོའི་སྐུ་དབང་ལ་ངོ་རྒོལ་གྱིས་པ་དང། ངོ་རྒོལ་མཁན་དང་དཀའ་སྡུག་བཟོ་མཁན་གྱིས་ཁེངས་ཡོད་པ་ངེས་བརྟན་རྙེད་བྱུང།

²⁰སྟོབས་ཤུགས་ཅན་གྱི་རྒྱལ་པོ་ཚོས་དེར་རྒྱལ་སྲིད་སྐྱོངས་བ་དང་ནུབ་ཡུབ་རད་གཙང་པོའི་མངའ་སྡེ་ཡོངས་ལ་དབང་བསྒྱུར་གནང་ནས་ཁྲལ་དང་ས་ཞིང་གི་འཁྲལ་རྣམས་བསྡུས་ཀྱི་ཡོད་པ་དང།

²¹དེ་འདྲ་སོང་ཙང་ཁྱོད་ཚོས་ངས་བཀའ་བཏང་བ་ལྟར་མི་དེ་ཚོས་གྲོང་ཁྱེར་གསར་བཞེངས་བྱ་རྒྱུ་དེ་ནི། ངས་བཀའ་གཞན་མ་བཏང་བར་དུ་མཚམས་འཇོག་དགོས་པའི་བཀའ་གཏོང་དགོས་སོ།

²²ངའི་མཁེ་ཕན་ལ་གནོད་འཚེ་མི་ཡོང་བའི་ཆེད་དེ་ལྟར་ཕྲལ་དུ་བྱོས་ཤིག

²³རེ་ཧུམ་དང་ཤིམ་ཤེ་དང་དེ་ཚོའི་འབྲེལ་ཡོད་ཚོར་ཨར་ཐག་ཤས་ཐའི་བཀའ་ཡིག་དེ་བཞིན་ཀློག་ཟིན་མ་ཐག་དུ། དེ་ཚོ་མགྱོགས་པོར་ཡེ་རུ་ཤ་ལེམ་དུ་སོང་ནས་ཡ་ཧུ་དཱ་པ་ཚོར་གྲོང་ཁྱེར་སྐྱར་བཞེངས་བྱ་རྒྱུ་འཚམས་འཇོགས་བྱེད་དུ་བཅུག་པ་རེད༎

²⁴པར་སི་ཡའི་རྒྱལ་པོ་ཆེན་པོ་དྷ་རི་ཡསེ་ཀྱིས་རྒྱལ་སྲིད་བཟུང་བའི་ལོ་གཉིས་བར་མཆོད་ཁང་གི་ལས་ཀ་འཚམས་འཇོག་བྱས་ནས་འགུལ་མེད་ཆགས་པ་རེད༎