Read Tibetan — པོད་སྐད་Tibetan Old Testament 2011 ཨེཛ་ར 8 Bible Online

ཨེཛ་ར 8 - Tibetan — པོད་སྐད་Tibetan Old Testament 2011 bible

ཨེཛ་ར 8

¹ཨར་ཐག་ཤས་ཐ་རྒྱལ་པོ་ཆེན་པོ་ཡིན་སྐབས་རིགས་རུས་ཚོའི་འགོ་འཛིན་རྣམས་བྷེ་བྷི་ལོ་ནི་ཡ་དུ་བཙན་བྱོལ་དུ་གནས་ཡོད་པ་དང། ཨེཛ་ར་དང་མཉམ་དུ་ཡེ་རུ་ཤ་ལེམ་དུ་ཡོང་མཁན་གྱི་མིང་ཐོ་འདི་ལྟར་ཡིན།

²ཕིིན་ཧསི་ཀྱི་རིགས་རུས་ནས་གྷེར་ཤོམ་དང། ཨི་ཐ་མར་གྱི་རིགས་རུས་ནས་དྷ་ནི་ཨེལ་དང། དཱ་བིད་ཀྱི་རིགས་རུས་ནས་ཤེ་ཀན་ཡཱའི་བུ་ཧ་ཏུཤེ་དང། པ་རོཤི་ཀྱི་རིགས་རུས་ནས་ཛ་ཀར་ཡཱ་དང་ཁོང་གི་རིགས་རུས་ཀྱི་སྐྱེས་པ་ ༡༥༠། (དེ་ཚོའི་ཕ་མེས་ཚོའི་ཐོ་བཀོད་བྱེད་ཡོད།) པ་ཧད་མོ་ཨབ་ཀྱི་རིགས་རུས་ནས་ཛེ་ར་ཡཱའི་བུ་ཨེ་ལི་ཧོ་ནེ་དང་མཉམ་དུ་སྐྱེས་པ་ ༢༠༠། ཛཏ་ཏུའི་རིགས་རུས་ནས་ཡ་ཧ་ཛི་ཨེལ་གྱི་བུ་ཤེ་ཀན་ཡཱ་དང་མཉམ་དུ་སྐྱེས་པ་ ༣༠༠། ཨ་དིན་གྱི་རིགས་རུས་ནས་ཡོ་ན་ཐན་གྱི་བུ་ཨེ་བྷེད་དང་མཉམ་དུ་སྐྱེས་པ་ ༥༠། ཨེ་ལམ་གྱི་རིགས་རུས་ནས་ཨ་ཐལ་ཡཱའི་བུ་ཡེ་ཤ་ཡཱ་དང་མཉམ་དུ་སྐྱེས་པ་ ༧༠། ཤེ་ཕཏ་ཡཱའི་རིགས་རུས་ནས་མི་ཀ་ཨེལ་གྱི་བུ་ཛེ་བ་དི་ཡཱ་དང་མཉམ་དུ་སྐྱེས་པ་ ༨༠། ཡོ་ཨབ་ཀྱི་རིགས་རུས་ནས་ཡེ་ཧི་ཨེལ་གྱི་བུ་ཨོ་བ་དི་ཡཱ་དང་མཉམ་དུ་སྐྱེས་པ་ ༢༡༨། བྷ་ནིའི་རིགས་རུས་ནས་ཡོ་སི་ཕི་ཡཱའི་བུ་ཤེ་ལོ་མིད་དང་མཉམ་དུ་སྐྱེས་པ་ ༡༦༠། བྷེ་བྷཨིའི་རིགས་རུས་ནས་བྷེ་བྷཨིའི་བུ་ཛ་ཀར་ཡཱ་དང་མཉམ་དུ་སྐྱེས་པ་ ༢༨། ཨཛ་གད་ཀྱི་རིགས་རུས་ནས་ཧག་ཀ་ཏན་གྱི་བུ་ཡོ་ཧ་ནན་དང་མཉམ་དུ་སྐྱེས་པ་ ༡༡༠། ཨ་དྷོ་ནི་ཀམ་གྱི་རིགས་རུས་ནས་ཨེ་ལི་ཕེ་ལེཏ་དང་ཡུ་ཨེལ་དང་ཤེ་མ་ཡཱ་བཅས་མཉམ་དུ་སྐྱེས་པ་ ༦༠། ((...)

¹⁵ང་ཚོའི་ཚོ་ཁག་ཡོངས་རྫོགས་ཨ་ཧ་ཝའི་གྲོང་ཁྱེར་ཕྱོགས་སུ་རྒྱུགས་པའི་ཡུར་པོ་དེར་ཉིན་གསུམ་གྱི་རིང་སྒར་བཏབ་ཡིན། ང་ཚོའི་ཚོ་ཁག་ནང་བླ་མ་རྙེད་ན་ཡང་དེ་ཚོའི་ནང་ལེ་ཝི་པ་མི་འདུག

¹⁶ངས་ཨེ་ལི་ཨེ་ཛེར་དང་ཨ་རི་ཨེལ་དང་ཤེ་མ་ཡཱ་དང། ཨེལ་ན་ཐན་དང། ཡ་རིབ་དང། ཨེལ་ན་ཐན་དང། ན་ཐན་དང། ཛ་ཀར་ཡཱ་དང། མེ་ཤུལ་ལམ་བཅས་འགོ་འཁྲིད་དགུ་དང་ཡོ་ཡ་རིབ་དང། ཨེལ་ན་ཐན་བཅས་དགེ་རྒན་གཉིས་བཏང་བ་ཡིན།

¹⁷ངས་དེ་ཚོ་ཀ་སི་ཕི་ཡར་མི་སྡེའིི་འགོ་འཁྲིད་ཨིད་དྷོའི་སར་ཁོང་དང་ཁོང་གི་ལས་རོགས་མཆོད་ཁང་གི་ལས་བྱ་ཚོར་ང་ཚོར་མཆོད་ཁང་ནང་དུ་དཀོན་མཆོག་ལ་ཞབས་ཕྱིར་ཞུ་མཁན་མི་གཏོང་ཤོ་ཅེས་འབོད་པར་བཏང་བ་ཡིན།

¹⁸དཀོན་མཆོག་གི་ཐུགས་རྗེ་ལས་དེ་ཚོས་སྐྱེ་བོ་ནུས་པ་དང་ལྡན་པ་ཤེ་རེབ་ཡཱ་དང་མཱ་ལིའི་རིགས་རུས་ཀྱི་ལེ་ཝི་པ་ཞིག་བཏང་བ་དང་ཁོའི་བུ་དང་སྤུན་བཅོ་བརྒྱད་ཀྱང་མཉམ་དུ་བཏང་ངོ།

¹⁹དེ་ཚོས་ཧ་ཤབ་ཡཱ་དང་མེ་ར་རིའི་རིགས་རུས་ཀྱི་ཡེ་ཤ་ཡཱ་དང་དེ་ཚོའི་གཉེན་ཚན་ཉི་ཤུ་ཡང་བཏང་ངོ།

²⁰དེའི་ཐོག་ལེ་ཝི་པ་ཚོར་རོགས་བྱེད་པར་རྒྱལ་པོ་དཱ་བིད་དང་ཁོང་གི་ལས་བྱ་པ་ཚོས་བསྐོ་གཞག་གནང་བའི་རིགས་བརྒྱུད་ནས་ཆད་པའི་མཆོད་ཁང་གི་ལས་བྱ་ ༢༢༠ ཡོད། དེ་ཚོའི་མིང་ཐོ་ཚང་མ་བཀོད་ཡོད་དོ༎

²¹དེ་ནས་ངས་ཨ་ཧ་ཝའི་ཡུར་པོའི་འགྲམ་དུ་ང་ཚོ་ཚང་མ་སྨྱུང་གནས་སུ་སྲུང་དགོས་པ་དང་ང་ཚོའི་དཀོན་མཆོག་གི་སྤྱན་སྔར་ཉམ་ཆུང་གྱིས་ནས་ཁོང་ལ་ང་ཚོའི་འགྲུལ་ལམ་གྱི་སྣེ་འཁྲིད་དང་ང་ཚོ་དང་ང་ཚོའི་བུ་ཕྲུག་དང་བདག་དབང་བཅས་པར་སྲུང་སྐྱོབས་གནང་རོགས་ཞུ་དགོས་པའི་བཀའ་བཏང་བ་ཡིན་ནོ།

²²ངས་རྒྱལ་པོར་ང་ཚོའི་འགྲུལ་བསྐྱོད་སྐབས་དགྲ་བོ་ཚོ་ལས་སྐྱོབས་པའི་ཆེད་དུ་དམག་དཔུང་དང་རྟ་དམག་གཏོང་རོགས་གནང་ཞུ་རྒྱུར་ངོ་ཚ་བར་བྱུང་ངོ། གང་ལགས་ཟེར་ན། ངས་ཁོང་ལ་ང་ཚོའི་དཀོན་མཆོག་ལ་བློ་བཅོལ་མཁན་ཚང་མར་བྱིན་རླབས་གནང་བ་དང། ཁོང་ལས་ངོ་ལོག་བྱེད་མཁན་རྣམས་ལ་ཐུགས་མ་མཉེས་པ་དང་ཉེས་ཆད་དྲག་པོ་གཏོང་གནང་གི་རེད་ཅེས་ཞུ་ཡོད་དོ།

²³དེར་བརྟེན་ང་ཚོས་སྨྱུང་གནས་སྲུང་བ་དང་ང་ཚོ་ལ་སྲུང་སྐྱོབས་ཡོང་བའི་ཆེད་སྨོན་ལམ་བཏབ་པས་ཁོང་གིས་ང་ཚོའི་སྨོན་ལམ་ལ་གསན་བཞེས་གནང་ངོ༎

²⁴དེ་ནས་ངས་བླ་མའི་འགོ་འཁྲིད་ཚོ་ནས་ཤེ་རེབ་ཡཱ་དང་ཧ་ཤབ་ཡཱ་དང་བཅས་གཞན་བཅུ་འདམས་པ་ཡིན།

²⁵དེ་ནས་ང་ཡིས་རྒྱལ་པོ་དང་ཁོང་གི་སློབ་སྟོན་པ་དང་ལས་བྱེད་པ་རྣམས་དང་ཨིསི་རཱཨེལ་གྱི་མི་མང་ཚོས་མཆོད་ཁང་གྱི་བེད་སྤྱོད་ཆེད་འབུལ་བ་གསེར་དངུལ་དང་སྣོད་བཅས་པ་རྣམས་འདེགས་ནས་དེ་ཆོ་བླ་མ་ཚོར་ཕུལ་ལོ།

²⁶ངས་ཁོང་ཚོར་འབུལ་བ་རྣམས་འདི་ལྟར་ཡིན། དངུལ་ཀྲོན - ༢༢ དངུལ་གྱི་སྣོད་ ༡༠༠ - ལྗིད་ཚད་ཀི་ལོ་ག་རམ་ ༧༠ གསེར - ཀི་ལོ་ག་རམ་ ༣,༤༠༠ གསེར་གྱི་ཕོར་པ་ ༢༠ - ཀི་ལོ་གྷ་རམ་ ༨.༤ གསེར་གྱི་ཕོར་པའི་རིན་ཐང་ཅན་དང་འདྲ་བ་ལིའི་ཕོར་པ་སྤུས་ལེགས ༢།

²⁸དེ་ནས་ངས་དེ་ཚོ་ལ། ཁྱོད་ཚོ་གཙོ་བོ་དཀོན་མཆོག་ཁྱོད་ཚོའི་ཕ་མེས་ཀྱི་དཀོན་མཆོག་གི་ཆེད་དུ་དམ་པ་ཡིན་ནོ། དེ་ལྟར་རང་འདོད་ཀྱིས་ཚུལ་དུ་ཕུལ་བའི་འབུལ་བ་གསེར་དངུལ་དང་སྣོད་ཆས་རྣམས་ཀྱང་དམ་པ་ཡིན་ནོ།

²⁹ཁྱོད་ཚོ་མཆོད་ཁང་དུ་མ་འབྱོར་བར་དུ་དེ་ཚོ་ཟབ་ཟབ་ཀྱིས་སྲུང་ནས། དེ་ཚོ་བླ་མ་ཚོའི་ཁང་མིག་ནང་འདེགས་ནས་བླ་མ་ཚོའི་དབུ་འཛིན་དང་ལེ་ཝི་པ་ཚོ་དང་ཡེ་རུ་ཤ་ལེམ་དུ་ཡོད་པའི་ཨིསི་རཱཨེལ་གྱི་འགོ་འཁྲིད་ཚོར་རྩིས་སྤྲོད་བྱོས་ཤིག་ཅེས་སྨྲས་པ་ཡིན་ནོ།

³⁰དེར་བརྟེན་བླ་མ་ཚོ་དང་ལེ་ཝི་པ་ཚོས་གསེར་དངུལ་དང་སྣོད་བཅས་ཡེ་རེ་ཤ་ལེམ་གྱི་མཆོད་ཁང་དུ་འཁྱེར་རྒྱུའི་ཆེད་རྩིས་བླངས་སོ༎

³¹ང་ཚོ་ཟླ་བ་དང་པོའི་ཚེས་བཅུ་གཉིས་ཉིན་ཨ་ཧ་ཝའི་ཡུར་པོ་ནས་ཡེ་རུ་ཤ་ལེམ་དུ་ཐོན་ནོ། ང་ཚོ་འགྲུལ་བསྐྱོད་སྐབས་དཀོན་མཆོག་ང་ཚོ་མཉམ་དུ་ཡོད་པ་དང་ཁོང་གིས་ང་ཚོ་དགྲ་བོའི་འཐབ་རྒོལ་དང་འཇབ་རྒོལ་ལས་སྐྱོབས་པར་མཛད་དོ།

³²ང་ཚོ་ཡེ་རུ་ཤ་ལེམ་དུ་འབྱོར་ནས་ཉིན་གསུམ་རིང་ངལ་བསོ་གྱིས་པ་ཡིན།

³³དེ་ནས་ཉིན་བཞི་པར་ང་ཚོ་མཆོད་ཁང་དུ་སོང་ནས་གསེར་དངུལ་དང་སྣོད་རྣམས་འདེགས་ནས་དེ་ཚོ་ཨུ་རི་ཡཱའི་བུ་བླ་མ་མེ་རེ་མོད་ལ་རྩིས་འབུལ་ཞུས་པ་ཡིན། ཁོང་མཉམ་དུ་ཕིན་ཧསི་ཀྱི་བུ་ཨེ་ལི་ཛར་དང་ཡེ་ཤུ་ཨའི་བུ་ཡོ་ཛ་བྷད་དང་བྷིན་ནུཨིའི་བུ་ནོ་དྷི་ཡཱ་ལེ་ཝི་པ་གཉིས་བཅས་ཡོད་དོ།

³⁴དེ་ཚོ་རེ་རེ་བཞིན་ཚང་མ་གྲངས་གཤེར་དང་བ་དང་འདེགས་ནས་དུས་མཚུངས་དེབ་ཐོ་ཆ་ཚང་ཞིག་བཀོད་དོ།

³⁵བཙན་བྱོལ་ལས་ཕྱིར་ལོག་ཡོང་མཁན་ཚང་མས་ཨིསི་རཱཨེལ་གྱི་དཀོན་མཆོག་ལ་སྦྱིན་སྲེག་གི་དམར་མཆོད་འབུལ་བའི་ཆེད་འབུལ་བ་ཁག་འཁྱེར་ཡོང་ངོ། དེ་ཚོས་ཨིསི་རཱཨེལ་ཡོངས་ཀྱི་ཆེད་དུ་གླང་གོག་བཅུ་གཉིས་དང་ལུག་ཐུག་དགུ་ཅུ་གོ་དྲུག་དང་ལུ་གུ་བདུན་ཅུ་དོན་བདུན་ཕུལ་བ་དང་དེ་ཚོ་རང་ཉིད་ཀྱིས་སྡིག་པ་ལས་གཙང་བར་བྱེད་པའི་ཆེད་ར་བཅུ་གཉིས་ཀྱང་ཕུལ་ལོ། སེམས་ཅན་དེ་ཚོ་ཚང་མ་གཙོ་བོ་དཀོན་མཆོག་ལ་སྦྱིན་སྲེག་ཀྱི་དམར་མཆོད་དུ་སྲེགས་སོ།

³⁶རྒྱལ་པོ་ཆེན་པོས་དེ་ཚོ་ལ་གནང་བའི་བཀའ་ཡིག་བླངས་ནས་ནུབ་ཡུབ་རད་གཙང་པོའི་མངའ་སྡེའི་སྤྱིད་ཁྱབ་དང་ལས་བྱེད་པ་ཚོར་ཕུལ་བའི་རྗེས་སུ་དེ་ཚོས་མི་མང་དང་མཆོད་ཁང་ལ་མཆོད་འབུལ་བྱེད་ཆོག་སྐོར་ལ་རྒྱབ་སྐྱོར་གནང་ངོ༎