Read Tibetan — པོད་སྐད་Tibetan Old Testament 2011 ནེ་ཧེམ་ཡཱ 11 Bible Online

ནེ་ཧེམ་ཡཱ 11 - Tibetan — པོད་སྐད་Tibetan Old Testament 2011 bible

ནེ་ཧེམ་ཡཱ 11

¹ཨིསི་རཱཨེལ་མི་མང་གི་འགོ་བྱེད་རྣམས་ཡེ་རུ་ཤ་ལེམ་དུ་གཞིས་ཆགས་ཤིང་། དེ་འཕྲོས་མི་མང་རྣམས་རྒྱན་ཤོག་བླུགས་ནས་མི་ཚང་བཅུ་རེའི་ཐོག་ནས་མི་གཅིག་ཡེ་རུ་ཤ་ལེམ་དུ་ཕྱིན་ནས་གནས་སྡོད་བྱས་པ་དང་། དེ་བྱིངས་མི་ཚང་གཞན་རྣམས་གྲོང་ཁྱེར་གཞན་དག་ཏུ་གནས་སྡོད་བྱས་སོ།

²དང་བླངས་ཀྱི་ཐོག་ནས་ཡེ་རུ་ཤ་ལེམ་དུ་གནས་སྡོད་མཁན་རྣམས་ལ་མི་མང་གིས་བསྔགས་བརྫོད་བྱེད་ཀྱི་ཡོད་པ་དང་།

³གྲོང་ཁྱེར་གཞན་དག་ཏུ་ཨིསི་རཱཨེལ་གྱི་མི་རྣམས་དང་། བླ་མ་རྣམས་དང་། ལེ་ཝི་པ་རྣམས་དང་། མཆོད་ཁང་གི་ལས་སྣེ་ཁག་དང་། གཞན་ཡང་སོ་ལོ་མོན་གྱི་ཞབས་ཕྱིའི་རིགས་བརྒྱུད་རྣམས་དང་བཅས་རང་རང་སོ་སོའི་གྲོང་ཁྱེར་གྱི་ས་ཁོངས་སུ་གནས་སྡོད་བྱས་པ་དང་། ཡ་ཧུ་དཱའི་མངའ་ཁོངས་ནས་ཡོང་སྟེ་ཡེ་རུ་ཤ་ལེམ་དུ་གནས་སྡོད་བྱས་པའི་ཡུལ་མི་གཙོ་དྲག་རྣམས་ནི་གཤམ་གསལ་ལྟར་ཡིན་ནོ༎

⁴ཨུ་ཛི་ཡཱའི་བུའམ་ཛ་ཀར་ཡཱའི་ཚ་བོ་ཨ་ཐ་ཡཱ། ཁོའི་མེས་པོ་གཞན་རྣམས་ནི་ཨ་མར་ཡཱ། ཤེ་ཕཏ་ཡཱ་་དང་མ་ཧ་ལ་ལེལ་བཅས་ཡིན་ཏེ། དེ་ཚོ་ཚང་མ་པེ་རེཛ་ཀྱི་བུ་ཡ་ཧུ་དཱའི་རིགས་བརྒྱུད་ནས་ཡིན་ནོ།

⁵བྷ་རུག་གི་བུའམ་ཀོལ་ཧོ་ཛཱེའི་ཚ་བོ་མ་སི་ཨ། ཁོའི་མེས་པོ་གཞན་རྣམས་ནི་ཧ་ཛ་ཡཱ། ཨ་ད་ཡཱ། ཡོ་ཡ་རིབ་དང་ཛ་ཀར་ཡཱ་བཅས་ཡིན་ཏེ། དེ་ཚོ་ཚང་མ་ཡ་ཧུ་དཱའི་བུ་ཤེ་ལཱའི་རིགས་བརྒྱུད་ནས་ཡིན་ནོ།

⁶པེ་རེཛ་ཀྱི་རིགས་བརྒྱུད་ཁོངས་ནས་སྙན་གྲགས་ལྡན་པའི་མི་གྲངས་ ༤༦༨ ཡེ་རུ་ཤ་ལེམ་དུ་གནས་སྡོད་བྱས་ཀྱི་ཡོད་པ་ཡིན་ནོ༎

⁷མེ་ཤུལ་ལམ་གྱི་བུའམ་ཡོ་ཨེད་ཀྱི་ཚ་བོ་སལ་ལུ་དང་། ཡང་ཁོའི་མེས་པོ་གཞན་རྣམས་ནི། པེ་དྷ་ཡཱ། ཀོ་ལ་ཡཱ། མ་སི་ཨ། ཨི་ཏི་ཨེལ་དང་ཡེ་ཤ་ཡཱ་བཅས་ཡིན་ནོ།

⁸སལ་ལུའི་ཉེ་དུ་རྣམས་ནི་གྷབ་བའི་དང་། སལ་ལཨེ་བཅས་ཡིན་ཏེ། དེ་བཞིན་བྷིན་ཡ་མིན་པ་ཁྱོད་བསྡོམས ༩༢༨ ཡེ་རུ་ཤ་ལེམ་དུ་གནས་སྡོད་བྱེད་ཀྱི་ཡོད།

⁹ཛིག་རིའི་བུ་ཡོ་ཨེལ་ནི་ཁོ་ཚོའི་འགོ་བྱེད་དེ་ཡིན་ནོ། ཧ་སི་ནུ་ཨའི་བུ་ཡ་ཧུ་དཱ་ནི་གྲོང་ཁྱེར་ནང་ལས་བྱེད་པ་གོ་རིམ་གཉིས་པ་དེ་ཡིན་ནོ༎

¹⁰ཡོ་ཡ་རིབ་ཀྱི་བུ་ཡེ་དྷ་ཡཱ། ཡ་ཀིན།

¹¹ཧིལ་ཀི་ཡཱའི་བུའམ་མེ་ཤུལ་ལམ་གྱི་ཚ་བོ་སེ་ར་ཡཱ། ཁོའི་མེས་པོ་གཞན་རྣམས་ནི་ཛ་དཱོག། མེ་ར་ཡོད་དང་བླ་ཆེན་ཨ་ཧི་ཏུབ་བཅས་ཡིན་ནོ།

¹²སྡེ་འདིའི་ཁོངས་ནས་ཁྱོན་བསྡོམས་པས་མི་གྲངས ༨༢༢ ནས་མཆོད་ཁང་དུ་ཞབས་ཏོག་ཞུས་ཀྱི་ཡོད་དོ༎ ཡེ་རོ་ཧམ་གྱི་བུའམ་པེ་ལ་ལི་ཡཱའི་ཚ་བོ་ཨ་ད་ཡཱ་ཡིན་ཅིང་། ཁོའི་མེས་པོ་གཞན་རྣམས་ནི། ཨམ་ཛི། ཛ་ཀར་ཡཱ། པ་ཤུར་དང་མལ་ཀི་ཡཱ་བཅས་ཡིན་ནོ།

¹³སྡེ་འདིའི་ཁོངས་ནས་ཁྱོན་བསྡོམས་མི་གྲངས་ ༢༤༢ ནི་མི་ཚང་སོ་སོའི་ནང་མི་གཙོ་བོ་དག་ཡིན་ནོ༎ ཨ་ཛ་རེལ་གྱི་བུའམ་ཨ་ཛཡེའི་ཚ་བོ་ཨ་མ་ཤཡེ། ཁོའི་མེས་པོ་གཞན་རྣམས་ནི། མེ་ཤེལ་ལེ་མོཏ་དང་ཨིམ་མེར་བཅས་ཡིན་ནོ།

¹⁴སྡེ་འདིའི་ཁོངས་ནས་དཔའ་རྩལ་ལྡན་པའི་དམག་མི་ཁ་གྲངས ༡༢༨ བྱུང་ཞིང་། དེ་ཚོའི་དམག་དཔོན་ནི་མི་ཚང་གཙོ་དྲག་ཞིག་གི་ནང་མི་ཛབ་དི་ཨེལ་ཞེས་པ་དེ་ཡིན་ནོ༎

¹⁵ཧ་ཤུབ་ཀྱི་བུའམ་ཨཛ་རི་ཀམ་གྱི་ཚ་བོ་ཤེ་མ་ཡཱ། ཁོའི་མེས་པོ་གཞན་རྣམས་ནི། ཧ་ཤབ་ཡཱ་དང་བྷུན་ནི་བཅས་ཡིན་ནོ།

¹⁶མཆོད་ཁང་གི་ཕྱི་ལོགས་སུ་ཞབས་ཏོག་ཞུ་མཁན་ལེ་ཝི་པ་གཙོ་བོ་གཉིས་ནི། ཤབ་བེ་ཐཡེ་དང་ཡོ་ཛ་བྷད་བཅས་ཡིན་ནོ༎

¹⁷མི་ཀའི་བུའམ་ཛབ་དཱིའི་ཚ་བོ་མ་ཏན་ཡཱ་ཡིན་སྟེ། ཛབ་དི་ནི་ཨ་སཕེ་ཀྱི་རིགས་བརྒྱུད་ནས་ཡིན་པ་དང་། ཐུགས་རྗེ་ལེགས་གསོལ་གྱི་གཏང་རག་འབུལ་སྐབས་མ་ཏན་ཡཱས་མགུར་དབྱངས་ཚོགས་པའི་དབུ་འཁྲིད་བྱེད་ཀྱི་ཡོད་དོ༎ བྷག་བུ་ཀི་ཡཱ་ནི་མ་ཏན་ཡཱའི་ལས་རོགས་བྱེད་ཀྱི་ཡོད་དོ། ཤམ་མུཨའི་བུའམ་གྷ་ལཱལ་གྱི་ཚ་བོ་ཨབ་ད་ཡིན་ཏེ། གྷ་ལལ་ནི་ཡེ་དུ་ཐུན་གྱི་རིགས་བརྒྱུད་ལས་ཡིན་ནོ།

¹⁸དེ་བཞིན་ཁྱོན་བསྡོམས་ལེ་ཝི་པ ༢༨༤ ཡེ་རུ་ཤ་ལེམ་གྱི་གྲོང་ཁྱེར་དམ་པའི་ནང་དུ་གནས་སྡོད་བྱེད་ཀྱི་ཡོད་པ་ཡིན་ནོ༎

¹⁹ཨ་ཀུབ་དང་ཏལ་མོན་དང་ཁོ་ཚོའི་གཉེན་མཚན་བཅས་ཁྱོན་བསྡོམས་མི་གྲངས ༡༧༢ ཡོད་པ་ཡིན་ནོ།

²⁰དེ་འཕྲོས་ཨིསི་རཱཨེལ་མི་མང་རྣམས་དང་། བླ་མ་དང་ལེ་ཝི་པ་རྣམས་ཡ་ཧུ་དཱའི་ཡུལ་གྱི་གྲོང་ཁྱེར་གཞན་དག་ཏུ་རང་རང་སོ་སོའི་ས་ཁུལ་དུ་གནས་སྡོད་བྱས་པ་དང་།

²¹མཆོད་ཁང་གི་ལས་བྱེད་པ་རྣམས་ནི་ཡེ་རུ་ཤ་ལེམ་གྱི་ཨོ་ཕེལ་ཞེས་པའི་ས་གནས་སུ་བསྡད་དེ། ཛི་ཧ་དང་གྷིཤ་པ་ཞེས་པའི་ལས་དཔོན་གྱི་མངའ་འོག་ཏུ་ལས་ཀ་བྱེད་ཀྱི་ཡོད་དོ།

²²བྷ་ནིའི་བུའམ་ཧ་ཤབ་ཡཱའི་ཚ་བོ་ཨུ་ཛི་ནི་ཡེ་རུ་ཤ་ལེམ་དུ་གནས་སྡོད་བྱེད་བཞིན་པའི་ལེ་ཝི་པ་རྣམས་ཀྱི་འགོ་བྱེད་ཡིན་པ་དང་། ཡང་ཁོའི་མེས་པོ་རྣམས་ནི་ཨ་སཕེ་ཀྱི་སྡེ་ནས་ཡིན་པའི་མ་ཏན་ཡཱ་དང་མི་ཀ་གཉིས་ཡིན་ཅིང་། སྡེ་འདིའི་ལས་འགན་ནི་མཆོད་ཁང་དུ་མགུར་དབྱངས་ལེན་རྒྱུ་དེ་ཡིན་ནོ།

²³རྒྱལ་པོས་གཏན་འབེབས་གནང་བའི་སྒྲིག་་ཚུགས་བཞིན་དུ་སྡེ་རྣམས་ཉིན་ལྟར་རེ་བཞིན་རེ་མོས་བྱས་ནས་མཆོད་ཁང་དུ་མགུར་དབྱངས་ལེན་དགོས་ཀྱི་ཡོད་པ་ཡིན་ནོ།

²⁴ཡ་ཧུ་དཱའི་སྡེ་རིགས་དང་ཛེ་རཱའི་སྡེ་ནས་ཡིན་པ་མེ་ཤེ་ཛ་བྷེལ་གྱི་བུ་པེ་ཐ་ཡཱ་ནི་པར་སི་ཡའི་རྒྱལ་པོའི་ཕོ་བྲང་དུ་ཨིསི་རཱཨེལ་པ་རྣམས་ཀྱི་འཐུས་མིར་བསྐོས་ཡོད་པ་ཡིན་ནོ༎

²⁵ཡུལ་མི་མང་ཆེ་བ་རང་རང་སོ་སོའི་གཞིས་ཀའི་ཉེ་འགྲམ་དུ་ཡོད་པའི་གྲོང་ཁྱེར་ཁག་ཏུ་གནས་སྡོད་བྱས་པ་དང་། ཡ་ཧུ་དཱའི་སྡེ་རིགས་ཀྱི་མི་རྣམས་གྲོང་ཁྱེར་ཀིར་ཡད་ཨར་བྷ། དྷི་བྷོན། ཡེ་ཀབ་ཛཱིལ་བཅས་དང་དེའི་ཉེ་འཁོར་གྱི་གྲོང་གསེབ་ཁག་ཏུ་གནས་སྡོད་བྱེད་ཀྱི་ཡོད་དོ།

²⁶དེ་ཙམ་མ་ཟད་ཁོ་ཚོ་གྲོང་ཁྱེར་ཡེ་ཤུ་ཨ། མོ་ལ་དཱ། བྷེད་པེ་ལེད།

²⁷ཧ་ཛར་ཤུ་ཨལ་དང་བྷིར་ཤེ་བྷ་བཅས་དང་དེའི་ཉེ་འཁོར་གྱི་གྲོང་གསེབ་ཁག་དང་།

²⁸གཞན་ཡང་གྲོང་ཁྱེར་ཟིག་ལཱག་དང་མེ་ཀོ་ནཱ་བཅས་དང་དེའི་ཉེ་འཁོར་གྱི་གྲོང་གསེབ་ཁག་དང་།

²⁹དེ་བཞིན་གྲོང་ཁྱེར་ཨེན་རིམ་མོན། ཛོ་རཱ། ཡར་མུད།

³⁰ཛ་ནོ་ཨ། ཨ་དུལ་ལམ་བཅས་དང་དེའི་ཉེ་འཁོར་གྱི་གྲོང་གསེབ་ཁག་དང་། ལ་ཀིཤི་དང་དེའི་ཉེ་འཁོར་གྱི་ས་ཞིང་ཁག་དང་། གཞན་ཡང་ཨ་ཛི་ཀཱ་དང་དེའི་ཉེ་འཁོར་གྱི་གྲོང་གསེབ་ཁག་ཏུ་གནས་སྡོད་བྱས་པ། ཡ་ཧུ་དཱའི་མི་རྣམས་ལྷོ་ཕྱོགས་བྷིར་ཤི་བྷ་ནས་བྱང་ཕྱོགས་སུ་ཧིན་ནོམ་གྱི་ལུང་གཤོང་བར་དུ་གནས་སྡོད་བྱེད་ཀྱི་ཡོད་དོ།

³¹བྷེན་ཡ་མིན་སྡེ་རིགས་མི་རྣམས་ནི་གྷེ་བཱ་དང་། མིཀ་མཱས། ཨེ། བྷེ་ཐེལ་དང་། དེའི་ཉེ་འཁོར་གྱི་གྲོང་གསེབ་ཁག་དང་།

³²ཨ་ན་ཐོད། ནོབ། ཨ་ན་ན་ཡཱ།

³³ཧ་ཛོར། ར་མཱ། གྷིད་ཏེམ།

³⁴ཧ་དྷིད། ཛེ་བོ་ཨིམ། ནེ་བ་ལཱཏ།

³⁵ལོཌ། ཨོ་ནོ་དང་ལག་ཤེས་པའི་ལུང་གཤོང་ཁུལ་དུ་གནས་སྡོད་བྱེད་ཀྱི་ཡོད་པ་དང་།

³⁶ཡ་ཧུ་དཱའི་ས་ཁུལ་དུ་གནས་སྡོད་བྱས་བཞིན་པའི་ལེ་ཝི་པ་འགའ་ཤས་ནི་བྷེན་ཡ་མིན་གྱི་མི་རྣམས་དང་མཉམ་དུ་གནས་སྡོད་བྱེད་བཅུག་པ་ཡིན་ནོ༎