Read Tibetan — པོད་སྐད་Tibetan Old Testament 2011 ཨེསེ་ཐར 10 Bible Online

ཨེསེ་ཐར 10 - Tibetan — པོད་སྐད་Tibetan Old Testament 2011 bible

ཨེསེ་ཐར 10

¹རྒྱལ་པོ་ཨ་ཧ་སུ་རསེ་ཀྱིས་རང་གི་རྒྱལ་ཁམས་ཀྱི་དབུས་ཀྱི་ས་ཁུལ་ཁག་དང། རྒྱ་མཚོའི་མཐའ་མཚམས་ཀྱི་ས་ཁུལ་ཁག་ཏུ་མི་ངས་རྩོལ་བྱེད་བཅུག་གོ

²རང་གིས་བྱས་པའི་མཛད་པ་རླབས་ཆེན་དང་ངོ་མཚར་ཆེ་བ་རྣམས་ཀྱི་སྐོར་དང། མོར་དོ་ཀཡེ་ལ་ཇི་ལྟར་གོ་གནས་སྤར་བའི་སྐོར་གྱི་ལོ་རྒྱུས་ཚང་མ་པར་སི་ཡ་དང་མ་དཱའི་རྒྱལ་པོ་རྣམས་ཀྱི་གཞུང་དེབ་ནང་དུ་བཀོད་ཡོད་དོ།

³ཡང་ཡ་ཧུ་ད་པ་མོར་དོ་ཀཡེ་ནི་རྒྱལ་པོའི་འོག་ཏུ་གོ་གནས་རིམ་པ་གཉིས་པར་འཁོད་ཡོད་པ་དང། རང་རིགས་གཅིག་པའི་ཡ་ཧུ་ད་པ་ཚོས་ཁོང་ལ་གུས་བཀུར་ཞུས་པ་དང་། ཚང་མས་ཁོང་ལ་མོས་གུས་ཆེན་པོ་ཞུ་གི་ཡོད་དོ། ཡང་ཁོང་གིས་རང་གི་མི་རིགས་ཀྱི་བདེ་དོན་དང། དེ་ཚོའི་མི་བརྒྱུད་ཚང་མའི་སྲུང་སྐྱོབ་ཀྱི་ལས་འགུལ་ལ་འབད་བརྩོན་ཆེན་པོ་གནང་ངོ༎