Read Tibetan — པོད་སྐད་Tibetan Old Testament 2011 སྡེབ་ཐོན 27 Bible Online

སྡེབ་ཐོན 27 - Tibetan — པོད་སྐད་Tibetan Old Testament 2011 bible

སྡེབ་ཐོན 27

¹ཁྱོད་ཀྱིས་ཤིང་ཏིམ་ཤིང་ལས་མཆོད་ཁྲི་ཞིག་བཟོ་དགོས་ཏེ། དེའི་རིང་ཚད་དང་ཞེང་ཚད་ནི་མི་ཊར་གཉིས་དང་སེན་ཀྲི་མི་ཊར་ཉི་ཤུ་བཅས་དེ་ནི་གྲུ་བཞི་དགོས། དེའི་མཐོ་ཚད་ནི་མི་ཊར་གཅིག་དང་སེན་ཀྲི་མི་ཊར་གསུམ་བཅུ་བྱེད་པ་ཞིག་བཞེངས་དགོས།

²དེའི་ཟུར་བཞིའི་རྩེ་རུ་ཕྱིར་འཐོན་པའི་ཤིང་གི་ར་ཅོ་བཟོ་དགོས། རྭ་ཅོ་དེ་དང་མཆོད་ཁྲིའི་ཤིང་དུམ་བུ་གཅིག་རང་ལས་བཟོས་པ་ཞིག་དགོས་ཏེ། དེ་དག་ཡོངས་སུ་ལི་ཡིས་བཏུམས་དགོས།

³ཁྱོད་ཀྱིས་ཞག་ཚིལ་ཡོད་པའི་གོ་ཐལ་བསྡུ་བྱེད་སྣོད་གཞོང་རྣམས་དང་། མེ་ཁྱིམ་རྣམས་དང་། ཆུའི་ཏིང་རྣམས་དང་། ལྕགས་ཀྱུ་ཡོད་པའི་ཤ་འཛིན་རྣམས་དང་། མེ་ཕོར་རྣམས་ལིའི་བཟོ་དགོས།

⁴ཁྱོད་ཀྱིས་ལིའི་དྲ་བ་ཞིག་བཟོས་ནས་དྲ་བ་དེའི་ཟུར་བཞི་ལ་ལིའི་ཨ་ལོང་རྣམས་བཟོས་ཤིག

⁵དྲ་བ་དེ་ནི་མཆོད་ཁྲིའི་ཁ་མཚམས་ཀྱི་འོག་ཏུ་བཅུག་སྟེ་མཆོད་ཁྲི་ཕྱེད་ཀ་ཙམ་དུ་སླེབས་པ་བྱོས་ཤིག

⁶མཆོད་ཁྲི་འཁྱེར་བྱེད་རྒྱུག་པ་རྣམས་ཤིང་ཏིམ་ཤིང་ལས་བཟོས་པ་དེ་ལ་ལིས་གཡོག་དགོས།

⁷མཆོད་ཁྲི་འཁྱེར་སྐབས་ཤིང་དེ་དག་མཆོད་ཁྲིའི་གཡས་གཡོན་གྱི་ཨ་ལོང་ཀྱི་ནང་བཅུག་དགོས།

⁸མཆོད་ཁྲི་དེ་ནི་སྤང་ལེབ་ཀྱི་བཟོ་དགོས་པ་དང་། ངས་རི་བོའི་སྟེང་དུ་དཔེ་སྟོན་པ་བཞིན་དེ་ཁོག་སྟོང་བཞག་དགོས༎

⁹ང་གནས་པའི་དབུ་དགུར་དམ་པར་བསྐོར་ནས་ཀ་ཤི་ཀའི་རས་སྤུས་དག་གི་ར་བ་ཞིག་བཟོ་དགོས། ལྷོ་ཕྱོགས་ཀྱི་ཡོལ་བའི་རིང་ཐུང་མི་ཊར་བཞི་ཅུ་ཞེ་བཞི་དགོས།

¹⁰དེར་ལིའི་ཞབས་གདན་ཉི་ཤུ་ནང་ལིའི་ཀ་བ་ཉི་ཤུ་སྟེགས་དགོས། ཀ་བའི་ལྕགས་ཀྱུ་དང་མདའ་རྣམས་དངུལ་གྱི་བཟོ་དགོས།

¹¹བྱང་ཕྱོགས་ཀྱི་ར་བ་ཡང་དེ་བཞིན་བཟོ་དགོས།

¹²ནུབ་ཕྱོགས་ཀྱི་ཡོལ་བའི་རིང་ཐུང་མི་ཊར་ཉི་ཤུ་རྩ་གཉིས་དང་། ཀ་བ་བཅུ་དང་ཞབས་གདན་བཅུ་དགོས།

¹³ཤར་ཕྱོགས་ཀྱི་སྒོ་ཡོད་སར་ར་བའི་ཞེང་ཁ་མི་ཊར་ཉི་ཤུ་རྩ་གཉིས་དགོས།

¹⁴གཞུང་སྒོའི་གཡས་གཡོན་རེར་མི་ཊར་དྲུག་དང་སན་ཊི་མི་ཊར་དྲུག་བཅུའི་ཡོལ་བ་རྣམས་གནས་པ་དང་། ཡོལ་བ་དེ་རྣམས་རེ་རེ་བཞིན་ཞབས་གདན་གསུམ་གྱི་སྟེང་དང་ཀ་བ་གསུམ་ཁར་བཞག་དགོས།

¹⁶གཞུང་སྒོར་ཡོལ་བ་མི་ཊར་དགུ་བྱས་པ་ཚོན་མདོག་སྔོན་པོ་དང་མུ་མན་དང་དམར་པོ་བྱས་པ་ཀ་ཤི་ཀའི་རས་སྤུས་དག་གི་འཐག་པ་དང་དེར་འཚེམ་འདྲུབ་རྒྱབ་དགོས་ཏེ། དེ་ནི་ཀ་བ་བཞི་དང་ཞབས་གདན་བཞིས་སྟེགས་དགོས་པ་ཡིན།

¹⁷ར་བའི་མཐའ་འཁོར་གྱི་ཀ་བ་རྣམས་དངུལ་གྱི་ལྕགས་མདས་མཐུད་དགོས་ཏེ། དེའི་ལྕགས་ཀྱུ་རྣམས་དངུལ་དང་ཞབས་གདན་རྣམས་ལི་ཡིན་པ་དགོས།

¹⁸ར་བ་རིང་ཐུང་མི་ཊར་བཞི་ཅུ་ཞེ་བཞི་དང་ཞེང་ཁ་མི་ཊར་ཉི་ཤུ་རྩ་གཉིས་དང་། མཐོ་ཚད་མི་ཊར་གཉིས་དང་སན་ཊི་མི་ཊར་ཉི་སུ་དགོས། ཡོལ་བ་རྣམས་ཀ་ཤི་ཀའི་རས་སྤུས་དག་དང་ཞབས་གདན་རྣམས་ལིའི་བཟོས་པ་དགོས།

¹⁹དབུ་གུར་དམ་པར་བེད་སྤྱོད་བྱེད་པའི་ཡོ་བྱད་ཚང་མ་ལིས་བཟོ་དགོས། དབུ་གུར་དམ་པའི་ར་བའི་ཕྱེད་དུ་ཕུར་པ་ཚང་མ་ལིས་བཟོ་དགོས༎

²⁰ཕྱི་དྲོ་རྟག་ཏུ་སྒྲོན་མེ་སྤར་བའི་ཕྱིར་ཁ་སྐྱུར་པོའི་སྣུམ་སྤུས་ལེགས་འཁྱེར་ཡོང་དགོས་ཞེས་ཨིསི་རཱཨེལ་མི་མང་རྣམས་ལ་བཀའ་བསྒོས་ཤིག

²¹གུར་ནང་གི་དམ་བཅའི་སྒྲོམ་གྱི་མདུན་དང་གུར་གྱི་ནང་དུ་ཡོད་པའི་ཡོལ་བའི་རྒྱབ་ངོས་སུ་ཨ་རོན་དང་ཁོའི་བུ་བརྒྱུད་རྣམས་ཀྱིས་མར་མེ་སྒྲིག་དགོས་ཏེ། དེ་ཚོ་ངའི་མདུན་དུ་དགོང་དྲོ་ནས་སྔ་དྲོ་བར་སྤར་ནས་བཞག་དགོས། ཨིསི་རཱཨེལ་དང་ཁོའི་མི་བརྒྱུད་རྣམས་ནས་བཀའ་འདི་དག་དུས་གཏན་དུ་བརྩི་དགོས་སོ༎