Read Tibetan — པོད་སྐད་Tibetan Old Testament 2011 ཡོབ 11 Bible Online

ཡོབ 11 - Tibetan — པོད་སྐད་Tibetan Old Testament 2011 bible

ཡོབ 11

¹ཆོ་མེད་གཏམ་ལ་སུ་ཡིས་ལན་འདེབས་བྱེད། མི་ཞིག་གཏམ་གླེང་མང་པོ་བཤད་པས་ན། དེ་ནི་དྲང་བདེན་ཞིག་ཏུ་འགྱུར་སྲིད་དམ།

³ང་ཚོས་ཁྱེད་ལ་ལན་འདེབས་བྱེད་མི་ཐུབ་བསམ་གྱི་འདུག་གམ། ཁྱེད་ཀྱིས་བཤད་པའི་ཆོ་མེད་ཚིག་དེ་ལ། ང་ཚོས་བརྗོད་མི་ཐུབ་པར་ལུས་པར་བྱེད།

⁴ཁྱེད་ཀྱིས་གང་སྨྲས་པ་དེ་ཚོ་དྲང་བདེན་ཡིན་པ་དང་། དཀོན་མཆོག་དྲུང་དུ་ང་ནི་གཙང་མ་ཡིན་ཞེས་བརྗོད།

⁵དཀོན་མཆོག་ཁོང་གིས་ཁྱེད་ལ་ལན་འདེབས་གནང་ཕྱིར་ང་འདོད་དོ།

⁶ཁོང་གིས་ཁྱོད་ལ་གསུངས་བ་ཡོད། ཤེས་རབ་ཀྱི་ཀྱང་གཟུགས་དབྱིབས་མང་པོ་ཡོད་པ་དང་། གནས་ཚུལ་མང་པོ་མི་ཡི་ཤེས་བྱ་དེ་རྟོགས་མི་ཐུབ་པ་དང་། ཁྱེད་ཀྱི་ཐོབ་འོས་པ་ལས་ཉུང་བའི་ཉེས་ཆད་ཁོང་གིས་གཏོང་གནང་བཞིན་ཡོད།

⁷དཀོན་མཆོག་ཁོང་གི་རླབས་ཆེན་དང་མཐུ་སྟོབས་ཀྱི། ཚད་དང་མཐའ་མཚམས་ཁྱེད་ཀྱིས་འཚོལ་ཐུབ་བམ།

⁸དཀོན་མཆོག་ཁོང་ཆེད་ནམ་མཁར་ཚད་ཡོད་ཅིང་། འོན་ཀྱང་དེ་ནི་ཁྱོད་ཀྱིས་སྙོབ་མི་ཐུབ། ཁོང་གིས་གཤིན་པོའི་གནས་དེ་མཁྱེན་ན་ཡང་། འོན་ཀྱང་དེ་ནི་ཁྱོད་ཀྱིས་ཤེས་མི་ཐུབ།

⁹དཀོན་མཆོག་ཁོང་གི་རླབས་ཆེན་ས་གཞི་ལས་ཀྱང་ཆེ་ཞིང་། རྒྱ་མཚོ་ལས་ཀྱང་ཞེང་རྒྱ་ཆེ་བ་ཡོད།

¹⁰གལ་སྲིད་དཀོན་མཆོག་ཁྱོད་ལ་བཟུང་གནང་ནས། ཁྲིམས་གཅོད་གནང་ན་སུ་ཡིས་བཀག་ཐུབ་བམ།

¹¹ཁོང་གིས་མི་སུ་ཞིག་ཕན་ཐོག་མེད་པ་མཁྱེན། དེ་ཚོའི་བྱ་བ་ངན་པ་ཚང་མ་ཁོང་གི་གཟིགས།

¹²གླེན་པའི་མི་ཞིག་ཤེས་རབ་ཅན་འགྱུར་རམ། ནགས་ཀྱི་བོང་ཕྲུག་མི་རུ་སྐྱེ་སྲིད་དམ།

¹³ཡོབ་ལགས་ཁྱེད་ཀྱི་སེམས་དེ་དྲང་པོར་འཇོག། ཁྱེད་ཀྱི་ལག་པ་དཀོན་མཆོག་ཕྱོགས་སུ་རྐྱོངས།

¹⁴ཁྱེད་ཀྱི་ཁྱིམ་ནང་ཡོད་པའི་ངན་པ་དང་། ནོར་འཁྲུལ་རྣམས་ཀྱང་ཐག་རིང་དབྱུགས་པར་མཛོད།

¹⁵དེ་ནས་སླར་ཡང་འཛམ་གླིང་འདིའི་ནང་དུ། བློ་སྟོབས་ཆེན་པོས་བརྟན་པོར་གདོང་ལེན་བྱོས།

¹⁶དེ་ནས་ཁྱོད་ཀྱི་དྲན་པའི་སྡུག་བསྔལ་རྣམས། ཆུ་ལོག་ལྟ་བུར་ཡོལ་ནས་སླར་མི་དྲན།

¹⁷ཁྱེད་ཀྱི་མི་ཚེ་ཉིན་གུང་ཉི་མ་ལྟར། འཚེར་བ་ལས་ཀྱང་གསལ་བར་འགྱུར་བ་དང་། ཁྱེད་ཀྱི་མི་ཚེའི་དུས་སྐབས་སྡུག་ཤོས་དེ། མུན་པ་དེ་ནི་ཐོ་རེངས་འོད་ལྟར་འགྱུར།

¹⁸ཁྱེད་ནི་རེ་བ་བརྟན་པོར་འཚོ་བའི་ངང་། ཁོང་གིས་ཁྱེད་ལ་སྐྱབས་ནས་ངལ་གསོ་གནང་།

¹⁹ཁྱེད་ནི་རང་གི་དགྲ་བོར་འཇིགས་མི་དགོས། མང་པོས་ཁྱེད་ལ་རོགས་རམ་འབོད་བསྐུལ་བྱེད།

²⁰འོན་ཀྱང་མི་ངན་ཡིད་མུག་ངང་དུ་ཕྱོགས་བཞིར་བལྟས། དེ་ཚོར་ཐར་བའི་ལམ་དེ་རྙེད་མི་འགྱུར། དེ་ཚོའི་རེ་བ་གཅིག་རང་དེ་འཆི་བ་ཡིན།།