Read Tibetan — པོད་སྐད་Tibetan Old Testament 2011 ཡོབ 12 Bible Online

ཡོབ 12 - Tibetan — པོད་སྐད་Tibetan Old Testament 2011 bible

ཡོབ 12

¹ངོ་མར་ཁྱེད་རྣམས་ནི་མི་མང་གི་སྐད་ཡིན་ནོ། ཁྱེད་རྣམས་འཆི་སྐབས་ཤེས་རབ་ཁྱེད་མཉམ་འཆི།

³འོན་ཀྱང་ཁྱེད་ལ་ཡོད་པའི་བློ་གྲོས་ལྟར། ང་ལ་ཡོད་ཅིང་ཁྱོད་ལས་ཞན་པ་མེད། ཁྱེད་ཚོས་སྨྲས་པའི་ཚིག་རྣམས་ཚང་མས་ཤེས།

⁴ད་ཆ་ང་ཡི་གྲོགས་པོས་ང་ལ་གད། ང་ནི་དྲང་བདེན་སྐྱོན་མེད་ཡིན་ན་ཡང་། དེ་ཚོས་ང་ལ་གད་མོ་བགད་པར་བྱེད། འོན་ཀྱང་གཙོ་བོ་དཀོན་མཆོག་གིས། ང་ཡི་སྨོན་ལམ་གསན་པའི་དུས་ཤིག་ཡོད།

⁵ཁྱེད་རྣམས་ལ་སྡུག་བསྔལ་མེད་ཅིང་ང་ལ་བརྙས། སྐྱེ་བོ་འགྱེལ་གྲབ་ཅན་ལ་ཁྱོད་ཀྱིས་བརྡུང་།

⁶འོན་ཀྱང་རྐུན་མ་དང་ནི་དཀོན་མཆོག་ཁས་མི་ལེན་མཁན། དེ་ཚོའི་མི་ཚེ་ཞི་བདེའི་ངང་ལ་གནས། དེ་ཚོའི་དཀོན་མཆོག་རང་གི་ནུས་ཤུགས་ཡིན།

⁷བྱ་དང་དུད་འགྲོ་སེམས་ཅན་རྣམས་ཀྱིས་ཀྱང་། ཁྱེད་རྣམས་ལ་སློབ་སྟོན་མང་པོ་བྱ་ཐུབ་བོ།

⁸ས་གཞི་དང་ནི་རྒྱ་མཚོའི་སེམས་ཅན་ཚོ་རྣམས་ནས། ཤེས་རབ་ཆེད་དུ་སྐྱབས་འཇུག་ཞུས་དགོས་སོ།

⁹དེ་ཚོ་ཚང་མ་གཙོ་བོ་དཀོན་མཆོག་གིས། རང་གི་ཕྱག་གིས་དེ་ཚོ་བཀོད་པ་ཤེས།

¹⁰སེམས་ཅན་རྣམས་ཀྱི་ཚེ་ཡི་ལམ་སྟོན་མཁན། དཀོན་མཆོག་ཁོང་གིས་གནང་གི་ཡོད་པ་དང་། ཡོངས་རྫོགས་མི་ཡི་སྲོག་དེ་ཁོང་གི་ཕྱག་ནང་ཡོད།

¹¹འོན་ཀྱང་ཁྱོད་ཀྱི་ལྕེ་ཡིས་ཟས་ཀྱི་བྲོ་བ་མྱོང་། དེ་ལྟར་ཁྱོད་ཀྱི་རྣ་བས་གཏམ་ཉན་པར་ལོངས་སྤྱོད་དོ།

¹²མི་རྒན་ཚོ་ལ་ཤེས་རབ་ཡོད། དཀོན་མཆོག་ཁོང་ལ་ཤེས་རབ་མཐུ་སྟོབས་ཡོད། མི་རྒན་ཚོ་ལ་མཐོང་རྒྱ་ཡོད། དཀོན་མཆོག་ཁོང་ལ་མཁྱེན་རྒྱ་དང་ལས་གནང་བའི་མཐུ་སྟོབས་ཡོད།

¹⁴དཀོན་མཆོག་ཁོང་གིས་བཤིག་པར་མཛད་པ་དེ། སུ་ཡི་དེ་ལ་སླར་ཡང་བཞེངས་ཐུབ་བམ། དཀོན་མཆོག་ཁོང་གིས་བཙོན་འཇུག་གནང་བ་དེ། སྐྱེ་བོ་སུ་ཡིས་དེ་ལ་འགྲོལ་བར་ནུས།

¹⁵ཁོང་གིས་ཆར་པ་བཀག་དུས་འཐེན་པ་ཡོང་། ཁོང་གིས་ཆར་པ་སློད་དུས་ཆུ་ལོག་ཡོང་།

¹⁶ཁོང་ནི་སྟོབས་ཆེན་རྟག་ཏུ་རྒྱལ་བ་ཡིན། མགོ་སྐོར་ཐེབས་མཁན་དང་མགོ་སྐོར་གཏོང་མཁན་གཉིས། སྐུ་དབང་དཀོན་མཆོག་ཕྱག་གི་འོག་ལ་ཡོད།

¹⁷ཁོང་གིས་སྲིད་སྐྱོང་པ་རྣམས་ཀྱི་ཤེས་རབ་འཕྲོག། ཁྲིམས་དཔོན་རྣམས་ལ་གླེན་པར་བྱེད་དུ་འཇུག།

¹⁸ཁོང་གིས་རྒྱལ་པོ་ཚོར་ཁྲི་ལས་འབེབས་གནང་ནས། དེ་ཚོ་བཙོན་གྱི་ནང་དུ་བཅུག་པར་མཛད།

¹⁹ཁོང་གིས་བླ་མ་ཚོ་དང་དབང་ཡོད་མཁན། སྐྱེ་བོ་དེ་ཚོར་ཉམས་ཆུང་བཟོ་བར་མཛད།

²⁰ཁོང་གིས་བློས་འཁེལ་མི་རྣམས་ལ་སྨྲ་མི་བཅུག། རྒན་པ་ཚོ་ལས་ཤེས་རབ་ཚུར་བཞེས་གནང་།

²¹ཁོང་གིས་དབང་ཡོད་མི་ལ་དམའ་འབེབས་མཛད། སྲིད་སྐྱོང་རྣམས་ཀྱི་དབང་ཤུགས་མེད་པར་མཛད།

²²ཁོང་གིས་འཆི་བ་ལྟར་གྱི་མུན་པའི་ནང་། ས་གནས་དེ་གར་འོད་ཅིག་གཏོང་བར་མཛད།

²³ཁོང་གིས་མི་རིགས་རྣམས་སྟོབས་ལྡན་རླབས་ཆེན་བཟོས་གནང་ཡང་། ཁོང་གིས་དེ་ཚོ་ཕམ་ཞིང་མེད་པར་མཛད།

²⁴ཁོང་གིས་འགོ་འཁྲི་དེ་ཚོ་གླེན་པར་བཟོས། དེ་ཚོ་ཐོམས་ཤིང་རླག་ནས་འཁྱམས་སུ་འཇུག།

²⁵དེ་ཚོ་མུན་པའི་ནང་དུ་སྦར་ཡུལ་རྒྱབ། ར་བཟི་ལྟ་བུ་འཁྱོར་ཞིང་འགྲོ་བར་བྱེད༎