Read Tibetan — པོད་སྐད་Tibetan Old Testament 2011 ཡོབ 14 Bible Online

ཡོབ 14 - Tibetan — པོད་སྐད་Tibetan Old Testament 2011 bible

ཡོབ 14

¹ང་ཚོ་ཚང་མ་ཉམས་ཆུང་མགོན་མེད་སྐྱེས། ཚེ་ཐུང་དཀའ་ངལ་ཅན་གྱི་མི་ཚེ་བསྐྱེལ།

²མེ་ཏོག་བཞིན་དུ་འཚར་ཞིང་མགྱོགས་པོར་སྐམ། ང་ཚོ་གྲིབ་ནག་བཞིན་དུ་ཡལ་བར་འགྱུར།

³དཀོན་མཆོག་ཁྱེད་ཀྱིས་ང་ལ་གཟིགས་གནང་དང་། ཡང་ན་ཞིབ་དཔྱོད་ཁྲིམས་ཞིབ་ཞིག་གནང་ངམ།

⁴མི་གཙང་བ་མི་ལས་གཙང་མ་གང་ཡང་འདོན་མི་ཐུབ་བོ།

⁵མི་ཚེ་རིང་ཐུང་དེ་ཡི་ཟླ་གྲངས་རྣམས། ཇི་ལྟར་ཚང་མ་སྔོན་ནས་གཏན་འབེབས་ཟིན། ཁྱེད་ཀྱིས་ཐག་གཅོད་ཟིན་པས་བསྒྱུར་མི་ཐུབ།

⁶ཁོ་ལ་མ་གཟིགས་གཅིག་པོར་འཇོག་རོགས་གནང་། ཁོ་ཡི་སྤྱོད་པར་ནུས་ན་ཁོའི་མི་ཚེ། ཁག་པོ་དེ་ལ་སྤྱོད་དུ་འཇུགས་རོགས་གནང་།

⁷བཅད་པའི་ཤིང་སྡོང་ཞིག་ལ་རེ་བ་ཡོད། དེ་ནི་སླར་ཡང་གསོན་ནས་སྐྱེས་སྲིད་དོ།

⁸དེ་ཡི་རྩ་བ་རྙིང་པར་འགྱུར་བ་དང་། དེ་ཡི་སྡོང་པོ་ས་འོག་སྐམ་ན་ཡང་།

⁹ཆུ་ཞིག་ཕོག་པས་རྩི་ཤིང་གསར་དུ་སྐྱེས།

¹⁰འོན་ཀྱང་མི་ནི་འཆི་བར་འགྱུར་བ་དང་། དེ་ནི་ཁོ་ཡི་མི་ཚེའི་མཐའ་མ་ཡིན། འཆི་བའི་རྗེས་སུ་ཁོ་ནི་གང་དུ་ཡོད།

¹¹རྒྱུགས་ཆུ་ཆད་དུས་མཚོ་ནི་སྐམ་པར་ལྟར།

¹²མི་ནི་འཆི་ནས་ནམ་ཡང་ལངས་མི་འགྱུར། ནམ་མཁའ་གནས་རིང་དེ་ཡི་གཉིད་མི་སད། དེ་ཚོའི་གཉིད་ནི་ནམ་ཡང་དཀྲོག་མི་འགྱུར།

¹³ང་ཡི་འདོད་པར་ཁྱེད་ཀྱི་ང་ལ་ནི། ཁྱེད་ཀྱི་ཐུགས་ཁྲོ་མ་ཞི་བ་ཡི་བར། ང་ལ་གཤིན་པོའི་གླིང་དུ་སྦས་གནང་ནས། དེ་ནས་ཐུགས་དྲན་གསོ་བའི་དུས་ཚོད་ཅིག། གཏན་འབེབས་གནང་བ་ཡིན་ན་ཅི་མ་རུང་།

¹⁴མི་ཞིག་འཆི་ནས་སླར་ཡང་གསོན་འགྱུར་རམ། འོན་ཀྱང་ང་ཡི་དུས་ཚོད་བཟང་པོ་དེ། དཀའ་ངལ་མ་རྫོགས་བར་དུ་སྒུག་རྒྱུ་ཡིན།

¹⁵དེ་ནས་ཁྱེད་ཀྱིས་ང་ལ་འབོད་གནང་བ་དང། ང་ཡི་ཁྱེད་ལ་ཞུ་ལན་འབུལ་རྒྱུ་ཡིན། ཁྱེད་ཀྱིས་བཀོད་པའི་མི་ང་མཉམ་མཉེས་པར་འགྱུར།

¹⁶ཁྱེད་ཀྱིས་ང་ཡི་གོམ་སྤོས་གཟིགས་ན་ཡང་། ཁྱེད་ཀྱིས་ང་ཡི་སྡིག་པའི་བརྗེད་མི་དེད།

¹⁷ཁྱེད་ཀྱིས་དེ་ཚོར་བཟོད་གསོལ་གནང་བ་དང་། དེ་ཚོ་ཕར་རུ་བསྡུས་པ་གནང་བ་དང་། ང་ཡི་ནོར་འཁྲུལ་ཚང་མ་མེད་པར་མཛད།

¹⁸རི་བོ་ཆེན་པོ་རྣམས་ནི་ལྷུང་བ་དང་། མཁྲེགས་པོའི་བྲག་རྣམས་སྤོ་བའི་དུས་ཤིག་ཡོང་།

¹⁹ཆུ་ཡིས་བྲག་རྣམས་ཟད་པར་འགྱུར་བ་དང་། ཆར་པ་དྲག་པོས་ས་རྣམས་འཁྱེར་བར་བརྟེན། ཁྱེད་ཀྱིས་ང་ཚོའི་མི་ཚེའི་རེ་བ་མེད་པར་མཛད།

²⁰ཁྱེད་ཀྱིས་མི་ཚོར་དབང་གིས་མནན་པ་དང་། གཏན་གྱི་ཆད་དུ་དེ་ཚོ་འཆི་བར་འགྱུར། དེ་ཚོ་འཆི་སྐབས་བཟོ་རྣམ་ཉམས་པར་འགྱུར།

²¹དེ་ཚོའི་ཕྲུ་གུར་གུས་བརྩི་ཐོབ་ན་ཡང་། དེ་ཚོས་དེ་ཚོ་ནམ་ཡང་མི་ཤེས་སོ། དེ་ཚོར་དམའ་འབེབས་བྱུང་ཡང་དེ་ཚོས་མི་ཤེས་སོ།

²²དེ་ཚོར་རང་གི་གཟུགས་པོའི་ན་གཟུག་དང་། སེམས་ཀྱི་སྡུག་བསྔལ་གཅིག་པུ་འཚོར་བར་འགྱུར༎