Read Tibetan — པོད་སྐད་Tibetan Old Testament 2011 ཡོབ 15 Bible Online

ཡོབ 15 - Tibetan — པོད་སྐད་Tibetan Old Testament 2011 bible

ཡོབ 15

¹ཡོབ་མི་ཤེས་རབ་ཅན་གྱིས་གཏམ་དོན་མེད་སྟོངས་པ་མརྗོད་མི་རུང།

³ཤེས་རབ་ཅན་གྱིས་ཁྱོད་ལྟར་མི་སྨྲའོ། དོན་མེད་ཚིག་གིས་རང་ལ་སྐྱབས་པར་མི་བྱའོ།

⁴ཁྱེད་ཀྱིས་འདོད་པ་བཞིན་དུ་བྱུང་བས་ན། སུ་ཡང་དཀོན་མཆོག་ཁོང་ལ་མི་སྐྲག་པར། ཁོང་ལ་སུས་ཀྱང་གསོལ་འདེབས་མི་བྱེད་དོ།

⁵ཁྱེད་ཀྱིས་བརྗོད་པའི་གཏམ་གྱིས། ཁྱོད་ཀྱི་སྤྱོད་ཚུལ་ངན་པའི་དཔང་པོ་བྱེད། མཁས་པའི་གཏམ་བརྗོད་ནས་རང་ལ་སྐྱབས་ཐབས་བྱེད།

⁶ཁྱོད་ལ་ང་ཡིས་སྐྱོན་བརྗོད་བྱེད་དགོས་མེད། ཁྱོད་ཀྱི་གཏམ་གྱིས་ཁྱོད་ལ་སྐྱོན་བརྗོད་བྱེད།

⁷ཁྱོད་ཀྱི་བསམ་བློར་ཐོག་མའི་མི་ཡིན་བསམ། ཁོང་གིས་རི་བོ་བཀོད་དུས་ཁྱོད་ཡོད་དམ།

⁸ཁོང་གི་གསང་བའི་འཆར་གཞི་ཁྱོད་ཐོས་སམ། མི་ཡི་ཤེས་རབ་བདག་པོ་ཁྱེད་གཅིག་པོ་ཡིན་ནམ།

⁹ང་ཚོས་མ་ཤེས་པ་ནི་ཁྱེད་ཀྱིས་ཤེས་ཀྱི་ཡོད་དམ།

¹⁰ང་ཚོའི་ཁྲོད་དུ་མི་རྒན་སྐྲ་དཀར་ཡོད། ཁྱེད་ཀྱི་ཕ་ལས་བགྲེས་པའི་མི་ནི་ངེད་ཁྲོད་ཡོད།

¹¹ཁོང་གིས་ཁྱོད་ལ་སེམས་གསོ་གནང་བ་དེ། ཁྱོད་ཀྱིས་ཅི་ལ་ངོས་ལེན་མི་བྱེད་དམ། ང་ཚོས་ཁོང་གི་ཕྱོགས་ནས་འཇམ་པོའི་གཏམ་སྨྲས་ཡོད།

¹²འོན་ཀྱང་ཁྱོད་ལ་ངར་སྟོབས་བསྐྱེད་པ་དང་། ང་ཚོར་ཁྲོ་བའི་ནང་ལ་ཁྲོ་མིག་བལྟས།

¹³ཁྱོད་ནི་དཀོན་མཆོག་ཁོང་ལ་ཁྲོས་པ་དང་། ཁྱོད་ཀྱི་ཁོང་ལ་ངོ་རྒོལ་བྱས་བཞིན་ཡོད།

¹⁴སྐྱེ་བོ་གང་ཞིག་དམ་པ་ཡིན་སྲིད་དམ། གང་ཞིག་དཀོན་མཆོག་དྲུང་དུ་དྲང་བདེན་ནམ།

¹⁵དཀོན་མཆོག་ཁོང་གིས་རང་གི་ཕོ་ཉ་ཚོར་བློས་མི་འཁེལ། ཁོང་གི་གཟིགས་ངོར་དེ་ཚོ་ཡང་དམ་པ་མེད།

¹⁶མི་ཡི་དེ་ལས་ཉུང་བའི་གུས་བཀུར་ཡོད། མི་ནི་ཞེན་ལོག་དང་ནི་ཕན་མེད་ཡིན། དེ་ཡིས་ངན་ལས་ཆུ་ལྟར་འཐུང་ངོ་།

¹⁷ཡོབ་ཁྱོད་ང་ཡིས་ཤེས་པ་དེ་ལ་ཉོན།

¹⁸རང་གི་ཕ་མེས་ཚོ་ལས་སྦྱངས་པའི་བདེན་པ་རྣམས། ཤེས་རབ་ཅན་ཚོས་གང་ཡང་མ་གསང་བར། དེ་ཚོ་ཚང་མ་ང་ལ་སློབ་སྟོན་གནང་།

¹⁹དེ་ཚོའི་ཡུལ་དུ་ཕྱི་རྒྱལ་མི་མེད་ཅིང། དེ་ཚོའི་དཀོན་མཆོག་ལས་ལམ་ལོག་འཁྲིད་པར་བྱ་མཁན་སུ་ཡང་མེད།

²⁰སྤྱོད་ངན་མི་ཚོས་གཞན་ལ་མནར་གཅོད་གཏོང་། དེ་ཚོ་གསོན་རིང་སྡུག་བསྔལ་དྲག་པོར་གནས།

²¹དེ་ཚོའི་རྣ་བར་འཇིགས་པའི་སྒྲ་ཐོས་ཤིང་། དེ་ཚོ་ཉེས་མེད་བརྟན་པོ་ཡོད་བསམ་སྐབས། ཇག་པ་ཚོ་ཡིས་དེ་ཚོར་འཐབ་པར་བྱེད།

²²དེ་ཚོར་མུན་པའི་ནང་ནས་ཕྱིར་ཐར་བའི། རེ་བ་མེད་ཅིང་གསོད་པར་རལ་གྲི་སྒུག།

²³དེ་ཚོའི་རོ་དེ་ཟ་བར་བྱ་རྒོད་སྒུག། རང་གི་མ་འོངས་ལམ་ནི་མུན་ནག་ཡིན་པ་དེ་ཚོས་ཤེས།

²⁴མཐུ་སྟོབས་ཅན་གྱི་རྒྱལ་པོ་ལྟ་བུ་རྐྱེན་ངན་དེ་ཚོར་འཐབ་པར་སྒུག་ཡོད་དོ།

²⁵དཀོན་མཆོག་ལ་རྒོལ་ཕྱིར་མུར་རྫོག་འཕྱར་མཁན་དང་། མཐུ་སྟོབས་ཅན་ལ་གྱན་ལོག་བྱ་མཁན་གྱི་སྐྱལ་བ་དེ་ལྟར་ཡིན།

²⁶སྐྱེ་བོ་ང་རྒྱལ་ཅན་དང་ངོ་ལོག་ཅན། ཁོ་ཡི་གླེན་པའི་ངང་ནས་ཕུབ་བཟུང་ནས། དཀོན་མཆོག་ཁོང་དང་མཉམ་དུ་འཐབ་པར་འགྱུར།

²⁸དེ་ཚོས་གྲོང་ཁྱེར་རྣམས་དང་བདག་མེད་ཁང་ཁྱིམ་སོགས། དབང་བཟུང་བྱས་མཁན་སྐྱེ་བོ་ཡིན་ན་ཡང་། དམག་གིས་གྲོང་དང་ཁང་པ་དེ་ཚོ་མེད་པར་བཟོས།

²⁹དེ་ཚོ་ནི་ཡུན་རིང་ཕྱུག་པོར་མི་གནས་ཤིང་། དེ་ཚོའི་རྒྱུ་ནོར་བརྟན་དུ་མི་གནས་སོ། དེ་ཚོའི་གྲིབ་ནག་ཙམ་ཡང་་ཡལ་བར་འགྱུར།

³⁰དེ་ཚོ་ནི་མུན་པའི་ནང་ནས་ཐར་མི་ཐུབ། དེ་ཚོ་ནི་མེས་འཚིག་པའི་ཡལ་ག་ལྟར་དང། མེ་ཏོག་ཤར་བ་རླུང་གིས་འཁྱེར་བའི་ཤིང་སྡོང་དང་འདྲ།

³¹དེ་ཚོ་ངན་པར་བློ་བཅོལ་བྱ་མཁན་བླུན་པོ་ཡིན་ན། ངན་པ་དེ་ཚོའི་བྱ་དགའ་ཡིན།

³²དེ་ཚོ་དུས་ཚོད་མ་སླེབས་པ་ཡི་སྔོན། ཡལ་ག་རྣམས་ནི་སྐམ་ནས་ཡལ་བར་འགྱུར། སླར་ཡང་སྔོན་པོ་མི་འགྱུར་ཡལ་བར་འགྱུར།

³³དེ་ཚོ་ནི་རྒུན་འབྲུམ་མ་སྨིན་གོང་དུ་ཟག་པའི་རྒུན་ཤིང་དང། མེ་ཏོག་རྣམས་ལྷུང་བའི་ཁ་སྐྱུར་པོའི་ཤིང་སྡོང་དང་འདྲ།

³⁴དཀོན་མཆོག་ཁས་མི་ལེན་མཁན་མི་རྣམས་ནི། རིགས་བརྒྱུད་མེད་པར་ལུས་པར་འགྱུར། ལྐོག་རྔན་ལེན་ནས་བཟོས་པའི་ཁང་པ་རྣམས་ནི་མེས་འཚིག་འགྱུར།

³⁵སྐྱེ་བོ་དེ་ཚོས་སྡུག་བསྔལ་བཟོ་བའི་འཆར་གཞི་གཏིང། ངན་པ་གྱིས་ཤིང་དེ་ཚོའི་སེམས་ཀྱི་ནང་། རྟག་ཏུ་བསླུ་འཁྲི་སོགས་ཀྱིས་ཁེངས་ཡོད་དོ༎