Read Tibetan — པོད་སྐད་Tibetan Old Testament 2011 ཡོབ 16 Bible Online

ཡོབ 16 - Tibetan — པོད་སྐད་Tibetan Old Testament 2011 bible

ཡོབ 16

¹གཏམ་དེ་རྣམས་ནི་ང་ཡིས་སྔོན་དུ་ཐོས། ཁྱོད་ཀྱིས་ང་ལ་སེམས་གསོ་གཏོང་བ་དེ། དེ་ནི་ང་ལ་སྡུག་བསྔལ་གཅིག་པུ་ཡིན།

³ཁྱོད་ཀྱི་གཏན་གྱི་ཆེད་དུ་གཏམ་ཤོད་དམ། རྟག་ཏུ་ཚིག་གི་མཐའ་མ་ཤོད་དགོས་སམ།

⁴ཁྱོད་ནི་ང་ཡི་ཚབ་ཏུ་ཡོད་པ་དང་། ང་ནི་ཁྱོད་ཀྱི་ཚབ་ཏུ་ཡོད་ཡིན་ན། ཁྱོད་ཀྱིས་སྨྲས་པ་རྣམས་ནི་ངས་བརྗོད་ཐུབ། ང་ནི་ཤེས་རབ་ལྡན་པའི་མགོ་འགུལ་ཞིང་། གཏམ་གྱི་ཆུ་ལོག་རྣམས་ཀྱིས་ཁྱོད་ནུབ་འགྱུར།

⁵ང་ཡི་བསླབ་བྱས་ཁྱོད་ལ་ནུས་ཤུགས་གཏེར། ཁྱོད་ལ་སེམས་གསོ་ཆེད་དུ་ང་ཡི་གཏམ་གླེང་མུ་མཐུད་བྱེད།

⁶ཡིན་ཀྱང་ང་ཡིས་སྨྲས་པས་ཕན་ཐོག་མེད། ཁུ་སིམ་བསྡད་ཀྱང་ང་ཡི་ཟུག་མི་འཇག།

⁷དཀོན་མཆོག་ཁྱེད་ཀྱིས་ང་ལ་ཐང་ཆད་འཇུག། ང་ཡི་ནང་མི་རྣམས་ནི་གསོད་འཇུག་གནང་།

⁸ཁྱེད་ཀྱིས་ང་ལ་བཟུང་ནས་ཁྱེད་ངའི་དགྲ། ང་ཡི་ལུས་ནི་པགས་རུས་གཅིག་པུ་ཡིན། མི་མང་དེ་ཚོས་དེ་ལ་ཉེས་པའི་དཔང་པོར་ངོས་ལེན་བྱེད།

⁹དཀོན་མཆོག་ཐུགས་དགོངས་ཁྲོ་བའི་སྐབས། ཁོང་གིས་ང་ཡི་ཡན་ལག་བཅད་པ་དང་། ཁོང་གིས་སྡང་པོའི་ངང་ནས་ང་ལ་གཟིགས།

¹⁰མི་མང་ཚོས་ང་ལ་འཕྱ་ཞིང་གད་མོ་གད། དེ་ཚོ་ང་ཡི་མཐའ་འཁོར་དུ་བསྡུས་ནས། ང་ཡི་གདོང་པར་དེ་ཚོས་འགྲམ་ལྕགས་ཞུས།

¹¹དཀོན་མཆོག་ཁྱེད་ཀྱི་ང་ལ་ནི། སྐྱེ་བོ་ངན་པའི་ལག་ཏུ་རྩི་སྤྲོད་གནང་།

¹²ང་ནི་ཞི་བདེའི་ངང་ལ་གནས་ཡོད། འོན་ཀྱང་ཁོང་གིས་ང་ཡི་སྐེ་ནས་བཟུང་གནང་ནས། བསིལ་བུར་སྟོར་ནས་ཕྱེ་མར་བཟོས་གནང་ངོ་། ང་ལ་ཁོང་གིས་འབེན་ལྟར་བེད་སྤྱོད་གནང་།

¹³ས་ཕྱོགས་ཀུན་ནས་ང་ལ་མདའ་འཕེན་ནས། མདའ་རྣམས་ཟུག་ནས་ང་ལ་རྨས་ན་ཡང་། ཁོང་གི་སྙིང་རྗེས་ང་ལ་གཟིགས་མ་གནང་།

¹⁴ཁོང་གིས་ང་ལ་ཡང་ཡང་རྨས་པར་མཛད། སྡང་ནས་སྨྱོ་བའི་དམག་མི་ལྟ་བུར་ཁོང་གིས་ང་ལ་འཐབ།

¹⁵ང་ནི་མྱ་ངན་བྱེད་ཅིང་རྩ་ཕད་གྱོན། འཕམས་ནས་ཐལ་བའི་ནང་དུ་མར་ལ་བསྡད།

¹⁶ང་ཡིས་གདོང་པ་དམར་པོར་མ་འགྱུར་བ་དང་། ཡང་ན་ང་ཡི་མིག་གཉིས་མ་སྦོས་བར། མིག་ལ་གྲིབ་མས་མ་བསྐོར་བར་དུ་ངུས།

¹⁷འོན་ཀྱང་ང་ཡིས་དྲག་ལས་བྱས་མེད་དོ། ཁོང་ལ་སྨོན་ལམ་ཞུས་པ་དྲང་བདེན་ཡིན།

¹⁸ཀྱེ། ས་གཞི་ངའི་ཐོག་བྱས་པའི་ནོར་འཁྲུལ་མ་འགེབས་ཤིག། ང་ཡི་ཁྲིམས་གཅོད་ཞུ་འབོད་དེ་རྣམས་ལ། ཁུ་སིམ་འཇོག་པར་མ་མཛད་ཅིག།

¹⁹མཐོ་རིས་སུ་ང་ཡི་ཆེད་དུ་ལངས་མཁན་དང་། ང་ལ་ཕྱོགས་རིས་གནང་མཁན་ཞིག་ཀྱང་ཡོད།

²⁰ང་ཡི་གྲོགས་པོས་ང་ལ་འཕྱ་བ་དང་། དཀོན་མཆོག་ཁོང་མདུན་དུ་ང་ཡི་མིག་ཆུ་བབས།

²¹མི་ཞིག་རང་གྲོགས་ཆེད་དུ་ཞུ་འབོད་བྱེད་པ་ལྟར། དཀོན་མཆོག་ཁོང་ལ་ངའི་ཆེད་ཞུ་འབུལ་བྱེད་མཁན་ཞིག་དགོས་སོ།

²²ད་ཆ་ང་ཡི་རང་ལོ་ཡོལ་བཞིན་ཡོད། ཕྱིར་མི་ལོག་པའི་ལམ་དུ་གོམ་པ་སྤོས༎