Read Tibetan — པོད་སྐད་Tibetan Old Testament 2011 ཡོབ 17 Bible Online

ཡོབ 17 - Tibetan — པོད་སྐད་Tibetan Old Testament 2011 bible

ཡོབ 17

¹ང་ཡི་མི་ཚེའི་མཐའ་མ་ཉེ་བར་ཡོད། ང་ཡི་དབུགས་དེ་གཏོང་བར་དཀའ་བ་འདུག། ང་ལ་དུར་ཁྲོད་མ་གཏོགས་ཅི་ལྷག་མེད།

²ཚང་མས་ང་ལ་ཇི་ལྟར་འཕྱ་བར་བལྟ།

³དཀོན་མཆོག་ང་ནི་དྲང་པོ་ཡིན་པས་སྟབས། ང་ཡི་ཞུས་པའི་གཏམ་ལ་གསན་པར་མཛོད། ང་ལ་རྒྱབ་སྐྱོར་བྱ་མཁན་སུ་ཡང་མེད།

⁴དེ་ཚོའི་སེམས་ཀྱིས་བློ་གྲོས་དེ། ད་ཆ་ཁྱེད་ཀྱིས་མཚམས་འཇོག་གྱིས་ཡོད་པས། ང་ཡི་ཐོག་ཏུ་དེ་ཚོ་རྒྱལ་མ་འཇུག།

⁵སྔར་གྱི་གཏམ་དཔེ་ཞིག་ལ་མི་ཞིག་གིས། དངུལ་གྱི་དོན་དུ་རང་གི་མཛའ་གྲོགས་རྣམས་ལ། བསླུ་འཁྲི་བྱས་སྐབས་ཁོའི་བུ་ཕྲུག་ཚོ། དེ་ཡི་དོན་དུ་སྡུག་བསྔལ་མྱོང་དགོས་བྱུང་།

⁶ད་ཆ་ང་ལ་མི་ཆོས་གཏམ་དཔེ་དེ། ང་ཡི་ཐོག་ཏུ་དཔེར་རུ་འཛིན་པ་དང་། དེ་ཚོ་ཡོང་ནས་གདོང་ལ་ཐུ་ལུད་རྒྱབ།

⁷ང་ཡི་མིག་ནི་སྡུག་གིས་ལོང་བར་འགྱུར། རྐང་ལག་གྲིབ་ནག་ལྟ་བུར་ཁྲ་པོར་འགྱུར།

⁸དྲང་པོ་ཡིན་པར་བརྗོད་མཁན་ཧ་ལས་ཤིང་། ཚང་མས་ང་ལ་གཙོ་བོ་དཀོན་མཆོག་ལ། ཁས་མི་ལེན་ལྟར་སྐྱོན་བརྫོད་བྱེད།

⁹བཀུར་བར་འོས་པ་ཡིན་ཞེས་བརྗོད་མཁན་ཚོས། བདེན་པ་ཡིན་ཞེས་དེ་ཚོས་ཡིད་ཆེས་བྱེད།

¹⁰འོན་ཀྱང་དེ་ཚོ་ཡོང་ནས་ངའི་མདུན་ལངས། དེ་ཚོའི་ནང་ནས་ཤེས་རབ་ལྡན་པའི་མི་གཅིག་ངས་མི་རྙེད།

¹¹ང་ཡི་དུས་སྐབས་རྣམས་ནི་ཡོལ་བ་དང་། ང་ཡི་འཆར་གཞི་ལམ་ལྷོང་མ་བྱུང་བར། ང་ཡི་རེ་བ་ཚང་མ་རྫོགས་སོང་ངོ་།

¹²འོན་ཀྱང་ང་ཡི་གྲོགས་པོ་དེ་རྣམས་ཀྱིས། མཚན་མོ་དེ་ནི་ཉིན་མོ་ཡིན་པར་བརྗོད། དེ་ཚོས་འོད་དེ་ཉེ་པོ་འདུག་ཟེར་ཡང་། ང་ནི་མུན་པར་བསྡད་པ་ང་ཡི་ཤེས།

¹³ང་ཡི་རེ་བ་གཅིག་དེ་འཆི་ཡུལ་ཡིན། དེ་རུ་ང་ནི་མུན་པའི་ནང་ཉལ་ལོ།

¹⁴ང་ཡི་དུར་ཁྲོད་དེ་ལ་ཡབ་ཅེས་འབོད། ང་ལ་ཟ་མཁན་འབུ་སྲིན་རྣམས་ལ་ནི། ང་ཡི་ཡུམ་དང་སྲིང་མོར་འབོད་རྒྱུ་ཡིན།

¹⁵ང་ཡི་རེ་བ་དེ་ནི་གར་ཡོད་དམ། དེ་སུ་ཞིག་གིས་ནི་མཐོང་ཡོད་དམ།

¹⁶ང་ནི་འཆི་བའི་ཡུལ་དུ་མར་འགྲོ་སྐབས། རེ་བ་དེ་ང་མཉམ་མི་འགྲོའོ༎