Read Tibetan — པོད་སྐད་Tibetan Old Testament 2011 ཡོབ 20 Bible Online

ཡོབ 20 - Tibetan — པོད་སྐད་Tibetan Old Testament 2011 bible

ཡོབ 20

¹ཡོབ་ཁྱེད་ཀྱིས་བདག་ལ་སུན་པོ་བཟོས། ད་ཆ་ལན་འདེབས་བྱ་རྒྱུར་བཟོད་བསྒོམ་བྱེད་མི་ཐུབ།

³ཁྱེད་ཀྱིས་སྨྲས་པའི་ཚིག་རྣམས་དམའ་འབེབས་ཡིན། འོན་ཀྱང་ང་ཡིས་ཁྱེད་ལ་ལན་འདེབས་དགོས། ཇི་ལྟར་ལན་འདེབས་བྱེད་དགོས་ང་ཡི་ཤེས།

⁴ཐོག་མར་ས་གཞིའི་སྟེང་དུ་མི་འཇོག་སྐབས། ཁྱེད་ཀྱིས་སྔོན་གྱི་དུས་ནས་ཤེས་པ་ལྟར།

⁵སྐྱེ་བོ་ངན་པ་སུ་ཞིག་ཡིན་ན་ཡང་། དེ་ནི་ཡུན་རིང་བདེ་བར་གནས་མི་ཐུབ།

⁶ནམ་མཁའ་ལྟ་བུ་ཆེན་པོར་འགྱུར་བས་ན། ཁོ་ཚོས་མགོ་ཡི་སྤྲིན་པ་སྙོབ་སྲིད་དོ།

⁷འོན་ཀྱང་ཁོ་ཚོ་ནི་རྡུལ་ལྟར་རླུང་གིས་འཁྱེར། ཁོ་ཚོའི་ངོ་ཤེས་རྣམས་ཀྱིས་བསམ་པ་ལ། ཁོ་ནི་གང་དུ་ཕྱིན་པ་ཡིན་ནམ་བསམ།

⁸ཁོ་ནི་མཚན་མོའི་རྨི་ལམ་མཐོང་བ་ལྟར། ཡལ་བར་འགྱུར་ནས་སླར་ཡང་མཐོང་མི་འགྱུར།

⁹སྔོན་དུ་བསྡད་པའི་གནས་དེ་ཁོ་ཚོས་མི་མཐོང་།

¹⁰དེ་ཚོས་དབུལ་པོའི་ལག་ནས་བརྐུས་པའི་ནོར། དེ་ཚོའི་བུ་ཕྲུག་ཚོས་དེ་ལ་ཕྱིར་ལོག་སྤྲད།

¹¹སྔོན་དུ་ཁོ་ཡི་གཟུགས་པོ་ན་གཞོན་དང་། སྟོབས་ཤུགས་དེ་ནི་མགྱོགས་པོར་རྡུལ་དུ་འགྱུར།

¹²ངན་པ་དེ་ཚོར་ཧ་ཅང་ཞིམ། བྲོ་བ་མྱང་བྱེད་ཁ་ནང་ཕྲན་བུའི་འཇོག།

¹⁴འོན་ཀྱང་དེ་ཚོའི་ཁ་ཟས་གྲོད་པའི་ནང་། ཟས་དུག་བཞིན་དུ་ཁག་ཏིག་ལྟར་འགྱུར་རོ།

¹⁵སྐྱེ་བོ་ངན་པས་བརྐུས་པའི་རྒྱུ་ནོར་སྐྱུགས། གྲོད་པའི་ནང་ནས་ཀྱང་དཀོན་མཆོག་ཁོང་གིས་བཞེས།

¹⁶སྐྱེ་བོ་ངན་པས་མིད་པའི་གང་ཡིན་ཀྱང་དུག་ལྟར་ཡོད། དུག་སྦྲུལ་གདུག་པ་ཅན་གྱིས་སོ་རྒྱབ་ལྟར། དེ་ཡིས་དེ་ཚོར་གསོད་པར་བྱེད་པ་ཡིན།

¹⁷དེ་ཚོས་སྐྱུ་རུའི་སྣུམ་གྱི་གཙང་པོ་དང་། ཡང་ན་འོ་མ་སྦྲང་རྩིའི་རྒྱུག་ཆུ་ལྟར། མཐོང་བའི་ཆེད་དུ་གསོན་པོ་གནས་མི་ཡོང་།

¹⁸ཁོ་ཚོས་འབད་ནས་སྒྲུབ་པ་རྣམས་དོར་དགོས། ཁོ་ཚོར་རྒྱུ་ནོར་སྤྱོད་པའི་གོ་སྐབས་མེད།

¹⁹གང་ལ་ཟེར་ན་ཁོ་ཚོས་དབུལ་པོ་ལ། མནར་གཅོད་བཏང་ཞིང་སྣང་ཆུང་བྱེད་པ་དང་། གཞན་གྱིས་བཟོས་པའི་ཁང་པ་དབང་བཟུང་བྱས།

²⁰ཁོ་ཚོའི་འདོད་རྔམ་ནམ་ཡང་ཁེངས་པ་མེད།

²¹དེ་ཚོས་ཟ་སྐབས་ཟ་རྒྱུ་ལྷག་མེད་དོ། འོན་ཀྱང་ད་ཆ་དེ་ཚོའི་དར་རྒྱས་མཐར་སླེབས་ཡོད།

²²ཁོ་ཚོའི་ཡར་རྒྱས་ལམ་ལྷོང་བྱུང་བའི་སྐབས། སྡུག་བསྔལ་ཡོངས་ཀྱིས་དེ་ཚོོར་བརྫིས་བར་བྱེད།

²³དེ་ཚོར་འདོད་པ་བཞིན་དུ་ཟ་རུ་འཇུག། དཀོན་མཆོག་ཐུགས་ཁྲོ་བཞེས་པས་སྐབས། དེ་ཚོར་ཆད་པ་དྲག་པོ་གཏོང་བར་མཛད།

²⁴ཁོ་ནི་ལྕགས་ཀྱི་རལ་གྲི་ལས་བྲོས་ཀྱང་། ལི་ཡི་མདའ་ཡིས་ཁོ་ལ་གསོད་པར་བྱེད།

²⁵མདའ་ཡིས་དེ་ཚོའི་ལུས་ནས་ཐོན་པས་ན། དེ་ཡི་འོད་ཀྱི་འཚེར་བའི་རྩེ་མོ་ནས། ཁོ་ཡི་ཁྲག་གི་ཐིག་པ་ཟག་པ་དང་། ཁོ་ཡི་སེམས་ནང་འཇིགས་སྐྲག་ཆེན་པོའི་མནར།

²⁶དེ་ཚོའི་བསགས་པ་རྣམས་ནི་མེད་པར་འགྱུར། མི་ཡི་ལག་པས་མ་སྤར་བའི་མེ་ཡིས། དེ་ཚོ་དང་ནང་མི་བཅས་པར་སྲེགས་པར་བྱེད།

²⁷མཐོ་རིས་དེ་ཚོའི་སྡིག་པ་གསལ་སྟོན་མཛད། ས་གཞིས་དེ་ཚོའི་ཉེས་སྤྱོད་དཔང་པོ་བྱེད།

²⁸དཀོན་མཆོག་ཁོང་གི་ཐུགས་ཁྲོའི་ཆུ་ལོག་གིས། དེ་ཚོའི་རྒྱུ་ནོར་རྣམས་ནི་མེད་པར་མཛད།

²⁹དེ་ནི་སྐྱེ་བོ་ངན་པའི་སྐྱལ་བ་ཡིན། དཀོན་མཆོག་ཁོང་གིས་དེ་ཚོར་གནང་བའི་སྐྱལ་བ་ཡིན༎