Read Tibetan — པོད་སྐད་Tibetan Old Testament 2011 ཡོབ 22 Bible Online

ཡོབ 22 - Tibetan — པོད་སྐད་Tibetan Old Testament 2011 bible

ཡོབ 22

¹དཀོན་མཆོག་ཁོང་ལ་མི་ཞིག་གི་ཕན་ཐོག་གམ། སྐྱེས་བོ་ཤེས་རབ་ཅན་ཞིག་ཁོང་ལ་ཕན་ཐོག་གམ།

³ཁྱོད་ཀྱི་དྲང་པོ་གྱིས་པས་དཀོན་མཆོག་ལ། ཁོང་ལ་ཕན་ཐོག་ཡོད་པ་ཡིན་བསམ་མམ། ཡང་ན་ཁྱོད་ཀྱི་སྤྱོད་ལམ་ཡག་པོ་དེས། ཁོང་ལ་རོགས་རམ་ཡོང་བསམ་མམ།

⁴ཁྱོད་ཀྱིས་ཁོང་ལ་འཇིགས་པར་བྱེད་པའི་རྐྱེན། ཁོང་གིས་ཁྱོད་ལ་བཀའ་བཀྱོན་གནང་བ་དང་། ཁྱོད་ལ་ཁྲིམས་བཅོད་གནང་བ་མ་ཡིན་ནོ།

⁵དེ་ནི་ཁྱོད་ཀྱིས་སྡིག་པ་མང་བའི་རྐྱེན། ཁྱོད་ཀྱིས་ལས་ངན་གྱིས་པའི་རྐྱེན་ཡིན་ནོ།

⁶སྤུན་གྱི་ཁྱོད་ལ་བུན་ལོན་འཇལ་བའི་ཆེད། ཁྱོད་ཀྱིས་ཁོ་ཡི་གྱོན་གོས་རྣམས་བཤུས་ནས། ཁོ་ལ་གྱོན་རྒྱུ་མེད་པར་གཅེར་བུར་བཞག།

⁷ཁྱོད་ཀྱིས་ཐང་ཆད་རྣམས་ལ་ཆུ་མ་བྱིན། ལྟོགས་པ་རྣམས་ལ་ཁྱོད་ཀྱིས་ཟས་མ་བྱིན།

⁸ཁྱོད་ཀྱིད་ཡུལ་རྣམས་ཡོངས་སུ་དབང་བའི་ཆེད། ཁྱོད་ཀྱི་སྟོབས་ཤུགས་གོ་ས་བེད་སྤྱོད་གྱིས།

⁹ཁྱོད་ཀྱིས་ཡུགས་ས་མ་ཚོར་རོགས་མ་བྱེད། མ་ཟད་ད་ཕྲུག་ཚོ་ལ་མནར་གཅོད་བཏང་།

¹⁰དེར་བརྟེན་ད་ཆ་ཁྱོད་ཀྱི་མཐའ་འཁོར་ལ། ཡོངས་སུ་རྫ་དོང་ཁེངས་ནས་ཡོད་པ་དང་། གློ་བུར་ཁྱོད་ལ་འཇིགས་སྐྲག་གིས་ཁེངས་ཡོད།

¹¹ཧ་ཅང་མུན་པ་ཡོད་སྟབས་ཁྱོད་མི་མཐོང་། ཆུ་ལོག་ཁྱོད་ལ་མནན་པར་བྱེད།

¹²དཀོན་མཆོག་མཐོ་རིས་མཐོ་པོར་བཞུགས་མེད་དམ། སྐར་ཚོགས་མཐོ་ཀྱང་ཁོང་གིས་དེ་ཚོར་མར་ལ་མ་གཟིགས་སམ།

¹³འོན་ཀྱང་ཁྱེད་ཀྱིས་དཀོན་མཆོག་ཅི་མཁྱེན་དྲིས། སྤྲིན་པ་མཐུག་པོས་ཁོང་ལ་བཀབ་ཡོད་པས། ཁོང་གིས་ང་ཚོར་ཁྲིམས་གཅོད་ཇི་ལྟར་བྱས།

¹⁴ཁོང་ནི་ས་དང་ནམ་མཁའི་ས་མཚམས་སྟེང་། ཕར་ཚུར་ཕེབས་སྐབས་ཁྱེད་ཀྱི་བསམ་པ་ལ། སྤྲིན་པ་མཐུག་པོས་གཟིགས་རྒྱུར་འགེབས་བསམ་མམ།

¹⁵མི་ངན་རྣམས་ཀྱི་འགྲོ་བའི་ལམ་དེ་རུ། ཁྱོད་ཡང་འགྲོ་རྒྱུ་སེམས་ཐག་བཅད་ཡོད་དམ།

¹⁶དེ་ཚོའི་དུས་ཚོད་མ་སླེབས་པ་ཡི་སྔོན། དེ་ཚོ་ཆུ་ལོག་གྱིས་ནི་འཁྱེར་ཚར་ཡོད།

¹⁷དེ་ཚོས་དཀོན་མཆོག་ཁོང་ལ་ཁས་མི་ལེན། ཁོང་གི་དེ་ཚོར་གང་ཡང་གནང་མི་ཐུབ། ཟེར་ཞིང་ཡིད་ཆེས་བྱ་མཁན་དེ་ཚོ་ཡིན།

¹⁸དེ་ཚོ་ཕུན་སུམ་ཚོགས་པ་བཟོ་གནང་མཁན། གཙོ་བོ་དཀོན་མཆོག་རང་ཉིད་ཡིན་པ་དང་། མི་ངན་རྣམས་ཀྱི་བསམ་བློ་ངས་རྟོགས་མི་ཐུབ།

¹⁹ངན་ཅན་ཚོར་ཉེས་ཆད་གཏོང་བའི་སྐབས། སྐྱེ་བོ་བཟང་པོ་རྣམས་ནི་དགའ་བ་དང་། སྐྱེ་བོ་གནོང་མེད་རྣམས་ནི་གད་མོ་གད།

²⁰ངན་ཅན་ཚོའི་རྒྱུ་ནོར་མེད་པར་བཟོས། ལྷག་ལུས་རྣམས་ཀྱང་མེ་ཡིས་བསྲེགས་པར་བྱེད།

²¹ཡོབ་ཁྱོད་དཀོན་མཆོག་མཉམ་དུ་བཞི་སྒྲིགས་བགྱིས། ཁོང་ལ་དགྲ་ལྟར་ཆ་འཛིན་མཚམས་འཇོག་བྱོས། གལ་སྲིད་ཁྱོད་ཀྱིས་དེ་ལྟར་གྱིས་པས་ན། དཀོན་མཆོག་ཁོང་གིས་ཁྱོད་ལ་བྱིན་རླབས་གནང་།

²²ཁོང་གིས་སློབ་སྟོན་གནང་བར་ངོས་ལེན་གྱིས། ཁོང་གི་བཀའ་རྣམས་སེམས་ཀྱི་གཏིང་ལ་འཇོག།

²³ཁྱོད་རང་ཉམ་ཆུང་ངང་ནས་དཀོན་མཆོག། ཕྱོགས་སུ་ལོོག། ཁྱོད་ཀྱི་ཁྱིམ་ནང་ངན་པའི་ལས་རྣམས་སྤངས་པར་གྱིས།

²⁴ཁྱོད་ཀྱི་གསེར་རྣམས་ཕར་དབྱུགས་ཞིག། ལྷད་མེད་གསེར་རྣམས་རྒྱུག་ཆུའི་སྐམ་སར་ནང་དུ་དབྱུགས།

²⁵ཀུན་དབང་དཀོན་མཆོག་ཁྱོད་ཀྱི་གསེར་དུ་འགྱུར། ཁོང་ནི་ཧ་ཅང་མཐོ་པོར་སྤུངས་ཡོད་པའི། ཁྱོད་ཀྱི་ཕྱིར་དུ་རིན་ཆེན་དངུལ་དུ་འགྱུར།

²⁶དེ་ནས་ཁྱོད་ཀྱིས་རྒྱུན་དུ་དཀོན་མཆོག་ལ། ཡིད་ཆེས་གྱིས་པས་ཁོང་ནི་ཁྱོད་ཀྱི་ཕྱིར། དགའ་བདེའི་འབྱུང་ཁུངས་ཡིན་པ་ཤེས་པར་འགྱུར།

²⁷ཁྱོད་ཀྱིས་ཁོང་ལ་སྨོན་ལམ་འདེབས་སྐབས་སུ། ཁོང་གིས་དེ་ལ་ལན་འདེབས་གནང་བ་དང་། ཁ་ཆད་གྱིས་རྣམས་ཁྱོད་ཀྱི་བསྲུང་བར་འགྱུར།

²⁸ཁྱོད་ཀྱི་ལས་དོན་ཚང་མ་སྒྲུབ་པར་འགྱུར། ཁྱོད་ཀྱི་ལམ་ལ་འོད་ཟེར་འཆར་བར་འགྱུར།

²⁹ཁོང་གིས་སྤོབ་པ་ཅན་རྣམས་མར་འབེབས་ཤིང་། ཉམ་ཆུང་རྣམས་ལ་ཁོང་གིས་སྐྱོབ་པར་མཛད།

³⁰ཁྱོད་ཀྱི་ཇི་ལྟར་གྱིས་པ་ཉེས་མེད་དང་། དྲང་བདེན་ཡིན་ན་ཁོང་གི་སྐྱོབ་པ་མཛད༎