Read Tibetan — པོད་སྐད་Tibetan Old Testament 2011 ཡོབ 26 Bible Online

ཡོབ 26 - Tibetan — པོད་སྐད་Tibetan Old Testament 2011 bible

ཡོབ 26

¹སྐྱེ་བོ་ཉམ་ཐག་དང་ནི་སྐྱོ་པོ་ང་འདྲ་ལ། ཁྱེད་ལྟར་རོགས་པ་བཟང་པོ་ཇི་འདྲ་ཡིན།

³ཁྱེད་ཀྱིས་ང་ནི་གླེན་པ་ལྟ་བུ་ལ། བསླབ་བྱ་བཟང་པོ་སྤྲད་ནས་ང་མཉམ་དུ། རང་གི་ཡོན་ཏན་བཟང་པོ་གོ་བསྡུར་བྱས།

⁴ཁྱེད་ཀྱི་གཏམ་ལ་སུ་ཡིས་ཉན་བསམ་མམ། འདི་ལྟར་བརྗོད་རྒྱུར་བློ་ངར་སུས་སྤྲད་དམ།

⁵འཆི་བའི་རྣམ་ཤེས་རྣམས་ས་འོག་ཆུ་ནང་འདར།

⁶དཀོན་མཆོག་དྲུང་དུ་འཆི་ཡུལ་ཕྱེས་ཡོད། ཁོང་གི་སྤྱན་སྔར་དེ་ལ་ཁེབས་ཀྱིས་བཀབ་མི་ཐུབ།

⁷ཁོང་གིས་བྱང་ཕྱོགས་ནམ་མཁའ་བརྐྱངས་གནང་ནས། མཁའ་དབྱིངས་སྟོང་པར་ས་གཞི་བསྐོན་པར་མཛད།

⁸དཀོན་མཆོག་ཁོང་གིས་སྤྲིན་པར་ཆུས་བཀང་ནས། དེ་ཡི་ལྗིད་ཀྱིས་རྡོལ་བ་ལས་སྐྱོབ་མཛད།

⁹བཅོ་ལྔའི་ཟླ་བ་ཉ་གང་སྤྲིན་ནང་སྦས།

¹⁰ཁོང་གིས་རྒྱ་མཚོའི་སྟེང་དུ་སྒོ་སྒོར་བྲིས་གནང་ནས། འོད་དང་མུན་པ་དབྱེ་གནང་ངོ་།

¹¹ཁོང་གིས་ནམ་མཁའ་སྟེགས་པའི་ཀ་བ་ལ། འཇིགས་སྣང་བསྐུལ་ནས་བཀའ་བཀྱོན་གནང་བའི་སྐབས། དེ་ཚོ་འཇིགས་སྐྲག་ངང་ནས་འགུལ་ཞིང་འདར།

¹²ཁོང་གི་སྟོབས་ཀྱིས་རྒྱ་མཚོ་དབང་བསྒྱུར་མཛད། ཁོང་གིས་རིག་རྩལ་གྱིས་ནི་ར་ཧབ་བདུད་མེད་པར་མཛད།

¹³ཁོང་གི་དབུགས་ཀྱིས་ནམ་མཁའ་དྭངས་བར་མཛད། བྲོས་པའི་བདུད་ནི་ཕྱག་གིས་གསོད་པར་མཛད།

¹⁴འོན་ཀྱང་འདི་ཚོ་དཀོན་མཆོག་གི། མཐུ་དང་སྟོབས་ཀྱི་ཆ་ཤས་ཙམ་ཡིན་ནོ། ང་ཚོས་ཐོས་པའི་ཁོང་གི་འཇམ་པོའི་སྒྲ། ཁོང་ནི་ཇི་འདྲ་སྟོབས་ཆེན་ཡིན་པ་སུས་རྟོགས་ནུས༎