Read Tibetan — པོད་སྐད་Tibetan Old Testament 2011 ཡོབ 31 Bible Online

ཡོབ 31 - Tibetan — པོད་སྐད་Tibetan Old Testament 2011 bible

ཡོབ 31

¹ང་ཡི་བུ་མོར་སུ་ལ་འདོད་ཆགས་ངང་། མི་ལྟ་བ་ཡི་དམ་བཅའ་གྱིས་ཡོད་དོ།

²མཐུ་སྟོབས་ཅན་གྱི་དཀོན་མཆོག་གིས། ང་ཚོ་རྣམས་ལ་ག་རེ་གནང་ཡོང་ངམ། འགྲོ་བ་མི་ཡི་བྱས་པའི་བྱ་བ་ལ། ཁོང་གི་དེ་ལ་བྱ་དགའ་ཅི་གནང་ངམ།

³ཁོང་གིས་བྱ་བ་ནོར་འཁྲུལ་བྱ་མཁན་ལ། དེ་ཚོར་རྐྱེན་ངན་འཇིག་པ་གཏོང་བར་མཛད།

⁴ཁོང་གིས་ང་ཡི་གྱིས་པ་ཐམས་ཅད་མཁྱེན། ང་ཡི་གོམ་པ་གང་སྤོས་ཁོང་གིས་གཟིགས།

⁵སྤྱོད་ཚུལ་ངན་པ་ནམ་ཡང་ངས་གྱིས་མེད། གཞན་ལ་ནམ་ཡང་བསླུ་འཁྲིད་བྱས་མེད་པའི།

⁶དཀོན་མཆོག་ཁོང་གིས་ང་ལ་ཉ་གར་དྲང་པོར་འདེགས་འཇུག་ན། ཁོང་གིས་ང་ནི་སྐྱོན་མེད་ཡིན་པར་གཟིགས།

⁷ང་ནི་དྲང་བདེན་ལམ་ལས་གཡོ་བ་དང་། ཡང་ན་རང་ཉིད་ངན་ལས་བྱེད་བཅུག་དང་། ང་ཡི་ལག་པར་སྡིག་པའི་གནག་ཐིག་ཡོད་ན།

⁸ལོ་ཐོག་རྣམས་ནི་མེད་པར་བཟོ་བར་ཤོག་ཡང་ན་ང་ཡིས་ཁ་ཟས་ཇི་བཏབ་པ། ཁ་ཟས་དེ་རྣམས་གཞན་གྱི་ཟ་བར་ཤོག།

⁹ང་ཡིས་ཁྱིམ་མཚེས་ཆུང་མར་ཡིད་འཕྲོག་ནས། མོ་ཡི་སྒོ་ཡི་ཕྱི་རུ་ཡིབ་ཡོད་ན།

¹⁰ང་ཡི་ཆུང་མས་ཁྱོ་གཞན་གྱི་ཁ་ལག་བཟོས། མོ་ནི་ཁྱོ་གཞན་དང་མཉམ་དུ་ཉལ་དུ་འཇུག།

¹¹དེ་ལྟར་སྤྱོད་ངན་བྱེད་མི་དེ་ཚོ་ལ། ཉེས་པ་སྲོག་ཐོག་གཏོང་བར་དགོས་ངེས་སོ།

¹²དེ་ནི་འཇིགས་པར་བཟོས་བའི་དམྱལ་བའི་མེ་དང་འདྲ། ང་ལ་ཡོད་པ་ཚང་མ་སྲེག་མཁན་ཡིན།

¹³ང་ཡི་བྲན་གཡོག་ངང་ནས་མི་ཞིག་གིས། ང་ལ་ངོ་རྒོལ་སྐྱོན་བརྗོད་བྱེད་ཡོད་ན། ང་ཡིས་ཁོ་ལ་ཉན་ནས་དྲང་བདེན་བྱེད།

¹⁴ང་ཡིས་དེ་ལྟར་མ་བྱས་པ་ཡིན་ན། ཁོང་ལ་ཇི་ལྟར་གདོང་པ་བསྟན་ནུས་སམ། ང་ལ་ཞིབ་དཔྱོད་གནང་བར་ཕེབས་སྐབས་སུ། ང་ཡི་ཁོང་ལ་ཅི་ཞིག་ཞུས་ནུས་སམ།

¹⁵ང་ལ་བཀོད་པར་མཛད་མཁན་དཀོན་མཆོག་དེས། ང་ཡི་གཡོག་པོ་རྣམས་ཀྱང་བཀོད་གནང་ངོ་།

¹⁶ང་ཡིས་དབུལ་འཕོང་རྣམས་ལ་རོགས་བྱ་རྒྱུ། གཏན་དུ་ང་ཡི་ཁས་ལེན་བྱས་ཡོད་དོ། ང་ཡིས་ཁྱོ་ག་ཤི་བའི་ཡུགས་མོ་ཚོར། རེ་ཟད་ངང་དུ་ནམ་ཡང་སྡོད་བཅུག་མེད།

¹⁷ཡང་ན་ང་རང་ཁ་ཟས་ཟ་བའི་སྐབས། དྭ་ཕྲུག་རྣམས་ལ་ལྟོགས་པར་སྡོད་བཅུག་མེད།

¹⁸ང་ཡི་ཚེ་གང་དེ་ཚོར་བལྟ་རྟོགས་བྱས།

¹⁹ང་ཡི་དབུལ་པོ་དཀའ་ངལ་ཅན་ཞིག་གི། གྱོན་གོས་ཉོ་བཞིན་ཡོད་པ་ངས་མཐོང་སྐབས།

²⁰ང་ཡི་ཁོ་ལ་རང་གི་ལུག་ཁྱུའི་ནང་ནས་བྱུང་བའི། བལ་གྱིས་བཟོས་པའི་གྱོན་གོས་སྟེར་རྒྱུ་བྱས་པ་ཡིན། དེ་ནས་ཁོ་ཡི་རང་གི་སེམས་གཏིང་ནས། ང་ལ་ཁོ་ཡི་བསྟོད་པ་བྱེད་པར་འགྱུར།

²¹གལ་སྲིད་ང་ཡིས་ཁྲིམས་ཁང་ནང་གི་རྒྱལ་ཁ་དེ། ང་ལ་ཐོབ་ཀྱི་ཡོད་པ་ཤེས་པས་ན། དྭ་ཕྲུག་ཞིག་ལ་མགོ་བསྐོར་བཏང་ཡོད་ན།

²²ང་ཡི་ལག་པ་ཆག་པར་ཤོག། དེ་ནི་དཔུང་པའི་ནང་ནས་འབིགས་པར་ཤོག།

²³གང་ལ་ཟེར་ན་ང་ཡི་དཀོན་མཆོག་གི། ཁོང་གི་ཉེས་ཆད་རྣམས་ལ་འཇིགས་པས་ན། ང་ཡིས་དེ་ལྟར་ནམ་ཡང་བྱེད་མི་ཕོད།

²⁴ང་ཡིས་ནོར་ལ་ནམ་ཡངབློ་བཅོལ་མེད།

²⁵ཡང་ན་ང་ཡི་རང་གི་རྒྱུ་ནོར་ལ། ལྟས་ནས་སྤོབས་པ་ནམ་ཡང་བྱས་མེ་དོ།

²⁶ང་ཡི་ཉི་མའི་འོད་གསལ་ཆེ་བའི་སྐབས། ཡང་ན་ཟླ་བའི་མཛེས་སྡུག་ལ་ནམ་ཡང་མཆོད་མེད།

²⁷ང་ཡི་དེ་ཚོར་གུས་ཞབས་བྱེད་པའི་ཆེད། རང་གི་ལག་པར་ཁ་ནི་སྐྱེལ་བ་དང་། ལམ་ནོར་ཁུལ་དུ་ནམ་ཡང་སོང་མེད་དོ།

²⁸མཐུ་སྟོབས་ཅན་གྱི་གཙོ་བོ་དཀོན་མཆོག་ལ། ཁས་ལེན་མི་བྱེད་པ་ཡི་སྡིག་པ་ཚོར། ཉེས་པར་སྲོག་ཐོག་གཏོང་དགོས་སོ།

²⁹ང་ཡི་དགྲ་བོར་སྡུག་པོ་མྱོང་བའི་སྐབས། ང་ལ་དགའ་བ་ནམ་ཡང་བྱུང་མེད་ཅིང་། ཡང་ན་དེ་ཚོར་རྐྱེན་ངན་འཕྲད་པའི་སྐབས། ང་ལ་དགའ་སྐྱིད་ནམ་ཡང་བྱུང་མེད་དོ།

³⁰ང་ཡི་དེ་ཚོ་འཆི་འགྱུར་སྨོན་ལམ་འདེབས། དེ་འདྲའི་སྡིག་པ་ནམ་ཡང་གྱིས་མེད་དོ།

³¹ང་ཡིས་འགྲུལ་པར་རྒྱུན་དུ་དགའ་བསུ་བྱེད། དེ་ནི་ང་ཡི་ལས་བྱེད་ཚང་མས་ཤེས།

³²ང་ཡི་འགྲུལ་པར་ཁྱིམ་དུ་མགྲོན་འབོད་བྱས། ནམ་ཡང་དེ་ཚོར་ལམ་ཁར་ཉལ་འཇུག་མེད།

³³སྐྱེ་བོ་གཞན་གྱིས་རང་གི་སྡིག་པ་རྣམས། སྦས་པའི་ཕྱིར་དུ་ཐབས་ཤེས་བྱས་ན་ཡང་། ང་ཡི་རང་གི་སྡིག་པ་རྣམས། ནམ་ཡང་སྦས་པའི་ཐབས་བྱས་མེད་དོ།

³⁴མི་མང་ཇི་ལྟར་སྨྲས་པར་ང་མི་སྐྲག། ང་ནི་རང་གི་ཁྱིམ་གྱི་ནང་དུ་ཡང་། ཁ་ཁུ་སིམ་པོར་ནམ་ཡང་བསྡད་མེད་དོ། གང་ལ་ཟེར་ན་ང་ཡི་དེ་ཚོ་ཡིས། ང་ལ་བརྙས་བཅོས་བྱེད་པར་འཇིགས་ཀྱི་མེད།

³⁵ང་ཡིས་སྨྲས་པར་སུ་ཡི་མི་ཉན་ནམ། ང་ཡི་རང་གི་སྨྲས་པའི་གཏམ་དེ་རྣམས། དྲང་བདེན་ཡིན་པར་མནའ་སྐྱལ་རྒྱུ་ཡིན། མཐུ་སྟོབས་ཅན་གྱི་དཀོན་མཆོག་གིས། ང་ཡི་གཏམ་ལ་ལན་འདེབས་གནང་འཇུག་ཅིག། ང་ལ་དགྲ་བོས་སྐྱོན་བརྗོད་གྱིས་པ་རྣམས། ང་ཡི་མཐོང་ཆེད་ཡི་གེར་བཀོད་ཡོད་ན།

³⁶ང་ཡིས་དེ་ཚོ་སྤོབ་པ་དང་བཅས་པ་། ཕྲག་པའི་སྟེང་དུ་གྱོན་ནས་དེ་ཚོ་ཡི། མགོ་བོའི་སྟེང་དུ་གཙུག་རྒྱན་ལྟར་འཇོག་གོ།

³⁷ང་ཡི་གྱིས་པའི་ལས་རྣམས་དཀོན་མཆོག་ལ། ཞུ་ཕྱིར་ང་ནི་ཁོང་གི་སྐུ་དྲུང་དུ། ང་ཡི་མགོ་བོ་མཐོ་པོར་འདེགས་རྒྱུ་ཡིན།

³⁸ས་ཞིང་འདེབས་པའི་ས་ཆའི་བདག་པོ་ནས། ང་ཡི་ས་ཆ་རྐུས་ཞིང་འཕྲོག་པ་རྣམས།

³⁹ཞིང་པ་རྣམས་ལ་ལྟོགས་ཤི་རྒྱག་བཅུག་ནས། དེ་རུ་སྐྱེས་པའི་ཁ་ཟས་ངས་ཟས་ནས།

⁴⁰གཞིང་དེར་གྲོ་དང་འབྲུ་ཡི་ཚབ་དེ་ལ། རྩ་ངན་དང་ནི་ཚེར་མ་སྐྱེ་བར་ཤོག། ཡོབ་ཀྱི་གཏམ་སྨྲས་པ་རྣམས་རྫོགས་སོ༎