Read Tibetan — པོད་སྐད་Tibetan Old Testament 2011 ཡོབ 33 Bible Online

ཡོབ 33 - Tibetan — པོད་སྐད་Tibetan Old Testament 2011 bible

ཡོབ 33

¹ང་ཡི་ཁྱེད་ལ་སྨྲ་རྒྱུ་ཇི་ཡོད་པ། ད་ཆ་ཡོབ་ཁྱེད་ཚང་མར་ཟབ་ཟབ་གསན།

²ང་ཡིས་སེམས་ནང་བསམ་བློ་ཇི་ཡོད་པ། ཚང་མ་ཁྱེད་ལ་ཞུ་རྒྱུ་གྲ་སྒྲིགས་ཡོད།

³ང་ཡི་སྨྲས་པའི་གཏམ་རྣམས་དྲང་བདེན་ཡིན། ང་ཡིས་ཁྱེད་ལ་བདེན་པ་ཞུ་བཞིན་ཡོད།

⁴གཙོ་བོ་དཀོན་མཆོག་ཁོང་གིས་ཐུགས་ཉིད་ཀྱིས། ང་ལ་བཀོད་པ་གནང་ནས་སྲོག་གནང་ངོ་།

⁵ཁྱེད་ལ་རྩོད་པ་གྲ་སྒྲིག་ཡོད་གྱུར་ན། ཐུབ་ན་ང་ལ་ལན་འདེབས་གནང་བར་ཞུ།

⁶གཙོ་བོ་དཀོན་མཆོག་ཁོང་གི་སྤྱན་སྔ་རུ། ང་གཉིས་འདམ་ལས་བཟོས་པ་གཅིག་ཡིན་ནོ།

⁷ང་ཡིས་ཁྱེད་ལ་དབང་ཡོད་ཤོད་རྒྱུ་མིན། དེའི་ཕྱིར་ཁྱེད་ནི་ང་ལ་འཇིགས་མི་དགོས།

⁸ད་ཆ་ཁྱེད་ཀྱིས་གསུངས་པ་ང་ཡིས་ཐོས།

⁹ང་ནི་སྐྱོན་ཅན་མིན་ཞིང་སྐྱོན་མེད་ཡིན། ང་ནི་སྡིག་པའི་ལས་དང་བྲལ་ཡོད་པའི། ང་ཡིས་ནོར་འཁྲུལ་གང་ཡང་གྱིས་མེད་དོ།

¹⁰འོན་ཀྱང་ཁོང་གིས་ང་ལ་འཐབ་གནང་བར། ཁག་དཀྲི་རྙེད་ནས་དགྲ་ལྟར་སྐྱོང་འཛིན་གནང་།

¹¹ཁོང་གིས་ང་ཡི་རྐང་པར་ལྕགས་སྒྲོག་བསྡམས། ངས་ནི་གཡོ་འགུལ་ཇི་གྱིས་ཁོང་གིས་གཟིགས་བཞིན་ཡོད།

¹²འོན་ཀྱང་ཡོབ་ལགས་ཁྱེད་ལ་ངས་བརྗོད་རྒྱུར། ཁྱེད་རང་ལ་ཡང་ནོར་འཁྲུལ་ཞིག་ཡོད་དོ། དཀོན་མཆོག་སྐྱེ་བོ་ཇི་འདྲ་ཞིག་ལས་ཆེ།

¹³དེ་བས་ཁྱེད་ཀྱིས་འགྲོ་བ་མིའི་སྐྱོན་བརྗོད་ལ། ལན་འདེབས་མི་གནང་ཟེར་ཞིང་ཁོང་ལ་སྐྱོན་བརྫོད་དམ།

¹⁴དཀོན་མཆོག་ཁོང་གིས་ཡང་ཡང་བཀའ་གནང་ཡང་། ཁོང་གི་བཀའ་རྣམས་ཇི་ལྟར་གསུངས་པ་ལ། སུས་ཀྱང་དེ་ལ་དོ་སྣང་མི་བྱེད་དོ།

¹⁵མཚན་མོར་མི་རྣམས་གཉིད་ནང་ཡོད་པའི་སྐབས། དཀོན་མཆོག་ཁོང་གིས་དེ་ཚོར་རྨི་ལམ་དང་། ཞལ་གཟིགས་ཐོག་ནས་གསུང་གླེང་གནང་བཞིན་ཡོད།

¹⁶དཀོན་མཆོག་ཁོང་གིས་ཇི་ལྟར་བཀའ་གནང་བར། དེ་ལ་དེ་ཚོར་ཉན་དུ་འཇུག་ན་ཡང་། ཁོང་གི་ཉེན་བརྡར་དེ་ཚོ་འཇིགས་སྐྲག་སྐྱེས།

¹⁷དཀོན་མཆོག་དེ་ཚོའི་སྡིག་ལས་འགོག་པའི་ཆེད། དེ་ཚོ་ང་རྒྱལ་ཅན་དུ་འགྱུར་རྒྱུ་ལས། སྐྱོབས་པའི་ཆེད་དུ་ཁོང་གིས་བཀའ་གནང་ཡོད།

¹⁸ཁོང་གིས་དེ་ཚོ་མེད་པར་འགྱུར་མི་འཇུག། དེ་ཚོ་འཆི་བ་ཉིད་ལས་སྐྱོབས་པར་མཛད།

¹⁹དཀོན་མཆོག་ཁོང་གིས་མི་ལ་ནད་བཏང་ནས། ཁོ་ཡི་གཟུགས་པོར་ནད་ཟུག་གིས་ཁྱབ་ནས། དེའི་རྐྱེན་གྱིས་མི་ནི་དྲང་བདེན་འགྱུར།

²⁰ནད་པའི་རང་གི་ཟས་ཀྱི་དང་ཁ་ལོག། ཁ་ཟས་ཞིམ་ཤོས་ལས་ཀྱང་ཞེན་ལོག་འགྱུར།

²¹དེ་ཚོའི་ལུས་པོ་ཕན་ཐོག་མེད་པ་དང་། དེ་ཚོའི་རུས་པ་ཁྱེད་ཀྱི་མཐོང་བར་འགྱུར།

²²དེ་ཚོ་ནི་འཆི་བའི་གླིང་དུ་འགྲོ་བར་ཉེས།

²³དཀོན་མཆོག་རང་ཉིད་ལ་ཕོ་ཉ་སྟོང་ཕྲག་མང་པོ་ཡོད་པ་ནས། མི་ཚོར་དེ་ཚོའི་ལས་འགན་དྲན་གསོའི་ཆེད། གཅིག་བྱེད་ན་དེ་ཚོའི་རོགས་སུ་ཕོ་ཉ་ཞིག་ཕེབས་སྲིད་དོ།

²⁴ཕོ་ཉས་སྙིང་རྗེའི་དེ་ཚོར་གློད་བཀྲོལ་ཞིག། དེ་ཚོ་ནི་འཆི་བའི་གླིང་དུ་འགྲོར་མི་བྱ། དེ་ཚོ་རང་ཉིད་དབང་དུ་གཏོང་བའི་ཕྱིར། དེ་ཡི་བླུ་རིན་འདིར་ཡོད་ཅེས་གསུངས་གནང་ཡོང།

²⁵དེ་ཚོའི་ལུས་པོ་སླར་ཡང་ན་གཞོན་དང་ནི་སྟོབས་ཤུགས་ཅན་དུ་འགྱུར།

²⁶དེ་ཚོའི་ཁོང་ལ་གསོལ་བ་འདེབས་པའི་སྐབས། དཀོན་མཆོག་ཁོང་གིས་དེ་ལ་ལན་གནང་འགྱུར། དགའ་སྤྲོའི་ངང་ནས་དཀོན་མཆོག་ལ་མཆོད་འགྱུར། དེ་ཡི་ཕྱིར་དུ་དཀོན་མཆོག་གིས། སླར་ཡང་ཚང་མ་དྲང་བདེན་བཟོ་བར་འགྱུར།

²⁷མི་རེ་རེ་གྱི་མི་མང་ཚོགས་སར་འདི་ལྟར་སྨྲ། ང་ཡི་རང་གིས་སྡིག་པ་བྱས་ཡོད། ང་ཡིས་དྲང་བདེན་ལས་བྱས་མེད། འོན་ཀྱང་དཀོན་མཆོག་ཁོང་གིས་ང་ལ་ཐར་གྲོལ་གནང་།

²⁸ཁོང་གིས་ང་ལ་འཆི་བའི་གླིང་དུ་འགྲོ་དགོས་ལས། སྐྱབས་ནས་ད་དུང་ང་ནི་གསོན་པོར་གནས།

²⁹ཁོང་གིས་འདི་ཚོ་ཚང་མ་ཡང་ཡང་གནང་།

³⁰ཁོང་གིས་མི་ཡི་ཚེ་སྲོག་སྐྱོབ་པ་དང་། ཁོ་ལ་གསོན་པོར་གནས་པའི་དགའ་བ་ཡོངས་སུ་སྤྲད།

³¹ཞལ་རོག་ཞུགས་ལ་ང་ལ་ཤོད་དུ་འཇུག། ཡོབ་ཁྱེད་ད་ལྟ་ང་ཡིས་ཞུས་པར་གསན།

³²འོན་ཀྱང་ཁྱེད་ལ་གསུང་རྒྱུ་ཇི་ཡོད་ན། དེ་རྣམས་ང་ལ་ཉན་དུ་འཇུག་རོགས་གནང་། ང་ཡིས་དགའ་སྤྲོའི་ངང་ནས་ཁྱོད་རང་ཉིད། དྲང་བདེན་ཡིན་པར་ངོས་ལེན་ཞུ་རྒྱུ་ཡིན།

³³འོན་ཀྱང་དེ་ལྟར་མེད་པ་ཡིན་པས་ན། ཞལ་རོག་ཞུགས་ལ་ང་ལ་གསན་ཞིག་དང་། ང་ཡིས་ཁྱེད་ལ་ཤེས་རབ་ཅན་དེ་ནི། ཇི་ལྟར་བྱེད་དགོས་ཁྱོད་ལ་སློབ་པར་བྱ།།