Read Tibetan — པོད་སྐད་Tibetan Old Testament 2011 ཡོབ 36 Bible Online

ཡོབ 36 - Tibetan — པོད་སྐད་Tibetan Old Testament 2011 bible

ཡོབ 36

¹དཀོན་མཆོག་ཁོང་གི་ཕྱོགས་སྨྲ་གི་ཡོད། ངང་རིང་བཟོད་སྲན་ཐོག་ནས་ཁྱུག་ཙམ་ངའི་གཏམ་གསན་རོགས་གནང་།

³ང་ལ་ཤེས་བྱ་ཡོན་ཏན་རྒྱ་ཆེ་ཡོད། ང་ལ་བཀོད་པ་པོ་ཡི་དཀོན་མཆོག་ཁོང་། དྲང་བདེན་ཡིན་པ་སྟོན་པའི་ཆེད་དུ་ངས། ཤེས་བྱ་ཇི་ཡོད་བེད་སྤྱོད་བྱ་རྒྱུ་ཡིན།

⁴ང་ཡིས་ཞུས་པ་ཚང་མ་རྫུན་མིན་ཅིང་། ཁྱེད་མདུན་དངོས་འདྲེལ་ཤེས་རབ་ཅན་གི་མི་ཞིག་ལངས་ནས་ཡོད།

⁵དཀོན་མཆོག་ཁོང་ནི་སྟོབས་ཆེན་ཇི་ལྟར་ལགས། ཁོང་གི་སུ་ལ་ཞེན་ལོག་མི་གནང་ཞིང་། ཁོང་གིས་མི་མཁྱེན་པ་ནི་གང་ཡང་མེད།

⁶ཁོང་གིས་སྡིག་ཅན་གནས་སུ་འཇུག་མི་གནང་། རྟག་ཏུ་དབུལ་པོར་དྲང་བདེན་ངང་སྐྱོང་མཛད།

⁷ཁོང་གིས་དྲང་བདེན་རྣམས་ལ་སྐྱོབ་པར་མཛད། དེ་ཚོར་རྒྱལ་པོ་ལྟ་བུ་སྲིད་སྐྱོངས་བྱེད་དུ་འཇུག། དེ་ཚོར་གཏན་དུ་གུས་བཀུར་ཡོང་བར་མཛད།

⁸གལ་སྲིད་མི་མང་ལྕགས་སྒྲོག་གིས་བཅིང་ཡོད་ན། རང་གི་ཇི་ལྟར་ལས་ངན་གྱིས་པའི་འབྲེས་བུ་མྱོང་དགོས་ན།

⁹དཀོན་མཆོག་ཁོང་གིས་སྡིག་ཅན་དེ་ཚོ་ལ། རང་གི་སྡིག་པ་ང་རྒྱལ་སྟོན་པར་མཛད།

¹⁰དེ་ཚོས་རང་གི་ངན་ལས་སྤོངས་དགོས་པའི། ཁོང་གིས་ཉེན་བརྡ་བཏང་བར་ཉན་དུ་འཇུག།

¹¹གལ་ཏེ་དེ་ཚོས་ཁོང་གི་བཀར་ཉན་ནས། ཁོང་ལ་ཞབས་ཏོག་ཞུས་པ་ཡིན་པས་ན། དེ་ཚོའི་མི་ཚེ་ཞི་བདེའི་ངང་གནས་ནས། ཡར་རྒྱས་གོང་འཕེལ་ངང་དུ་གནས་པར་འགྱུར།

¹²འོན་ཀྱང་དེ་ཚོས་དེ་ལྟར་མ་བྱས་ན། དེ་ཚོ་རལ་གྲིས་བསད་པ་དང། དེ་ཚོ་རྨངས་གཉིད་ནང་འཆི་བར་འགྱུར།

¹³དཀོན་མཆོག་ཁོང་ལ་ཁས་མི་ལེན་མཁན་རྣམས་ཁོང་ཁྲོའི་ངང་གནས་ཤིང་། ཉེས་ཆད་གཏོང་སྐབས་དེ་ཚོས་རོགས་མགོན་ཆེད་དུ་མི་འབོད་དོ།

¹⁴དམའ་འབེབས་མི་ཚེ་ངང་ལ་ཐང་ཆད་ནས། དེ་ཚོ་གཞོན་པ་ཡིན་ཀྱང་འཆི་བར་འགྱུར།

¹⁵འོན་ཀྱང་དཀོན་མཆོག་ཁོང་གི་སྡུག་བསྔལ་བརྒྱུད། དེ་ཡི་སྒོ་ནས་མི་ཚོར་སློབ་སྟོན་གནང་། དེ་ཚོའི་མིག་རྣམས་ཕྱེ་བར་བྱེད་པའི་ཆེད། ཁོང་གི་དཀའ་སྡུག་དེ་རྣམས་བེད་སྤྱོད་གནང་།

¹⁶ཁོང་གིས་ཁྱོད་ལ་དཀའ་སྡུག་ནང་ནས་བཏོན། ཁྱོད་ལ་སྲུང་སྐྱོབ་ངང་དུ་གནས་སུ་འཇུག། ཁྱོད་ཀྱི་རྒྱ་ལྕོག་ཟས་ཀྱིས་ཕུང་པོར་སྤུངས།

¹⁷འོན་ཀྱང་ད་ཆ་ཁྱོད་ལ་དགོས་ངེས་ཀྱིས། ལས་ངན་གྱིས་ལྟར་ཉེས་ཆད་གཏོང་བཞིན་ཡོད།

¹⁸ལྐོག་རྔན་རྣམས་ཀྱིས་ཁྱོད་ལ་བསླུ་མ་འཇུག། ནོར་གྱི་ཁྱོད་ལ་ལམ་ལོག་འཁྲིད་མ་འཇུག།

¹⁹ཁྱོད་ཀྱིས་རང་ལ་སྐྱོབ་ཕྱིར་རོགས་མགོན་ཆེད། ཞུ་འབོད་བྱས་ཀྱང་ཕན་པ་ཅི་ཡང་མེད། ད་ཆ་ཁྱོད་ཀྱི་སྟོབས་ཤུགས་གང་ཡོད་ཀྱིས། དེ་ཡི་ཁྱོད་ལ་ཕན་ཐོག་བྱེད་མི་ཐུབ།

²⁰མཚན་མོ་ཡོང་བར་བློ་འདོད་མ་བྱེད་ཅིག། དུས་སྐབས་དེ་ནི་མི་མང་འཇིག་པར་བྱེད།

²¹ངན་པར་བློ་ཁ་མི་བསྒྱུར་ཟབ་ཟབ་གྱིས། ངན་པ་དེ་ལས་སྐྱོབ་ཆེད་ཁྱོད་ལ་སྡུག་བསྔལ་བཏང།

²²དཀོན་མཆོག་ཁོང་གི་མཐུ་སྟོབས་རྣམས། རླབས་ཆེན་ཇི་འདྲ་ཡིན་པ་དྲན་པར་བྱོས། ཁོང་ནི་སློབ་དཔོན་ནང་ནས་ཆེ་ཤོས་ཡིན།

²³གཙོ་བོ་དཀོན་མཆོག་ཁོང་ལ་སུ་ཞིག་གིས། ཅི་ཞིག་གནང་དགོས་ཟེར་ནས་ཞུ་མི་ཐུབ། ཁོང་གིས་ངན་པ་གནང་འདུག་ཞུ་མི་ཐུབ།

²⁴ཁོང་གིས་ཇི་གནང་རྟག་ཏུ་བསྟོད་པ་ཐོབ། ཁྱོད་ཀྱང་ཁོང་ལ་ངེས་པར་བསྟོད་དགོས་སོ།

²⁵ཁོང་གིས་ཇི་གནང་ཚང་མས་མཐོང་ཡོད་ཀྱང་། སུས་ཀྱང་དེ་དོན་ཚང་མ་རྟོགས་མི་ཐུབ།

²⁶ང་ཚོས་ཁོང་གི་བྱ་བ་རླབས་ཆེན་རྣམས། སུས་ཀྱང་མི་ཤེས་པ་དང་ཡང་ན་ནི། ཁོང་གི་དགུང་གྲངས་ཙམ་ཡང་རྩིས་མི་ཐུབ།

²⁷དཀོན་མཆོག་ཁོང་གིས་ས་གཞིའི་ཆུ་བླངས་ནས། ཆུ་དེ་ཆར་པའི་ཆུ་ཐིག་བསྒྱུར་གནང་ཡོད།

²⁸འགྲོ་བ་མི་རིགས་ཀུན་གྱི་ཆེད་དུ་ནི། ཁོང་གིས་སྤྲིན་ནས་ཆར་པ་འབེབས་པར་མཛད།

²⁹དཀོན་མཆོག་ཞུགས་པའི་ནམ་མཁའ་རུ། སྤྲིན་པ་ཇི་ལྟར་རྒྱུགས་པ་སུས་མི་ཤེས། འབྲུག་སྐད་ཇི་ལྟར་གྲགས་པ་སུས་མི་ཤེས།

³⁰ཁོང་གིས་ནམ་མཁའ་བརྒྱུད་ནས་གློག་འཁྱུགས་མཛད། ཡང་ན་རྒྱ་མཚོའི་གཏིང་དུ་མུན་པར་གནས།

³¹དེ་ལྟར་ཁོང་གི་མི་མང་གསོས་གནང་ནས། ཧ་ཅང་ཁ་ཟས་འབོལ་པོ་གནང་བར་མཛད།

³²ནམ་མཁའི་གློག་དེ་ཁོང་གི་ཕྱག་ནང་བཟུང་། དེ་ལ་འབེན་དུ་གཞུས་པའི་བཀའ་གནང་ངོ་།

³³འབྲུག་སྒྲས་རླུང་འཚུབ་ཡོང་བའི་གསལ་སྒྲགས་བྱེད། དུད་འགྲོ་རྣམས་ཀྱིས་དེ་ནི་ཡོང་བ་ཤེས༎