Read Tibetan — པོད་སྐད་Tibetan Old Testament 2011 ཡོབ 37 Bible Online

ཡོབ 37 - Tibetan — པོད་སྐད་Tibetan Old Testament 2011 bible

ཡོབ 37

¹རླུང་འཚུབ་རྐྱེན་གྱིས་ངའི་སྙིང་འདར་བར་བྱེད།

²ཁོང་གི་ཞལ་ནས་ཐོན་པའི་གསུང་སྐད་དེ། འབྲུག་སྒྲ་དེ་ནི་ཁྱེད་ཚོ་ཚང་མས་གསན་ཞིག།

³ས་གཞིའི་མཐའ་མཚམས་གཅིག་ནས་གཞན་བར་དུ། ཁོང་གིས་ནམ་མཁའ་འཕྲེད་ནས་གློག་གཏོང་མཛད།

⁴ཁོང་གི་གསུང་དང་བྱ་བ་རླབས་ཆེན་གྱི། འབྲུག་སྒྲ་ཐོས་སྐབས་དེའི་རིང་གློག་འཁྱུགས་བྱེད།

⁵དཀོན་མཆོག་གི་བཀའ་བཀོད་ལ་ངོ་མཚར་ཅན་གྱི་བྱ་བ་རྣམས་བྱུང་ངོ། བྱ་བ་རླབས་ཆེན་དེ་ཚོ་ང་ཚོ་སུས་ཀྱང་རྟོགས་པར་མི་ཐུབ་བོ།

⁶ཁོང་གིས་ས་གཞིའི་སྟེང་དུ་ཁ་བ་འབབ་པའི་བཀའ་གནང་བ་དང། དྲག་ཆར་གཏོང་གནང་མཛད།

⁷ཁོང་གིས་མི་ཡི་ལས་ཀར་མཚམས་འཇོག་བྱེད། རང་གི་ཕྱག་ལས་དེ་ཚོར་སྟོན་པར་མཛད།

⁸ནགས་ཀྱི་སེམས་ཅན་རང་གི་ཚང་དུ་འགྲོ།

⁹རླུང་འཚུབ་ལྷག་པ་ལྷོ་ནས་ཡོང་བ་དང་། གྲང་ངར་ཅན་ནི་བྱང་ནས་ཡོང་།

¹⁰དཀོན་མཆོག་ཁོང་གི་ཞལ་གྱི་ལྗགས་དབུགས་ཀྱིས། ཆུ་འཁྱགས་པ་བཟོས་བ་དང། འཁྱགས་པ་འཁྲེགས་པོར་འགྱུར།

¹¹སྤྲིན་གྱི་ནང་ནས་གློག་དེ་འཁྱུགས་པར་བྱེད།

¹²དེ་ཚོ་ཁོང་གི་ཐུགས་འདོད་ལྟར་རྒྱུགས་སོ། དེ་ཚོ་ཚང་མ་འཛམ་གླིང་ཁྱོན་ཡོངས་སུ། དེ་ཚོས་དཀོན་མཆོག་ཁོང་གི་བཀའ་བཞིན་བྱེད།

¹³ཁོང་གིས་ས་གཞི་སྦང་བའི་ཕྱིར་ཆར་པ་འབེབས། མི་ཚོར་ཉེས་པ་གཏོང་ཆེད་འབེབས་པར་སྲིད། ཁོང་གི་ཐུགས་རྗེ་སྟོན་ཆེད་གཏོང་གནང་ངོ་།

¹⁴ཡོབ་ཁྱེད་ཐེངས་ཙམ་སྒུག་ལ་ཉན་པར་མཛོད། དཀོན་མཆོག་ཁོང་གི་བྱ་བ་ངོ་མཚར་བསམ་བློར་གཏོང་།

¹⁵དཀོན་མཆོག་ཁོང་གིས་སྤྲིན་ནང་བཀའ་གནང་བཞིན། གློག་འོད་འཁྱུགས་པར་མཛད་པ་ཤེས་ཡོད་དམ།

¹⁶ཁྱེད་ཀྱིས་ནམ་མཁའི་སྟེང་གི་སྤྲིན་པ་རྣམས། ཇི་ལྟར་ལྡིང་བ་དེ་ཚོ་དཀོན་མཆོག་གི། ཡ་མཚན་ཅན་གྱི་མཛད་པ་ཤེས་ཡོད་དམ།

¹⁷ལྷོ་ཕྱོགས་རླུང་གིས་ས་གཞིར་མནར་བའི་སྐབས། ཁྱོད་ཀྱིས་ཚ་དྲོད་དཀའ་སྡུག་མྱོང་བར་བྱེད།

¹⁸དཀོན་མཆོག་ཁོང་གིས་ནམ་མཁའ་བརྐྱངས་མཛད་ནས། དེ་ལ་བཀྲག་རྩི་བྱུག་པའི་ཤེལ་ལྟར། མཁྲེགས་པོ་བཟོ་རྒྱུར་ཁྱེད་ཀྱིས་ཁོང་ལ་རོགས་རམ་ཞུ་ཐུབ་བམ།

¹⁹ང་ཚོས་དཀོན་མཆོག་ཁོང་ཉིད་ལ། ཇི་ལྟར་ཞུ་དགོས་སློབ་སྟོན་གནང་རོགས་གནང་། ང་ཚོའི་སེམས་ནང་ཅི་ཡང་མེད། ང་ཚོས་ཁོང་ལ་ཞུ་རྒྱུ་གང་ཡང་མེད།

²⁰དཀོན་མཆོག་ཁོང་མཉམ་བཀའ་མོལ་གསུང་རོགས་ལབ་རྒྱུ་མིན། དེ་བས་ང་རང་མེད་པར་བཟོ་རྒྱུ་གོ་སྐབས་ཁོང་ལ་ཅི་ལ་འབུལ།

²¹ད་ཆ་ནམ་མཁའི་འོད་དེ་འཚེར་ཞིང་ཡོད། ང་ཚོས་དེ་ལ་བལྟ་བར་བྱ་རྒྱུ་དེ། འོད་ནི་ཧ་ཅང་གསལ་པོ་ཡོད་པ་དང་། རླུང་གིས་ནམ་མཁའ་གཙང་མར་གད་དར་བྱེད།

²²བྱང་ཕྱོགས་གསེར་གྱི་མེ་འོད་འཚེར་བ་མཐོང་། ཁོང་གི་གཟི་བརྗེད་ང་ཚོར་འཇིགས་སྣང་ཁེངས།

²³ཁོང་གི་མཐུ་སྟོབས་ཧ་ཅང་ཆེ་བས་སྟབས། ང་ཚོ་ཁོང་གི་ཉེས་འཁྲིས་འགྲོ་མི་ཐུབ། ཁོང་གི་ང་ཚོར་དྲང་བདེན་གྱི་སྤྱོད་ལམ་གནང་།

²⁴དེ་བས་ཚང་མས་ཁོང་ལ་འཇིགས་པ་དང་། རང་ཉིད་ཤེས་རབ་ཅན་ཡིན་མརྫོད་མཁན་ཚོར་སྣང་མེད་འཇོག༎