Read Tibetan — པོད་སྐད་Tibetan Old Testament 2011 ཡོབ 38 Bible Online

ཡོབ 38 - Tibetan — པོད་སྐད་Tibetan Old Testament 2011 bible

ཡོབ 38

¹དེ་ནས་རླུང་འཚུབ་ནང་ནས་གཙོ་བོ་དཀོན་མཆོག་གིས། ཡོབ་ལ་བཀའ་མོལ་གནང་བ་གཤམ་གསལ་ཡིན།

²ཁྱོད་ཀྱི་གླེན་པའི་གཏམ། སྟོང་པས་ང་ཡི་ཤེས་རབ་ཀྱི་སྐོར་ལ། དྲི་བ་བྱ་མཁན་ཁྱོད་ནི་སུ་ཡིན་ནམ།

³ཁྱོད་ནི་སྐྱེ་བོ་ལྟར་ད་ཡར་ལངས་ནས། ང་ཡིས་དྲི་བ་གྱིས་པར་ལན་འདེབས་བྱོས།

⁴ང་ཡིས་འཛམ་གླིང་བཀོད་སྐབས་ཁྱོད་གང་དུ་ཡོད། ཁྱོད་ཀྱིས་དེའི་སྐོར་ཤེས་ན་ང་ལ་སྨྲོས།

⁵དེ་ནི་ཆེན་པོ་ཇི་འདྲ་དགོས་པའི་སྐོར། སུ་ཡིས་དེ་ལ་ཐག་ཆོད་གྱིས་པ་ཡིན། དེའི་སྟེང་སུ་ཡིས་ཐིག་ཚད་བརྒྱབ་པ་ཡིན། ཁྱོད་ཀྱིས་ལན་འདེབས་ཆང་མ་ཧ་གོའམ།

⁶ས་གཞི་འདེགས་པའི་སྐ་བ་དེ་ཚོ་ནི། གང་གི་དེ་ལ་བཟུང་ནས་ཡོད་པ་ཡིན། འཛམ་གླིང་ཟུར་རྡོ་སུ་ཡིས་བཏིང་བ་ཡིན།

⁷ཉིན་མོ་དེ་ཡི་ཐོ་རངས་ཤར་བའི་སྐབས། སྐར་མ་རྣམས་ཀྱིས་གླུ་གཞས་བཏང་། ཕོ་ཉ་རྣམས་ཀྱིས་དགའ་བའི་སྐད་འབོད་གྱིས།

⁸རྒྱ་མཚོ་ས་གཞིའི་མངལ་ནས་གས་ཤིང་ཐོན། སྐབས་དེ་འགོག་པར་རྒྱལ་སྒོ་སུས་རྒྱབ་བམ།

⁹ང་ཡིས་རྒྱ་མཚོ་སྤྲིན་གྱིས་འགེབས་པ་དང་། དེ་ནི་མུན་པའི་ནང་དུ་བཏུམ་པ་ཡིན།

¹⁰ང་ཡིས་རྒྱ་མཚོའི་ས་མཚམས་རྟགས་རྒྱབ་ནས། རྟགས་དེ་སྒོ་ལྕགས་རྒྱབ་པའི་སྒོའི་རྒྱབ་བཞག།

¹¹ང་ཡིས་དེ་ལས་ཐག་རིང་འགྲོ་མི་ཆོག། འདིར་ཁྱོད་སྟོབས་ཤུགས་ཅན་གྱི་རྦ་རླབས་རྣམས། ངེས་པར་མཚམས་འཇོག་བྱ་དགོས་ཅེས་སྨྲས་པ་ཡིན།

¹²ཡོབ་ཁྱོད་རང་གི་མི་ཚེའི་རིང་དེ་ལ། ཉིན་ཞིག་ཐོ་རེངས་འཆར་དགོས་ཅེས་སྨྲས་སམ།

¹³ཁྱོད་ཀྱིས་ཐོ་རངས་ལ་ས་གཞི་ཡོངས་སུ་འཕེལ་ནས་བཟུང་བས་ན། སྤྱོད་ངན་རྣམས་ཚོ་མུན་པ་ནས་ཐོན་པའི་ཕྱིར་དུ་སྨྲས་ཡོད་དམ།

¹⁴ཉི་མའི་འོད་ལ་གོས་ཀྱི་ལྟེབ་རྩིག་ལྟར་དང་འདམ་ནང་གྱི། རྗེས་ཤུལ་ལྟ་བུ་རི་དང་ལུང་གཤོང་ཚོ་གསལ་པོ་མཐོང་དུ་འཇུག།

¹⁵ཉི་མའི་འོད་དེ་ཧ་ཅང་གསལ་བས་སྟབས། མི་ངན་དེ་ཚོའི་དྲག་སྤྱོད་འགོག་པར་བྱེད།

¹⁶རྒྱ་མཚོའི་གཏིང་གི་ཆུ་མིག་ཡོད་སར་སླེབས་ཡོད་དམ། ཁྱོད་ནི་རྒྱ་མཚོའི་གཏིང་དུ་བསྐྱོད་ཡོད་དམ།

¹⁷ཁྱོད་ལ་སུ་ཡིས་མུན་ནག་འཆི་པའི་གླིང་། སྲུང་བའི་རྒྱལ་སྒོ་རྣམས་སྟོན་བྱུང་ངམ།

¹⁸འཛམ་གླིང་ཇི་ལྟར་ཆེན་པོ་ཡོད་པའི་སྐོར། ཁྱོད་ལ་དེའི་སྐོར་ཤེས་བྱ་ཇི་ཡོད་དམ། གལ་སྲིད་དེའི་སྐོར་ཤེས་ན་ང་ལ་སྨྲོས།

¹⁹ཁྱོད་ཀྱིས་འོད་ག་ནས་ཡོང་བ་དང་། ཡང་ན་མུན་པའི་འབྱུང་ཁུངས་ཤེས་ཡོད་དམ།

²⁰ཁྱོད་ཀྱིས་དེ་ཚོར་ག་ཚོད་ཐག་རིང་ཐུང་། ཇི་ལྟར་འགྲོ་དགོས་ཡོད་པ་སྟོན་ཐུབ་བམ། ཡང་ན་དེ་ཚོ་ཕྱིར་ལོག་གཏོང་ཐུབ་བམ།

²¹ང་ཡི་བསམ་བློར་ཁྱོད་ཀྱིས་དེ་བྱེད་ཐུབ། གང་ལ་ཟེར་ན་ཁྱོད་ནི་ལོ་ན་མཐོ། འཛམ་གླིང་བཀོད་སྐབས་ཁྱོད་ནི་དེར་ཡོད་དོ།

²²ང་ཡིས་གངས་དང་སེར་བ་སོགས་འཇོག་པའི། བང་མཛོད་ནང་དུ་ཁྱོད་རང་འགྲོ་མྱོང་ངམ།

²³ང་ཡིས་དེ་ཚོ་དཀའ་སྡུག་གི་དུས་དང་། དམག་གཡུལ་ཉིན་མོའི་ཆེད་དུ་གྲ་སྒྲིགས་བཞག་ཡོད།

²⁴ཁྱོད་ནི་ཉི་མ་ཤར་བའི་ས་གནས་དང་། ཡང་ན་ཤར་རླུང་རྒྱབ་སར་འགྲོ་མྱོང་ངམ།

²⁵སུ་ཡིས་ཆར་པ་བབས་པའི་ཡུར་བ་འབྲུས། འབྲུག་སྒྲའི་རླུང་འཚུབ་དྲག་པོའི་ཆེད་དུ་ལམ་དེ་གྲ་སྒྲིགས་སུ་ཡི་བཟོས་པ་ཡིན།

²⁶སུ་ཡང་མེད་སར་ཆར་པ་སུའི་འབེབས་སམ།

²⁷ས་གནས་སྐམ་པོར་རྩ་ཡར་ཐོན་པའི་ཆེད། དེ་ལ་སུ་ཡིས་ཆུ་ཞིག་རྒྱབ་པ་ཡིན།

²⁸ཆར་པ་ཡང་ན་ཟིལ་པར་ཕ་ཞིག་ཡོད་རེད་དམ།

²⁹འཁྱགས་པ་དང་བ་མོའི་ཨ་མ་སུ་རེད་དམ།

³⁰དེ་ཡིས་ཆུ་ལ་རྡོ་རུ་བསྒྱུར་བ་དང་། རྒྱ་མཚོའི་ངོས་དེ་འཁྱགས་པར་བྱེད།

³¹ཁྱོད་ཀྱིས་ཀར་མ་སྨིན་དྲུག་ཚོགས་ལ་ཅིག་ཏུ་བསྡམས་ཐུབ་བམ། དྲང་སོང་སྐར་མའི་ཚོགས་འཆིང་བ་སྒྲོལ་ནུས་སམ།

³²ཁྱོད་ཀྱིས་ནམ་དུས་སོ་སོར་སྐར་ཚོགས་ཀྱི། ལམ་སྟོན་བྱས་ནས་དོམ་ཆེན་དང་དོམ་ཆུང་ལ་བཀའ་བཀོད་བྱེད་ཐུབ་བམ།

³³ནམ་མཁའི་ཁྲིམས་སྲོལ་འཛིན་སྟངས་ཤེས་ཡོད་དམ། དེ་ཚོར་ས་གཞིར་ཉམས་ལེན་བྱེད་ཐུབ་བམ།

³⁴ཁྱོད་ཀྱིས་སྤྲིན་པར་བཀའ་བཀོད་ནས། ཁྱོད་སྟེང་ཆར་པ་འབེབ་ཐུབ་བམ།

³⁵ཁྱོད་ཀྱིས་གློག་འོད་འཁྱུག་པར་བཀའ་བཏང་ནས། དེ་ནི་ཁྱོད་ཀྱི་སར་རུ་ཡོང་བས་ན། ཁྱོད་ཀྱི་ཞབས་ཕྱིར་འདིར་ཡོད་ཅེས་སྨྲས་སམ།

³⁶ཆུ་ལོག་ཉིན་བརྡ་གཏོང་མཁན་བྱ་ལ། ན་ཨེལ་ཆུ་ལོག་ཡོང་བ་སུས་བཤད་དམ། ཡང་ན་བྱ་ཕོར་ཆར་པ་འབེབ་པ་སུས་བཤད་དམ།

³⁷སྤྲིན་པར་གྲངས་ཀ་རྒྱབ་ནས་དེ་ཚོ་ལ། ཀྱོག་ནས་ཆར་པ་འབེབས་པར་བྱ་རྒྱུ་ཡི། དེ་འདྲ་ཤེས་རབ་ལྡན་པ་སུ་ཞིག་ཡོད།

³⁸ཆར་པ་དེ་ཡིས་རྡུལ་རྣམས་མཁྲེགས་ཤིང་བརྡོག་བརྡོག་བཟོས།

³⁹ཁྱོད་ཀྱིས་སེང་གེར་ཁ་ཟས་འཚོལ་འགྱུར་ནས། སེང་ཕྲུག་རྣམས་ཀྱི་ལྟོགས་པ་སེལ་འགྱུར་རམ།

⁴⁰དེ་ཚོ་རང་གི་བྲག་ཕུག་ནང་ཡིབ་སྐབས། ཡང་ན་སེང་གེ་རང་གི་ཚང་ནང་དུ། སྒུག་ནས་སྡོད་སྐབས་དེ་ལྟར་བྱེད་ཐུབ་བམ།

⁴¹ཕོ་རོག་ལྟོགས་པར་འཁྱམས་ནས་འགྲོ་བ་དང་། དེ་ཚོའི་བྱ་ཕྲུག་རྣམས་ཀྱི་ཁ་ཟས་ཕྱིར། ང་ལ་འབོད་བསྐུལ་བྱ་སྐབས་དེ་ཚོ་ལ། ཁ་ཟས་སྤྲོད་མཁན་དེ་ནི་སུ་རེད་དམ།།