Read Tibetan — པོད་སྐད་Tibetan Old Testament 2011 ཡོབ 40 Bible Online

ཡོབ 40 - Tibetan — པོད་སྐད་Tibetan Old Testament 2011 bible

ཡོབ 40

¹མཐུ་སྟོབས་ཅན་གྱི་དཀོན་མཆོག་དང་། ཡོབ་ཁྱོད་ཁོང་དང་འགྲན་བསྡུར་བྱས་ཡོད་དོ། ད་ཆ་ཁྱོད་ཀྱིས་མཚམས་འཇོག་བྱེད་པ་དང་། ཡང་ན་ཁྱོད་ཀྱིས་ལན་འདེབས་སམ།

³གཙོ་བོ་དཀོན་མཆོག་ལ། ང་ཡིས་གླེན་པ་ལྟ་བུར་གཏམ་གྱིས་ཡོད། ང་ཡིས་ལན་འདེབས་ཅི་ཞིག་ཞུ་ནུས་སམ། ངས་ནི་གང་ཡང་ཞུ་ཐབས་བྱ་རྒྱུ་མིན།

⁵དང་ལེན་ཐོག་ནས་ང་ཡི་ཞུ་དགོས་པ། དེ་ལས་ལྷག་པ་ང་ཡིས་ཞུས་ཡོད་དོ།

⁶དེ་ནས་རླུང་འཚུབ་ནང་ནས་གཙོ་བོ་དཀོན་མཆོག་གིས། སླར་ཡང་ཡོབ་ལ་བཀའ་མོལ་གནང་བའོ།

⁷ད་ལྟ་སྐྱེ་བོ་ཞིག་ལྟར་ཡར་ལངས་ནས། ང་ཡི་དྲི་བ་རྣམས་ལ་ལན་འདེབས་ཤིག།

⁸ང་ནི་དྲང་བདེན་མིན་པའི་ཁུངས་བསྐྱེལ་དང་། ཁྱོད་ཀྱིས་ང་ལ་ནོར་འཁྲུལ་འདོན་ཐབས་དང་། ཁྱོད་རང་དྲང་པོ་འདོན་ཐབས་བྱེད་ཡོད་དམ།

⁹ཁྱོད་ནི་ང་དང་འདྲ་བའི་ཤུགས་ཡོད་དམ། ཁྱོད་ཀྱིས་ང་ལྟར་འབྲུག་སྐད་ཤུགས་ཆེན་པོའི། སྐད་དང་འདྲ་བ་ཁྱོད་ཀྱི་གྲགས་ནུས་སམ།

¹⁰གལ་ཏེ་དེ་ལྟར་ཡིན་ན་ཁྱོད་རང་ཉིད། ཆ་མཐོང་ང་རྒྱལ་ཐོག་ཏུ་ཡར་ལངས་ནས། རང་ཉིད་དཔལ་དང་གཟི་བརྗིད་ཀྱིས་བརྒྱན་ཞིག།

¹¹ང་རྒྱལ་ཅན་ཚོར་བལྟས་ནས་དེ་ཚོའི་སྟེང་། ཁྲོ་བ་འབེབས་ནས་དེ་ཚོ་ཉམ་ཆུང་བཟོས།

¹²དེ་ཚོར་བལྟས་ནས་དེ་ཚོ་མར་འབེབས་ལ། སྤྱོད་ངན་ལངས་ཡུལ་དེ་ལ་ཕྱེ་མར་བཟོས།

¹³ས་སྟེང་ཡོངས་སུ་དེ་ཚོ་དུར་ནང་སྦས། འཆི་བའི་གླིང་དུ་དེ་ཚོ་སྡམས་པར་གྱིས།

¹⁴དེ་བས་ང་ནི་ཁྱོད་ལ་བསྟོད་མཁན་ནི། དང་པོར་འགྱུར་ནས་ཁྱོད་ནི་རང་ཉིད་ལ། རྒྱལ་ཁ་ཐོབ་པར་ང་ཡིས་ངོས་ལེན་བྱ།

¹⁵མརྒྱ་ཚོའི་སེམས་ཅན་བྷེ་ཧེ་མོད་ལ་ཁྱོད་ལྟོས་ཞིག། ང་ཡིས་ཁོ་དང་ཁྱོད་ལ་ཡང་བཀོད་ཡོད། ཁོ་ཡིས་བ་མོ་ལྟ་བུ་རྩ་ཟའོ།

¹⁶འོན་ཀྱང་ཁོ་ཡི་ལུས་པོར་ཤུགས་ཇི་ཡོད། ཁོ་ཡི་ཤ་རྒྱུས་རྣམས་ལ་སྟོབས་ཇི་ཡོད།

¹⁷ཁོ་ཡི་མཇུག་མ་འགྱམ་ཤིང་ལྟར་ལངས་བ། ཁོ་ཡི་རྐང་པའི་ཤ་རྒྱུས་ཤུགས་ཆེན་ཡོད།

¹⁸ཁོ་ཡི་རུས་པ་ལི་ལྟར་མཁྲེགས་པོ་ཡོད། རྐང་པ་ལྕགས་ཀྱི་མདུང་མ་ལྟར་ཡོད་དོ།

¹⁹ང་ཡི་བཀོད་པའི་སྲོག་ཆགས་དེ་ཚོའི་ནང་། ཁྱད་ཆོད་ཆེ་ཤོས་བཀོད་པ་གཅིག་པུ་དེ། དེ་ལ་བཀོད་མཁན་གཅིག་པུས་དབང་ཐུབ་བོ།

²⁰དེ་ཚོ་འཚོ་བའི་རྩ་རྣམས་རིའི་སྟེང་སྐྱེས། དེ་རུ་གཅན་གཟན་རྣམས་ནི་རྩེད་བར་བྱེད།

²¹དེ་རུ་ཚེར་མའི་ཤིང་འོག་ཉལ་བ་དང་། འདམ་གྱི་འདམ་རྩྭའི་ཁྲོད་དུ་གབ་པར་བྱེད།

²²ཚེར་ཤིང་རྒྱུགས་ཆུའིི་ལྕང་སྡོང་ཚོས། དེ་ལ་སྲུང་སྐྱོབ་དང་ནི་བསིལ་གྲིབ་བྱིན།

²³ཁོ་ནི་རྒྱུགས་པའི་གཙང་པོར་མི་འཇིགས་ཤིང་། ཡོར་དན་པ་ཚོ་ཁོ་ཡི་གདོང་མདུན་དུ། རྒྱུགས་ནས་ཡོང་ཡང་ཁོ་ནི་དལ་པོར་གནས།

²⁴ཁོ་ཡི་མིག་ནི་བཀབ་ནས། སུ་ཡི་ཁོ་ལ་བཟུང་ཐུབ་བམ། ཡང་ན་ཁོ་ཡིས་སྣ་ཁུག་རྙི་ནང་བཟུང་ཐུབ་བམ༎