Read Tibetan — པོད་སྐད་Tibetan Old Testament 2011 ཡོབ 5 Bible Online

ཡོབ 5 - Tibetan — པོད་སྐད་Tibetan Old Testament 2011 bible

ཡོབ 5

¹ཡོབ་ཁྱེད་ཀྱིས་སྐད་བཏང་ནས་ལན་འདེབས་བྱ་མཁན་སུ་འདྲ་ཞིག་ཡོད་མེད་ལྟོས་ཤིག་དང་། ཁྱེད་ཀྱི་བློ་ཅོལ་བའི་ཕོ་ཉ་ཞིག་འདུག་གམ།

²རང་གི་ཁོང་ཁྲོས་འཆི་བར་སེམས་ཁྲལ་བྱེད། སེམས་ཁྲལ་བྱེད་པ་དོན་མེད་གླེན་པ་ཡིན།

³གླེན་པར་བློ་བདེར་ཡོད་པ་ངས་མཐོང་བས། དེ་ཚོའི་ཁྱིམ་དུ་འཕྲལ་དུ་དམོད་པར་འཕོག།

⁴དེ་ཚོའི་བུ་ཕྲུག་ཚོར་བདེ་བ་མི་རྙེད་ཅིང་། ཁྲིམས་ཁང་ནང་དུ་སུས་ཀྱང་སྐྱོབ་མི་ཡོང།

⁵གླེན་པའི་སྟོན་ཐོག་ཚེར་ཁྲོད་སྐྱེས་ན་ཡང་། མི་མང་ལྟོགས་པས་དེ་ཚོ་ཟ་བར་བྱེད། མི་མང་སྐོམ་པས་ཁོའི་རྒྱུར་ཕྲག་དོག་བྱེད།

⁶ངན་པ་རྣམས་ནི་ས་ནས་མི་སྐྱེ་བར། མ་ཟད་ས་ནས་སྡུག་བསྔལ་སྐྱེས་མི་སྲིད།

⁷མི་ཡིས་རང་ཐོག་སྡུག་བསྔལ་འབེབས་པ་ནི། མེ་ནས་མེ་ལྕེ་འཕུར་བ་དང་འདྲའོ།

⁸གལ་སྲིད་ང་ནི་ཁྱེད་རང་ཡིན་ན་ནི། གཙོ་བོ་དཀོན་མཆོག་དྲུང་དུ་ང་བཅར་ནས། ང་ཡི་གནས་སྟངས་ཁོང་ལ་ཞུ་བར་བྱེད།

⁹ཁོང་གིས་གནང་བའི་བྱ་བ་རླབས་ཆེན་དང་། རྫུ་འཕྲུལ་ཐོག་མཐའ་མེད་པ་ང་ཚོས་རྟོགས་མི་ཐུབ།

¹⁰ཁོང་གིས་ས་གཞིར་ཆར་པ་གཏོང་གནང་ནས། ཁོང་གིས་ས་གཞིང་ཐོག་ཏུ་ཆར་ཆུ་བླུག་པར་མཛད།

¹¹ཁོང་གིས་ཉམས་ཆུང་རྣམས་ལ་ཡར་འདེགས་གནང་། མྱ་ངན་བྱ་མཁན་རྣམས་ལ་དགའ་སྤྲོ་གནང་།

¹²ཁོང་གིས་གཡོ་སྒྱུ་ཅན་ཚོའི་འཆར་གཞི་དང་། ཤེས་རབ་ཅན་ཚོའི་འཆར་གཞི་རྙི་ནང་འཚུད། དེ་ཚོས་བྱ་བ་གང་བྱས་སྒྲུབ་མི་འགྱུར།

¹⁴དེ་ཚོས་ཉིན་གུང་ཡིན་ཡང་མཚན་ལྟར་སྦ་ཡུར་རྒྱབ།

¹⁵དབུལ་པོ་ཚོ་ལ་གཙོ་བོ་དཀོན་མཆོག་གིས། འཆི་བ་ལས་ཀྱང་སྐྱོབས་པར་གནང་བ་དང་། དགོས་མཁོ་ཅན་ཚོར་མནར་གཅོད་ལས་སྐྱོབ་བོ།

¹⁶དེའི་ཕྱིར་ཁོང་གིས་དབུལ་པོར་རེ་བ་གནང་། སྤྱོད་ངན་དེ་ཚོའི་ཁ་ནི་བཀག་པར་མཛད།

¹⁷ཁོང་གིས་བསྒྱུར་བཅོས་གནང་བའི་སྐྱེ་བོ་བདེ། ཁོང་གི་བཀའ་བཀྱོན་ལ་སྨད་པ་མ་བྱེད་ཅིག།

¹⁸དཀོན་མཆོག་ཁོང་གིས་བཟོས་པའི་རྨ་དེ་ལ། ཁོང་ཉིད་རང་གི་རྨ་རས་དཀྲིས་གནང་ཡོང་། ཁོང་གིས་ཕྱག་གི་ཁྱོད་ལ་རྨས་ན་ཡང་། ཁོང་གི་ཕྱག་གི་དེ་ལ་གསོ་བར་མཛད།

¹⁹ཡང་ཡང་ཁྱོད་ལ་གནོད་འཚེ་བྱུང་ན་ཡང་། ཁོང་གིས་གནོད་འཚེ་དེ་ལས་སྐྱོབས་པ་གནང་།

²⁰ཁྱོད་ལ་མུ་གེ་འབྱུང་སྐབས་གསོན་པོར་འཇོག། དམག་འཁྲུགས་སྐབས་སུ་ཁོང་གིས་འཆི་བར་སྐྱབས།

²¹ཁོང་གིས་ཁྱོད་ལ་གཞན་སྐྱོན་སོགས་ལས་སྐྱོབ། འཇིགས་པའི་དུས་སུ་ཁོང་གིས་ཁྱོད་ལ་སྐྱོབ།

²²ཟིང་འཁྲུག་སྐབས་སུ་བཀྲེས་སྐོམ་བྱུང་བའི་དུས། ཁྱོད་ནི་གད་མོ་གད་ཅིང་གནས་པར་འགྱུར། ནགས་ཀྱི་གཅན་གཟན་རྣམས་ལ་འཇིགས་མི་ཡོང།

²³ཁྱོད་ཀྱིས་རྨོས་པའི་ཞིང་དེར་རྡོ་དང་བྲལ། ནགས་ཀྱི་གཅན་གཟན་ཚོ་ཡིས་ཁྱོད་མི་རྒོལ།

²⁴དེ་ནས་ཁྱོད་རང་གུར་ནང་ཞི་བདེར་གནས། རང་གི་ལུག་ཚོར་བལྟ་སྐབས་སྐྱོན་མེད་མཐོང་།

²⁵རྩ་ཐང་སྟེང་དུ་རྩ་རྣམས་འཕེལ་བ་ལྟར། ཁྱོད་ལ་བུ་ཕྲུག་མངོ་པོ་ཡོང་བར་འགྱུར།

²⁶གྲོ་ཡི་སྟོན་ཐོག་དུས་སུ་སྨིན་པ་ལྟར། ཁྱོད་རང་འཚེ་ནི་རིང་པོར་འཚོ་བར་འགྱུར།

²⁷ཡོབ། ང་ཚོས་འདི་ཚོ་རྒྱུན་རིང་སྦྱངས་པ་དང་། དེ་ཚོ་བདེན་པ་ཡིན་པ་ངོས་ལེན་གྱིས༎