Read Tibetan — པོད་སྐད་Tibetan Old Testament 2011 ཡོབ 6 Bible Online

ཡོབ 6 - Tibetan — པོད་སྐད་Tibetan Old Testament 2011 bible

ཡོབ 6

¹ཡོབ་ཀྱིས་ང་ཡི་སེམས་ཀྱི་དཀའ་ངལ་དང་། སྡུག་བསྔལ་དེ་རྣམས་ཉ་གར་འདེགས་པ་ན།

³དེ་ཚོ་རྒྱ་མཚོའི་བྱེ་མ་ལས་ཀྱང་ལྗིད། དེའི་ཕྱིར་ང་ཡི་ཚིག་རྩུབ་རྣམས་ལ་ནི། ཁྱོད་ཀྱི་དེ་ལ་ཡ་མཚན་བྱེད་མི་དགོས།

⁴ཀུན་དབང་ལྡན་པའི་དཀོན་མཆོག་ཁོང་གི་མདའ་རྣམས་ང་ལ་བཙུགས། དེ་ཡི་དུག་རྣམས་གཟུགས་པོ་ཡོངས་སུ་ཁྱབ། ཁོང་གི་འཇིགས་སྐྲག་ང་ཡི་ཐོག་ཏུ་བཞག།

⁵བོང་བུས་རྩ་རྣམས་ཟ་སྐབས་ཚིམས་པ་དང་། གླང་གི་སོག་མ་ཟ་སྐབ་ཁུ་སིམ་བསྡད།

⁶འོན་ཀྱང་སུ་ཞིག་བྲོ་བ་མེད་པ་དང་། ཚ་མེད་པ་ཟས་ཟ་ཐུབ་བམ། སྒོ་ངའི་དཀར་པོར་བྲོ་བ་ཅི་ཞིག་ཡོད།

⁷དེ་ལྟ་བུའི་ཟས་དེ་བཟའ་འདོད་མེད། དེ་ནི་ང་ཡི་ཆེད་དུ་སྐྱུགས་མིན་ལངས།

⁸ང་ཡི་དཀོན་མཆོག་ཁོང་ལ་གང་ཞུས་པ། དེ་ནི་ང་ལ་ཅི་ཕྱིར་མི་གནང་ངམ། ང་ཡི་ཞུས་པའི་སྨོན་ལམ་ལ། ཁོང་གིས་ལན་འདེབས་ཅི་ལ་མི་གནང་ངམ།

⁹གལ་སྲིད་ཁོང་གི་ཕྱག་གིས། ང་ལ་བསད་པ་ཡིན་ན་ཅི་མ་རུང་།

¹⁰ཁོང་གིས་དེ་ལྟར་གནང་བ་ངས་ཤེས་ན། ང་ལ་ནད་ཟུག་ཆེ་ཡང་ངའི་སེམས་དགའ། དཀོན་མཆོག་ཁོང་ནི་དམ་པ་ཡིན་པས་ན། ཁོང་གི་བཀའ་ལ་རྩིས་མེད་ཞུས་མེད་དོ།

¹¹གསོན་པོར་གནས་པའི་སྟོབས་ཤུགས་གང་ཡང་མེད། ང་ལ་རེ་བ་གང་ཡང་མེད་པས་ཅི་ཕྱིར་གསོན་པོར་གནས།

¹²ང་ནི་རྡོ་ལས་བཟོས་པ་ཡིན་ནམ། ཡང་ན་ང་ཡི་གཟུགས་པོ་ལིའི་ཡིན་ནམ།

¹³རང་ལ་སྐྱོབ་པའི་ནུས་ཤུགས་ང་ལ་མེད། ང་ལ་སྐྱབས་རོགས་ཐོབ་པའི་རེ་བ་མེད།

¹⁴ང་ཡིས་དཀོན་མཆོག་ཁོང་ལ་སྤང་བ་ཡིན་ན་མ་སྤང་བ་ཡིན་ན་ཡང་། སྡུག་བསྔལ་དེ་འདྲའི་སྐབས་སུ་དམ་ཚིག་ཅན་གྱི་གྲོགས་པོ་དགོས།

¹⁵འོན་ཀྱང་ང་ཡི་གྲོགས་པོ་ཁྱེད་རྣམས་ཀྱིས། ཆར་པ་མེད་པའི་རྐྱེན་གྱི་རྒྱུགས་ཆུ་སྐམ་པ་ལྟར། ཁྱོད་ཚོས་ང་ལ་བསླུ་ཁྲིད་བྱས་ཡོད་དོ།

¹⁶རྒྱུགས་ཆུ་གངས་དང་འཁྱགས་པས་འགག་ཡོད་དོ།

¹⁷འོན་ཀྱང་དྲོས་སླེབས་དུས་དེ་ཚོ་ཡལ་བར་འགྱུར། རྒྱུགས་ཆུ་ཅི་ཡང་མེད་ཅིང་སྐམ་པོར་འགྱུར།

¹⁸འགྲུལ་པའི་ཆུ་རྣམས་འཚོལ་བཞིན་འགྲོ་བ་དང་། དེ་ཚོ་བྱེ་ཐང་ནང་དུ་འཆི་བར་འགྱུར།

¹⁹ཤེ་བྷའི་དང་ཏེ་མའི་འགྲུལ་པ་རྣམས་ཀྱིས་ཆུ་རྣམས་འཚོལ།

²⁰འོན་ཀྱང་དེ་ཚོའི་རེ་བ་ཅི་ཡོད་པ། རྒྱུགས་ཆུ་སྐམ་པོའི་ཉེས་འགྲམ་དེ་ཚོའི་རེ་བ་རླགས་པར་འགྱུར།

²¹ངའི་དོན་ཁྱོད་ཚོ་རྒྱུགས་ཆུ་དེ་དང་འདྲ། ཁྱོད་ཚོས་ང་ཡི་བྱུས་ཉེས་མཐོང་བ་དང་། ཁྱོད་ཚོ་འཇིགས་ནས་ཕྱིར་འཐེན་བྱེད་པའོ།

²²ང་ཡིས་ཁྱོད་ཚོར་འབུལ་བ་དགོས་སྨྲས་སམ། ཡང་ན་ངའི་ཆེད་སུ་ཞིག་ལ་ལྐོག་རྔན་སྤྲོད་སྨྲས་སམ།

²³ཡང་ན་དགྲ་དང་བཙན་དབང་ལག་ནས་ང་ལ་སྐྱབས་རོགས་ཟེར་རམ།

²⁴དེ་བས་ང་ལ་སློབ་སྟོན་གནང་རོགས་མཛོད། ང་ལ་གང་ཡོད་སྐྱོན་རྣམས་གསུངས་རོགས་གནང་། ང་ནི་ཅི་ཡང་མ་སྨྲས་ཁྱོད་ཚོར་ཉན།

²⁵དྲང་པོའི་མི་ཡི་གཏམ་ལ་ཡིད་ཆེས་འོས། འོན་ཀྱང་ཁྱོད་ཚོས་དོན་མེད་གཏམ་རྣམས་བརྗོད།

²⁶ཁྱོད་ཚོའི་བསམ་པར་ངའི་གཏམ་དོན་མེད་ཡིན། དེ་བས་ཁྱོད་ཚོས་ང་ཡི་སྡུག་བསྔལ་གྱི། གཏམ་ལ་ཅི་ཕྱིར་ལན་འདེབས་བྱས་མམ།

²⁷ཁྱོད་ཚོས་ད་ཕྲུག་ཚེ་གཡོག་རྣམས་ལ་བཞགས་ནས་ཤོ་བརྒྱབ་བོ། ཁྱོད་ཚོའི་གྲོགས་པོ་ཉེ་ཤོས་རྣམས་བཙོང་ནས། དེ་ཡི་རང་ཉིད་ཕྱུག་པོ་བཟོས་བཞིན་ཡོད།

²⁸ང་ཡི་གདོང་ལ་ཁྱོད་ལྟོས་དང་། ཁྱོད་ཀྱི་མདུན་དུ་ནམ་ཡང་རྫུན་མི་ཤོས།

²⁹ཁྱོད་ཚོས་ཧ་ཅང་མང་པོའི་གཏམ་མཛོད་དོ། དྲང་བདེན་མིན་པའི་གཏམ་ལ་མཚམས་འཇོགས་བྱོས། ང་ལ་སྐྱོན་བརྗོད་མ་བྱེད་ང་བདེན་ནོ།

³⁰ཁྱོད་ཚོའི་བསམ་བློར་ང་ནི་རྫུན་ཅན་བསམ། ང་ཡིས་དྲང་ཉེས་དབྱེ་མི་ཐུབ་པར་ཁྱོད་ཚོས་བསམ༎