Read Tibetan — པོད་སྐད་Tibetan Old Testament 2011 ཡོབ 7 Bible Online

ཡོབ 7 - Tibetan — པོད་སྐད་Tibetan Old Testament 2011 bible

ཡོབ 7

¹འགྲོ་བ་མི་ཡི་མི་ཚེ་དེ་ཚོ་ནི། བཙན་དབང་དམག་མིའི་ཞབས་ཞུ་ལྟ་བུ་དང་། ལས་ཀ་ཁག་པོའི་མི་ཚེ་འདྲ།

²གྲིབ་སིལ་འོག་ཏུ་འདོད་པའི་ཚེ་གཡོག་ལྟར། རང་གི་གླ་ཆར་སྒུག་ནས་སྡོད་མཁན་འདྲ།

³ཟླ་བ་གཅིག་དང་གཉིས་ཀྱི་རྗེས་སུ་ནི། ང་ལ་སྡོད་པའི་འཚོ་ཐབས་གང་ཡང་མེད། མཚན་མོ་གཅིག་དང་གཉིས་ཀྱི་རྗེས་སུ་ནི། ང་ཡི་ཆེད་དུ་སྡུག་བསྔལ་བཀོད་གནང་ཡོད།

⁴ང་ནི་ཉལ་བའི་སྐབས་སུ་སླངས་བའི་ཆུ་ཚོད་གྲངས་རྩིས་བརྒྱབ། ང་ནི་མཚན་གང་ཕར་ཚུར་ཨ་ལོག་བརྒྱབ་ནས། ཐོ་རེངས་ག་དུས་ཤར་ཡོང་སྒུག་ནས་སྡོད།

⁵ང་ཡི་གཟུགས་པོ་འབུ་ཡིས་ཁེངས་ནས་ཡོད། རྨ་ཡི་སྟེང་དུ་ལྤགས་པས་བཀབ་ནས་ཡོས། ང་ཡི་རྨ་ནས་རྣག་ཁྲག་རྒྱུགས་བཞིན་ཡོད།

⁶ང་ཡི་ཉི་མ་རེ་བ་མེད་པར་གྲོལ། འཐག་མཁན་འགྲོན་བུ་ལས་ཀྱང་མགྱོགས་པོར་ཡོལ།

⁷ཀྱེ་དཀོན་མཆོག་ཐུགས་ལ་དྲན་རོགས་གནང་། ང་ཡི་མི་ཚེ་འདི་ནི་དབུགས་ཅིག་ཙམ་ལས་མེད། ང་ཡི་དགའ་སྐྱིད་དེ་ནི་རྫོགས་ཟིན་ནོ།

⁸ཁྱོད་ཚོས་ད་ལྟ་ང་ལ་མཐོང་ན་ཡང་། སླར་ཡང་ང་ལ་ནམ་ཡང་མཐོང་མི་འགྱུར། གལ་སྲིད་ཁྱོད་ཚོས་ང་ལ་འཚོལ་ན་ཡང་། ང་ནི་དེ་ནས་ཐོན་ནས་ཕྱིན་ཚར་རོ།

⁹སྤྲིན་པ་ཡལ་ནས་མེད་པར་ཕྱིན་པ་ལྟར། སྐྱེ་བོ་འཆི་ནས་སླར་ཡང་ལོག་མི་འགྱུར། ཁོ་ལ་ངོ་ཤེས་ཚང་མས་བརྗེད་པར་འགྱུར།

¹¹ད་ང་ཁ་ཁུ་སིམ་པོར་སྡོད་མི་ཐུབ། ང་ནི་ཁོང་ཁྲོ་ཟ་ཞིང་སེམས་ནང་ཟུག། དེའི་ཕྱིར་ང་ཡི་ངེས་པར་སྨྲ་དགོས་སོ།

¹²ཁྱོད་ཚོས་ཅི་ལ་ངའི་ཕྱིར་སྲུང་སྐྱོབ་འཇོག། ང་ནི་རྒྱ་མཚོའི་ནང་གི་སེམས་ཅན་རེད་བསམ་མམ།

¹³ང་མར་ཉལ་ནས་ངལ་གསོ་ཐོབ་ཐབས་བྱས། ང་ཡི་ན་ཚ་དྲག་པའི་ཐབས་ཤེས་བྱས།

¹⁴འོན་ཀྱང་ཁྱོད་ཚོས་ང་ལ་གཉིད་ནང་འཇིགས་སྣང་བསྐུལ། ང་ལ་ངན་པའི་ཞལ་གཟིགས་དང་རྨི་ལམ་རྩུབ་པོ་བཏང་།

¹⁵ངའི་གཟུགས་པོ་ཐབས་སྡུག་འདི་འདྲར་ནང་སྡོད་པ་ལས། ང་ལ་སྐེ་བཙིར་བཏང་ནས་འཆི་བར་འདོད།

¹⁶ང་ནི་འཆི་བར་སེམས་ཐག་བཅད་པ་ཡིན། ང་ནི་གསོན་པོར་སྡོད་པར་ཡིད་ཐང་ཆད། ཁྱེད་ཚོས་ང་རང་གཅིག་པོར་འཇོག་རོགས་གནང་། ང་ཡི་མི་ཚེ་འདི་ལ་སྙིང་པོ་མེད།

¹⁷མི་ནི་ཅི་ཡིན་ནམ། དེ་ལ་ཁྱེད་ཀྱི་ཅི་ཕྱིར་དོ་སྣང་རྩ་ཆེར་རྩིས། ཁོ་ཡི་ལས་ཀར་ཁྱེད་ཚོས་དོ་སྣང་ཅི་ལ་བྱེད།

¹⁸ཁྱོད་ཚོས་ཁོ་ལ་སྔ་དྲོ་རེར་བཞིན་ཞིབ་འཇུག་བྱས། སྐར་མ་རེ་བཞིན་ཁོ་ལ་ཚོད་རྟག་བྱེད།

¹⁹ཁྱེད་ཚོས་ང་ཡི་མཆིལ་མ་མིད་ཡུན་རིང་། ཁྱོད་ཚོས་ང་ལས་གདོང་པ་འཁྱུག་ཙམ་ཕྱིར་མི་སྒྱུ་རམ།

²⁰ང་ཡི་སྡིག་པས་བཙོན་དཔོན་ཁྱེད་ལ་གནོད་ཡོད་དམ། ང་ལ་འབེན་ལྟར་ཅི་ལ་བེད་སྤྱོད་བྱེད། ཁྱོད་ཚོའི་ཆེད་དུ་ང་ནི་ཁལ་ལྗིད་ཞིག་འདུག་གམ།

²¹ང་ཡི་སྡིག་པར་ཅིའི་ཕྱིར་བཟོད་མི་ཐུབ། ང་ཡི་ལས་ངན་གཟོ་སྲན་མི་གནང་ངམ། ང་ནི་རང་གི་དུར་དུ་མྱུར་དུ་འགྲོ། ཁྱེད་ཚོས་ང་ལ་འཚོལ་སྐབས་རྙེད་མི་ཡོང་༎