Read Tibetan — པོད་སྐད་Tibetan Old Testament 2011 ཡོབ 8 Bible Online

ཡོབ 8 - Tibetan — པོད་སྐད་Tibetan Old Testament 2011 bible

ཡོབ 8

¹ཁྱོད་ཀྱི་རླུང་འཚུབ་ལྟ་བུའི་ཧམ་གཏམ་བཤད་འཚར་སོང་ངམ།

³དཀོན་མཆོག་གིས། ཁྲིམས་ལ་སྒྱུར་བཅོས་ནམ་ཡང་གཏོང་མི་ཡོང་། ཁོང་གིས་དྲང་བདེན་ཇི་ཡིན། དེ་ལ་བསྒྱུར་བཅོས་ནམ་ཡང་གཏོང་མི་ཡོང་།

⁴ཁོང་གི་སྤྱན་སྔར་ཁྱོད་ཀྱི་བུ་ཕྲུག་ཚོས། དེ་ཚོས་ངེས་པར་སྡིག་པ་གྱིས་ཡོད་པའི། ཁོང་གིས་དེ་ཚོའི་རང་གི་ཉེས་པ་དང་། བསྟུན་ནས་དེ་ཚོར་ཆད་པ་གཏོང་ཟིན་ནོ།

⁵འོན་ཀྱང་ད་ཆ་ཁྱོད་ཚོ་སེམས་བསྒྱུར་ནས། དཀོན་མཆོག་མཐུ་སྟོབས་ཅན་ལ་གསོལ་བ་བཏབ།

⁶གལ་ཏེ་ཁྱོད་ཚོ་དྲང་བདེན་ཉེས་མེད་ཅན་ཡིན་ན། དཀོན་མཆོག་ཁོང་གི་ཁྱོད་ལ་རོགས་གནང་ཡོང་། ཁྱོད་ཀྱི་རང་གི་ཁྱིམ་ཚང་བྱ་དགའི་ཚུལ་དུ་སླར་གསོའི་གྱིས།

⁷དཀོན་མཆོག་ཁོང་གི་ཁྱོད་ལ་རྒྱུ་ནོར་གང་གནང་རྒྱུ་དེ། བསྡུར་ན་ཁྱོད་ཀྱི་སྔར་སླགས་པའི་རྒྱུ་ནོར་རྣམས་ཅི་ཡང་མིན།

⁸གནའ་བོའི་ཤེས་རབ་རྣམས་ལ་ཡུད་ཙམ་ལྟོས། ཕ་མེས་སྦྱངས་པའི་བདེན་པར་བསམ་བློ་གཏོང་།

⁹ང་ཚོའི་མི་ཚེ་ཐུང་ཐུང་ཡིན་པ་དང་། ང་ཚོས་ཅི་ཡང་ཤེས་རྟོགས་མེད་པ་དང་། ང་ཚོ་ས་སྟེང་ཉི་མའི་གྲིབ་ལྟར་འདྲ།

¹⁰འོན་ཀྱང་གནའ་བོའི་ཤེས་རབ་ཅན་རྣམས་ཀྱིས། ཁྱོད་ལ་སློབ་སྟོན་ཇི་འདྲ་བྱེད་པ་དང་། དེ་ཚོས་ཁྱོད་ལ་ཇི་ལྟར་གསུངས་པར་ཉོན།

¹¹ས་ཆ་སྐམ་སར་ཆུ་ཤིང་སྐྱེ་མི་འགྱུར། ཆུ་ཡི་ཕྱི་རོལ་ཆུ་ཤིང་རྙེད་མི་ཡོང་།

¹²གལ་སྲིད་ཆུ་དེ་སྐམ་པོ་ཡིན་པས་ན། ཆུ་ཤིང་དེ་ཚོ་རང་ཉིད་སྐམ་པོར་འགྱུར། དེ་ཚོ་ཆུང་ཡང་བེད་སྤྱོད་བྱེད་ཐུབ་བོ།

¹³དཀོན་མཆོག་མེད་པའི་མི་རྣམས་དེ་དང་འདྲ། དཀོན་མཆོག་བརྗེད་མ་ཐག་ཏུ་རེ་བ་རླག།

¹⁴དེ་ཚོས་སྐུད་པ་ཡང་ན་སྡོམ་ཐག་ཞིག་ལ་བློ་གཏད་བྱེད།

¹⁵གལ་སྲིད་དེ་ཚོས་སྡོམ་ཐག་ཞིག་ལ་བསྙས་ན། དེ་ཡིས་དེ་ཚོར་སྐྱོང་ཐུབ་བམ། གལ་སྲིད་དེ་ཚོས་སྐུད་པ་ཞིག་ལ་འཇུས་འགྱུར་ན། དེ་ཡིས་དེ་ཚོ་ལངས་རྒྱུར་ཕན་ཡོང་ངམ།

¹⁶སྐྱེ་བོ་ངན་པ་རྣམས་ཉི་མའི་འོག་ཏུ། རྩ་ངན་ལྟར་སྐྱེས་དེ་ཚོ་ལྡུམ་རར་ཁྱབ།

¹⁷དེ་ཚོའི་རྩ་བས་རྡོ་ལ་མཐའ་འཁོར་ནས། དཀྲིས་ནས་བྲག་རྣམས་དམ་པོར་བཟུང་བ་དང་།

¹⁸འོན་ཀྱང་དེ་ཚོ་དེ་ནས་ཡར་བཀོག་ན། དེ་ནི་དེ་རུ་ཡོད་པ་སུས་མི་ཤེས།

¹⁹མི་ངན་རྣམས་ཀྱི་དགའ་བ་དེ་ལྟར་ཡིན། ད་ཆ་གཞན་ཞིག་ཡོང་ནས་དེའི་ཚབ་བཟུང་།

²⁰དམ་ཚིག་ཅན་ལ་གཙོ་བོ་དཀོན་མཆོག་གིས། ནམ་ཡང་མི་བསྒྱུར་སྤོང་བར་མི་བྱའོ། མི་ངན་ཚོ་ལ་ནམ་ཡང་སྐྱོབ་མི་གནང་།

²¹ཁོང་གིས་ཁྱོད་ལ་སླར་ཡང་གད་འཇུག་ཅིང་། ཡང་སྐྱར་སྐད་འབོད་བྱེད་དུ་འཇུག་པར་མཛད།

²²འོན་ཀྱང་ཁོང་གིས་ཁྱོད་ལ་སྡང་མཁན་རྣམས། དམའ་འབེབས་མཛད་ཅིང་དེ་ཚོའི་ཁང་ཁྱིམ་རློག།