Read Tibetan — པོད་སྐད་Tibetan Old Testament 2011 ཡོབ 9 Bible Online

ཡོབ 9 - Tibetan — པོད་སྐད་Tibetan Old Testament 2011 bible

ཡོབ 9

¹ང་ཡིས་དེ་ཚོ་ཚང་མ་སྔོན་ཐོས་བྱུང་། འོན་ཀྱང་སྐྱེ་བོ་ཞིག་གིས་དཀོན་མཆོག་མདུན། ཁ་མཆུ་དེ་ནི་ཇི་ལྟར་རྒྱལ་ཐུབ་བམ།

³ཁོང་གི་དྲི་བ་སྟོང་ཕྲག་འདྲི་གནང་སྲིད། སུས་ཀྱང་དེ་ལ་ལན་འདེབས་བྱེད་མི་ཐུབ། སུ་ཞིག་དཀོན་མཆོག་མཉམ་དུ་རྩོད་ཐུབ་བམ།

⁴དཀོན་མཆོག་ཤེས་རབ་ཅན་དང་མཐུ་སྟོབས་ཅན། ཡིན་པས་སུས་ཀྱང་ཁོང་དང་འགྲན་མི་ནུས།

⁵ཉེན་བརྡ་མེད་པར་རི་བོ་སྤོས་གནང་ཞིང་། ཐུགས་ཁྲོའི་སྐབས་སུ་དེ་ཚོ་མེད་པར་མཛད།

⁶ཁོང་གིས་ས་གཡོམ་བཏང་ནས་ས་གཞི་འགུལ། ཁོང་གིས་ས་གཞིར་སྐྱོར་བའི་ཀ་བ་རྣམས་འགུལ་བར་མཛད།

⁷ཁོང་གིས་ཉི་མ་ཤར་རྒྱུ་བཀག་པ་དང་། མཚན་གྱི་སྐར་མའི་འོད་ཟེར་བཀག་གནང་ཐུབ།

⁸ནམ་མཁའ་བཀྲམ་དུས། མཚོ་ཡི་སེམས་ཅན་དྲག་པོ་སྟེང་དུ་རྡོག་བརྫིས་གཏོང་སྐབས། ཁོང་ལ་སུས་ཀྱང་རོགས་པ་བྱས་མེད་དོ།

⁹དཀོན་མཆོག་ཁོང་གིས་ནམ་མཁར་དོམ་ཆེན་སྐར་མའི་ཚོགས་དང་། དྲང་སྲོང་སྐར་མའི་ཚོགས་དང་སྨིན་དྲུག་སྐར་མའི་ཚོགས་དང། ལྷོ་ཕྱོགས་སྐར་མ་རྣམས་བཟོས་བར་མཛད།

¹⁰ཁོང་གིས་མཛད་པའི་བྱ་བ་རླབས་ཆེན་ཁག། དེ་རྣམས་ང་ཚོས་རང་གི་རྟོགས་མི་ཐུབ། ཁོང་གི་རྫུས་འཕྲུལ་རྣམས་ལ་མཐའ་མེད་དོ།

¹¹དཀོན་མཆོག་ང་ཚོའི་མདུན་ནས་གཤེགས་ན་ཡང་། ང་ཡིས་ཁོང་ལ་ནམ་ཡང་མཐོང་མི་ཐུབ།

¹²ཁོང་ལ་ཐུགས་འདོད་ཇི་ཡོད་བཞེས་པ་དང་། དེ་ལ་སུས་ཀྱང་བཀག་འགོག་བྱེད་མི་ཐུབ། མ་ཟད་ཁོང་ལ་ཁྱེད་ནི་ཅི་གནང་ཟེར། བཀའ་འདྲི་ཞུ་བར་སུས་ཀྱང་མི་ནུས་སོ།

¹³དཀོན་མཆོག་ཐུགས་ཁྲོ་ཞི་བར་མི་གནང་ཞིང་། རྒྱ་མཚོའི་སེམས་ཅན་དྲག་པོ་ར་ཧབ་ལ། རྒྱབ་སྐྱོར་བྱ་མཁན་རྣམས་ལ་རང་གི་ཞབས་འོག་མནན་པར་མཛད།

¹⁴དེར་བརྟེན་ང་ཡི་དཀོན་མཆོག་ཁོང་ལ་ནི། ལན་འདེབས་ཞུ་རྒྱུའི་ཚིག་གཅིག་རྙེད་ཐུབ་བམ།

¹⁵ང་ནི་ཉེས་མེད་ཡིན་ཀྱང་ངས་གང་བྱེད། ཐུབ་པ་དེ་ནི་ང་ཡི་ཁྲིམས་བདག་ལ། དཀོན་མཆོག་ཁོང་ལ་རྙིང་རྗེ་ཆེད་དུ་ཞུ་རྒྱུ་ཡིན།

¹⁶འོན་ཀྱང་ཁོང་གིས་ང་ལ་བཤད་བཅུག་ཡང་། ང་ལ་ཁོང་གི་གསན་ཡོང་བསམ་པར་ཡིད་ཆེས་མེད།

¹⁷ཁོང་གིས་ང་ལ་དོན་མེད་རླུང་འཚུབ་གཏོང་གནང་ནས། ང་ལ་གསིལ་བུར་གཏོང་ནས་རྨས་པར་མཛད།

¹⁸ཁོང་གིས་ང་ཡི་དབུགས་དེ་ལེན་མ་བཅུག། ཁོང་གིས་ང་ཡི་མི་ཚེ་སྡུག་བསྔལ་བཀང་།

¹⁹ང་ཡི་བཙན་དབང་ཐབས་ཤིག་བྱས་སམ་མམ། དཀོན་མཆོག་ཁོང་ལ་བཙན་དབང་བྱས་སམ་མམ། ང་ཡི་ཁོང་ལ་ཁྲིམས་ཁང་ནང་འཁྲིད་དམ། ཁོང་ལ་ཕེབས་སུ་འཇུག་མཁན་སུ་ཡོད་དམ།

²⁰ང་ནི་སྐྱོན་མེད་དམ་ཚིག་ཅན་ཡིན་ཀྱང་། ང་ཡི་ཚིག་རྣམས་ཉེས་ཅན་ལྟ་བུ་ཡོད། ང་ཡིས་སྨྲས་པའི་གཏམ་དང་ཚིག་རྣམས་ཀྱིས། ང་ལ་སྐྱོན་འདོགས་བྱེད་པ་ལྟ་བུ་འདུག།

²¹ང་ནི་ཉེས་སྐྱོན་མེད་པ་ཡིན་ན་ཡང་། དེ་ལ་ང་ཡི་དོ་སྣང་བྱེད་ཀྱི་མེད། ང་ནི་གསོན་པོར་སྡོད་ཕྱིར་ཡིད་ཐང་ཆད། དེ་ཡི་ང་ལ་ཁྱད་པར་གང་ཡང་མེད། ཉེས་ཅན་ཉེས་མེས་ཇི་ཡིན་པར་ཁོང་གིས་ང་ཚོ་མེད་པར་བཟོ་གནང་ཡོང་།

²³ཉེས་མེད་མི་གཅིག་གློ་བུར་འཆི་གྱུར་ན། གཙོ་བོ་དཀོན་མཆོག་བཞད་མོ་བཞད་པར་འགྱུར།

²⁴སྐྱེ་བོ་སྡུག་རྩུབ་ཅན་ཚོར་དཀོན་མཆོག་གིས། འཛམ་གླིང་འདི་ནི་དེ་ཚོར་གནང་ཡོད་དོ། ཁྲིམས་དཔོན་རྣམས་ལ་ཁོང་གིས་ལོང་བ་བཟོས། ཁོང་གི་དེ་ཚོར་གནང་བ་མ་ཡིན་ན། གཞན་ཞིག་སུ་ཡིས་དེ་འདྲ་བྱས་ཐུབ་བམ།

²⁵ང་ཡི་མི་ཚེ་མྱུར་དུ་རྒྱུགས་པ་ལས། དེ་ཚོ་གཅིག་ཀྱང་ལེགས་པ་མི་ཡོང་ངོ་།

²⁶ང་ཡི་མི་ཚེ་གྲུ་ལྟར་མགྱོགས་པ་དེ། བྱ་རྒོད་རི་བོང་སྟེང་དུ་མཐོ་གཤོག་བརྒྱབ་པ་ལྟར་འགྲོ་བཞིན་འདུག།

²⁷གད་མོ་གད་ནས་ང་ཡི་སྡུག་བསྔལ་རྣམས། བརྗེད་ཐབས་བྱས་ཀྱང་ང་ཡི་དཀའ་སྡུག་གི། ཡང་ནས་ཡང་དུ་ཡོང་ནས་ང་ལ་དཀྲོག་ཐབས་བྱེད། ང་ནི་ཉེས་མེད་ཡིན་པས་དཀོན་མཆོག་གིས། ཆ་འཛིན་མི་གནང་བ་དེ་ང་ཡི་ཤེས།

²⁹ཁོང་གིས་ང་ལ་ཉེས་ཅན་ཡིན་པ་ངོས་ལན་གནང་ཡོད་ན། ཅིའི་ཕྱིར་ང་ཡི་དེ་ལ་སེམས་ཁྲལ་བྱེད།

³⁰ཡི་རྩི་ཇི་འདྲ་ཞིག་གིས་ཁྲུས་ན་ཡང་། ང་ཡི་སྡིག་པ་ནམ་ཡང་དག་མི་ཐུབ།

³¹ཁོང་གིས་ང་ལ་རྫབ་དོང་ནང་དབྱུགས་ན། ང་ཡི་གོས་ཀྱིས་ང་ལ་ངོ་ཚར་འགྱུར།

³²དཀོན་མཆོག་ང་དང་འདྲ་བའི་མི་ཡིན་ན། ང་ཡིས་ཁོང་ལ་ལན་འདེབས་བྱེད་ནུས་སོ། ང་ཚོའི་འཁོན་འཁྲུགས་ཐག་ཆོད་བྱེད་པའི་ཕྱིར། ང་ཚོ་ཁྲིམས་ཁང་ནང་དུ་འགྲོ་ནའང་།

³³དཀོན་མཆོག་ཁོང་དང་ང་ཚོ་གཉིས་ཀྱི་བར། ང་ཚོར་བར་མི་བྱེད་མཁན་སུ་ཡང་མེད།

³⁴དཀོན་མཆོག་ཁྱེད་ཀྱིས་ང་ལ་ཆད་པ་དེ། གནང་རྒྱུ་ཡིན་པ་མཚམས་འཇོག་གནང་རོགས་གནང་། ཁྱེད་ཀྱི་འཇིགས་སྣང་ཕྱིར་འཐེན་མཛད་རོགས་གནང་།

³⁵ངེད་ཀྱི་རང་གི་སེམས་ཉིད་རྟོགས་ཡོད་སྟབས། ང་ནི་འཇིགས་སྣང་མེད་པར་སྨྲ་རྒྱུ་ཡིན།།