Read Tibetan — པོད་སྐད་Tibetan Old Testament 2011 གསུང་མགུར 103 Bible Online

གསུང་མགུར 103 - Tibetan — པོད་སྐད་Tibetan Old Testament 2011 bible

གསུང་མགུར 103

¹ང་ཡི་སེམས་ཉིད་གཙོ་བོ་དཀོན་མཆོག་ཁོང་ལ་བསྟོད། ང་ཡི་སྲོག་ཁོང་མཚན་དམ་པར་བསྟོད་བསྔགས་ཕུལ་ཞིག།

²ང་ཡི་སྲོག་ཀྱི་གཙོ་བོ་དཀོན་མཆོག་ཁོང་ལ་བསྟོད། ཁོང་གི་བཀའ་དྲིན་ཇི་འདྲ་ཡིན་པ་མ་རྗེད་ཅིག།

³ང་ཡི་སྡིག་པ་ཚང་མ་ཁོང་གི་བཤགས་གནང་ཡོད། ང་ཡི་ནད་རྣམས་ཡོངས་སུ་ཁོང་གིས་དྲག་གསོ་མཛད།

⁴ཁོང་གི་ང་ལ་འཆི་བ་ལས་སྐྱོབས་གནང་བ་དང། བྱམས་པ་དང་སྙིང་རྗེས་བྱིན་རླབས་གནང་ངོ་།

⁵ཁོང་གི་ང་ཡི་མི་ཚེར་དངོས་པོ་བཟང་པོས་གང་གནང་བས་། ང་ནི་ན་གཞོན་བྱ་གླག་ལྟ་བུར་གནས།

⁶གཙོ་བོ་དཀོན་མཆོག་གིས་མནར་གཅོད་ནང་ཚུད་རྣམས་ཀྱི་ཚབ་ཏུ་ཁྲིམས་གཅོད་མཛད། དེ་ཚོའི་ཐོབ་སྐལ་རྣམས་དེ་ཚོར་གནང།

⁷ཁོང་གིས་མོ་ཤེས་ལ་ནི་རང་གི་འཆར་གཞི་སྟོན་གནང་བ་དང་། ཨིསི་རཱཨེལ་ལ་ནི་རང་མཛད་འཕྲིན་སྟོན་གནང་ངོ་།

⁸གཙོ་བོ་དཀོན་མཆོག་བྱམས་པ་དང་ནི་སྙིང་རྗེ་ཅན། ཐུགས་ཁྲོར་འགོར་ཞིང་རྒྱུན་ལྡན་ཐུགས་བརྩེ་ཅན་ལགས་སོ།

⁹ཁོང་ནི་རྒྱུན་དུ་བཀའ་བཀྱོན་མི་གནང་ཞིང་། ཁོང་གིས་རྒྱུན་དུ་ཁྲོ་བ་འཇོག་པར་མི་གནང་ངོ་།

¹⁰ང་ཚོར་ཐོབ་འོས་ཉེས་ཆད་ཁོང་གིས་གནང་མི་ཡོང་། ཡང་ན་ང་ཚོའི་ཉེས་སྡིག་བཞིན་དུ་ཁོང་གིས་ལན་མི་འཇལ།

¹¹ས་གཞི་ནས་ནི་ནམ་མཁའ་ཇི་ཙམ་མཐོ་བ་ཡོད། ཁོང་ལ་གུས་བཀུར་ཞུས་མིར་ཁོང་གི་ཐུགས་བརྩེ་དེ་ལྟར་ཆེ།

¹²ཤར་ནས་ནུབ་བར་ཇི་ཙམ་ཐག་རིང་ཡོད། དེ་བཞིན་ང་ཚོའི་སྡིག་པ་ང་ཚོ་ནས་ཁོང་གིས་ཐག་རིང་མཛད།

¹³ཕ་ཡི་རང་གི་ཕྲུ་གུ་ཚོར་ཇི་ལྟར་སྙིང་རྗེ་གནང་བ་བཞིན། རང་ལ་གུས་ཞབས་མཁན་ཚོར་དེ་བཞིན་སྙིང་རྗེ་གནང་།

¹⁴ཁོང་གིས་ང་ཚོ་ཅི་ཡི་བཟོ་བ་མཁན་པ་དང་། ང་ཚོ་ནི་ས་ནས་བཟོས་པ་ཡིན་པ་ཁོང་གིས་དྲན།

¹⁵ང་ཚོའི་མི་ཚེ་ནི་རྩ་དང་འདྲ་བ་དང་། ང་ཚོ་ནགས་ཀྱི་མེ་ཏོག་བཞིན་དུ་སྐྱེས་ནས་འཕེལ་བ་དང་།

¹⁶དེ་ནས་དེ་ཡི་སྟེང་དུ་ལྷག་པ་ཕོག་པས་དེ་ནི་ཡལ། སླར་ཡང་དེ་ལ་སུས་ཀྱང་མཐོང་བར་མི་འགྱུར་རོ།

¹⁷འོན་ཀྱང་ཁོང་ལ་གུས་བཀུར་ཞུས་མཁན་དེ་ཚོ་ལ། ཁོང་གི་བྱམས་པ་དེ་ནི་རྒྱུན་དུ་གནས་པར་འགྱུར་དང། བདེན་པའི་སྒོས་ནས་ཁོང་གི་དམ་བཅའ་སྲུང་མཁན་དང་། ཁོང་གི་བཀའ་རྒྱར་དམ་ཚིག་ཅན་སྒོ་ནས་སྲུང་མཁན་ཚོར། མི་རིབས་ཡོངས་ལ་ཁོང་གི་བཟང་བ་ཉིད་གནས་པར་འགྱུར།

¹⁹མཐོ་རིས་གནས་སུ་གཙོ་བོ་དཀོན་མཆོག་གི་རྒྱལ་ཁྲི་བཞག་པ་དང་། ཚང་མའི་སྟེང་དུ་ཁོང་ནི་རྒྱལ་པོ་ཡིན།

²⁰ཁོང་གི་བཀའ་དྲིན་ཐོས་ཤིང་ཉན་པར་བྱེད་མཁན་ཁྱོད། སྟོབས་ལྡན་ཕོ་ཉ་རྣམས་ཀྱིས་གཙོ་བོ་དཀོན་མཆོག་ལ་བསྟོད་ཅིག།

²¹ཁོང་གི་མཐུ་དགོངས་སྒྲུབ་མཁན་ཞབས་ཏོག་པ། མཐོ་རིས་ཀྱི་དབང་ཚང་མས་གཙོ་བོ་དཀོན་མཆོག་ཁོང་ལ་བསྟོད་བསྔོགས་ཤིག།

²²ཁོང་གི་རྒྱལ་སྲིད་སྐྱོང་བའི་ས་གནས་ཀུན་གྱི་ནང་། བཀོད་པ་ཡོངས་ཀྱི་གཙོ་བོ་དཀོན་མཆོག་ལ་བསྟོད་ཅིག། ང་ཡི་སྲོག་གཙོ་བོ་དཀོན་མཆོག་ལ་བསྟོད་ཅིག།