Read Tibetan — པོད་སྐད་Tibetan Old Testament 2011 གསུང་མགུར 107 Bible Online

གསུང་མགུར 107 - Tibetan — པོད་སྐད་Tibetan Old Testament 2011 bible

གསུང་མགུར 107

¹གཙོ་བོ་དཀོན་མཆོག་ཁོང་ལ་གཏང་རག་འབུལ་ཞིག། གང་ལགས་ཟེར་ན་དཀོན་མཆོག་ཁོང་ནི་བཟང་པོ་ཡིན། ཁོང་གི་བྱམས་པ་དེ་ནི་མཐའ་མེད་དོ།

²ཁོང་གིས་སུ་ལ་སྐྱབས་པས་ཚིག་འདི་ཚོ། གཙོ་བོ་དཀོན་མཆོག་ལ་བསྟོད་པའི་ཕྱིར་ཡང་སྐྱར་འདོན། ཁོང་གིས་ཁྱོད་ཚོར་དགྲ་བོའི་ལག་ནས་སྐྱབས་གནང་ཡོད་པ་དང།

³ཁྱོད་ཚོ་ཕྱི་རྒྱལ་ཡུལ་ཤར་ནུབ་ནས་དང་བྱང་ལྷོ་སོགས་ནས་བཏོན་ནས་འཁྲིད་གནང་ཡོད།

⁴འགའ་ཤས་ནི་ལམ་ཤུལ་མེད་པའི་འབྲོག་སྟོང་དུ་འཁྱམས་པ་དང་། གྲོང་ཁྱེར་ཞིག་ཏུ་གནས་པའི་ཕྱིར་འགྲོ་བའི་ལམ་ཡང་མ་རྙེད་དོ།

⁵དེ་ཚོ་ལྟོགས་ཤིང་སྐོམ་ཡོད་པ་དང། རེ་བ་ཐམས་ཅད་བྲལ་ཡོད་དོ།

⁶དེ་ནས་དཀའ་ངལ་ནང་དུ་དེ་ཚོས་གཙོ་བོ་དཀོན་མཆོག་ཁོང་ལ་ཞུས། ཁོང་གིས་དེ་ཚོར་སྡུག་བསྔལ་ལས་སྐྱབས་པར་མཛད།

⁷ཁོང་གིས་དེ་ཚོར་དྲང་པོའི་ལམ་ནས་འཁྲིད་གནང་ངོ། དེ་ཚོ་གནས་ཕྱིར་གྲོང་ཁྱེར་ཞིག་ཏུ་སྐྱེལ།

⁸དེ་ཚོས་ཁོང་གི་རྒྱུན་ལྡན་ཐུགས་བརྩེ་དང་། ཁོང་གིས་དེ་ཚོའི་ཆེད་དུ་གནང་བའི་ངོ་མཚར་ཅན་གྱི་མཛད་པ་རྣམས་ཀྱི་ཆེད་དུ་གཏང་རག་འབུལ་དགོས་སོ།

⁹ཁོང་གིས་དེ་ཚོར་སྐོམ་པའི་དུས་སུ་ཚིམས་པ་གནང་། ལྟོགས་པ་རྣམས་ལ་ཁ་ཟས་བཟང་པོའི་ཚིམས་པར་མཛད།

¹⁰འགའ་ཤས་ནི་ཡིད་མུག་ནས་མུན་པའི་ནང་གནས་ཤིང་། དེ་ཚོ་ལྕགས་ཀྱི་བསྡམས་པའི་བཙོན་འདྲ་སྡུག་བསྔལ་ལོ།

¹¹གང་ལགས་ཟེར་ན་དེ་ཚོས་ཀུན་དབང་ལྡན་པའི་དཀོན་མཆོག་ལ་ངོ་ལོག་བྱེད་པ་དང། ཁོང་གི་སློབ་སྟོན་རྣམས་ལ་རྩིས་མེད་བྱས་པ་ཡིན།

¹²དཀའ་སྡུག་ལས་ཀྱིས་དེ་ཚོ་ཐང་ཆད་ཡོད། དེ་ཚོ་ས་ཁར་འགྱེལ་ཡང་སྐྱོབ་མཁན་སུ་ཡང་མེད།

¹³དེ་ནས་དཀའ་ངལ་ནང་དུ་དེ་ཚོས་གཙོ་བོ་དཀོན་མཆོག་ཁོང་ལ་ཞུས། ཁོང་གིས་དེ་ཚོར་དཀའ་ངལ་ཀུན་ལས་སྐྱབས་པ་གནང་།

¹⁴ཁོང་གི་དེ་ཚོ་ཡད་མུག་དང་མུན་ནག་ལས་ནི་བཏོན། དེ་ཚོའི་ལྕགས་སྒྲོག་རྣམས་ནི་དུམ་བུར་བཟོས་པ་གནང་།

¹⁵དེ་ཚོས་ཁོང་གི་རྒྱུན་ལྡན་ཐུགས་བརྩེ་དང་། ཁོང་གིས་དེ་ཚོར་གནང་བའི་མཛད་འཕྲིན་ཕྱིར་དུ་གཏང་རག་འབུལ་དགོས་སོ།

¹⁶ཁོང་གིས་ལིའི་སྒོ་ཚོ་གཅོག་པ་གནང་། ལྕགས་ཀྱི་མདུང་མ་རྣམས་དུམ་བུར་བཟོས་པ་གནང་།

¹⁷དེ་ཚོ་འགའ་ཤས་རང་གི་སྡིག་སྤྱོད་དང་ངན་པའི་རྐྱེན་གྱིས་ནི། དཀའ་ངལ་ནང་དུ་ཚུད་པའི་གླེན་པ་རྣམས་ཀྱང་ཡོད།

¹⁸དེ་ཚོ་ཟས་ཀྱང་བལྟ་མི་ཐུབ་པ་ཆགས་ཡོད། དེ་ཚོ་འཆི་བའི་སྒོའི་རྩར་སླེབས་ནས་ཡོད།

¹⁹དེ་ནས་རང་ཉིད་དཀའ་ངལ་ནང་དུ་ཡོད་དུས་གཙོ་བོ་དཀོན་མཆོག་ཁོང་ལ་བོས། ཁོང་གིས་དེ་ཚོར་དཀའ་ངལ་ཀུན་ལས་སྐྱབས་པ་གནང་།

²⁰ཁོང་གི་རང་གི་བཀའ་ཡིས་དེ་ཚོར་གསོ་བར་གནང་། དེ་ཚོར་འཆི་བ་ལས་ནི་ཁོང་གིས་སྐྱབས་པ་གནང་།

²¹དེ་ཚོས་གཙོ་བོ་དཀོན་མཆོག་ཁོང་གི་རྒྱུན་ལྡན་ཐུགས་བརྩེ་དང་། ཁོང་གིས་དེ་ཚོར་གནང་བའི་མཛད་འཕྲིན་ཕྱིར་དུ་གཏང་རག་འབུལ་དགོས་སོ།

²²དེ་ཚོས་དམར་མཆོད་འབུལ་ནས་ཁོང་ལ་གཏང་རག་འབུལ་དགོས། དགའ་བའི་གླུ་ལེན་ཁོང་གི་མཛད་པའི་སྐོར་ལ་ཤོད་དགོས་སོ།

²³འགའ་ཤས་རྒྱ་མཚོར་གྲུ་གཟིང་བཏང་ནས་འགྲོ་བ་དང། རྒྱ་མཚོའི་སྟེང་དུ་རང་གི་འཚོ་བ་སྐྱེལ་བར་བྱས།

²⁴གཙོ་བོ་དཀོན་མཆོག་ཁོང་གིས་གང་གནང་ཐུབ་དེ་ཚོས་མཐོ་བ་དང་། རྒྱ་མཚོའི་སྟེང་དུ་ཁོང་གི་མཛད་པ་ཡ་མཚན་མཐོང་།

²⁵ཁོང་གི་བཀའ་ཡིས་རླུང་འཚུབ་དྲག་པོ་རྒྱབ་འགོ་ཚུགས་པ་དང་། ཆུ་ཡི་རྦ་རླབ་ཤུགས་ཆེན་དཀྲུགས།

²⁶གྲུ་རྣམས་ལྷག་པས་ནམ་མཁའི་ཐོག་ཏུ་ཡར་འདེགས་ཤིང་། རྒྱ་མཚོའི་གཏིང་འོག་བར་དུ་ཐིམ་ནས་འགྲོ་བ་དང་། དེ་འདྲའི་ཉེན་ཁའི་དུས་སུ་གྲུ་པ་ཚོས་སྙིང་སྟོབས་བྲལ།

²⁷ར་བཟི་མི་ལྟར་དེ་ཚོ་འཁྱོར་བཞིན་རིལ། དེ་ཚོའི་རྩལ་ཡོངས་རྫོགས་ཅི་ཡང་མི་ཕན་ནོ།

²⁸དཀའ་ངལ་དུས་སུ་དེ་ཚོས་གཙོ་བོ་དཀོན་མཆོག་ཁོང་ལ་བོས་པ་དང་། ཁོང་གིས་དེ་ཚོར་དཀའ་ངལ་ཀུན་ལས་སྐྱབས་གནང་ངོ་།

²⁹རླུང་དམར་དྲག་པོར་ཁོང་གིས་འགོག་གནང་ཞིང་། ཆུ་ཡི་རྦ་རླབ་རྣམས་ནི་ཞི་འཇམ་བཟོས་གནང་ངོ་།

³⁰ཚང་མ་ཞི་འཇམ་བྱུང་བས་དེ་ཚོ་དགའ་བ་བྱུང་། ཁོང་གིས་དེ་ཚོར་དེ་ཚོས་འདོད་པའི་གྲུ་ཁར་ཁམས་བཟང་ཐོག་ནས་སྐྱེལ།

³¹དེ་ཚོས་ཁོང་གི་རྒྱུན་ལྡན་ཐུགས་བརྩེ་དང་། ཁོང་གིས་དེ་ཚོའི་ཆེད་དུ་གནང་བའི་ངོ་མཚར་ཅན་གྱི་མཛད་ཆེད་དུ་བཏང་རག་འབུལ་དགོས།

³²མི་ཚོགས་ཀྱི་ཁྲོད་དུ་ཁོང་གི་རླབས་ཆེན་སྐོར་གསལ་སྒྲགས་བྱེད་དགོས་སོ། དཔོན་རྣམས་འདུ་ཚོགས་ས་རུ་ཁོང་ལ་བསྟོད།

³³གཙོ་བོ་དཀོན་མཆོག་ཁོང་གི་གཙང་པོ་རྣམས་ནི་ཡོངས་སུ་སྐམ་བཅུག་ཅིང་། ཆུ་མིག་རྣམས་ནི་རྒྱུག་མ་བཅུག།

³⁴ས་གནས་དེ་རུ་སྡོད་མིའི་ལས་ངན་གྱིས། ས་ལུད་འཛོམས་པོ་དེ་ནི་ཁོང་གིས་ཚྭ་ཁུ་མི་མེད་ལུང་སྟོང་བཟོས།

³⁵ཁོང་གིས་འབྲོག་སྟོང་འདི་ཚོ་ཆུ་ཡི་མཀོང་གནང་ངོ་། སྐམ་ས་འདི་ཚོ་ཆུ་མིག་ལ་ནི་སྒྱུར་དུ་བཅུག།

³⁶ཁོང་གིས་ལྟོགས་པའི་མི་ཚོར་གནས་དེར་སྡོད་དུ་བཅུག། དེ་ཚོ་རང་ཉིད་སྡོད་ཕྱིར་གྲོང་ཁྱེར་ཞིག་བཟོས་སོ།

³⁷དེ་ཚོས་ས་ཞིང་ཁག་ཏུ་འབྲས་བུ་ལ་སོགས་བཙུགས། རྒུན་ཤིང་བཙུགས་ནས་ལོ་ཐོག་མང་པོ་བསྡུ་བར་བྱས།

³⁸ཁོང་གིས་རང་གི་མི་འབངས་ལ་བྱིན་རླབས་གནང་བ་དང་། དེ་ཚོའི་རིགས་བརྒྱུད་རྣམས་ནི་མང་པོ་འཕེལ་བ་དང་། ཁོང་གིས་དེ་ཚོའི་ཟོག་རྣམས་ཉུང་དུ་འགྲོ་མ་བཅུག་གོ།

³⁹མནར་གཅོད་དང་ནི་དཀའ་ངལ་མང་པོ་བྱུང་བའི་རྐྱེན། ནམ་ཞིག་དཀོན་མཆོག་ཁོང་གི་མི་འབངས་ལ་འཕམ་ནས་དམའ་འབེབས་བྱུང་དུས།

⁴⁰དེ་ཚོར་མནར་གཅོད་གཏོང་མཁན་ཚོར་ཁོང་གིས་དམད་པ་དང། དེ་ཚོར་ལམ་མེད་འབྲོག་སྟོང་ཁག་ཏུ་འཁྱམས་དུ་བཅུག།

⁴¹འོན་ཀྱང་དགོས་མཁོ་ཅན་ཚོར་ཁོང་གིས་དེ་ཚོའི་སྡུག་བསྔལ་ནས་སྐྱབས་གནང་ནས། དེ་ཚོའི་བུ་བརྒྱུད་རྣམས་ནི་ལུག་ཁྱུ་ལྟར་འཕེལ་བར་མཛད།

⁴²དྲང་བདེན་མི་ཚོས་དེ་དག་མཐོང་ནས་དགའ་བ་དང་། འོན་ཀྱང་སྡིག་ཅན་ཚོ་ནི་ཁ་རོགས་སྡོད་དགོས་བཟོས།

⁴³ཤེས་རབ་ཅན་ཚོས་འདི་ཚོའི་ཐོག་བསམ་བློ་བཏང་ནས། དེ་ཚོས་གཙོ་བོ་དཀོན་མཆོག་ཁོང་གི་རྒྱུན་ལྡན་ཐུགས་བརྩེ་སྐོར་ལ་བསམ་བློ་གཏོང་བར་ཤོག།