Read Tibetan — པོད་སྐད་Tibetan Old Testament 2011 གསུང་མགུར 127 Bible Online

གསུང་མགུར 127 - Tibetan — པོད་སྐད་Tibetan Old Testament 2011 bible

གསུང་མགུར 127

¹གཙོ་བོ་དཀོན་མཆོག་ཁོང་གིས་ཁང་ཁྱིམ་མ་བཟོས་ན། ཁང་བཟོ་པ་ཡི་ལས་རྣམས་དོན་མེད་ཡིན། གཙོ་བོ་དཀོན་མཆོག་ཁོང་གིས་གྲོང་ཁྱེར་དེ་མ་སྲུང་ན། བསྲུང་བ་ཚོས་ལངས་ནས་སྲུང་རྒྱུ་དེ་དོན་མེད་ཡིན

²སྔ་དྲོ་ལངས་ནས་མཚན་མོ་ཕྱི་པོར་ཉལ། དེ་བཞིན་འཚོ་ཕྱིར་ངལ་རྩོལ་དོན་མེད་ཡིན། གང་ལགས་ཟེར་ན་གཙོ་བོ་དཀོན་མཆོག་གིས་གཅེས་པར། ཉལ་སྐབས་དེ་ཚོར་མཁོ་ཆས་ཆ་ཚང་གནང་།

³ཕྲུ་གུ་རྣམས་ནི་གཙོ་བོ་དཀོན་མཆོག་གི་གནང་བྱིན་ཡིན། དེ་དག་ལ་བདེན་པའི་བྱིན་གྱིས་རླབས་པ་ཡིན།

⁴ན་སོ་གཞོན་དུས་སྐྱེས་པའི་བུ་རྣམས། དཔའ་བོའི་ལག་པར་ཡོད་པའི་མདའ་གཞུ་འདྲ་བ་ཡིན།

⁵རང་ལ་མདའ་དེ་འདྲ་བ་མང་པོ་ཡོད་པའི་མི་དེ་དགའ། ཁྲིམས་གཅོད་གནས་སུ་རང་གི་དགྲ་བོ་དང་མཉམ་དུ། འཕྲད་སྐབས་དེ་ལ་ནམ་ཡང་ཕམ་རྒུད་བྱུང་མི་ཡོང་༎