Read Tibetan — པོད་སྐད་Tibetan Old Testament 2011 གསུང་མགུར 135 Bible Online

གསུང་མགུར 135 - Tibetan — པོད་སྐད་Tibetan Old Testament 2011 bible

གསུང་མགུར 135

¹གཙོ་བོ་དཀོན་མཆོག་ལ་བསྟོད་པ་འབུལ་ཞིག། གཙོ་བོ་དཀོན་མཆོག་ཁོང་ལ་ཞབས་ཏོག་ཞུ་མཁན་རྣམས། ཁྱོད་ཚོ་གཙོ་བོ་དཀོན་མཆོག་ཁོང་གི་ཕོ་བྲང་དུ། ཁོང་གི་མཆོད་ཁང་ནང་དུ་ལངས་ནས་བསྡད་པ་རྣམས། ཁོང་གི་མཚན་ལ་བསྟོད་བསྔོགས་ཤིག།

³གཙོ་བོ་དཀོན་མཆོག་ལ་ནི་བསྟོད་པར་གྱིས་གང་ལགས་ཟེར་ན་ཁོང་ནི་བཟང་པོ་ཡིན་པས། ཁོང་གི་མཚན་ལ་བསྟོད་པ་འབུལ་བར་གྱིས་གང་ལགས་ཟེར་ན་ཁོང་ནི་སྐུ་དྲིན་ཅན་ཡིན།

⁴ཁོང་གིས་ཡ་ཀོབ་ལ་ཨིསི་རཱཨེལ་མི་འབངས་ལ། ཁོང་གིས་རང་གི་ཆེད་དུ་འདམས་པར་མཛད་པ་ཡིན།

⁵ང་ཚོའི་གཙོ་བོ་དཀོན་མཆོག་རླབས་ཆེན་ཡིན་པར་ང་ཡིས་ཤེས། ལྷ་གཞན་ཀུན་ལས་ཁོང་ནི་རླབས་ཆེན་ཡིན།

⁶ཁོང་གིས་མཐོ་རིས་དང་ས་གཞི་དང་རྒྱ་མཚོ་རྣམས་དང་དེའི་གནས་གཏིང་རིང་རྣམས་སུ། རང་གི་ཐུགས་འདོད་བཞིན་དུ་གནང་ངོ་།

⁷ཁོང་གིས་ས་གཞིའི་མཐའ་ནས་རླུང་ཚུབ་ཀྱི་སྤྲིན་རྣམས་བསྡུ་བ་དང་། རླུང་ཚུབ་ཀྱི་ཆེད་དུ་གློག་འཁྱུག་བཟོས་གནང་ངོ། རང་གི་བང་མཛོད་ནང་ནས་རླུང་འདོན་པར་གནང་།

⁸ཨི་ཇིབ་ཡུལ་དུ་མི་ཚོའི་སྔོན་སྐྱེས་རྣམས་དང་། དུད་འགྲོའི་སྔོན་སྐྱེས་ཚང་མ་ཁོང་གིས་བསད།

⁹རྒྱལ་པོ་དང་ནི་ཁོང་གི་ལས་བྱེད་པ་རྣམས་ལ་ཉེས་པའི་ཕྱིར། ཁོང་གིས་ལྟས་དང་ངོ་མཚར་ཆེ་བའི་ལས་རྣམས་མཛད།

¹⁰ཁོང་གིས་མི་རིགས་མང་པོར་ཚར་བཅད་གནང་བ་དང། སྟོབས་ཤུགས་ལྡན་པའི་རྒྱལ་པོ་རྣམས་ལ་བསད་གནང་ངོ་།

¹¹ཨ་མོར་པ་རྣམས་ཀྱི་རྒྱལ་པོ་སི་ཧོན་དང་། བྷ་ཤཱན་ཡུལ་གྱི་རྒྱལ་པོ་ཨོག་དང་ནི། ཀ་ནན་གི་རྒྱལ་པོ་ཡོངས་རྫོགས་ཁོང་གིས་བསད།

¹²ཁོང་གིས་དེ་ཚོའི་ཡུལ་རྣམས་རང་གི་མི་འབངས་ལ་གནང་ངོ་། ཁོང་གིས་དེ་ཚོ་ཨིསི་རཱཨེལ་ལ་གནང་ངོ།

¹³མི་རབས་ཡོངས་ཀྱིས་ཁྱེད་དྲན་གསོ་བྱས་པ་དང་། གཙོ་བོ་དཀོན་མཆོག་ཁྱེད་ནི་དཀོན་མཆོག་ཡིན་ཟེར་རྒྱུན་དུ་སྒྲོག་པར་འགྱུར།

¹⁴གཙོ་བོ་དཀོན་མཆོག་གིས་རང་གི་མི་འབངས་ལ་སྲུང་སྐྱོབ་གནང་བ་དང་། རང་གི་ཞབས་ཏོག་བྱེད་མིར་སྙིང་རྗེ་མཛད།

¹⁵མི་རིགས་རྣམས་ཀྱི་ལྷ་ནི་གསེར་དང་དངུལ་ལས་བཟོས། འདི་ཚོ་མི་ཡི་ལག་པས་བཟོས་པ་ཡིན།

¹⁶ཁ་རྣམས་ཡོད་ཀྱང་དེ་ཚོས་སྨྲ་མི་ཐུབ། མིག་རྣམས་ནི་ཡོད་ཀྱང་དེ་ཚོས་མཐོང་མི་ཐུབ།

¹⁷རྣ་བ་རྣམས་ཡོད་ཀྱང་དེ་ཚོས་ཐོས་མི་ཐུབ། དེ་ཚོའི་དབུགས་ཀྱང་གཏོང་མི་ཐུབ།

¹⁸དེ་ཚོ་བཟོས་མཁན་དང་དེ་ཚོར་བློ་གཏད་བྱེད་མི་རྣམས། རང་གི་བཟོས་པའི་འདྲ་སྐུ་བཞིན་དུ་གྱུར་བར་ཤོག།

¹⁹ཨིསི་རཱཨེལ་གྱི་མི་མང་རྣམས་གཙོ་བོ་དཀོན་མཆོག་ཁོང་ལ་བསྟོད། དཀོན་མཆོག་གི་བླ་མ་རྣམས་ཁྱེད་རྣམས་ཁོང་ལ་བསྟོད།

²⁰ཁྱོད་ཚོ་ལེ་ཝི་པ་རྣམས་གཙོ་བོ་དཀོན་མཆོག་ལ་བསྟོད་ཅིག། ཁོང་ལ་མཆོད་མཁན་ཁྱེད་རྣམས་ཁོང་ལ་བསྟོད།

²¹ཛི་ཡོན་ནང་དུ་གཙོ་བོ་དཀོན་མཆོག་ལ་བསྟོད་ཅིག། ཁོང་གི་བཞུགས་གནས་ཡེ་རུ་ཤ་ལེམ་དུ་བསྟོད་ཅིག། གཙོ་བོ་དཀོན་མཆོག་ཁོང་ལ་བསྟོད་བསྔོགས་ཤིག།