Read Tibetan — པོད་སྐད་Tibetan Old Testament 2011 གསུང་མགུར 142 Bible Online

གསུང་མགུར 142 - Tibetan — པོད་སྐད་Tibetan Old Testament 2011 bible

གསུང་མགུར 142

¹ང་ནི་གཙོ་བོ་དཀོན་མཆོག་ལ་རོགས་པ་གནང་ཕྱིར་འབོད། ང་ནི་ཁོང་དང་མཉམ་དུ་ཞུ་བ་འབུལ་གྱི་ཡོད།

²ང་ཡི་སྐྱོན་བརྗོད་ཚང་མ་ཁོང་དྲུང་འཁྱེར་ནས་ཡོད། ང་ཡི་དཀའ་ངལ་ཚང་མ་ཁོང་ལ་ཞུ་གི་ཡོད།

³ང་ནི་ཉམས་ཐག་པའི་དུས་སྐབས་སུ། ང་ཡིས་ཇི་བྱེད་དགོས་ལ་ཁོང་གི་མཁྱེན་གྱིས་ཡོད། ང་འགྲོ་བའི་ལམ་དུ་ང་ཡི་དགྲ་བོ་རྣམས་ཀྱིས་ངའི་ཕྱིར་རྙི་ཞིག་སྦས་ཡོད་དོ།

⁴ང་ཡིས་འགྲམ་ལ་བལྟ་དུས་ང་ལ་རོགས་པ་བྱ་མཁན་སུ་ཡང་མི་མཐོང། ང་ལ་སྲུང་སྐྱོབ་བྱ་མཁན་སུ་ཞིག་ཐོབ་མ་བྱུང་། ང་ལ་སུ་ཞིག་གིས་ཀྱང་དོ་སྣང་མི་བྱེད་དོ།

⁵གཙོ་བོ་དཀོན་མཆོག་ང་ལ་མགོན་སྐྱབས་ཆེད་དུ་ཁྱེད་ལ་འབོད་ཀྱིས་ཡོད། གཙོ་བོ་དཀོན་མཆོག་ཁྱེད་ནི་ང་ཡི་སྐྱབས་མཁན་ཡིན། མི་ཚེ་འདིའི་ནང་ང་ནི་ཁྱེད་རང་གཅིག་པུར་འདོད།

⁶རོགས་པའི་ཕྱིར་དུ་ང་ཡི་ཞུ་བར་གསན་དུ་གསོལ། གང་ལགས་ཟེར་ན་ངའི་སེམས་སྡུག་བསྔལ་ནང་ཚུད་ཡོད། ང་ཡི་དགྲ་བོ་རྣམས་ལས་ང་ལ་སྐྱོབ་ཏུ་གསོལ། ང་ཡི་ཕྱིར་དུ་དེ་ཚོ་སྟོབས་ཆེན་འགྱུར་ཡོད་དོ།

⁷ང་ཡི་དཀལ་ངལ་ཀུན་ལས་ང་ལ་སྒྲོལ་དུ་གསོལ། དེ་ནས་ཁྱེད་ཀྱི་འབངས་རྣམས་ཚོགས་སར་ང་ཡིས་ཁྱེད་ལ་བསྟོད། གང་ལགས་ཟེར་ན་ཁྱེད་ཀྱིས་ང་ལ་བཟང་པོ་གནང་ཡོད་དོ༎