Read Tibetan — པོད་སྐད་Tibetan Old Testament 2011 གསུང་མགུར 26 Bible Online

གསུང་མགུར 26 - Tibetan — པོད་སྐད་Tibetan Old Testament 2011 bible

གསུང་མགུར 26

¹ཀྱེ་གཙོ་བོ་དཀོན་མཆོག་ཁྱེད་ཀྱིས་ནི། ང་ལ་ཉེས་སྡིག་མེད་པར་བརྩི་བར་མཛོད། ང་ཡིས་བདེན་པ་ཇི་ཡིན་བྱེད་བཞིན་ཡོད། སེམས་ནས་ཁྱེད་ལ་བློ་བཅོལ་བྱེད་བཞིན་ཡོད།

²གཙོ་བོ་དཀོན་མཆོག་ང་ལ་ཚོད་ཞིབ་གནང་རོགས་གནང་། ང་ཡི་འདོད་པ་དང་ནི་བསམ་བློར་བརྟག་དཔྱད་མཛོད།

³ཁྱེད་ཀྱི་རྒྱུན་ལྡན་ཐུགས་བརྩེས་ང་ལ་ལམ་སྟོན་ཞིང་། ཁྱེད་ཀྱི་དམ་གཙང་ལྡན་པས་ང་ལ་སྣེ་འཁྲིད་གནང་།

⁴དོན་མེད་མི་དང་མཉམ་འགྲོགས་མི་བྱེད་དོ། ཟོག་པོ་ཚོ་དང་ང་ནི་ལག་འབྲེལ་མེད།

⁵མི་ངན་གྱི་ཚོགས་ང་ནི་སྡང་བཞིན་ཡོད། ངན་ཅན་མི་ཚོར་ང་ནི་གཡོལ་བཞིན་ཡོད།

⁶གཅོ་བོ་དཀོན་མཆོག་ང་ནི་ནོངས་མེད་ཡིན་པ་སྟོན་པའི་ཕྱིར་དུ་རང་གི་ལག་པ་བཀྲུས། ང་ནི་ཁྱེད་ཀྱི་མཆོད་ཁྲིར་སྐོར་བཞིན་མཆོད་འབུལ་བྱས།

⁷ངས་གཏང་རག་གི་མགུར་མ་ལེན་བཞིན་ཡོད། ཁྱེད་ཀྱི་མཛད་འཕྲིན་ངོ་མཚར་ཅན་སྐོར་ལ་བརྗོད་བཞིན་ཡོད།

⁸ཀྱེ་གཙོ་བོ་དཀོན་མཆོག་ང་ནི་ཁྱེད་ཀྱི་བཞུགས་གནས་དེར། ཁྱེད་ཀྱི་གཟི་བརྗེད་བཞུགས་པའི་གནས་དེར་གཅེས།

⁹ང་ནི་སྡིག་ཅན་མཉམ་དུ་ཚར་བཅས་མ་གནང་རོགས། སྲོག་གཅོད་པའི་སྐྱལ་བ་ལས་ང་ལ་སྐྱོབ་ཏུ་གསོལ།

¹⁰དེ་ཚོ་རྒྱུན་དུ་ལས་ངན་བྱེད་པ་དང་། ལྐོག་རྔན་ལེན་པར་གཏན་དུ་གྲ་སྒྲིགས་ཡོད།

¹¹ང་ནི་དྲང་པོ་ཇི་ཡིན་བདག་གིས་བྱེད་བཞིན་ཡོད། ང་ལ་སྙིང་རྗེ་གནང་ནས་སྐྱབས་རོགས་གནང་།

¹²ང་ནི་ཉན་ཀ་ཀུན་ལས་ཐར་ཡོད་དོ། ཁོང་གི་འབངས་ཀྱི་ཚོགས་བསྡུ་བའི་སར། ངས་ནི་གཙོ་བོ་དཀོན་མཆོག་ལ་བསྟོད་བསྔགས་འབུལ༎