Read Tibetan — པོད་སྐད་Tibetan Old Testament 2011 གསུང་མགུར 32 Bible Online

གསུང་མགུར 32 - Tibetan — པོད་སྐད་Tibetan Old Testament 2011 bible

གསུང་མགུར 32

¹སྡིག་པར་གཟོད་གསོལ་ཐོབ་མཁན་དང། དེ་ཡི་ནོར་འཁྲུལ་རྣམས་དགོངས་ཡངས་ཐོབ་མཁན་མི་དེ་དགའ།

²གཙོ་བོ་དཀོན་མཆོག་ཁོང་གིས་ལས་ངན་ཕྱིར་དུ་མི་དེ་ལ། ཉེས་ཅན་དང་གཡོ་སྒྱུ་ཅན་མ་རྩིས་པའི་མི་དེ་དགའ།

³ངས་རང་གི་སྡིག་པ་ངོས་ལེན་མ་བྱས་དུས། ང་ནི་ཉིན་གང་ངུས་ནས་ཐང་ཆད་དོ།

⁴ཉིན་མཚན་མེད་པར་གཙོ་བོ་དཀོན་མཆོག་ཁྱེད་ཀྱིས་ང་ལ་ཉེས་ཆད་གནང་། དབྱར་ཀའི་ཚ་བས་ཞ་སྐམ་པ་ལྟར། ང་ཡི་སྟོབས་ནི་རྒུད་ནས་སོང་ཡོད་དོ།

⁵དེ་ནས་ང་ཡིས་ཁྱེད་མདུན་སྡིག་པར་ངོས་ལེན་བྱས། ང་ཡིས་ནོར་འཁྲུལ་རྣམས་སྦས་ནས་བཞག་མེད་ཅིང་། ངས་ཁྱེད་མདུན་འགྱོད་པའི་ཐག་བཅད་བྱས། ང་ཡི་སྡིག་པ་ཡོངས་རྫོགས་ཁྱེད་ཀྱིས་བཟོད་གསོལ་གནང་ངོ་།

⁶དེར་བརྟེན་ཁྱེད་ཀྱིས་དམ་ཚིག་ཅན་མི་རྣམས་ལ་དགོས་མཁོའི་དུས། དེ་ཚོས་ཁྱེད་ལ་གསོལ་བ་འདེབས་དགོས་ཤིང་། ཆུ་རུད་འདྲ་བར་དཀའ་ངལ་ཡོང་བའི་དུས། དེ་ཡི་ཁོ་ཚོར་འཆང་མི་ཐུབ།

⁷ང་ནི་ཡིབ་པའི་གནས་ནི་ཁྱེད་ཡིན་ཞིང་། དཀའ་ངལ་སོགས་ལས་ཁྱེད་ཀྱིས་ང་ལ་སྐྱབས། ཁྱེད་ཀྱིས་ང་ལ་སྐྱབས་པའི་རྐྱེན་གྱིས་ནི། ངས་ཁྱེད་ཀྱི་ཐར་ལམ་སྐོར་ལ་ཤུགས་ཆེ་གླུ་བླངས་སོ།

⁸གཙོ་བོ་དཀོན་མཆོག་གི་གསུངས་པ། ཁྱོད་རང་འགྲོ་དགོས་ལམ་དེ་ངས་བསླབ་ཀྱི་ཡིན། ངས་ཁྱོད་ལ་བསླབ་བྱ་གྲོས་སོགས་སྟོན་གྱི་ཡིན།

⁹རྟ་དྲེལ་སོགས་དང་འདྲ་བར་གླེན་པར་མ་གྱུར་ཞིག། དེ་ཚོར་གཅུན་ཕྱིར་སྲབ་དང་མཐུར་སོགས་ཡོགས་ནས་ཁ་ལ་ཉན་པོ་བཟོས་དགོས་སོ།

¹⁰མི་ངན་འདི་ཚོས་དཀའ་ཚེག་མྱོང་དགོས་ཤིང་། འོན་ཀྱང་དཀོན་མཆོག་ལ་ནི་བློ་བཅོལ་ཞུ་མཁན་ཚོར། ཁོང་གིས་དེ་ཚོར་རྒྱུན་ལྡན་ཐུགས་བརྩེས་སྲུང་།

¹¹ཁྱོད་ཚོ་དྲང་བདེན་རྣམས་གཙོ་བོ་དཀོན་མཆོག་ཁོང་གི་ཅི་མཛད་པ་ལ། ཁྱོད་རྣམས་དེ་རྐྱེན་གྱིས་དགའ་ཞིང་མགུ་བར་བྱོས། ཁོང་གི་བཀའ་ལ་བརྩི་སྲུང་ཞུ་མཁན་རྣམས། དགའ་ཚོར་ཆེན་པོས་སྐད་བརྒྱབ་ཅིག།