Read Tibetan — པོད་སྐད་Tibetan Old Testament 2011 གསུང་མགུར 43 Bible Online

གསུང་མགུར 43 - Tibetan — པོད་སྐད་Tibetan Old Testament 2011 bible

གསུང་མགུར 43

¹ཀྱེ་དཀོན་མཆོག་ང་ནི་གནོང་མེད་ཡིན་པ་དཔང་པོ་མཛོད། ཆོས་མེད་མདུན་དུ་ངའི་ཕྱོགས་གསུང་གླེང་མཛོད། རྗུན་ཤོད་མཁན་དང་མི་ངན་ལག་ནས་སྐྱོབ་ཏུ་གསོལ།

²ཁྱེད་ནི་ང་ཡི་སྲུང་སྐྱོབ་ཡིན་པ་དང་། ཁྱེད་ཀྱིས་ང་ལ་ཅིའི་ཕྱིར་སྤངས་གནང་ངམ། དགྲ་བོས་ང་ལ་མནར་གཅོད་བྱེད་པའི་རྐྱེན། ང་ཡིས་ཅིའི་ཕྱིར་མྱོང་དགོས་སམ།

³ཁྱེད་ཀྱིས་འོད་དང་བདེན་པ་གཏོང་གནང་མཛོད། དེ་ཡིས་ང་ལ་འགྲོ་ལམ་བསྟན་པར་ཤོག། ཁྱེད་ཀྱི་དམ་པའི་རི་བོ་ཛི་ཡོན། ཁྱེད་ཀྱི་བཞུགས་གནས་མཆོད་ཁང་དུ་སྐྱེལ་བར་ཤོག།

⁴དེ་ནས་ང་ནི་ཁྱེད་ཀྱི་མཆོད་ཁྲིར་བཅར་ཀྱེ་དཀོན་མཆོག། ཁྱེད་ནི་ང་ཡི་དགའ་སྤྲོའི་འབྱུང་ཁུང་ཡིན། ངས་པི་ཝང་འཁྲོལ་ཞིང་ཁྱེད་ལ་བསྟོད་པ་དང་། ཀྱེ་དཀོན་མཆོག་ང་ཡི་དཀོན་མཆོག་ལགས།

⁵ཀྱེ་ངའི་སེམས་ཉིད་ཁྱོད་ནི་ཅི་ལ་ཕམ། ང་ཡི་ཁོག་ནང་ཅིའི་ཕྱིར་འཁྲུགས་པ་ཡིན། ང་ནི་དཀོན་མཆོག་ཁྱེད་ནང་རེ་བཅོལ་ཞུས། ང་ནི་སླར་ཡང་ཁོང་ལ་བསྟོད་རྒྱུ་ཡིན། ཁོང་ནི་ང་ཡི་སྐྱབས་མགོན་དཀོན་མཆོག་ཡིན༎