Read Tibetan — པོད་སྐད་Tibetan Old Testament 2011 གསུང་མགུར 47 Bible Online

གསུང་མགུར 47 - Tibetan — པོད་སྐད་Tibetan Old Testament 2011 bible

གསུང་མགུར 47

¹མི་རིགས་ཀུན་ལག་བརྡབ་ཀྱིས། སྐད་ཤུགས་ཆེན་པོས་ཁོང་ལ་བསྟོད་བསྔོགས་ཤིག།

²བླ་མེད་དཀོན་མཆོག་གཙོ་བོ་དཀོན་མཆོག་ཁོང་ལ་འཇིག་དགོས་སོ། ཁོང་ནི་རྒྱལ་པོ་ཆེན་པོ་ལགས། ཁོང་གིས་འཇིག་རྟེན་ཀུན་ཏུ་རྒྱལ་སྲིད་བསྐྱངས།

³མི་རིགས་ཚོ་ཡི་ཐོག་ཏུ་ང་ཚོར་རྒྱལ་ཁ་གནང་། རྒྱལ་ཁབ་ཐོག་ཏུ་ཁོང་གིས་ང་ཚོར་རྒྱལ་སྲིད་སྐྱོང་བཅུག་གོ།

⁴ཁོང་གིས་ང་ཚོ་བསྡད་པའི་གནས་འདི་ང་ཚོའི་ཆེད་དུ་འདམས། དེ་ནི་ཁོང་གིས་བརྩེ་བའི་འབངས་ཀྱིས་སྤོབས་པ་བྱེད་པའི་རྒྱུ་ནོར་ཡིན།

⁵དཀོན་མཆོག་རང་གི་བཞུགས་ཁྲིར་ཕེབས་ནས་བཞུགས། གཙོ་བོ་དཀོན་མཆོག་འདི་ལྟར་ཕེབས་དུས་དགའ་སྤྲོའི་སྐད་དང་དུང་སྐད་འབུད།

⁶དཀོན་མཆོག་ཁོང་ལ་བསྟོད་པའི་མགུར་མ་གཏོང་། ང་ཚོའི་རྒྱལ་པོར་བསྟོད་ཅིང་མགུར་མ་ལེན།

⁷འཇིག་རྟེན་ཀུན་ཐོག་དཀོན་མཆོག་རྒྱལ་པོ་ཡིན། མགུར་མ་ལེན་ནས་ཁོང་ལ་བསྟོད་བསྔོགས་ཤིག།

⁸དཀོན་མཆོག་ནི་ཉིད་ཀྱི་དམ་པའི་རྒྱལ་ཁྲིར་བཞུགས། ཁོང་གིས་མི་རིགས་རྣམས་ཐོག་ཏུ་རྒྱལ་སྲིད་སྐྱོང་།

⁹ཨབ་ར་ཧམ་གྱི་དཀོན་མཆོག་ཁོང་གི་མི་འབངས་དང་། མི་རིགས་སོ་སོའི་རྒྱལ་པོ་རྣམས་འཛོམས་འགྱུར། དམག་མི་ཡོངས་ལས་ཁོང་ནི་སྟོབས་ཆེ་ཞིང་། ཁོང་ནི་ཀུན་ལས་མཐོ་བའི་རྒྱལ་སྲིད་སྐྱོང༎